గ్యాస్ సిలెండర్లు బ్లాస్ట్ అవుతాయా..? సినిమాల్లో చూపించినట్లు యాక్సిడెంట్ అయితే లారీల్లో నుంచి గాల్లోకి లేస్తాయా..?

Viral News: కూతురి ఫీజు కోసం చెప్పులు లేకుండా పరుగు.. ఒట్టి కాళ్లతో మారథాన్ గెలిచిన తల్లి!

Shankar Dukanam — Mon, 31 Aug 2026 20:06:36 +0530

బీడ్: ఈ ప్రపంచంలో పిల్లల భవిష్యత్ కోసం తండ్రి ఎంతగానో శ్రమిస్తాడు. తాను లగ్జరీని వదులుకుని మరీ బిడ్డలకు ఏదో చేయాలని తాపత్రయపడతాడు. అదేవిధంగా పిల్లల విషయం వచ్చేసరికి ఏ తల్లి వెనుకడుకు వేయదని మరోసారి నిరూపితమైంది. పిల్లల భవిష్యత్తు కోసం తల్లిదండ్రులు ఎంతటి త్యాగాానికైనా సిద్ధపడతారనే నిజానికి ఈ ఘటన నిలువెత్తు రూపంగా నిలిచింది.

మహారాష్ట్రలోని బీడ్ జిల్లా అంబాజోగైకి చెందిన 47 ఏళ్ల రమాబాయి రణ్‌వీర్, తన కూతురి చదువు ఫీజు చెల్లించేందుకు చూపిన చొరవ ప్రతి ఒక్కరినీ ఎంతగానో కదిలించింది. ఆమె చేసిన పనికి, చూపిన ధైర్య సాహసాలను నెటిజన్లు ప్రశంసిస్తున్నారు. అక్కడ నిర్వహించిన 'అమృత్ దౌడ్' మారథాన్ పోటీలో సాధారణ చీర కట్టుకుని పరుగు ప్రారంభించారు రమాబాయి. మధ్యలో చెప్పులు తెగిపోవడంతో ఆమె ఒట్టి కాళ్లతో పరిగెత్తి ప్రథమ స్థానంలో నిలిచారు.

చెప్పులు తెగిపోయినా కూతురి చదువు కోసం ఆమెను ఆగిపోనివ్వలేదు. అతికష్టమ్మీద మరింత వేగంగా పరుగులు తీసి పోటీలో సాధించి తల్లి ప్రేమ, తెగువను నిరూపించారు. విజేతగా నిలవడంతో లభించిన రూ.3,000 నగదు బహుమతిని తన కూతురి చదువు కోసం వెచ్చించనున్నట్లు ఆమె తెలిపారు. ఇది తక్కువ మొత్తమే అయినా ఆమెకు మాత్రం ఆ నగదు చాలా ప్రత్యేకం.

అంబాజోగైలోని ఖోలేశ్వర్ ఎడ్యుకేషనల్ కాంప్లెక్స్ అమృత మహోత్సవాల సందర్భంగా ఛత్రపతి శివాజీ మహారాజ్ చౌక్ నుంచి భాగ్యనగర్ చౌక్ వరకు ఈ మారథాన్ సాగింది. ఆధునిక స్పోర్ట్స్ షూస్, ట్రాక్‌సూట్లు ధరించిన యువ క్రీడాకారుల మధ్య రమాబాయి సాధారణ చీర, సాధారణ చెప్పులతో పోటీలో నిలవటాన్ని చూసి ఎవరూ ఆమె గెలుస్తుందని ఊహించలేదు. పరుగు ప్రారంభంలోనే చెప్పులు తెగిపోయినా ఏమాత్రం సంకోచించకుండా వాటిని చేతిలో పట్టుకుని, పందెం ముగిసే వరకు ఒట్టి కాళ్లతోనే శ్రమించారు.

చీర కొంగును సర్దుకుంటూ, తోటి రన్నర్లను ఒక్కొక్కరిగా అధిగమించి ఆమె అందరికంటే ముందుగా ఫినిషింగ్ లైన్‌ను చేరుకోవడంతో స్టేడియం మొత్తం లేచి చప్పట్లు కొట్టారు. రూ.3,000 బహుమతి అందుకున్న ఆమె, ఆ డబ్బుతో తన కూతురి బడి ఫీజు చెల్లిస్తానని చెప్పిన క్షణాన నిర్వాహకులు, వీక్షకులు సైతం తీవ్ర భావోద్వేగానికి గురయ్యారు. ఒక తల్లి ఆశయం ముందు ఎలాంటి ఆటంకాలు నిలవలేవని రమాబాయి నిరూపించారు.

Viral News: ఆత్మహత్యకు యత్నించిన కొడుకుని కాపాడబోయి కొండపై నుంచి పడి తండ్రి, దూకేసి తల్లి సైతం మృతి

Shankar Dukanam — Fri, 21 Aug 2026 20:13:11 +0530

శంభాజీ నగర్: యువత ఆవేశంలో చేసే తప్పులు, అనాలోచిత నిర్ణయాలు కుటుంబాలను నాశనం చేస్తున్న ఘటనలు పెరుగుతున్నాయి. కొందరు పిల్లలు చేసే తప్పిదాలతో తల్లిదండ్రుల ప్రాణాలు సైతం రిస్కులో పడుతున్నాయి. కొన్ని కుటుంబాల్లో మందలించిన కారణంగా, ఫోన్ వాడొద్దని చెప్పినా, పరీక్షల కోసం బాగా ప్రిపేర్ అవ్వాలని చెప్పినా మొండిగా ప్రవర్తిస్తున్నారు. ఆత్మహత్య చేసుకోవడానికి ప్రయత్నించిన కుమారుడ్ని కాపాడే క్రమంలో తండ్రి కూడా అతడితో పాటే కొండమీద నుంచి పడిపోయి ప్రాణాలు కోల్పోయాడు. జరిగిందంతా చూస్తున్న యువకుడి తల్లి సైతం కొండ మీద నుంచి దూకి ఆత్మహత్య చేసుకుంది. మహారాష్ట్రలోని ఛత్రపతి శంభాజీ నగర్ జిల్లాలో ఈ విషాదం చోటుచేసుకుంది.

