Arshdeep Angry Gill For Gurbaz Wicket | రివ్యూతీసుకోకపోవడంతో గుర్బాజ్ సెంచరీ
అఫ్గానిస్థాన్ తో జరిగిన తొలి వన్డేలో టీమిండియా గెలిచినప్పటికీ.. మ్యాచ్ మధ్యలో కెప్టెన్ శుభ్‌మన్ గిల్ చేసిన ఒకే ఒక్క తప్పిదం ఇప్పుడు నెట్టింట తీవ్ర చర్చనీయాంశమైంది. గిల్ చేసిన ఆ బ్లండర్ మిస్టేక్ వల్ల అఫ్గాన్ ఓపెనర్ గుర్బాజ్ సెంచరీతో రెచ్చిపోయాడు.
వర్షం వల్ల 25 ఓవర్లకు కుదించిన ఈ మ్యాచ్‌లో టాస్ గెలిచిన భారత్ ఫీల్డింగ్ ఎంచుకుంది. అర్ష్‌దీప్ సింగ్ వేసిన 3వ ఓవర్‌లో ఒక తప్పు జరిగింది. ఓవర్ ఐదో బంతికి అఫ్గాన్ ఓపెనర్ రెహ్మానుల్లా గుర్బాజ్ పూర్తిగా తడబడ్డాడు. బాల్ నేరుగా వచ్చి ప్యాడ్స్‌కు తాకింది. భారత ఆటగాళ్లు ఎల్బీడబ్ల్యూ కోసం గట్టిగా అప్పీల్ చేసినా అంపైర్ నాటౌట్ ఇచ్చాడు.
బంతి బ్యాట్‌కు తగిలిందేమో అని స్లిప్‌లో ఉన్న రోహిత్ శర్మ, కెప్టెన్ గిల్ పొరబడ్డారు. ఇన్‌సైడ్ ఎడ్జ్ అయ్యిందంటూ గిల్ రివ్యూ తీసుకోకుండా వదిలేశాడు. కానీ కట్ చేస్తే రిప్లేలో అది క్లియర్ అవుట్ అని తేలింది. అప్పటికి గుర్బాజ్ స్కోర్ కేవలం 14 పరుగులు మాత్రమే. ఈ మిస్టేక్‌తో బౌలర్ అర్ష్‌దీప్ సింగ్ తీవ్ర అసహనానికి గురయ్యాడు. బౌండరీ లైన్ దగ్గర నిల్చొని చేతులు పైకెత్తి తీవ్ర నిరాశ వ్యక్తం చేశాడు.