Vindhya Vishaka in Bigg Boss 10 Telugu | బిగ్ బాస్ 10లో ఐపీఎల్ యాంకర్ వింధ్యా విశాఖ?
తెలుగు బుల్లితెరపై, ముఖ్యంగా స్పోర్ట్స్ యాంకరింగ్లో తనకంటూ ప్రత్యేక స్థానాన్ని సంపాదించుకున్న పాపులర్ యాంకర్ వింధ్యా విశాఖ మేడపాటి. స్పోర్ట్స్ తెలుగు ఛానెల్ ద్వారా ఐపీఎల్, ప్రో కబడ్డీ హోస్ట్గా మిలియన్ల మంది క్రీడాభిమానులకు దగ్గరైన ఈమె.. ఇప్పుడు బిగ్ బాస్ సీజన్ 10 ప్రొబబుల్ కంటెస్టెంట్ల లిస్ట్లో నిలవడంతో హాట్ టాపిక్గా మారింది.
సికింద్రాబాద్లో జన్మించిన వింధ్య, ఉస్మానియా యూనివర్సిటీ నుంచి ఎం.ఏ. పూర్తి చేసింది. 2011లో న్యూస్ రీడర్గా కెరీర్ ప్రారంభించి.. పలు హిట్ షోలకు యాంకర్గా వ్యవహరించింది. 2017లో స్పోర్ట్స్ నెట్వర్క్లో చేరి, ఐపీఎల్ టోర్నమెంట్ను తెలుగులో హోస్ట్ చేసిన తొలి మహిళా స్పోర్ట్స్ యాంకర్గా రికార్డు సృష్టించింది.
త్వరలో ప్రారంభం కానున్న బిగ్ బాస్ తెలుగు సీజన్ 10 కంటెస్టెంట్ల లిస్ట్లో వింధ్యా విశాఖ పేరు సోషల్ మీడియాలో, ఫిలిం నగర్ వర్గాల్లో గట్టిగా వినిపిస్తోంది. ఐపీఎల్ ద్వారా ఆమెకున్న మాస్ పాపులారిటీ, కమ్యూనికేషన్ స్కిల్స్ దృష్ట్యా బిగ్ బాస్ టీమ్ ఆమెను సంప్రదించినట్లు ప్రచారం సాగుతోంది. అయితే ఈసారి సీజన్ 10లో వింధ్య హౌస్లోకి అడుగుపెట్టే అవకాశాలు పుష్కలంగా ఉన్నాయనే ప్రచారం జోరుగా సాగుతోంది. దీనిపై అధికారిక ప్రకటన రావాల్సి ఉంది.