జుట్టు చివర్లు చిట్లిపోతున్నాయా? స్ప్లిట్ ఎండ్స్ తగ్గించే చిట్కాలు ఇవే

స్ప్లిట్ ఎండ్స్ ఒకసారి వచ్చిన తర్వాత అవి పూర్తిగా పోవు. అందుకే ప్రతి 6–8 వారాలకు ఒకసారి జుట్టు చివర్లను కొద్దిగా ట్రిమ్ చేయడం మంచిది.

హెయిర్ స్ట్రెయిటనర్, కర్లింగ్ ఐరన్, బ్లో డ్రైయర్ వంటి పరికరాలను తరచూ ఉపయోగించడం వల్ల జుట్టులోని సహజ తేమ తగ్గిపోతుంది.

జుట్టు చివర్లకు తేమ అందించడానికి హెయిర్ సీరమ్ లేదా లీవ్-ఇన్ కండిషనర్ ఉపయోగపడుతుంది.

డీప్ కండిషనింగ్ మాస్క్‌లు జుట్టుకు అవసరమైన తేమ, పోషకాలను అందిస్తాయి. డ్రై, డ్యామేజ్ అయిన జుట్టుకు ఇవి మంచి ఫలితాలను ఇస్తాయి.

తడి జుట్టు బలహీనంగా ఉంటుంది. ఈ సమయంలో గట్టిగా దువ్వడం వల్ల జుట్టు విరిగిపోవచ్చు. కాబట్టి ఆ అలవాటు మానుకోండి.

కొబ్బరి నూనె, ఆలివ్ ఆయిల్ వంటి సహజ నూనెలు జుట్టుకు తేమను అందిస్తాయి. వీటిని వారానికి ఒకటి లేదా రెండు సార్లు అప్లై చేస్తే మంచిది.

హెయిర్ కలరింగ్, బ్లీచింగ్, రీబాండింగ్ వంటి ప్రక్రియలు జుట్టు నిర్మాణాన్ని బలహీనపరుస్తాయి. ఇవి స్ప్లిట్ ఎండ్స్ పెంచుతాయి.

జుట్టు ఆరోగ్యానికి ప్రోటీన్, బయోటిన్, ఐరన్, విటమిన్ A, C, E వంటి పోషకాలు అవసరం. గుడ్లు, పప్పులు, ఆకుకూరలు, నట్స్ వంటి ఆహారాలను డైట్‌లో చేర్చుకోవాలి.

కాటన్ దిండ్లతో పోలిస్తే సిల్క్ లేదా శాటిన్ పిల్లో కవర్లు జుట్టుపై రాపిడిని తగ్గిస్తాయి. దీంతో జుట్టు విరిగిపోవడం, చివర్లు చిట్లిపోవడం కొంతవరకు తగ్గవచ్చు.

బిగుతుగా పోనీటెయిల్ లేదా బన్ వేయడం వల్ల జుట్టుపై ఒత్తిడి పెరుగుతుంది. దీని వల్ల జుట్టు బలహీనపడి స్ప్లిట్ ఎండ్స్ వస్తాయి.