Villagers Crossing Flood Flow In Vechareni Siddipet District: సోషల్ మీడియాలో వైరల్

సిద్దిపేట జిల్లా చేర్యాల మండలం వేచరేణి గ్రామవాసుల దుస్థితి ఇది. ఏడాదంతా ఎలాంటి ఇబ్బందులూ ఉండవు కానీ.... వానాకాలంలో వాగుకు వరద వస్తే మాత్రం ఇలా తీవ్ర ఇబ్బందులు పడాల్సిందే. ఇక్కడ ఓ వ్యక్తి అంత్యక్రియల కోసం ఇలా నడుములోతు వరద ప్రవాహంలోనే నడుచుకుంటూ వెళ్లాల్సి వచ్చింది. నిన్న గ్రామంలో బాలయ్య అనే వ్యక్తి చనిపోయాడు. బంధువులు, కుటుంబసభ్యులు పాడె మోసుకుంటూ.... ఈ ప్రవాహంలోనే కష్టాలు పడుతూ ముందుకెళ్లారు. ఈ వీడియో సోషల్ మీడియాలో వైరల్ అయింది. వేచరేణి వాగుపై లో లెవెల్ కాజ్ వే నిర్మాణానికి జనవరిలో కోటీ 96 లక్షలు మంజూరై.... టెండర్లు పూర్తైనప్పటికీ.... కాంట్రాక్టు దక్కించుకున్న సదరు కాంట్రాక్టర్.... పనులు మొదలుపెట్టలేదని గ్రామస్థులు చెబుతున్నారు.