Sanju Samson Failures CSK IPL 2026 | తొలి రెండు మ్యాచుల్లోనూ సంజూ విఫలం | ABP Desam
సంజూ శాంసన్. టీ20 వరల్డ్ కప్ 2026 లో భారత్ కు నాకౌట్ మ్యాచుల్లో ఒంటిచేత్తో విజయాలు అందించిన హీరో. అతను కెరీర్ డిఫైన్ అయిపోయింది ఆ వరల్డ్ కప్ విక్టరీతో. పదిహేనేళ్ల కష్టానికి ఓవర్ నైట్ లో గుర్తింపు వచ్చింది. ఇక సంజూ కొత్తగా ఎవరికో ప్రూవ్ చేసుకోవాల్సింది ఏమీ మిగల్లేదు. అయితే ఇప్పుడు ఆయన ఆ ఫామ్ ను ఆ స్ట్రీక్ ను కంటిన్యూ చేయాల్సిన టైమ్. రీజన్..తనకి ఎంతో ఇష్టమైన చెన్నై సూపర్ కింగ్స్ కి ఐపీఎల్లో సంజూ ప్రాతినిథ్యం వహిస్తున్నాడు. మాజీ కెప్టెన్ ఎంఎస్ ధోనికి మే బీ ఇది లాస్ట్ ఐపీఎల్ సీజన్. పైగా గాయాలతో సతమతమవుతున్నాడు. పైగా మ్యాచ్ లు కూడా ఆడటం లేదు. అలాంటిది ధోని లేని టైమ్ లో టీమ్ కి పెద్దన్నలా ఉంటాడనే అద్భుతమైన ఆల్ రౌండర్ జడేజాను రాజస్థాన్ రాయల్స్ కి వదులుకుని మరీ సంజూను ట్రేడ్ చేసుకుంది చెన్నై సూపర్ కింగ్స్. టీ20 వరల్డ్ కప్ లో సంజూ సూపర్ హిట్ కావటంతో ఆ ఫామ్ చెన్నైకి కూడా ఉపయోగపడుతుంది..యంగ్ స్టర్స్ ను గైడ్ చేస్తాడని యాజమాన్యం భావించింది. కానీ సంజూ శాంసన్ చెన్నైకి మొదటి రెండు మ్యాచుల్లోనూ ఘోరంగా విఫలమయ్యాడు. అదేంటో రెండు మ్యాచుల్లోనూ సరిగ్గా 7, 7 బంతులే ఆడాడు. మొదటి మ్యాచులో 6 పరుగులు చేస్తే..రెండో మ్యాచులో 7పరుగులే చేశాడు. ధోని లేని టైమ్ లో జెర్సీ నెంబర్ 7 స్థాయిలో టీమ్ కి అండగా ఉంటాడు అనుకుంటే ఇలా 7బంతులు మాత్రమే ఆడటం 7పరుగులు మించి చేయకపోవటం చూసి తలా ఫర్ ఏ రీజన్ అని కామెంట్స్ చేస్తున్నారు. మరి ధోని టీమ్ లోకి తిరిగొస్తే కానీ సంజూ ఆడడా..లేదా రెండు మూడు మ్యాచుల్లో మెరవటం...తర్వాత ఫెయిల్ అవటం..టీమ్ లో ఛాన్స్ కోసం ఎదురు చూడటం లాంటి జస్టిస్ స్టార్ పేరుకు సార్థకత చేకూర్చే కార్యక్రమాన్ని మళ్లీ మొదలుపెట్టాడా చూడాలి.