Vaibhav Suryavanshi Performance IPl 2026 | వైభవ్ విధ్వంసానికి గవాస్కర్ ఫిదా

ఐపీఎల్ లో 15 ఏళ్ల కుర్రాడు .. వరల్డ్ లోనే బెస్ట్ బౌలర్స్ ను కూడా వణికిస్తున్నాడు. అతనే రాజస్థాన్ రాయల్స్ యువ సెన్సేషన్ వైభవ్ సూర్యవంశీ. తన అద్భుత ఫామ్‌తో సరికొత్త చరిత్ర సృష్టించాడు. పంజాబ్ కింగ్స్‌తో జరిగిన మ్యాచ్‌లో కేవలం 16 బంతుల్లోనే 5 సిక్సర్లు, 3 ఫోర్లతో 43 పరుగులు చేసిన వైభవ్, ఈ సీజన్‌లో 400 పరుగుల మైలురాయిని అందుకున్న తొలి బ్యాటర్‌గా నిలిచాడు.

వైభవ్ సూర్యవంశీ కేవలం 167 బంతుల్లోనే 400 పరుగులు పూర్తి చేసి, ఐపీఎల్ చరిత్రలోనే అత్యంత వేగంగా ఈ ఫీట్ ను సాధించిన ప్లేయర్ రికార్డు నెలకొల్పాడు. వైభవ్ స్ట్రైక్ రేట్ ఏకంగా 238.09 ఉండటం విశేషం. 

వైభవ్ ఆడుతున్న తీరుపై సునీల్ గవాస్కర్ ప్రశంసల జల్లు కురిపించారు. "వైభవ్ కొడుతున్న షాట్లు సూపర్. అతని కోసం బౌండరీ లైన్ వద్ద 10 మంది ఫీల్డర్లను పెట్టినా ఆపడం అసాధ్యం. చిన్న వయసు కావడం వల్ల ఏ బౌలర్‌ను చూసి అతను భయపడటం లేదు, కేవలం బాల్ ను మాత్రమే చూసి బాదుతున్నాడు" అని గవాస్కర్ అంటున్నారు. వైభవ్ వల్ల మిగిలిన టీమ్స్ కు పెద్ద సవాల్‌గా మారిందని ఆయన అభిప్రాయపడ్డారు.