Panama Ship Stops Deputy CM Pawan Kalyan | పవన్ కళ్యాణ్ ను అడ్డుకున్న వెస్ట్ ఆఫ్రికా ఓడ | ABP Desam

ఆంధ్రప్రదేశ్ డిప్యూటీ సీఎం పవన్ కళ్యాణ్ ఇటీవల కాకినాడ యాంకరేజ్ పోర్టులో చోటుచేసుకున్న సంఘటనతో రాష్ట్ర రాజకీయాల్లో నూతన సంచలనానికి తెరలేపారు. పీడీఎస్ బియ్యం స్మగ్లింగ్ జరుగుతోందన్న ఆరోపణల నేపథ్యంలో, పవన్ ఆగ్రహంతో స్పందించారు. పనామాకు చెందిన ఓ విదేశీ నౌకపై అనుమానాలు వ్యక్తం చేస్తూ, దాని మీదికి వెళ్లి పరిశీలించేందుకు పవన్ ప్రయత్నించారు. అయితే, నౌక ప్రతినిధులు పవన్ కళ్యాణ్‌కు బోర్డింగ్ అనుమతి నిరాకరించారు. ఈ విషయాన్ని కాకినాడ పోర్టు అధికారులు ఆయనకు తెలియజేయడంతో, పవన్ తీవ్ర ఆగ్రహం వ్యక్తం చేశారు. మన దేశ సముద్ర జలాల్లోకి ప్రవేశించిన ఓడలో పేలుడు పదార్థాలు ఉన్నా, మనం చూడకూడదా? ఇది ఉద్దేశపూర్వకంగా అడ్డుకోవడమే అంటూ అధికారులపై ఫైర్ అయ్యారు.  పవన్ కళ్యాణ్ మాటలు ప్రజలు, మీడియా, రాజకీయ వర్గాల్లో చర్చనీయాంశమయ్యాయి. రాష్ట్ర ప్రభుత్వం పీడీఎస్ బియ్యం స్మగ్లింగ్ ఆరోపణలపై స్పష్టతనిచ్చే ప్రయత్నం చేస్తుండగా, పవన్ కళ్యాణ్ ఘటనపై మరింత దృష్టి పెట్టారు. ఈ సంఘటన రాష్ట్రంలో ఆర్థిక అక్రమాలపై కొత్త దృష్టి సారించేలా చేస్తుందా అనేది చూడాలి.