Women's T20 Asia Cup 2026 india vs hong kong | హాంకాంగ్‌ను చిత్తు చేసి సెమీస్‌లోకి భారత్
మహిళల టీ20 ఆసియా కప్ 2026లో భారత మహిళల జట్టు విజయభేరి మోగించింది. గ్రూప్-ఎ మ్యాచ్‌లో హాంకాంగ్‌ను 137 పరుగుల భారీ తేడాతో చిత్తు చేసి దర్జాగా సెమీఫైనల్లోకి అడుగుపెట్టింది. టాస్ ఓడి మొదట బ్యాటింగ్ చేసిన భారత్ 20 ఓవర్లలో 5 వికెట్లకు 193 పరుగుల స్కోరు సాధించింది.
ఓపెనర్, స్టార్ వైస్ కెప్టెన్ స్మృతి మంధాన మొదటి బంతి నుంచే హాంకాంగ్ బౌలర్లను ఉతికారేసింది. కేవలం 64 బంతుల్లో 14 ఫోర్లు, 7 సిక్సర్లతో 124 పరుగుల సెంచరీతో మైదానాన్ని హోరెత్తించింది. మరో ఓపెనర్ షెఫాలీ వ‌ర్మతో కలిసి తొలి వికెట్‌కు 74 పరుగులు జోడించి బలమైన పునాది వేసింది. ఈ చారిత్రాత్మక ఇన్నింగ్స్‌తో స్మృతి మంధాన అంతర్జాతీయ మహిళల క్రికెట్‌లో అత్యధిక పరుగులు చేసిన బ్యాటర్‌గా మాజీ కెప్టెన్ మిథాలీ రాజ్‌ను వెనక్కి నెట్టి ప్రపంచ రికార్డు సృష్టించింది.
194 పరుగుల లక్ష్యంతో బరిలోకి దిగిన హాంకాంగ్, భారత బౌలర్ల ధాటికి 16.2 ఓవర్లలోనే కేవలం 56 పరుగులకే కుప్పకూలింది. భారత స్పిన్ ఆల్‌రౌండర్ దీప్తి శర్మ 9 పరుగులిచ్చి 3 వికెట్లు పడగొట్టింది. బ్యాటింగ్‌లో మంధాన విశ్వరూపం, బౌలింగ్‌లో దీప్తి మ్యాజిక్‌తో టీమిండియా ఆసియా కప్‌లో వరుసగా రెండో విజయాన్ని నమోదు చేసుకుంది.
టాప్ హెడ్ లైన్స్
ట్రెండింగ్ వార్తలు
