Trisha Counters Nainar Nagendran | 'త్రిష ఇంటి నుంచి బయటకు రా' కామెంట్స్ పై లీగల్ రిప్లై | ABP Desam

 సినీనటి త్రిష తమిళనాడు బీజేపీ చీఫ్ నాయనర్ నాగేంద్రన్ కు స్ట్రాంగ్ రిప్లై ఇచ్చారు. ఇటీవల తమిళనాడు బీజేపీ చీఫ్ నాగేంద్రన్...తమిళ వెట్రి కళగం టీవీకే పార్టీ అధినేత, సినీ నటుడు విజయ్ ను ఉద్దేశించి కొన్ని వ్యక్తిగత వ్యాఖ్యలు చేశారు. ప్రజల గురించి మాట్లాడాలన్నా ప్రజల కష్టాల గురించి తెలియాలన్నా ముందు విజయ్ త్రిష ఇంటి నుంచి బయటకు రావాలంటూ కామెంట్స్ చేశారు నాగేంద్రన్. నేరుగా బీజేపీ రాష్ట్ర అధ్యక్షుడే ఈ కామెంట్స్ చేసే సరికి టీవీకే అభిమానులు తీవ్ర ఆగ్రహాన్ని వ్యక్తం చేశారు. త్రిష విజయ్ సహజీవనం అంటూ బీజేపీ ట్రోల్స్ చేస్తుండగా..నాగేంద్రన్ వ్యాఖ్యలతో టీవీకే తో పాటు డీఎంకే నేతలు కూడా ఖండిస్తున్నారు... తాజాగా ఈ వివాదంపై స్పందించారు. త్రిష తరపున ఆమె అడ్వొకేట్ అండ్ అడ్వైజర్ ఓ పబ్లిక్ స్టేట్మెంట్ ఇచ్చారు.  ఓ జాతీయ పార్టీకి రాష్ట్ర అధ్యక్షుడిగా ఉన్న వ్యక్తి చేసిన కామెంట్స్ ను  త్రిష తన స్టేట్మెంట్ లో ఖండించారు. తనను కించపరచాలని..రాజకీయాల్లోకి లాగాలని చూస్తే సహించనన్న త్రిష...తనకు ఏ రాజకీయ పార్టీతోనూ ఎలాంటి అనుబంధం లేదని తేల్చి చెప్పారు. రాజకీయాల విషయంలో తన వైఖరి ఎప్పుడూ తటస్థంగానే ఉంటుందని క్లారిటీ ఇచ్చారు. వ్యక్తిగత జీవితాలపై మాట్లాడే హక్కు ఎవ్వరికీ ఉండదని రిప్లై ఇచ్చిన త్రిష..తనను విమర్శించాలన్నా విశ్లేషించాలన్నా అది కేవలం సినిమాలు, నటన వరకే ఉండాలన్నారు. తన గౌరవానికి భంగం కలిగేలా వచ్చే ఎలాంటి వ్యాఖ్యలను సహించనంటూ తన అడ్వొకేట్ నిత్యయేశ్ నటరాజ్ ద్వారా పబ్లిక్ స్టేట్మెంట్ ఇప్పించారు త్రిష.