ఆసీస్ తో టెస్టుకు రోహిత్ దూరం! కెప్టెన్ గా బుమ్రా?

వరల్డ్ టెస్ట్ ఛాంపియన్ షిప్ ఫైనల్ ఆడాలంటే ఆసీస్ ను ఆసీస్ గడ్డపై కచ్చితంగా ఓడించి తీరాల్సిన పరిస్థితిలో టీమిండియా ఉంది. నవంబర్ 22 నుంచి మొదలుకానున్న ఈ టెస్ట్ సిరీస్ కు రోహిత్ శర్మ దూరం కానున్నాడా.? వ్యక్తిగత కారణాలతో హిట్ మ్యాన్ రోహిత్ శర్మ ఆసీస్ టూర్ కి వెళ్లకపోవచ్చన్న వార్తలపై కోచ్ గౌతం గంభీర్ స్పందించాడు. టీమ్ తో కలిసి ఆస్ట్రేలియాకు బయల్దేరేముందు ముంబైలో నిర్వహించిన మీడియా సమావేశంలో గంభీర్ మీడియా మాట్లాడాడు. మొదటి టెస్టు ప్రారంభం కావటానికి ఇంకా పదిరోజుల సమయం ఉందన్న గంభీర్...మొదటి టెస్టు ప్రారంభానికి ముందు మాత్రమే రోహిత్ శర్మ ఆడతాడా లేదా అన్న క్లారిటీ వస్తుందన్నాడు. ఒకవేళ రోహిత్ శర్మ మొదటి టెస్టుకు దూరమైతే బ్యాకప్ గా ఉన్న కేఎల్ రాహుల్ రోహిత్ శర్మ బదులుగా ఆడతాడని తేల్చి చెప్పాడు గంభీర్. అంతే కాదు రోహిత్ శర్మ కెప్టెన్ గా కనుక అతను ఆడని పక్షంలో వైస్ కెప్టెన్ గా ఉన్న జస్ ప్రీత్ బుమ్రా నే టీమిండియాను కెప్టెన్ గా నడిపిస్తాడని ప్రకటించాడు హెడ్ కోచ్ గౌతం గంభీర్.