Tollywood Workers Strike | ఆ ఒక్క మెసేజ్ తో సమ్మె విరమించడానికి మేం సిద్దంగా ఉన్నాం | ABP Desam

తెలుగు సినీ ఇండస్ట్రీలో కార్మికుల సమ్మె ఇప్పటికే 12 రోజులుగా కొనసాగుతూ, పరిశ్రమ మొత్తం పనులు ఆగిపోయే పరిస్థితి ఏర్పడింది. మంత్రి జోక్యంతో నిర్మాతల మండలి మరియు ఫిల్మ్ ఫెడరేషన్ మధ్య అనేక సార్లు చర్చలు జరిగినప్పటికీ, ఏకాభిప్రాయం కుదరలేదు. నిర్మాతలు సూచించిన నాలుగు ప్రధాన డిమాండ్లలో కొన్ని ఫెడరేషన్ అంగీకరించకపోవడం వల్ల సమ్మె ఇంకా కొనసాగుతూనే ఉంది. ఇక ఫెడరేషన్ నాయకుల అభిప్రాయం ఏమిటి? నిర్మాతల డిమాండ్లను అమలు చేస్తే పరిశ్రమకు కలిగే ఆర్థిక, సాంకేతిక నష్టాలు ఏవి? మరోవైపు, నిర్మాతలు చేస్తున్న ఆరోపణల్లో — ఫెడరేషన్ అనవసరమైన నియమాలతో కొత్త ట్యాలెంట్‌కు అవకాశాలను ఆపేస్తోంది. వంటి అంశాలు ఎంతవరకు వాస్తవం? ఈ సమ్మె కారణంగా సినిమాల షూటింగులు, పోస్ట్ ప్రొడక్షన్ పనులు, విడుదల తేదీలు అన్నీ ప్రభావితమవుతున్నాయి. దీనివల్ల నిర్మాతలు భారీ నష్టాలను ఎదుర్కొంటున్నామని చెబుతున్నారు. అయితే ఫెడరేషన్ తమ నిర్ణయాలను న్యాయబద్ధంగా సమర్థించుకుంటూ, కార్మికుల హక్కులు, వేతనాలు, భద్రత కోసం ఇవన్నీ అవసరమని వాదిస్తోంది. ఈ వివాదంపై స్పష్టత కోసం ABP దేశం ప్రత్యేకంగా ఫిల్మ్ ఫెడరేషన్ కార్యదర్శి అమ్మిరాజుతో Face to Face ఇంటర్వ్యూ నిర్వహించింది.