శంభాజీ నగర్ జిల్లాలో మొబైల్ ఫోన్ విషయంలో ఒక ఇంట్లో చిన్న గొడవ జరిగింది. మొబైల్ కోసం 19 ఏళ్ల కునాల్ చంద్‌గుడే అనే యువకుడు తల్లిదండ్రులతో గొడవ పడ్డాడు. అనంతరం ఆత్మహత్య చేసుకుంటానని బెదిరిస్తూ సమీపంలో ఉన్న ఖవ్డా కొండ వద్దకు వెళ్లాడు. విషయం తెలుసుకున్న తల్లిదండ్రులు మురళీధర్, సంగీత తన కొడుకు కునాల్ ను కాపాడుకునేందుకు వెంటనే ఆ కొండ వద్దకు చేరుకున్నారు.

#Maharashtra சத்ரபதி சம்பாஜிநகர் அருகே செல்போன் தகராறில் மலையிலிருந்து குதிக்க முயன்ற மகனைக் காப்பாற்ற தந்தை பிடிக்க முயன்றபோது தந்தையும் மகனும் நிலைதடுமாறி செங்குத்தான மலையிலிருந்து கீழே விழுந்து பலியாகினர்

அதிர்ச்சியடைந்த தாயும் மலையிலிருந்து குதித்து உயிரிழந்தார் pic.twitter.com/p8FMpuvzuT
— M.M.NEWS உடனடி செய்திகள் (@rajtweets10) August 21, 2026

తల్లిదండ్రులు వేడుకున్నా వెనక్కి రాని కుమారుడు
దాదాపు 3 గంటల పాటు అతనికి నచ్చజెప్పేందుకు తల్లిదండ్రులు మురళీధర్, సంగీత ప్రయత్నించినా ప్రయోజనం లేకపోయింది. కునాల్ కొండపై నుంచి కిందకు రాలేదు. పైగా ఎవరైనా దగ్గరకు వస్తే కొండపై నుంచి దూకేస్తానని బెదిరించడంతో ఆందోళన చెందిన తల్లిదండ్రులు పోలీసులకు సమాచారం అందించారు. పోలీసులు వెంటనే ఘటనా స్థలానికి చేరుకుని, భద్రతా చర్యల్లో భాగంగా కొండ కింద పెద్ద వలను ఏర్పాటు చేశారు. అయితే ఇది గమనించిన యువకుడు కొండ వద్ద మరో ప్రమాదకరమైన అంచు వైపునకు వేగంగా వెళ్లాడు. కొడుకు ఎక్కడ దూకేస్తాడోనని భయపడిన తండ్రి మురళీధర్, అతడిని పట్టుకునేందుకు కొండపైకి వెళ్లాడు.

చివరి క్షణంలో ఊహించని విషాదం
కొండపైకి వెళ్లి ఎలాగోలా కుమారుడు సోనాల్ చంద్‌గుడేను సమీపించాడు తండ్రి. కొడుకును కిందకు దూకకుండా పట్టుకునేందుకు మురళీధర్ వెళ్లగా.. యువకుడు కిందకు దూకేందుకు చూశాడు. అతడ్ని పట్టుకునే క్రమంలో తండ్రీ కొడుకులిద్దరూ పట్టుతప్పి కొండపై నుంచి కిందపడిపోయారు. తల పగిలి, తీవ్ర గాయాలవ్వడంతో ఇద్దరూ అక్కడికక్కడే ప్రాణాలు కోల్పోయారు. ఆదే సమయంలో కొండ మీదకు ఎక్కిన సంగీత తన కళ్లముందే భర్త, కొడుకు దారుణంగా చనిపోవడం చూసి తీవ్ర దిగ్భ్రాంతికి గురైంది. భర్త, కుమారుడి మరణాన్ని తట్టుకోలేక అదే కొండపై నుంచి కిందకు దూకేసింది. దీంతో ఈ ప్రమాదంలో ఒకే కుటుంబానికి చెందిన ముగ్గురూ మృతి చెందారు. పోలీసులు కేసు నమోదు చేసి మృతదేహాలను పోస్టుమార్టం నిమిత్తం ఆసుపత్రికి తరలించారు.

Kerala Influencer Akhil Megha: కేరళం సోషల్ మీడియా ఇన్‌ఫ్లూయెన్సర్ జంటకు దిష్టి తగిలేసిందా? బస్సు క్లీనర్‌తో భార్య పరార్‌! బోరుమంటున్న భర్త!

Khagesh — Wed, 12 Aug 2026 08:25:13 +0530

Kerala Influencer Akhil Megha: నేటి కాలంలో సోషల్ మీడియా అనేది ఒక సమాంతర ప్రపంచంగా మారిపోయింది. అక్కడ కనిపించే ప్రతి దృశ్యం, ప్రతి నవ్వు నిజమని నమ్మే ప్రేక్షకులు కోట్లాది మంది ఉన్నారు. ముఖ్యంగా సోషల్ మీడియా కపుల్స్‌ చేసే వీడియోలు, వారి మధ్య ఉండే అనురాగం చూసి మురిసిపోయే అభిమానులకు కొదవలేదు. కేరళంకు చెందిన అఖిల్, మేఘా కూడా అటువంటి క్రేజీ జంటనే. ఇన్‌స్ట్రాగ్రామ్‌లో లక్షలాది మంది ఫాలోవర్స్‌తో, వేలాది మంది అభిమానులో వీరు ఒక ఆదర్శ దంపతులుగా గుర్తింపు పొందారు. కానీ కెమెరా వెనుక ఉండే చీకటి కోణం ఇప్పుడు వెలుగులోకి వచ్చి ప్రపంచాన్ని విస్మయానికి గురి చేస్తోంది.

