Dewald Brevis No Look Shot T20 World Cup Ind vs SA | నో లుక్ షాట్ అంటే ఏంటి ?

భారత్, దక్షిణాఫ్రికా ( India vs South Africa ) సూపర్-8 మ్యాచ్‌లో డెవాల్డ్ బ్రెవిస్ ( Dewald Brevis ) ఆడిన నో లుక్ షాట్ ( No Look Shot ) ఇంటర్నెట్‌ను షేక్ చేసింది. సఫారీ బ్యాటర్ షాట్ ఆడిన ఈ బాల్ 82 మీటర్ల దూరంలో ఉన్న బౌండరీ అవతల పడింది. ఈ 'నో-లుక్ షాట్' ఎందుకు అంత ప్రత్యేకమో తెలుసుకుందాం. 

దక్షిణాఫ్రికా ఇన్నింగ్స్ లో 9వ ఓవర్లో డెవాల్డ్ బ్రేవిస్ నో లుక్ షాట్ ఆడాడు. మిస్టరీ స్పిన్నర్ వరుణ్ చక్రవర్తి ( Varun Chakravarthy ) తన స్పెల్‌లో రెండో ఓవర్ వేశాడు. ఓవర్ మొదటి 4 బంతుల్లోనే 11 పరుగులు వచ్చాయి. ఐదో బంతికి డెవాల్డ్ బ్రెవిస్ బంతిని స్ట్రైట్ గా కొట్టాడు.  అసలు ఆ బంతి బౌండరీ దాటుతుందో లేదో అని సరిగ్గా చూడలేదు. వరుణ్ చక్రవర్తి వేసిన ఈ ఓవర్లో మొత్తం 17 పరుగులు ఇచ్చాడు. 

నో-లుక్ షాట్ అనేది బ్యాటర్ కాన్ఫిడెన్స్ తెలియజేస్తుంది. బ్యాటర్ బంతిని బ్యాట్ మధ్యభాగంలో కనెక్ట్ అయిన తర్వాత, బాల్ ఎటు వెళ్తుందో చూడకుండా ఉండటాన్ని నో లుక్ షాట్ అంటారు. తరువాత బ్యాటర్ తీరిగ్గా అటువైపు చూస్తాడు. డెవాల్డ్ బ్రెవిస్ కూడా అదే చేశాడు. అతడి బ్యాట్ తగలగానే బంతి బుల్లెట్ వేగంతో నేరుగా వెళ్లి బౌండరీ లైన్ అవతల పడింది. షాట్ కొట్టిన తర్వాత బ్రెవిస్ తల కిందకు వంచాడు. ఆ బంతి ఖచ్చితంగా సిక్సర్ వెళ్తుందని అనుకున్నాడు. ఇటీవల నో-లుక్ షాట్ పలు సందర్భాల్లో కనిపిస్తుంది. అదే తీరుగా వైరల్ అవుతోంది. మొన్న హర్దిక్ పాండ్యా ( Hardik Pandya ) సైతం నో లుక్ షాక్ కొట్టి సోషల్ మీడియాను షేక్ చేశాడు.