Suryakumar Yadav about Abhishek Sharma Form | అభిషేక్ ఫార్మ్ పై సూర్య కామెంట్స్
టీమిండియా మ్యాచ్ అంటే చాలు స్టార్ ఓపెనర్ అభిషేక్ శర్మ ( Abhishek Sharma ) డకౌట్ల గురించే చర్చ జరుగుతోంది. అయితే మేనేజ్మెంట్ నుంచి అభిషేక్ శర్మకు కావాల్సినంత సపోర్ట్ లభిస్తోంది. అభిషేక్ శర్మ డకౌట్లపై టీమిండియా కెప్టెన్ సూర్యకుమార్ ( Suryakumar Yadav ) సరదాగా స్పందించాడు. తాను ఆందోళన చెందుతున్నది అభిషేక్ శర్మ ఫామ్ గురించి కాదని, ప్రత్యర్థి జట్ల గురించి ఆందోళన చెందుతున్నానని తనదైనశైలిలో బదులిచ్చాడు.
‘అభిషేక్ శర్మ ఫామ్ గురించి ఆందోళన చెందుతున్న వారిని చూసి నేను ఆందోళన చెందుతున్నాను. అభిషేక్ శర్మ భవిష్యత్తులో ఎవరితో ఆడబోతున్నాడో ఆ జట్ల గురించి ఆందోళన చెందుతున్నారు. భవిష్యత్తులో అతనిని ఎదుర్కోబోయే జట్ల గురించి ఎక్కువ ఆందోళనగా ఉన్నారు. గత సంవత్సరం అభిషేక్ చాలా చేశాడు. ఇప్పుడు అతనికి మేం సహకరించాల్సిన సమయం వచ్చింది’ అని సూర్య మద్దతుగా నిలిచాడు.
ప్రతి మ్యాచులో 250 పరుగులు చేయాల్సిన అవసరం లేదని సూర్యకుమార్ యాదవ్ అన్నాడు. వికెట్లు కొంచెం భిన్నంగా ఉన్నాయని చెప్పారు. తదుపరి మ్యాచ్లలో వచ్చే పిచ్ సవాళ్లను తాము ఎదుర్కొంటామని తెలిపారు. ఎటువంటి వికెట్లకైనా అలవాటు పడటానికి మేం సిద్ధంగా ఉన్నామని నేను భావిస్తున్నాను. వాంఖడేలో మా జర్నీ ప్రారంభించినప్పటి నుండి ఆడిన చివరి మ్యాచ్ వరకు పలు రకాల వికెట్లపై ఆడుతూనే ఉన్నాం. ఆ వికెట్లు మరీ ఛాలెంజ్ తో కూడుకున్నవి కాకపోయినా, కొంచెం గమ్మత్తుగా ఉన్నాయి. అయితే పవర్ ప్లే తర్వాత మేం ఎలా బ్యాటింగ్ చేయాలి, ఆపై మ్యాచ్ను ఎలా ముగించాలి అనే దానిపై అవగాహన ఉండటానికి సరిపడా క్రికెట్ ఆడాం అని అంటున్నాడు సూర్యకుమార్ యాదవ్