ఆదర్శ దంపతులుగా పేరు తెచ్చుకున్న అఖిల్-మేఘా బంధం ఇప్పుడు ముక్కలైంది. భర్త అఖిల్ ఇటీవల సోషల్ మీడియా వేదికగా విడుదల చేసిన ఒక వీడియో ఇప్పుడు ఇంటర్నెట్‌ను ఊపేస్తోంది. తన భార్య మేఘా తనను వదిలి, ఒక లోకల్ బస్ కీనర్‌తో కలిసి ఇంటి నుంచి వెళ్లిపోయిందని అఖిల్ ఆ వీడియోలో ఆరోపణలు చేశారు.

వెళ్లిపోవడమే కాకుండా, ఇంట్లో ఉన్న నగదు, బంగారం, ఇతర విలువైన వస్తువులను కూడా ఆమె తనతో పాటు తీసుకెళ్లిందని అఖిల్ పేర్కొన్నారు. ఒకప్పుడు తమ మధ్య తమ మధ్య ఉన్న ప్రేమను చూసి అసూయపడిన వారే ఇప్పుడు ఈ పరిస్థితి చూసి షాక్ అవుతున్నారు.

ఈ వ్యవహారం ఆగస్టు 11 నాటి రాత్రి సమయంలో అఖిల తన సోషల్ మీడియా ఖాతాలో చెప్పడంతో వెలుగులోకి వచ్చింది. అప్పటి వరకు వారిద్దరూ కలిసి చేసిన హ్యాపీ ఫ్యామిలీ వ్లాగ్స్‌, ట్రావెల్ రీల్స్‌ చూస్తున్న ఫాలోవర్స్‌కు ఇది ఒక పెద్ద పిడుగులాంటి వార్తగా మారింది. అఖిల్ తన కుటుంబం ఎదుర్కొంటున్న గడ్డు పరిస్థితిని వివరిస్తూ, తాను తీవ్రమైన మానసిక వేదనలో ఉన్నానని వాపోయాడు.

ఈ ఘటన కేవలం ఒక జంట విడిపోవడం మాత్రమే కాదు, ఇది సోషల్ మీడియాలో కనిపించే పర్ఫెక్ట్‌ లైఫ్ వెనుక ఉన్న డొల్లతనాన్ని ఎత్తి చూపుతోంది. ఒక కోటీశ్వరుడిని పెళ్లాడిన మేఘా, సాధారణ బస్సు క్లీనర్‌తో వెళ్లిపోవడం అనేది నెటిజన్ల మధ్య తీవ్ర చర్చకు దారి తీసింది. వ్యక్తిగత సంబంధాల మధ్య ఆర్థికపరమైన మోసాలు చోటుచేసుకోవడం దీని తీవ్రతను పెంచింది. లక్షల మంది చూస్తున్నప్పుడు కెమెరా ముందు నవ్వుతూ నటించడం, కెమెరా ఆఫ్ అవ్వగానే మరో ప్రపంచంలో బతకడం అనే ధోరణిపై ఈ ఘటన చర్చను రేకెత్తిస్తోంది.

అఖిల వెల్లడించిన వివరాల ప్రకారం, మేఘా పక్కా ప్రణాళికతోనే ఈ పని చేసినట్టు తెలుస్తోంది. ఇంట్లోని విలువైన వస్తువులను సర్దుకుని ఎవరికీ అనుమానం రాకుండా బస్ క్లీనర్‌తో కలిసి ఆమె వెళ్లిపోయిందని ఆరోపణలు ఉన్నాయి. అయితే ఈ వ్యవహారంపై మేగా వైపు నుంచి ఇప్పటి వరకు ఎటువంటి అధికారిక స్పందన రాలేదు. ఆమె వాదన ఏంటీ? అసలు ఆమె ఎందుకు ఈ నిర్ణయం తీసుకుంది? అనే ప్రశ్నలకు సమాధానాలు రావాల్సి ఉంది.

ప్రస్తుతం అఖిల్ చేసిన ఆరోపణలు మాత్రమే వైరల్ అవుతున్నాయి. పోలీసులకు ఫిర్యాదు చేశారా లేదా అనే దానిపై ఇంకా స్పష్టత రావాల్సి ఉంది. మేఘా స్పందన, అధికారిక వివరాలు బయటకు వచ్చిన తర్వాతే ఈ ఉదంతంలో పూర్తి నిజానిజాలు వెలుగు చూసే అవకాశం ఉంది. అప్పటి వరకు పర్ఫెక్ట్‌ కపుల్‌గా పిలుచుకునే ఈ జంట కథ సోషల్ మీడియాలో వైరల్ అవుతోంది.

Viral Video: వీడియో కాల్‌లోనే కడసారి చూపులు - క్షీణిస్తున్న మానవ సంబంధాలపై సజ్జనార్ ఆవేదన

Shankar Dukanam — Wed, 5 Aug 2026 22:32:53 +0530

హైదరాబాద్: నేటి రోజుల్లో మానవ సంబంధాలు ఎంతగా దిగజారిపోతున్నాయో, చనిపోయాక చివరి చూపునకు కూడా నోచుకోలేకపోతున్నారు. చివరి క్షణాల్లో సాంకేతికత అందించే డిజిటల్ స్క్రీన్లు, ఆన్‌లైన్ మనీ ట్రాన్స్‌ఫర్‌లు కన్నపేగు అనుబంధానికి ప్రత్యామ్నాయం కాగలవా? అని హైదరాబాద్ పోలీస్ కమిషనర్ వీసీ సజ్జనార్ ప్రశ్నించారు. ఆయన షేర్ చేసిన ఓ వీడియో నెటిజన్లను సైతం కదిలిస్తోంది.

