మరి వెయిట్ ను అదుపు లో వుంచటమెలా?

చలికాలంలో చాలా మంది బరువు పెరుగుతారు. కొంతమంది ఆ విషయాన్ని గుర్తిస్తారు, కానీ కొంతమంది గుర్తించలేరు కూడా. ఇప్పుడు ఇది చదివాక మాత్రం ఓసారి బరువును చెక్ చేసుకుంటారేమో. నిజానికి ఇది చాలా సాధారణ విషయం. వేసవి కాలంలో పోలిస్తే శీతాకాలంలో మనకు తెలియకుండా శరీరబరువు పెరుగుతుంది. ఆహారం నుంచి ఆహ్లాదకరమైన వాతావరణం వరకు చాలా కారణాల వల్ల బరువు పెరుగుతాం. ఉష్ణోగ్రత తగ్గుతున్న కొద్దీ, ఉదయాన్నే లేవడం తగ్గుతుంది. ఎక్కువసేపు వెచ్చని దుప్పట్లోనే చుట్టుకుని ఉండిపోతాం. చలి వాతావరణం వల్ల రోజూ చేసే వ్యాయామాలు కూడా వాయిదాపడతాయి. శారీరకశ్రమ కూడా చాలా తగ్గిపోతుంది. దీనివల్లే తెలియకుండానే రెండు మూడు కిలోలు పెరిగేస్తాం.