Priyansh Arya 39 vs CSK IPL 2026 | పవర్ ప్లే లో రఫ్పాడించి మ్యాచ్ ను పంజాబ్ వైపు తిప్పేశాడు | ABP Desam
ఆడింది జస్ట్ 11 బాల్స్..చేసింది 39 పరుగులు...కానీ ప్లేయర్ ఆఫ్ ది మ్యాచ్ అవార్డు కొట్టేశాడు పంజాబ్ ఓపెనర్ ప్రియాంశ్ ఆర్య. తన కంటే ఎక్కువ పరుగులు చేసిన ప్రభ్ సిమ్రన్ ఉన్నాడు.. ఛేజింగ్ లో హాఫ్ సెంచరీ కొట్టిన కెప్టెన్ శ్రేయస్ అయ్యర్ ఉన్నాడు. అయినా ప్రియాంశ్ ఆర్యకే ప్లేయర్ ఆఫ్ ది మ్యాచ్ ఎందుకు దక్కింది అనేది కొంత మంది ఆశ్చర్యానికి గురి చేసి ఉండొచ్చు. ఎందుకంటే అతను ఆడిన తీరు అంత అగ్రెసివ్ గా ఉంది మరి. ఫస్ట్ మ్యాచ్ లో త్వరగా ఔటైపోయానన్న కసి మీదున్నాడో ఏమో కళ్ల ముందు 210 పరుగుల లక్ష్యాన్ని చెన్నై పెడితే ఊది పారేసే ఆరంభాన్ని ఇచ్చాడు. జస్ట్ 11 ఆడాడు పవర్ ప్లేలో..అందులో 7 బంతుల్ని బౌండరీలకు తరలించాడు. ఖలీల్ అహ్మద్, మ్యాట్ హెన్రీలను టార్గెట్ చేసి మరీ బాదేశాడు. మొదటి ఓవర్ మొదటి బంతికి ఖలీల్ వైడ్ వేయగా...తర్వాత వేసిన బంతిని ఫోర్, తర్వాత సిక్స్ అంటూ తన ఇంటెన్షన్ ఏంటో చెప్పాడు ప్రియాంశ్ ఆర్య. తర్వాత మ్యాట్ హెన్రీ బౌలింగ్ లోనూ అంతే వరుసగా ఫోర్, సిక్స్, ఫోర్ బాది...పంజాబ్ కి కావాల్సినంత ఊపు తీసుకువచ్చాడు. తర్వాత ఖలీల్ బౌలింగ్ లో మళ్లీ సిక్సు ఇలా కేవలం 11 బాల్స్ లోనే 3 ఫోర్లు, 4 సిక్సర్లతో 39 పరుగులు చేసి మ్యాట్ హెన్రీ బౌలింగ్ లో ఔటైపోయాడు. కానీ 354 స్ట్రైక్ రేట్ తో 4 ఓవర్లలోనే పంజాబ్ 60 పరుగులు చేసేలా చేసి కళ్ల ముందున్న లక్ష్యాన్ని కరిగిపోయేలా చేశాడు. అందుకే 24ఏళ్ల ప్రియాంశ్ ఆర్యను ప్లేయర్ ఆఫ్ ది మ్యాచ్ పురస్కారం వరించింది. పరుగుల కోసం మాత్రమే భారీ టార్గెట్ ఉన్నప్పుడు ఛేజింగ్ లో పవర్ ప్లేల్లో ఓ ఓపెనర్ ఇంటెన్షన్ ఎలా ఉండాలని ఓ ఎగ్జాంపుల్ సెట్ చేసినందుకు