హరియాణాలోని సోనిపట్‌కు చెందిన ఒకప్పటి ప్రముఖ వ్యాపారవేత్త జీవిత చరమాంకంలో ఒంటరితనంతో కుమిలిపోతూ ఓ వృద్ధాశ్రమంలో కన్నుమూసిన ఘటనపై ఐపీఎస్ అధికారి వి.సి. సజ్జనార్ తీవ్ర ఆవేదన వ్యక్తం చేశారు. ఆస్తులు, అంతస్తులు సంపాదించి, పిల్లలను ఉన్నత స్థాయిలో నిలబెట్టిన ఆ తండ్రి చివరికి అనాథలా వైకుంఠ ధామానికి చేరడం నేటి సమాజంలో దిగజారుతున్న మానవ సంబంధాలకు, నైతిక విలువలకు సజీవ సాక్ష్యమన్నారు.

కన్నతండ్రి కన్నుమూసినా కడసారి చూపునకు కూడా రాలేకపోయిన కుమార్తెలు, ఆఖరికి అంత్యక్రియలను మొబైల్ ఫోన్‌లో వీడియో కాల్ ద్వారా చూస్తూ సరిపెట్టుకోవడం అత్యంత దారుణం అన్నారు. తండ్రి చివరి కార్యక్రమాల ఖర్చుల కోసం కేవలం ₹5,100 ఆన్‌లైన్‌లో పంపి తమ బాధ్యత తీరిపోయిందని భావించడం, నేటి సమాజంలో మనుషులు యంత్రాల్లా ఎలా మారిపోతున్నారో తెలియజేస్తోందని ఆవేదన వ్యక్తం చేశారు.

బతికి ఉన్నప్పుడు కంటపడని కన్నప్రేమ.. కన్నుమూశాక వీడియో కాల్ దర్శనం! ఎటు పోతోంది ఈ సమాజం?!

రెక్కలు ముక్కలు చేసుకుని పెంచి పెద్ద చేసిన కన్నప్రేమ పట్ల ఆప్యాయత, బాధ్యతలు ఏమైపోతున్నాయి? నేటి సమాజంలో యంత్రాల్లా మారుతున్న మానవ సంబంధాలు, మంటగలిసిపోతున్న నైతిక విలువలకు ఈ దృశ్యమే… pic.twitter.com/CCMMyqFMhl
— V.C. Sajjanar, IPS (@SajjanarVC_IPS) August 5, 2026

మిమ్మల్ని ఈ లోకంలోకి తెచ్చి, మీ భవిష్యత్తు కోసం తమ జీవితాలనే ధారపోసిన కన్నతండ్రి ఆఖరి ప్రయాణంలో తోడుగా నిలబడలేని ఈ విలాసవంతమైన, వ్యాపారాత్మక బతుకులు ఎందుకని సజ్జనార్ ప్రశ్నించారు. కోట్లు సంపాదించినా, ఉన్నత హోదాల్లో స్థిరపడినా కన్నవారి రుణం తీర్చుకోలేని చదువులు, సంస్కారం ఏ పాటివని నిలదీశారు. చివరి క్షణాల్లో సాంకేతికత అందించే డిజిటల్ స్క్రీన్లు, ఆన్‌లైన్ మనీ ట్రాన్స్‌ఫర్‌లు కన్నపేగు అనుబంధానికి ప్రత్యామ్నాయం కాలేవని స్పష్టం చేశారు.

Also Read: Prudhvishwar Reddy POCSO Case: తెలంగాణ బాస్కెట్‌బాల్ అసోసియేషన్ జీఎస్‌పై పోక్సో కేసు: ప్రుధ్వీశ్వర్ రెడ్డిపై మైనర్ క్రీడాకారిణి తీవ్ర ఆరోపణలు!

తల్లిదండ్రులు బతికున్నప్పుడు వారిని గుండెల్లో పెట్టుకుని ఆదరించడం, వారి ఆఖరి ఘడియల్లో తోడుగా నిలవడం పిల్లలుగా ప్రాథమిక ధర్మమని హైదరాబాద్ సీపీ పిలుపునిచ్చారు. కన్నవారిని వృద్ధాశ్రమాలకు పరిమితం చేయడం, వారి మరణాన్ని కూడా వీడియో కాల్స్ ద్వారా చూస్తూ మమకారాలను తెంచేసుకోవడం మానవత్వానికే మచ్చ అని, ఇలాంటి స్వార్థపూరిత సంస్కృతిలో త్వరితగతిన మార్పు రావాలని ఆయన ఆకాంక్షించారు.

తెలంగాణలో హిందువులపై పెద్ద కుట్ర జరుగుతోంది: రాజా సింగ్

ABP Desam — Fri, 17 Jul 2026 08:14:06 +0530

తెలంగాణాలో ప్రస్తుత పరిస్థితులపై రాజా సింగ్ గారు చేసిన ఈ వ్యాఖ్యలు ఇప్పుడు సోషల్ మీడియాలో హాట్ టాపిక్.

జగన్‌కు చేదు అనుభవం: కార్యకర్తల తోపులాటతో స్టేజ్ పై ఊగిపోయిన వైనం!

ABP Desam — Wed, 15 Jul 2026 14:54:27 +0530

భీమవరంలో ఆక్వా రైతులతో ప్రత్యేకంగా సమావేశమైన సందర్భంలో వైఎస్ జగన్ మోహన్ రెడ్డి గారికి ఊహించని పరిస్థితి ఎదురైంది. జగన్ గారు స్టేజ్ పైకి ఎక్కిన సమయంలో, కార్యకర్తల తాకిడి ఒక్కసారిగా పెరిగిపోవడంతో స్టేజ్ ఊగిపోయింది. అభిమానం అతి కావడంతో కార్యకర్తలు స్టేజ్‌ను కుదిపేయడం అక్కడ కొంత ఉద్రిక్తతకు దారితీసింది. ఆ సమయంలో జగన్ గారు పడబోయి తృటిలో తప్పించుకున్నారు.

