Kadali Satyanarayana in Bigg Boss 10 | బిగ్ బాస్ 10 లోకి రచయిత్రి కడలి సత్యనారాయణ?
తెలుగు బుల్లితెరపై పాపులారిటీ ఉన్న రియాలిటీ షో 'బిగ్ బాస్ తెలుగు సీజన్ 10' ప్రారంభానికి సిద్ధమవుతోంది. ఈసారి హౌస్లోకి అడుగుపెట్టబోయే కంటెస్టెంట్ల లిస్టులో యంగ్ రైటర్, లిరిసిస్ట్ కడలి సత్యనారాయణ పేరు వినిపిస్తోంది.
కడలి సత్యనారాయణ చిన్నతనం నుంచే రచనలపై ఆసక్తితో చిన్నపిల్లల పత్రికలకు కవితలు రాస్తూ తన ప్రయాణాన్ని ప్రారంభించారు. ఉస్మానియా యూనివర్సిటీ నుంచి ఉమెన్స్ స్టడీస్లో పీజీ డిప్లొమా పూర్తి చేసిన ఈమె, ప్రముఖ సినీ గేయరచయిత 'కేకే' శిష్యురాలిగా పాటల రచనలో శిక్షణ పొందారు. ఇప్పటివరకు దాదాపు 100కు పైగా పాటలు రాసి తెలుగు ఫిల్మ్ ఇండస్ట్రీలో లిరిసిస్ట్గా తనకంటూ ప్రత్యేక గుర్తింపు తెచ్చుకున్నారు. పాటలే కాకుండా పుస్తకాలు, నవలలతో ఫ్యాన్స్ ను సంపాదించుకున్నారు.
మోడ్రన్ లుక్లో కనిపిస్తూనే, తెలుగు భాషా సాహిత్యంపై ఎక్కువ ఇష్టం చూపిస్తారు. సోషల్ మీడియాలో ఫెమినిజం, మహిళల హక్కులు, సామాజిక అంశాలపై ఆమె చేసే బోల్డ్ వ్యాఖ్యలు తరచూ పెద్ద ఎత్తున చర్చకు దారితీస్తుంటాయి. గ్లామర్, స్ట్రాంగ్ పాయింట్ ఆఫ్ వ్యూ, బోల్డ్ కంటెంట్ ఇచ్చే కంటెస్టెంట్గా కడలి సత్యనారాయణ బిగ్ బాస్ 10 హౌస్లోకి ఎంట్రీ ఇస్తే షో మరింత ఆసక్తికరంగా మారడం ఖాయమని నెటిజన్లు భావిస్తున్నారు.