CM Chandrababu Naidu At Renigunta Airport| తిరుమల శ్రీవారి దర్శనానికి వచ్చిన చంద్రబాబు | ABP Desam

CM Chandrababu Naidu At Renigunta Airport | సీఎం హోదాలో రేణిగుంట విమానాశ్రాయంలో చంద్రబాబు అడుగుపెట్టారు. నాల్గొవ సారి సీఎంగా ప్రమాణస్వీకారం చేసిన తరువాత... తిరుమల శ్రీవారి దర్శనానికి కుటుంబ సభ్యులతో కలిసి వచ్చారు. టీడీపీ కార్యకర్తలు ఘన స్వాగతం పలికారు. 

 

ఆంధ్రప్రదేశ్ ముఖ్యమంత్రిగా బుధవారం ఉదయం ప్రమాణ స్వీకారం చేసిన చంద్రబాబు (Chandrababu).. గురువారం బాధ్యతలు స్వీకరించనున్నారు. ఈ మేరకు సచివాలయంలోని మొదటి బ్లాక్‌లో అధికారులు ఏర్పాట్లు చేస్తున్నారు. గురువారం సాయంత్రం 4:41 గంటలకు ఆయన పదవీ బాధ్యతలు స్వీకరిస్తారు. ఈ క్రమంలో ఎన్నికల ప్రచారంలో హామీ ఇచ్చిన విధంగా మెగా డీఎస్సీపై తొలి సంతకం, ల్యాండ్ టైటిలింగ్ యాక్ట్ రద్దుపై రెండో సంతకం, సామాజిక పింఛన్ రూ.4 వేలకు పెంచుతూ మూడో సంతకం చేయనున్నారు. ఈ మేరకు ఆయా శాఖల అధికారులు దస్త్రాలు సిద్ధం చేస్తున్నారు. అనంతరం అన్నా క్యాంటీన్ల ఏర్పాటు వంటి వాటిపైనా ఆయన ఫోకస్ చేయనున్నట్లు తెలుస్తోంది.