Watch: నువ్వు బతికే ఉన్నావని గ్యారెంటీ ఏంటీ? అధికారులు ప్రశ్నతో అవాక్కయిన వృద్ధుడు
వృద్ధాప్యంలో పొలం పనులు పక్కనపెట్టి....ఇంటి దగ్గర విశ్రాంతి తీసుకోవాల్సిన ఈ అన్నదాత....తను బతికే ఉన్నానని నిరూపించుకోవాల్సిన పరిస్థితుల్లో కొట్టుమిట్టాడుతున్నారు.పేరు కమల్ సాహెబ్....నెల్లూరు జిల్లా మర్రిపాడు మండలంలోని పెగళ్లపాడు కి చెందిన కమల్ సాహెబ్ తన తమ్ముడు హుస్సేన్ సాహెబ్ తో కలిసి ఉంటున్నాడు. ఎకరం పొలం ఉండగా...ఆ భూమిని ఇద్దరు పంచుకునేందుకు రెండేళ్ల పాటు అధికారుల చుట్టూ తిరిగారు. దీంతో ఓ వీఆర్వో సహాయంతో తన అన్న కమల్ సాహెబ్ మరణించాడని డాక్యామెంట్లలో నమోదు చేయించాడు హుస్సేన్ సాహెబ్. ఈ విషయం తెలుసుకున్న కమల్ సాహెబ్..తన పేరు మీదున్న ఎకరం పొలం తీసేసుకునేందుకు...బతికుండగానే చనిపోయాడని సొంత తమ్ముడు రికార్డులు సృష్టించాడని అధికారుల దృష్టికి తీసుకువెళ్లాడు. ప్రాణాలతో తిరుగుతుంటే చనిపోయానని ఎలా రికార్డుల్లో మార్చారని ఆ వృద్ధుడు అధికారులను నిలదీస్తున్నాడు.