Viral Video: అమ్మ పెళ్లి చేస్తుందని గుండు చేయించుకున్న అమ్మాయి! వీడియో వైరల్‌! యూజర్ల షాకింగ్ రియాక్షన్

Khagesh — Tue, 14 Jul 2026 18:01:11 +0530

Viral Video: సోషల్ మీడియా ప్రపంచంలో వైరల్ అవ్వడానికి, లైక్‌లు, వ్యూస్ కోసం ప్రజలు ఎంతకైనా తెగిస్తారనడానికి ఒక దిగ్భ్రాంతికరమైన ఉదాహరణగా ఈ వీడియో కనిపించింది. కెమెరా ముందు ఒక యువతి తన తలని గుండు చేయించుకుంటున్న వీడియో ఇంటర్నెట్‌లో చాలా వేగంగా వైరల్ అవుతోంది. మరింత దిగ్భ్రాంతికరంగా, ఆ వీడియోపైన ఉన్న టెక్స్ట్‌లో, ఆమె తల్లి ఆమెకు పెళ్లి కుదిర్చిందని, దానిని తప్పించుకోవడానికే ఇలా చేసిందని కూడా పాయింట్‌ ఆఫ్ వ్యూలో పేర్కొంది. ఈ వింత వాదన చేస్తున్న ఈ వీడియో, సోషల్ మీడియాలో ఒక చర్చకు దారితీసింది.

'అమ్మే పెళ్లి కుదిర్చింది', అంటూ గుండు కొట్టించుకుంది

వైరల్ అవుతున్న ఈ వీడియోలో, ఒక యువతి ఎరుపు రంగు ప్రింటెడ్ సూట్‌లో కూర్చొని ఉంది. ఆమె తలలో అరగండు చేయించుకుంది. మిగిలిన సగభాగం పొడవాటి జుట్టుతో పోనీటైల్‌గా కట్టి ఉంది. ఆ వీడియోలో, మరొక వ్యక్తి మిగిలిన జుట్టును గుండు చేస్తూ కనిపిస్తున్నాడు. వీడియో పైన ఉన్న క్యాప్షన్‌లో, "POV: మా అమ్మ నా పెళ్లిని ప్లాన్ చేసింది" అని రాసి ఉంది. ఆ అమ్మాయి రూపం, దాని వెనుక ఉన్న వింత వాదనతో పాటు, ప్రజలను అయోమయానికి గురిచేసింది.

View this post on Instagram

A post shared by Keerthana.Menon (@keerthana.menonn)

యూజర్ల షాకింగ్ రియాక్షన్

ఈ వీడియో బయటకు రాగానే, సోషల్ మీడియా యూజర్స్‌ ఆ అమ్మాయిని విమర్శించడం మొదలుపెట్టారు. కేవలం అందరి దృష్టిని ఆకర్షించి, ఆ రీల్‌ను వైరల్ చేయడానికి ఇది ఒక ఎత్తుగడ అని అంటున్నారు. ఈ రోజుల్లో, ఇంటర్నెట్‌లో 'పీఓవీ' (POV) ట్రెండ్‌ను ఉపయోగించి, యాదృచ్ఛిక వీడియోలకు కల్పిత కథలను జోడిస్తున్నారు. దీనివల్ల చలించిపోయిన లేదా దిగ్భ్రాంతి చెందిన ప్రజలు ఆ వీడియోను వీలైనంత ఎక్కువగా చూసి, షేర్ చేస్తారు. ఆ అమ్మాయి మొక్కుబడి కోసమో లేదా వ్యక్తిగత కారణం కోసమో జుట్టు కత్తిరించుకుని ఉండవచ్చని, కానీ రీల్‌కు వీక్షణలు పెంచుకోవడానికి పెళ్లి కోణాన్ని జోడించిందని చాలా మంది ఆరోపిస్తున్నారు.

సోషల్ మీడియాలో కామెంట్ల వెల్లువ

వీడియో కామెంట్ల విభాగంలో, ప్రజలు ఆ అమ్మాయి చేసిన పనిని విమర్శిస్తున్నారు. ఒక యూజర్, "పెళ్లి జరగవచ్చు, జరగకపోవచ్చు, కానీ కుటుంబం నిన్ను కచ్చితంగా చితకబాదుతుంది" అని రాశారు. మరో యూజర్ తన అసంతృప్తిని వ్యక్తం చేస్తూ, "ఈ రోజుల్లో, వ్యూస్ కోసం ప్రజలు తమ సొంత తల్లులను కూడా అపఖ్యాతి పాలు చేయడానికి వెనుకాడటం లేదు. ఇదంతా ఎంత నాటకం" అని రాశారు. ఇంకొక యూజర్, "ఓ మై గాడ్, ట్రూ లవ్" అని సరదాగా వ్యాఖ్యానించారు.

Why Europe Is Heating Up?: యూరోప్ ఎందుకు ఓవెన్‌లా ఉడుకుతోంది..తీవ్రమైన ఎండల వెనుక కారణం ఏంటి..?

Nagesh GV — Fri, 3 Jul 2026 22:40:33 +0530

Climate Change in Europe: యూరోప్ అల్లాడిపోతోంది. ప్రపంచ వేసవి విడిది అని పేరున్న ఆ ఖండం.. వేడి ధాటిని తట్టుకోలేకపోతోంది. ఆహ్లాదకరమైన వాతావరణం, చల్లని వేసవి కాలం, సుందర ప్రకృతి దృశ్యాలు.. ఆల్ఫ్ పర్వతాల అందాలు ఇదీ యూరోప్ గురించి అందరికీ తెలిసింది. కానీ ఇప్పుడు రోడ్ల మీద ఇబ్బంది పడుతున్నరజలు.. ఎండలకు పిట్టల్లా రాలుతున్న ప్రాణాలు.. వేడికి అల్లాడుతున్న దేశాలు... ఇదీ ఇప్పుడు పరిస్థితి. యూరోప్ ఇప్పుడు వేగంగా ఒక గ్లోబల్ క్లైమేట్ హాట్‌స్పాట్‌గా మారుతోంది. మధ్యధరా సముద్రం మీద నుంచి ఉత్తర మైదానాల వరకూ ఇప్పుడు వేసవి విడిది కాదు. అదొక వాతావరణ అత్యయిక స్థితి..!

