Nellore : ప్రశాంతంగా నగర కార్పొరేషన్ ఎన్నికల కౌంటింగ్

నెల్లూరు నగర కార్పొరేషన్ ఎన్నికల కౌంటింగ్ నేటి ఉదయం 8 గంటలకు మొదలైంది. ఉదయాన్నే సిబ్బంది నగరంలోని డీకే డబ్ల్యూ కాలేజీలో ఏర్పాటు చేసిన కౌంటింగ్ కేంద్రానికి చేరుకున్నారు. కార్పొరేషన్లో మొత్తం 54 డివిజన్లు ఉండగా, అందులో 8 ఏకగ్రీవం అయ్యాయి. ప్రస్తుతం 46 డివిజన్లకు సంబంధించిన ఫలితాలు నేడు తేలబోతున్నాయి. 600 మంది భద్రతా సిబ్బందితో కౌంటింగ్ కోసం బందోబస్తు ఏర్పాటు చేశారు ఎస్పీ విజయరావు. కౌంటింగ్ నేపథ్యంలో నగరంలో ఎలాంటి అవాంఛనీయ సంఘటనలు జరక్కుండా ఎక్కడికక్కడ పోలీసులను మోహరించారు.