పవన్పై మరోసారి ప్రకాశ్ రాజ్ సెటైర్లు, జస్ట్ ఆస్కింగ్ అంటూ పోస్ట్
పవన్ కల్యాణ్ వర్సెస్ ప్రకాశ్ రాజ్ వ్యవహారం ఇంకా కంటిన్యూ అవుతోంది. తిరుమల లడ్డూ వివాదం మీద డిప్యూటీ సీఎం పవన్ కల్యాణ్ ను ట్యాగ్ చేస్తూ మొదలైన ఆయన పోస్టులు ఇంకా కొనసాగిస్తున్నారు. ప్రస్తుతం ప్రకాశ్ రాజ్ తెలుగులో మరో పోస్ట్ పెట్టారు. గెలిచేముందు ఒక అవతారం.. గెలిచిన తర్వాత ఇంకో అవతారం.. ఏంటీ అవాంతరం.. ఏందుకు మనకీ అయోమయం… ఏది నిజం? జస్ట్ ఆస్కింగ్? అని పోస్టు పెట్టారు. ఇంతకుముందు రోజే "‘చేయని తప్పునకు సారీ చెప్పించుకోవడంలో ఆనందమేంటో! జస్ట్ ఆస్కింగ్" అని ఎక్స్లో పోస్టు పెట్టారు. ఇలా రోజుకొక పోస్టు పెడుతున్నారు. తొలుత పవన్ వ్యాఖ్యలపై సోషల్ మీడయాలో స్పందించిన ప్రకాశ్ రాజ్ పై పవన్ సున్నితంగా ఓ ప్రెస్ మీట్లో మాట్లాడారు. దానిపై ప్రకాశ్ రాజ్ ఓ వీడియో రిలీజ్ చేస్తూ.. తాను చెప్పిన దాన్ని మీరు అపార్థం చేసుకున్నారని.. ప్రస్తుతం నేను విదేశాల్లో షూటింగ్లో ఉన్నానని.. ఈ నెల 30వ తేదీ తర్వాత ఇండియాకు వచ్చి మీ ప్రశ్నలకు సమాధానం చెప్తానని అన్నారు. ఇంతలోనే పవన్ కల్యాణ్ లక్ష్యంగా రోజుకొక పోస్టుతో హీట్ పుట్టిస్తున్నారు.