భూమిపై అత్యంత వేగంగా వేడెక్కుతున్న ఖండం యూరోప్

మీకు తెలుసా. యూరోపియన్ ద్వీపకల్పమే ఇప్పుడు భూమిమీద అత్యధికంగా వేడెక్కుతున్న ప్రాంతం. కోపర్నికస్ క్లైమేట్ చేంజ్ సర్వీస్ (C3S) మరియు వరల్డ్ మెటరలాజికల్ ఆర్గనైజేషన్ (WMO) డేటా ఒక చేదు నిజాన్ని నిర్ధారిస్తోంది: పారిశ్రామిక విప్లవానికి ముందుతో పోలిస్తే ప్రపంచ సగటు ఉష్టోగ్రత పెరుగుదల 1.21.2°C నుండి 1.3°C ఉంటే.. యూరప్ సగటు పెరుగుదల: 2.3°C నుండి 2.4°C వరకూ ఉంది. యూరప్‌లో హీట్‌వేవ్స్‌ అంటే ఎప్పుడో ఒకసారి వచ్చే అరుదైన సంఘటనలు అనుకునేవారు. 2003లో వచ్చిన హీట్‌వేవ్ వల్ల ఖండం అంతటా 70,000 కంటే ఎక్కువ మంది మరణించారు, అప్పట్లో దాన్ని శతాబ్దానికి ఒకసారి వచ్చే విపత్తుగా భావించారు. కానీ ఈరోజు, ఆ అసాధారణ ఉష్ణోగ్రతలే సాధారణంగా మారిపోయాయి. ఒకప్పుడు జూలై నెలలో కాస్త వెచ్చగా ఉండే రోజులు.. ఇప్పుడు సబ్‌ట్రోపికల్ ఎయిర్ మాసెస్ (ఉప-ఉష్ణమండల వాయు ద్రవ్యరాశి) కారణంగా వారాల తరబడి కదలకుండా ఉండిపోతున్నాయి.

యూరప్ ఊహించిన దానికంటే వేగంగా ఎందుకు వేడెక్కుతోంది? (Why Europe Is Heating Faster)?

యూరప్ ఇంత వేగంగా వేడెక్కడం ప్రారంభంలో వాతావరణ నమూనాలను సైతం ఆశ్చర్యపరిచింది. అయితే శాస్త్రవేత్తలు దీని వెనుక ఉన్న నిర్దిష్టమైన కారణాలను కనుగొన్నారు.

గ్రీన్‌హౌస్ వాయువులు: ప్రపంచ వ్యాప్తంగా ఇండస్ట్రియలైజేషన్ ప్రభావం ఉంది. గ్రీన్‌ హౌస్ ఉద్గారాలు ఎక్కువుగా వచ్చే పరిశ్రమలు యూరోప్‌లో తక్కువే. కానీ.. గ్రీన్‌ హౌస్ హౌస్ ప్రభావం మాత్రం యూరోప్‌ మీద ఎక్కువుగా ఉంది. ఎందుకంటే ప్రపంచమంతా ఓ వేడి దుప్పటిలా వ్యాపించిన ఈ వాయువుల వ్యాప్తి అన్ని చోట్ల సమానంగా లేదు. యూరప్ ఉన్న భౌగోళిక స్థానం వల్ల ఈ ఉష్ణోగ్రత మార్పులకు ఇది ఎక్కువగా గురవుతోంది.

ఆర్క్టిక్ యాంప్లిఫికేషన్ (Arctic Amplification): ఉత్తర ధ్రువంలోని ఆర్కిటిక్ ప్రాంతం ప్రపంచ సగటు కంటే దాదాపు నాలుగు రెట్లు వేగంగా వేడెక్కుతోంది. ఆర్క్టిక్ సముద్రపు మంచు కరిగేకొద్దీ, అది తెల్లటి మంచుకు బదులుగా ముదురు రంగులో ఉండే సముద్రపు నీటిని బయటకు తీస్తుంది. ఈ నీరు సూర్యరశ్మిని అంతరిక్షంలోకి రిఫ్లెక్ట్‌ చేయకుండా Absorb చేస్తోంది. యూరోప్ నార్త్ పోల్‌కు దగ్గరగా ఉండటం వల్ల దాని ఎఫెక్ట్ ఎక్కువుగా ఉంటోంది. భూమధ్యరేఖకు మరియు ఉత్తర ధ్రువానికి మధ్య ఉన్న ఉష్ణోగ్రత వ్యత్యాసం గణనీయంగా తగ్గుతోంది.

జెట్ స్ట్రీమ్ బలహీనపడటం (Jet Stream Changes): ఈ ఉష్ణోగ్రత వ్యత్యాసం తగ్గడం వల్ల 'పోలార్ జెట్ స్ట్రీమ్' (ఉత్తర అర్ధగోళంలో వాతావరణాన్ని శాసించే అధిక ఎత్తులో వేగంగా ప్రవహించే గాలి) అస్థిరంగా మారింది. జెట్ స్ట్రీమ్ వేగం తగ్గినప్పుడు, అది వంకరగా మారి ఒకే చోట నిలిచిపోతుంది. మరీ ముఖ్యంగా, యూరప్ మీదుగా "జెట్ స్ప్లిటింగ్" (గాలి రెండు పాయలుగా చీలడం) జరుగుతోందని శాస్త్రవేత్తలు గమనించారు. ఈ చీలిక వల్ల పశ్చిమ మరియు మధ్య యూరప్ మీదుగా గాలి కదలికలు లేని ఒక నిశ్చల ప్రాంతం ఏర్పడుతుంది. ఈ నిశ్చలత వేడి గాలిని వారాల తరబడి ఒకే చోట బంధిస్తుంది.

