శుభకృత్ నామసంవత్సర తులారాశి ఫలితాలు తుల : చిత్త 3, 4 పాదాలు, స్వాతి, విశాఖ 1, 2, 3 పాదాలు ఆదాయం : 8 వ్యయం : 8 రాజ్యపూజ్యం:7 అవమానం : 5

శ్రీ శుభకృత్ నామ సంవత్సరంలో తులారాశివారికి గురుడు ఆరవ స్థానంలో, రాహు కేతువులు సప్తమం, జన్మంలోనూ, శని నాలుగో స్థానంలోనూ ఉన్నందున ఈ ఏడాది మిశ్రమ ఫలితాలున్నాయి.

అర్థాష్టమ శని ప్రభావం వల్ల గురుడు మంచి స్థానంలో ఉన్నప్పటికీ మంచి ఫలితాలు ఇవ్వలేడు.

ధైర్యం తక్కువగా ఉండటం వల్ల ప్రతిపనిలోనూ ముందుకు అడుగేయకుండా ఆలోచిస్తారు, కానీ మీ ఆలోచనా విధానం మార్చుకుని ముందడుగువేస్తే విశేష లాభాలుంటాయి

ఇతరులకు మంచి సలహాలు, సూచనలు ఇస్తారు, మీవల్ల చాలామందికి మేలు జరుగుతుంది , అన్ని వేళలా మిత్రుల సహకారం ఉంటుంది

ప్రయాణంలో ప్రమాదాలు జరుగుతాయి కానీ తృటిలో పెద్ద ప్రమాదం నుంచి బయటపడతారు జన్మంలో కేతువు, సప్తమంలో రాహువు ఉండటం వల్ల మనశ్సాంతి ఉండదు

కుటుంబంలో కలహాలతో విసిగిపోతారు ఉద్యోగులకు కార్యాలయంలో శుభాశుభాలు మిశ్రమంగా ఉంటాయి

విద్యార్థులు కష్టపడితేనే మంచి ఫలితాలు వస్తాయి

భాగస్వామ్య వ్యాపారాలు కలసిరావు ...ప్రస్తుతం చేస్తున్న వ్యాపారాలే శ్రేయస్కరం మార్కెట్ రంగాల వారు లక్ష్యాలను సాధిస్తారు

వైద్య, న్యాయ, సేవా రంగాల వారికి ఆదాయాభివృద్ధి ఉంటుంది విదేశీయాలకు వెళ్లాలనుకునేవారి కల ఫలిస్తుంది

మీరు చేయాలనుకున్న పనులను వేరేవారికి అప్పగించి ఉండిపోవద్దు, ఏ వ్యవహారంలో ఇతరులను అతిగా విశ్వశించవద్దు

ప్రతి విషయం స్వయంగా తెలుసుకోవటం ఉత్తమం. కార్యసాధనకు ఓర్పు ప్రధానం ఆదాయానికి తగ్గట్టుగా ఖర్చులుంటాయి

స్థిరచరాస్తుల క్రయ విక్రయాల్లో అప్రమత్తంగా వ్యవహరించండి. ఓవరాల్ గా చెప్పాలంటే మీరెంత సమర్థులైనప్పటికీ గ్రహబలం అనుకూలంగా లేదు..దైవబలం కలిసొస్తే విశేష ఫలితాలు సాధించగలుగుతారు