మిథునంలోకి కుజుడు -ఈ రాశులవారికి లక్కే లక్కు

అక్టోబరు 16న కుజుడు వృషభ రాశినుంచి మిథున రాశిలోకి ప్రవేశించనున్నాడు. అక్టోబరు 30 అదే రాశిలో తిరోగమనం చెంది మళ్లీ నవంబరు 13న వృషభంలోకి వక్రంగా ప్రయాణించనున్నాడు. ఈ నెల రోజుల పాటూ కొన్ని రాశులకు అన్నీ శుభఫలితాలే ఉన్నాయి.

మేష రాశి అంగారకుడి ఈ సంచారం వల్ల చాలా ఓపికగా మరియు ధైర్యంగా ఉంటారు. నిర్ణయాలు తీసుకోవడంలో ఎదురైన సమస్యలన్నీ తొలగిపోతాయి. ఉద్యోగులు ప్రశంసలు అందుకుంటారు. ఈ సమయంలో మీ కోపాన్ని అదుపులో పెట్టుకోండి లేదంటే మానసిక ఒత్తిడి పెరుగుతుంది.

సింహ రాశి అంగారకుడి ఈ సంచారం మీకు పందకొండో ఇంట ఉంది. ఆర్థిక పురోగతి ఉంటుంది. పెండింగ్ లో ఉన్న పనులన్నీ పూర్తిచేస్తారు. వైవాహిక జీవితం సంతోషంగా ఉంటుంది. కుటుంబ జీవితం ప్రశాంతంగా ఉంటుంది. వ్యాపారంలో లాభాలు వస్తాయి. పనిపై శ్రద్ధ పెడతారు.

కన్యా రాశి మిథునంలో కుజుడి సంచారం మీ కెరీర్లో అనుకూల ఫలితాలు పొందేలా చేస్తుంది. ఆర్థిక పరిస్థితి బాగానే ఉంటుంది. వాహనం మరియు ఆస్తిని కొనుగోలు చేయడానికి ప్లాన్ చేసుకునేందుకు ఇదే మంచిసమయం. పరిస్థితులన్నీ మీకు అనూకూలంగా ఉంటాయి.

ధనస్సు రాశి వృషభం నుంచి మిథున రాశిలో అంగారకుడి సంచారం వల్ల ధనస్సు రాశివారికి మంగళకర ఫలితాలున్నాయి. కుటుంబంలో శుభకార్యం నిర్వహిస్తారు లేదా హాజరవుతారు. ఉద్యోగులకు అదనపు బాధ్యతలు పెరుగుతాయి. ఆధ్యాత్మిక వ్యవహారాలపై ఆసక్తి పెరుగుతుంది. సంతోషంగా ఉంటారు.

మకర రాశి రాశిమారుతున్న కుజుడు మకరరాశివారికి మంచి ఫలితాలు ఇస్తాడు. మీరు శత్రువులపై విజయం సాధిస్తారు. పోటీ స్ఫూర్తి కారణంగా, విద్య, ఉద్యోగ, వ్యాపారంలో పురోగతి సాధిస్తారు.ముఖ్యమైన నిర్ణయాలు తీసుకునేందుకు ఇదే మంచి సమయం.

కుంభ రాశి కుంభరాశివారికి కూడా అనుకూల ఫలితాలున్నాయి. స్థిరాస్తిని కొనుగోలు చేసేందుకు ఇదే మంచి సమయం. స్నేహితులతో కలసి సంతోష సమయం గడుపుతారు. భాగస్వామ్యంతో కొత్త వ్యాపారం ప్రారంభించేందుకు ఇదే మంచి సమయం.

కుజుడి సంచారం బావుంటే నిరుద్యోగులు మంచి ఉద్యోగాల్లో స్థిరపడతారు, ఉన్నత ఉద్యోగం పొందుతారు,ఆర్థిక పరిస్థితి అనుకోనంతగా మెరుగుపడుతుంది.

నోట్: ఆయా రాశిలో ఫలితాలన్నీ ఒక్కరికే వర్తిస్తాయని భావించరాదు. మీ జాతకం, గ్రహస్థితి ఆధారంగా కూడా మారుతాయి. వ్యక్తిగత వివరాల కోసం అనుభవజ్ఞులైన జ్యోతిష్య పండితులను సంప్రదించగలరు