హై-ప్రెషర్ సిస్టమ్స్- హీట్ డోమ్స్ (Heat Domes): బలహీనపడిన జెట్ స్ట్రీమ్ వల్ల, అధిక పీడన వ్యవస్థలు (High-pressure systems) యూరప్ భూభాగాలపై నిలిచిపోతాయి. ఈ వ్యవస్థలు ఒక పెద్ద హీట్ డోమ్ లా పనిచేస్తాయి. అధిక పీడనం గాలిని భూ ఉపరితలం వైపు నెట్టడం వల్ల, గాలి కుదించబడి థర్మోడైనమిక్‌గా వేడెక్కుతుంది. అంతేకాకుండా, ఈ హీట్ డోమ్ మేఘాలను వర్షాన్ని ఇచ్చే వాతావరణ వ్యవస్థలను దరిచేరనివ్వదు.మేఘాలు లేకపోవడం వల్ల సూర్యరశ్మి నేరుగా భూమిని తాకుతుంది.

మెడిటరేనియన్ సముద్రం వేడెక్కడం (Mediterranean Sea Warming): మధ్యధరా సముద్రం ప్రపంచ మహాసముద్రాల సగటు కంటే చాలా ఎక్కువ రేటుతో వేడెక్కుతోంది. వేసవి ప్రారంభంలో, ఈ సముద్రం ఒక భారీ ఉష్ణ నిధిలా పనిచేస్తుంది. ఇది దక్షిణ యూరప్ తీర దేశాలను చల్లబరచడానికి బదులుగా, చుట్టుపక్కల గాలిలోకి విపరీతమైన వేడిని తేమను విడుదల చేస్తుంది. ఇది రాత్రి వేళల్లో కూడా వాతావరణం చల్లబడకుండా అడ్డుకుంటూ స్పెయిన్, ఇటలీ, గ్రీస్ దేశాలలో హీట్‌వేవ్‌లను మరింత తీవ్రతరం చేస్తోంది.

ఈ ఏడాది వేడి ఇంత దారుణంగా ఎందుకంటే..

శీతాకాలంలో ఆల్ప్స్ పర్వతాలలో తక్కువ మంచు కురవడం, వర్షాలు లేకపోవడం వల్ల దక్షిణ మరియు మధ్య యూరప్ ముందే తీవ్ర నీటి ఎద్దడిని ఎదుర్కొంది.
సూర్యరశ్మి తడి నేలపై పడినప్పుడు, ఆ శక్తిలో చాలా భాగం నీటిని ఆవిరి చేయడానికి (Latent Heat) ఖర్చవుతుంది. కానీ నేల పూర్తిగా ఎండిపోయినప్పుడు, సూర్యశక్తి 100% నేరుగా భూమిని దాని పైన ఉన్న గాలిని వేడి చేయడానికి (Sensible Heat) ఉపయోగపడుతుంది. ఈ ఏడాది ఫ్రాన్స్, స్పెయిన్, జర్మనీలలో ఎండిపోయిన నేలలు ఈ దుష్ట వలయాన్ని సృష్టించి, వేడి తీవ్రతను రెట్టింపు చేశాయి.
నార్త్ అట్లాంటిక్ మహాసముద్ర ఉపరితల ఉష్ణోగ్రతలు సాధారణం కంటే చాలా డిగ్రీలు ఎక్కువగా నమోదయ్యాయి. ఈ వెచ్చని సముద్ర ఉపరితలం.. గతంలో పశ్చిమ యూరప్‌ను చల్లబరిచే చల్లని సముద్ర గాలులను రానివ్వకుండా అడ్డుకుంటోంది.
ప్రపంచ స్థాయిలో, శక్తివంతమైన ఎల్ నినో (El Niño) చక్రం వాతావరణంలో మిగిల్చిన అదనపు వేడి కూడా ఈ ప్రాంతీయ ఉష్ణోగ్రతలు ఆల్‌టైమ్ రికార్డులను బద్దలు కొట్టడానికి ఒక బేస్‌లైన్‌గా పనిచేసింది దారుణంగా ప్రభావితమైన యూరోప్

యూరోప్ దేశాలు ఈ ఆధునిక తరం చూడనటువంటి ఘోర వాతావరణ పరిస్థితును అనుభవిస్తున్నాయి. మన దగ్గర 45 డిగ్రీలు అంటే మామూలే కానీ యూరోప్‌లో ఊహించగలమా.. కానీ స్పెయిన్‌లో 45డిగ్రీలు ఉష్ణోగ్రత నమోదైంది. మాడ్రిడ్‌లో రెడ్ అలెర్ట్ ప్రకటించారు. పోర్చ్‌గల్‌ అయితే 44 డిగ్రీలతో మండిపోతోంది. రోడ్లమీద షవర్లు ఏర్పాటు చేశారు. ఫ్రాన్స్‌లో క్లైమేట్ ఎమర్జెన్సీ విధించారు. దాదాపుగా వెయ్యిమంది వృద్ధులు ఫ్రాన్స్‌లో చనిపోయినట్లు అంచనా. ఇటలీ, జర్మనీ, గ్రీస్ అన్నీ ఇబ్బందులు ఎదుర్కొంటున్నవే. UKలో అయితే రైలు సర్వీసులు నిలిపేశారు. నీటి వినియోగంపై నిషేధం పెట్టారు.

