Vaibhav Suryavanshi Duleep Trophy Final Knock | దులీప్ ట్రోఫీ ఫైనల్లో వైభవ్ విధ్వంసం

Continues below advertisement

దులీప్ ట్రోఫీ 2026-27 ఫైనల్ పోరులో యువ సంచలనం వైభవ్ సూర్యవంశీ మరోసారి తన బ్యాటింగ్‌తో అదరగొట్టాడు. చెన్నైలో ఈస్ట్ జోన్, సౌత్ జోన్ మధ్య జరిగిన ఈ టైటిల్ ఫైట్‌లో ఈస్ట్ జోన్ ఓపెనర్‌గా బరిలోకి దిగిన వైభవ్ తొలి ఇన్నింగ్స్‌లోనే చెలరేగాడు. కేవలం 37 బంతుల్లోనే 5 ఫోర్లు, ఒక సిక్సర్‌తో 44 పరుగులు చేసి ఇన్నింగ్స్‌కు గట్టి పునాదివేశాడు.

ఈస్ట్ జోన్ కెప్టెన్ ఇషాన్ కిషన్ టాస్ గెలిచి బ్యాటింగ్ ఎంచుకోగా, వైభవ్ క్రీజులోకి వచ్చిన క్షణం నుంచే సౌత్ జోన్ బౌలర్లపై దాడి ప్రారంభించాడు. టీమిండియా స్టార్ పేసర్ మహమ్మద్ సిరాజ్ వేసిన ఇన్నింగ్స్ మూడో ఓవర్ తొలి బంతికే అద్భుత బౌండరీ బాదిన వైభవ్, ఆ తర్వాత సిరాజ్ ఓవర్లోనే ఏకంగా 14 పరుగులు రాబట్టుకొని ఒత్తిడి పెంచాడు. మహ్మద్ నిధిష్ బౌలింగ్‌లోనూ వరుస ఫోర్లతో చెలరేగాడు. మరొక ఓపెనర్ తో కలిసి తొలి వికెట్‌కు ఏకంగా 100 పరుగుల శతక భాగస్వామ్యాన్ని నెలకొల్పాడు.

అయితే, ఫాస్ట్ బౌలర్ వేసిన షార్ట్ పిచ్ బంతిని సిక్సర్‌గా మలచి హాఫ్ సెంచరీ పూర్తి చేసుకోవాలని ప్రయత్నించిననప్పుడు క్యాచ్ అవుట్ అయి హాఫ్ సెంచరీ మిస్ అయ్యాడు. కాగా, ఈ టోర్నీ సెమీఫైనల్స్‌లో 92, 40 పరుగులతో మెరిసిన వైభవ్, దులీప్ ట్రోఫీ చరిత్రలోనే హాఫ్ సెంచరీ సాధించిన అతి చిన్న వయస్కుడిగా ఇప్పటికే రికార్డు సృష్టించాడు.

Continues below advertisement

JOIN US ON

Whatsapp
Telegram
Continues below advertisement
Sponsored Links by Taboola