TDP Fans Hyderabad Metro Journey Black T Shirts Protest: పలు మెట్రో స్టేషన్ల వద్ద ఉద్రిక్తత

స్కిల్ డెవలప్మెంట్ స్కాంలో చంద్రబాబు అరెస్టయిన దగ్గర్నుంచి దాదాపుగా ప్రతి వారాంతమూ ఏదో రకమైన నిరసన చేస్తున్న హైదరాబాద్ లోని పార్టీ అభిమానులు... ఈసారి మెట్రో మార్గాన్ని అనుసరించారు. జైల్లో ఉన్న చంద్రబాబు ఆరోగ్యం బాగుండాలని ప్రార్థిస్తూ ఇవాళ ఉదయం మియాపూర్ నుంచి ఎల్బీనగర్ దాకా మెట్రోలో నల్ల టీషర్టులు ధరించి ప్రయాణించారు. అయితే కొందరు విజయవంతంగా మెట్రోలోకి ప్రవేశించినా, చాలా మందిని మాత్రం పోలీసులు అడ్డుకుంటున్నారు. కూకట్ పల్లి, మియాపూర్ మెట్రో స్టేషన్లలో స్వల్ప ఉద్రిక్తత నెలకొంది. పోలీసులతో ఆందోళనకారులు వాగ్వాదానికి దిగారు. శాంతియుతంగానే తమ నిరసన తెలియచేస్తున్నామంటున్నారు. వీరందరి తాకిడి ఎక్కువగా ఉండటంతో మియాపూర్ మెట్రో స్టేషన్ ను తాత్కాలికంగా మూసేశారు.