Building Gaddelu in Medaram Jatara 2026 | మేడారంలో వినూత్న రీతిలో భక్తుల పూజలు | ABP Desam

ములుగు జిల్లాలోని మేడారం సమ్మక్క సారక్క జాతరలో దేశ నలుమూలల నుండి వచ్చిన భక్తులు తమ సాంప్రదాయ రీతిలో పూజలు నిర్వహించి మొక్కులు చెల్లిస్తున్నారు. గద్దెలపై కొలువు తీరిన వన దేవతలు అియన సమ్మక్క సారక్క ల ను దర్శించుకుని సుదూర ప్రాంతాల నుంచి భక్తులు కోట్లాదిగా తరలివస్తున్నారు. తమకు తోచిన రీతిలో నిలువెత్తు బంగారాన్ని తులాభారం వేస్తూ వన దేవతలైన సమ్మక్క సారక్క కు మొక్కులు చెల్లించుకుంటున్నారు. అయితే  కోరిన కోరికలు నెరవేర్చే వన దేవతలను మేడారంలో ప్రత్యేకంగా అక్కడే గుడారాలు వేసుకొని మూడు రోజుల పాటు ఉండి గద్దెలు కట్టి సాంప్రదాయ రీతిలో పూజలు నిర్వహించి మొక్కులు చెల్లిస్తున్న దృశ్యాలు అందరినీ ఆకట్టుకుంటున్నాయి. అసలు సమ్మక్క సారలమ్మకు ఇలా ప్రత్యేకంగా గద్దెలు కట్టి సాంప్రదాయ పూజలు ఏ విధంగా చేస్తారు..? మేడారం జాతరలో భక్తులు చేసే అత్యంత ప్రాచీన పవిత్రమైన ఆదివాసీ ప్రత్యేక పూజ విశేషాలు ఈ వీడియోలో చూద్దాం.