Rohit Suggestions to Hardik IPL 2026 | హిట్ మ్యాన్ వ్యూహంతో ముంబై విజయం | ABP Desam
మ్యాచ్లోనే కోల్కతా నైట్రైడర్స్పై ముంబై ఇండియన్స్ 6 వికెట్ల తేడాతో ఘనవిజయం సాధించింది. అయితే ఈ గెలుపు వెనుక ఉన్న మాస్టర్ మైండ్ గురించి సోషల్ మీడియాలో చర్చ మొదలయింది. అది మరెవరో కాదు రోహిత్ శర్మ. హిట్ మ్యాన్ తన స్ట్రాటెజిస్ తో మ్యాచ్ను మలుపు తిప్పాడు.
ముందుగా బ్యాటింగ్ చేసిన కేకేఆర్ ఓపెనర్లు అజింక్య రహానే, ఫిన్ అలెన్ చెలరేగిపోయారు. కేవలం 5 ఓవర్లలోనే 70 పరుగులు రావడంతో హార్దిక్ పాండ్యా ఒత్తిడిలోకి వెళ్లాడు. బౌలింగ్ మార్పులు చేయడంలో తడబడిన హార్దిక్కు, మాజీ కెప్టెన్ రోహిత్ శర్మ రంగంలోకి దిగి సలహా ఇచ్చాడు. ఆరో ఓవర్ను శార్దూల్ ఠాకూర్తో వేయించాలని చెప్పాడు. ఆ ఓవర్ రెండో బంతికే ఫిన్ అలెన్ అవుటయ్యాడు. ఆ ఒక్క వికెట్తో కేకేఆర్ భారీ స్కోరును చేయలేక పోయింది.
మ్యాచ్ జరుగుతుండగానే హెడ్ కోచ్ మహేళ జయవర్దనే హార్దిక్ కెప్టెన్సీపై అసంతృప్తి వ్యక్తం చేసారు. మరోవైపు డగౌట్లో ఉన్న సూర్యకుమార్ యాదవ్ కూడా బౌలింగ్ లెంగ్త్స్ విషయంలో హార్దిక్కు సూచనలు ఇస్తూ కనిపించాడు. హార్దిక్ కూడా తన సీనియర్ల సలహాలను విను టీమ్ ను ముందుకు నడిపించాడు. హార్దిక్ తడబడితే.. రోహిత్ రంగంలోకి దిగడంతో ఫ్యాన్స్ అందరు ఆనందం వ్యక్తం చేస్తున్నారు. రాజు ఎక్కడున్నా రాజే అంటూ కామెంట్స్ చేస్తున్నారు.