Vaibhav Sooryavanshi Success Story | వైభవ్ సక్సెస్ వెనుక ఉన్న ఆరేళ్ల కఠిన శ్రమ
కేవలం 15 ఏళ్ల వయసులోనే వరల్డ్ క్రికెట్ దృష్టిని ఆకర్షించిన వండర్కిడ్ వైభవ్ సూర్యవంశీ. ఐపీఎల్ గత రెండు సీజన్లలో 237 ప్లస్ స్ట్రైక్ రేట్తో అందరినీ ఆశ్చర్యపరిచిన ఈ బ్యాటర్ సక్సెస్ వెనుక ఆరేళ్ల కఠిన శ్రమ దాగి ఉంది. ప్రస్తుతం యూకే టూర్కు వెళ్లే ఇండియా టీ20 జట్టుకు సెలెక్ట్ అయిన వైభవ్ జర్నీ గురించి అతని కోచ్ మనీష్ ఓఝా షేర్ చేసిన విషయాలు ప్రతి ఒక్కరినీ ఇన్స్పైర్ చేస్తాయి.
పాట్నాలోని తన అకాడమీలో ఎనిమిదేళ్ల వయసు నుంచే వైభవ్ ప్రాక్టీస్ మొదలైంది. రోజుకు కనీసం 600 బంతులు అంటే దాదాపు 100 ఓవర్లు వైభవ్ ఫేస్ చేసేవాడని కోచ్ తెలిపారు. ఉదయం 7.30 గంటల నుంచి సాయంత్రం 4 గంటల వరకు నాన్స్టాప్గా సాగే ఈ ప్రాక్టీస్ సెషన్లలో కోచ్, సపోర్ట్ స్టాఫ్ మరియు బౌలర్లు అలసిపోయినా.. వైభవ్ మాత్రం బౌలింగ్ మెషిన్ల సాయంతో తన బ్యాటింగ్ కంటిన్యూ చేసేవాడు.
వైభవ్ కెరీర్ కోసం అతని పేరెంట్స్ సంజీవ్, ఆర్తి ఎన్నో త్యాగాలు చేశారు. సమస్తీపూర్ నుంచి రెండున్నర గంటల పాటు ప్రయాణించి ప్రతిరోజూ తెల్లవారుజామున 5 గంటలకే వైభవ్ తన తండ్రితో కలిసి అకాడమీకి చేరుకునేవాడు. అతని తల్లి ఆర్తి ప్రతిరోజూ అర్ధరాత్రి 2 గంటలకే లేచి.. వైభవ్ తో పాటు అకాడమీలోని ఇతర పిల్లల కోసం 15 మందికి సరిపోయే భోజనాన్ని ప్రిపేర్ చేసి పంపేదని కోచ్ ఎమోషనల్ గా గుర్తుచేసుకున్నారు.