1000-Year History of Bathukamma | వెయ్యేళ్ల చరిత్ర కలిగిన బతుకమ్మ పండుగ.. ఎప్పుడు, ఎలా మొదలైంది?

Continues below advertisement

తెలంగాణ సాంస్కృతిక అస్తిత్వానికి, ఆడపడుచుల ఆత్మగౌరవానికి ప్రతీక అయిన బతుకమ్మ పండుగ వెనుక సుమారు వెయ్యేళ్లకు పైగా ఘనమైన చరిత్ర ఉంది. పూలను దైవంగా భావించి, ప్రకృతిని ఆరాధించే ఈ అద్భుతమైన సంప్రదాయం వెనుక ఉన్న చారిత్రక నేపథ్యం చాలా గొప్పది అని పెద్దలు చెపుతుంటారు. 

చారిత్రక ఆధారాల ప్రకారం.. కాకతీయ సామ్రాజ్య కాలంలో ఈ బతుకమ్మ వేడుకల ఆచారాలు మొదలైయ్యాయి. కాకతీయుల రాజధాని అయిన ఓరుగల్లును పాలించిన చక్రవర్తులు, రాణులు ప్రకృతి ఆరాధనకు పెద్దపీట వేశారు. వర్షాలు బాగా పడి.. ప్రజలు సుభిక్షంగా ఉండాలని, వర్షాలు కురిపించాలని కోరుకుంటూ అమ్మవారిని పూలతో కొలిచేవారనే ప్రచారంలో ఉంది. కాలక్రమేణా ఇది తెలంగాణ ప్రాంతం అంతటా ప్రాచుర్యం పొందింది.

మరో పౌరాణిక మరియు చారిత్రక గాథ ప్రకారం.. చోళ రాజుల కాలంలో ధర్మంగద అనే రాజు సంతానం కోసం కఠినమైన తపస్సు చేయగా, లక్ష్మీదేవి ఆయన ఇంట్లో ఆడపిల్లగా జన్మించింది. ఆ రాజకుమార్తెకు 'మహాసతి' లేదా 'గౌరమ్మ' అని పేరు పెట్టారు. ఆమె పెద్దయ్యాక లోక కల్యాణం కోసం తపస్సు చేసి శివుడిలో ఐక్యమైందని నమ్ముతారు. ఆ అమ్మాయి జ్ఞాపకార్థం, ఆమెను కొలిచే పద్ధతిలోనే మహిళలు ప్రతి ఏటా బతుకమ్మలను పేర్చి పూజలు చేయడం ప్రారంభించారని స్థానిక పురాణాలు చెబుతున్నాయి. 'బతుకమ్మ' అంటే జీవించు తల్లి, గౌరమ్మ బతుకు అని అర్థం. తమను, తమ కుటుంబాన్ని చల్లగా చూడాలని కోరుకుంటూ ఆ మహాశక్తిని వేడుకోవడమే ఈ పండుగ ముఖ్య ఉద్దేశం.

అలాగే, చారిత్రకంగా తెలంగాణ రైతాంగ పోరాటాలు, దండయాత్రల సమయంలోనూ ఈ సాంస్కృతిక సంప్రదాయం చెక్కుచెదరలేదు. గ్రామీణ ప్రజలు, ముఖ్యంగా మహిళలు తమ బాధలను మర్చిపోయి, ఒకచోట చేరి సంతోషాన్ని పంచుకునే వేదికగా బతుకమ్మ నిలిచింది. కాలంతో పాటు మారుతున్నా, నేటికీ ఈ వెయ్యేళ్ల సంప్రదాయం అదే పవిత్రతతో, వైభవంగా కొనసాగుతోంది.

 

Continues below advertisement

JOIN US ON

Whatsapp
Telegram
Continues below advertisement
Sponsored Links by Taboola