Thammudu Re Release Josh at Hyderabad | తమ్ముడు రీరిలీజ్ పై డిప్యూటీ సీఎం డబుల్ ఎఫెక్ట్ | ABP Desam
మాములుగా పవన్ కళ్యాణ్ సినిమా అంటేనే ఫ్యాన్స్ హడావిడి ఓ రేంజ్ లో ఉంటుంది. అలాంటిది ఈ సారి డిప్యూటీ సీఎంగా పవన్ బాధ్యతలు తీసుకున్నాక పవన్ సినిమా వస్తే ఏ రేంజ్ లో ఉంటుంది. ఇప్పుడు తమ్ముడు సినిమా ఆడుతున్న థియేటర్ల దగ్గర చూస్తే తెలుస్తుందది. హైదరాబాద్ లోని సుదర్శన్ థియేటర్ లో పవన్ కళ్యాణ్ సూపర్ హిట్ సినిమా తమ్ముడు రీరిలీజ్ కాగా...ఫ్యాన్స్ అయితే ఓ పెద్ద జాతరే చేస్తున్నారు. పవన్ కళ్యాణ్ కు 60 అడుగుల ఎత్తైన కటౌట్ పెట్టిన ఫ్యాన్స్ ప్రతీ షో కు దీపావళి పండగే చేస్తున్నారు. పెద్ద ఎత్తు న బాణాసంచా చేస్తూ నానా హంగామా చేస్తున్నారు. ఇక థియేటర్లో వచ్చే మాములు యాడ్స్ కి బదులు జనసేన యాడ్స్, పవన్ గెల్చిన తర్వాత ఫ్యాన్స్ చేసిన ట్రిబ్యూట్ వీడియోలను ప్రదర్శిస్తున్నారు. పవన్ కళ్యాణ్ పాటలకు, డ్యాన్సులకు, ఫైట్లకు అయితే ఓ రేంజ్ లో అప్రిషియేషన్ వస్తోంది. ఈ జోష్ ను మరింత పెంచేలా పవన్ కళ్యాణ్ కొడుకు అకీరా నందన్ సుదర్శన్ కు వచ్చారు. పవన్ కళ్యాణే వచ్చినంత రేంజ్ లో సెలబ్రేట్ చేశారు పీఎస్పీకే ఫ్యాన్స్. డిప్యూటీ సీఎం గారి సినిమా అంటూ థియేటర్ నే షేక్ చేస్తున్నారు.