Shane Warne 460 Crores Profil from RR | షేన్ వార్న్ కుటుంబానికి 460 కోట్ల లాభం | ABP Desam

ఆస్ట్రేలియా దిగ్గజ స్పిన్నర్ షేన్ వార్న్ మరణించి రెండేళ్లవుతున్నా, ఆయన గతంలో తీసుకున్న ఒక నిర్ణయం ఇప్పుడు ఆయన కుటుంబంపై కాసుల వర్షం కురిపిస్తోంది. ఐపీఎల్ తొలి సీజన్ ఛాంపియన్ రాజస్థాన్ రాయల్స్ రికార్డు ధరకు అమ్ముడవడంతో, వార్న్ వారసులకు ఏకంగా 460 కోట్లు దక్కనున్నాయి.

2008 ఐపీఎల్ తొలి సీజన్‌లో రాజస్థాన్ రాయల్స్ షేన్ వార్న్‌ను కేవలం $4,00,000 ( four hundred thousand dollors ) బేస్ ప్రైస్‌కు కొనుగోలు చేసింది. అప్పట్లో ఫ్రాంచైజీ యజమాని మనోజ్ బదలేతో వార్న్ ఒక అద్భుతమైన ఒప్పందం చేసుకున్నారు. తాను ఆడే ప్రతి సీజన్‌కు జట్టులో 0.75 శాతం వాటా పొందేలా డీల్ కుదుర్చుకున్నారు. అలా నాలుగు సీజన్లు ఆడిన వార్న్, రాజస్థాన్ రాయల్స్ జట్టులో మొత్తం 3 శాతం వాటాను దక్కించుకున్నారు.

తన కెరీర్ మొత్తంలో రాయల్స్ నుండి వార్న్ పొందిన జీతం కేవలం 9 కోట్లు మాత్రమే. కానీ, ఇటీవల కన్సార్టియం రాజస్థాన్ రాయల్స్‌ను 15,286 కోట్లకు కొనుగోలు చేసింది. ఐపీఎల్ చరిత్రలోనే ఇది అతిపెద్ద డీల్. ఈ లెక్కన వార్న్ కు ఉన్న 3 శాతం వాటా విలువ ఇప్పుడు సుమారు ₹460 కోట్లకు చేరింది. కేవలం ఆటలోనే కాదు, ఇన్వెస్ట్‌మెంట్స్‌లోనూ వార్న్ లెజెండ్ అని సోషల్ మీడియాలో అభిమానులు ప్రశంసలు కురిపిస్తున్నారు.