పుష్ప 2 మూవీలోని కిస్సిక్ సాంగ్‌పై విపరీతమైన ట్రోల్స్
పుష్ప సినిమాలో ఊ అంటావా మావ సాంగ్ ఎంత ఫేమస్ అయిందో స్పెషల్‌గా చెప్పాల్సిన పని లేదు. రిలీజ్ అయిన వెంటనే చాలా మంది చాలా రకాలుగా ట్రోల్స్ చేశారు. ఇదేం పాట అని లైట్ తీసుకున్నారు. కానీ..మెల్ల మెల్లగా ఈ పాట అందరికీ ఎక్కేసింది. ఇప్పటికీ పార్టీల్లో ఈ పాట మారు మోగుతూనే ఉంది. లిరిక్స్ కూడా కనెక్ట్ అవడం వల్ల బ్లాక్ బస్టర్ అయింది. అయితే...పుష్ప 2 సినిమాలోనూ ఇదే రేంజ్‌లో కిస్సిక్ అనే మాస్‌ సాంగ్‌ని రెడీ చేశారు. ఈ సారి శ్రీలీలలో ఈ స్పెషల్ సాంగ్ చేయించారు. కానీ...రిలీజైనప్పటి నుంచి ట్రోల్స్ వస్తూనే ఉన్నాయి. ఊ అంటావా మావ పాటతో కంపేర్ చేస్తూ డిసప్పాయింట్ అయ్యాం అంటూ నెటిజన్స్ కామెంట్స్ పెడుతున్నారు. ఊ అంటావా సాంగ్ వైల్డ్ ఫైర్ అయితే...కిస్సిక్ సాంగ్ జస్ట్ ఫైర్ అంతే...అని సినిమా డైలాగ్‌తోనే సెటైర్లు వేస్తున్నారు. పైగా..పాటలో లిరిక్స్ కూడా గొప్పగా లేవని, కావాలనే ఇరికించినట్టు ఉంది తప్ప లైఫ్ లేదని ఇంకొందరు ఫైర్ అవుతున్నారు. సుక్కు సినిమాల్లో స్పెషల్ సాంగ్స్ అంటే భారీ అంచనాలుంటాయి. ఇప్పటి వరకూ ఆ ఎక్స్‌పెక్టేషన్స్‌కి తగ్గట్టుగానే..సుక్కు డీఎస్‌పీ కాంబోలో అదిరిపోయే పాటలొచ్చాయి. కానీ..కిస్సిక్ మాత్రం ట్రాక్ తప్పిందన్న విమర్శలు వస్తున్నాయి. అయితే..ఊ అంటావా పాటపైనా మొదట్లో ఇలాగే క్రిటిసిజం వచ్చి తరవాత హిట్ అయింది. మరి ఈ కిస్సిక్ విషయంలోనూ అదే జరుగుతుందా అనేది చూడాలి.