సీఎం ఇంట్లో పెత్తనం ఎవరిది? మా చెల్లెలిదా? నా కూతురిదా?
బాలక్రిష్ణ హోస్ట్‌గా అన్ స్టాపబుల్ నాలుగో సీజన్ ఫస్ట్ ప్రోమో రిలీజైంది. ఫస్ట్ గెస్ట్ గా ఏపీ సీఎం చంద్రబాబు ఎపిసోడ్‌తోనే అక్టోబర్ 25 నుంచి ఈ సీజన్ ప్రారంభం కాబోతుంది. ఈ షోలో చంద్రబాబు సీరియస్ రాజకీయాలు మొదలుకొని ఇంట్లోని ఫన్నీ వ్యక్తిగత విషయాల వరకు అన్నీ చర్చించారు. ఎప్పుడూ సీరియస్ గా ఉండే చంద్రబాబుతో బాలయ్య ఫన్నీగా గేమ్స్ ఆడించారు. ఇంట్రోలోనే మా బావగారు, మీ బాబు గారు.. చంద్రబాబును ఆహ్వానించారు. కోర్టులో ప్రమాణం చేయించే తరహాలో చంద్రబాబుతో బాలక్రిష్ణ సరదా ప్రమాణం చేయించారు. అందుకు చంద్రబాబు మీ చమత్కారం మీది, మా సమయ స్పూర్తి మాది” అంటూ మాట్లాడారు.
ఆ వెంటనే చంద్రబాబు జైలు జీవితం గురించి.. అనుభవాల గురించి అడిగారు. తప్పు చేసిన వారిని వదిలి పెట్టే ప్రసక్తే లేదని చంద్రబాబు వార్నింగ్ ఇచ్చారు. ఆకాశంలో సూర్య చంద్రుల్లాగా, ఆంధ్రాలో బాబు, కల్యాణ్ బాబు తెలుగు రాజకీయ ముఖచిత్రాన్ని మార్చేశారని బాలక్రిష్ణ కొనియాడారు. ఇంట్లో పెత్తనం మా చెల్లిదా? నా కూతురిదా? అని బాలక్రిష్ణ అడగడంతో.. ఇంట్లో చాలా ఇబ్బంది ఉందంటూ చంద్రబాబు నవ్వుతూ అన్నారు. క్రికెటర్లలో తనకు కోహ్లీ నచ్చుతాడని చంద్రబాబు చెప్పారు. ఆ తర్వాత ఫన్నీ గేమ్స్ కూడా ఆడారు. లోకేశ్ కుమారుడు దేవాన్ష్ తో కూడా.. చిన్నప్పుడు మీరు చేసిన నాటీ పనేంటని ఓ ప్రశ్న అడిగించారు. నేను మాస్ హీరో అయితే, మీరు మాస్ లీడర్” అని బాలయ్య అనగానే.. బోత్ ఆర్ నాట్ సేమ్ అంటూ చంద్రబాబు పవర్ ఫుల్ గా చెప్పడంతో అక్కడున్న ఆడియన్స్ అంతా కేరింతలు కొట్టారు.