Under19 World Cup Team India | టీమిండియా హ్యాట్రిక్ విజయం

అండర్ 19 వన్డే ప్రపంచకప్ 2026లో ( Under-19 ODI World Cup 2026 ) టీమిండియా జోరుమీద ఉంది. వరుసగా మూడో మ్యాచ్‌లో గెలిచి హ్యాట్రిక్ విక్టరీని నమోదు చేసింది. భారత అండర్ 19 టీమ్ 204 పరుగుల భారీ తేడాతో జింబాబ్వేను ( Zimbabwe ) చిత్తు చేసింది.

ఈ మ్యాచ్‌లో ముందుగా బ్యాటింగ్ చేసిన భారత్ 50 ఓవర్లలో 8 వికెట్లకు 352 పరుగులు చేసింది. విహాన్ మల్హోత్రా ( Vihan Malhotra ) 107 బంతుల్లో 109 పరుగులు చేసి నాటౌట్ గా నిలిచాడు. వైభవ్ సూర్యవంశీ ( Vaibhav Suryavanshi ) 30 బంతుల్లో 52 పరుగులు చేసాడు. కెప్టెన్ ఆయుష్ మాత్రే ( Captain Ayush Matre ) మరోసారి నిరాశపర్చాడు.

అనంతరం జింబాబ్వే 37.4 ఓవర్లలో 148 పరుగులకే కుప్పకూలింది. భారత్ చేసిన 352 పరుగుల్లో జింబాబ్వే ( India vs Zimbabwe ) సగం కూడా చేయలేకపోయింది. బ్యాటింగ్ తో నిరాశపరిచిన కెప్టెన్ ఆయుష్ మాత్రే బౌలింగ్‌లో చెలరేగాడు. మూడు కీలక వికెట్లను పడగొట్టి పతనానికి కారణమైయ్యాడు. భారత్ వరుసగా మూడు మ్యాచ్‌లు గెలిచి ప్రస్తుతం టేబుల్ టాపర్‌గా కొనసాగుతోంది.