Vaibhav Sooryavanshi 96 Runs Highlights IPL 2026 | వైభవ్ సూర్యవంశీని వెంటాడిన దురదృష్టం
యూనివర్సల్ బేబీ బాస్ వైభవ్ సూర్యవంశీని మళ్లీ దురదృష్టం వెంటాడింది. క్వాలిఫయర్-2లో గుజరాత్ టైటాన్స్పై ఈ 15 ఏళ్ల కుర్రాడు తృటిలో సెంచరీ చేజార్చుకున్నాడు. సన్రైజర్స్తో జరిగిన ఎలిమినేటర్లో 97 రన్స్కే అవుటైన వైభవ్.. ఇప్పుడు గుజరాత్పై కూడా 96 పరుగుల వద్దే అవుట్ అయ్యాడు.
టాస్ గెలిచి బ్యాటింగ్కు దిగిన రాజస్థాన్కు ఆరంభంలోనే కోలుకోలేని షాక్ తగిలింది. సిరాజ్ వేసిన తొలి ఓవర్లోనే జైస్వాల్, రబాడ వేసిన రెండో ఓవర్లోనే ధ్రువ్ జురెల్ చెరో పరుగుకే అవుటయ్యారు. ఈ టైంలో వైభవ్ సూర్యవంశీ.. సీనియర్ ప్లేయర్ రవీంద్ర జడేజాతో కలిసి ఇన్నింగ్స్ను నిలబెట్టాడు. వీరిద్దరి ధాటికి పవర్ప్లేలోనే రాజస్థాన్ 70 పరుగులు చేసింది. ఆ తర్వాత జడేజా రిటైర్డ్ హర్ట్గా వెనుదిరగడం.. కెప్టెన్ రియాన్ పరాగ్ 11, షనక 3, ఆర్చర్ 7 పరుగులకే అవుట్ కావడంతో రాజస్థాన్ మళ్లీ కష్టాల్లో పడింది.
ఈ దశలో జడేజా మళ్లీ బ్యాటింగ్కు రాగా.. వైభవ్ సూర్యవంశీ సిక్సర్ల వర్షం కురిపించాడు. 31 బంతుల్లో హాఫ్ సెంచరీ పూర్తి చేసుకున్న ఈ బేబీ బాస్.. ఆ తర్వాత కేవలం 15 బంతుల్లోనే సెంచరీకి చేరువయ్యాడు. మొత్తంగా 47 బంతుల్లో 8 ఫోర్లు, 7 సిక్స్లతో 96 పరుగులు చేసి రబాడ బౌలింగ్లో అవుటయ్యాడు. వైభవ్ వెనుదిరిగినా.. ఆఖర్లో డోనవన్ ఫెరీరా కేవలం 11 బంతుల్లో 4 సిక్సర్లతో 38 రన్స్ చేయగా, జడేజా 45 పరుగులతో నాటౌట్గా నిలిచాడు.