దెబ్బతిన్న రవాణా వ్యవస్థ

ఈ వాతావరణ మార్పులు ఆహార ఉత్పత్తులు పారిశ్రామికీకరణపై ప్రభావం చూపడం చూస్తూనే ఉంటాం. తుపాన్లు, వరదలు, మంచు వల్ల రవాణా వ్యవస్థ దెబ్బతింటం వింటాం. కానీ వేడి వల్ల యూరోప్‌లో రవాణా వ్యవస్థ దెబ్బతింది తెలుసా..? యూరప్ రైల్వే నెట్‌వర్క్‌లు కాంక్రీట్ స్లీపర్లపై అమర్చిన వెల్డెడ్ పట్టాలను ఉపయోగిస్తాయి. ఇవి సాధారణంగా గరిష్టంగా డిగ్రీల ఉష్ణాన్ని తట్టుకోగలుగుతాయి. కానీ గాలి ఉష్ణోగ్రత 40 దాటితో పట్టాల ఉష్ణోగ్రత 52 డిగ్రీలకు చేరుతోంది. దీంతో అవి వ్యాకోచిస్తున్నాయి. పట్టాలు వంకరగా అయిపోతుండటంతో ప్రమాదకర స్థాయి వచ్చేసింది. వేడి గాలికి సాంద్రత (Density) తక్కువగా ఉంటుంది. ఇది విమాన ఇంజిన్ల థ్రస్ట్ , రెక్కల లిఫ్ట్ (పైకి లేచే శక్తి)ని తగ్గిస్తుంది. దీనివల్ల దక్షిణ యూరప్ విమానాశ్రయాలలో రన్‌వే పొడవును బట్టి విమానాలు సురక్షితంగా టేకాఫ్ కావడానికి ప్రయాణీకులను.. కార్గోను తగ్గించాల్సి వస్తోంది. శీతల వాతావరణం కారణంగా యూరోప్‌ మెట్రో స్టేషన్లలో ఏసీలు ఉండవు. కానీ ఈవేడి వాతావరణంలో అండర్‌గ్రౌండ్ మెట్రో స్టేషన్లలో ప్రజలు అగచాట్లు పడుతున్నారు.

ఎండుతున్న నదులు... ఆగిపోయిన విద్యుత్

యూరోప్‌లో విద్యుత్‌ కు నదులలో నీటికి సంబంధం ఉంది. అణువిద్యుత్ టర్బైన్లను చల్లబరచడానికి నదుల నీటిని వాడుతారు. అయితే వాటిలో నీటి నిల్వలు తగ్గిపోవడంతో జలచరాలను కాపాడటానికి ఓ పరిమితికి మించి నీటిని విద్యుత్ కేంద్రాలకు పంపరు. ఇప్పుడు వాటిలో నీరు తగ్గడంతో విద్యుత్ ప్లాంట్లకు నీరు ఆగిపోయింది. దాని వల్ల ఉత్పత్తి తగ్గింది.ఇంకో వైపు వేడి తట్టుకోలేక జనాలు ఏసీలు కొని వాడుతున్నారు. సాధారణంగా యూరోప్‌లో ఏసీల వాడకం తక్కువ .దీంతో గ్రిడ్‌పై ఒత్తిడి పెరిగిపోతోంది.

చాలా దేశాలు తమ రోజువారీ కార్యకలాపాలను మార్చుకుంటున్నాయి. పనివేళలను తెల్లవారు జాముకు మార్చారు. మధ్యాహ్నం పూట ఆఫీసులకు సెలవులు ఇచ్చారు. యూరోప్‌ పర్యాటకం తగ్గిపోయింది. బారిసోలనా వంటి చోట్ల మళ్లీ పాతపద్దతిలో రోడ్లు ( రోడ్డుపై భారీ వృక్షాలు పెంచడం) వంటి వాటివైపు వెళుతున్నారు. పారిస్ వంటి నగరాల్లో "కూల్ పాత్స్" (చల్లని మార్గాలు) మ్యాప్ చేసి, ప్రజల కోసం పార్కులను 24 గంటలు తెరిచి ఉంచుతున్నారు.

శాస్త్రవేత్తల తీవ్ర హెచ్చరికలు

IPCC, WMO, కోపర్నికస్ మరియు యూరప్ ఎన్విరాన్‌మెంట్ ఏజెన్సీ వంటి ప్రముఖ సంస్థల శాస్త్రవేత్తల అభిప్రాయం ఒక్కటే: యూరప్ ప్రస్తుత వాతావరణం తాత్కాలికమైనది కాదు, ఇది మరింత భయంకరమైన భవిష్యత్తుకు ముందస్తు సూచన. "యూరప్ ప్రపంచ సగటు కంటే రెండింతలు వేగంగా వేడెక్కుతోంది మరియు ఈ ధోరణి మరింత పెరుగుతోంది. ఉద్గారాలను వెంటనే తగ్గించకపోతే నగరాలను మార్చకపోతే.. ఈరోజు మనం చూస్తున్న హీట్‌వేవ్‌లే భవిష్యత్తులో సాధారణ వేసవి కాలాలుగా మారుతాయి." అని కొపర్నికస్ క్లైమోటికల్ సర్వీసస్ ప్రకటించింది.

యూరప్ ఒక ప్రెషర్ కుక్కర్‌లా మారడం అనేది భవిష్యత్తులో వచ్చే సమస్య కాదు; అది ప్రస్తుతం జరుగుతున్న నిఖార్సైన నిజం. మానవ తప్పిదాల వల్ల వస్తున్న వాతావరణ మార్పులు యూరప్ వాతావరణాన్ని శాశ్వతంగా మార్చేశాయని సైన్స్ స్పష్టం చేస్తోంది. చారిత్రక నగరాలు వేడికి తలవొగ్గుతున్న వేళ, విద్యుత్ గ్రిడ్‌లు కుప్పకూలుతున్న వేళ.. ఈ సంక్షోభం ప్రపంచ దేశాలన్నింటికీ ఒక హెచ్చరిక. సంపద కానీ, అత్యాధునిక సాంకేతికత కానీ ప్రకృతి సృష్టించే థర్మోడైనమిక్ శక్తుల ముందు నిలవలేవు. యూరప్ భవిష్యత్తు.. తను సృష్టించుకున్న ఈ కొత్త వేడి వాతావరణానికి ఎంత వేగంగా అలవాటు పడుతుందనే దానిపైనే ఆధారపడి ఉంది.

Viral Video: 'హౌ టు కిల్ మెన్' బుక్ చదువుతున్న యువతి! సోనమ్, సియా, ముస్కాన్‌తో పోలుస్తున్న నెటిజన్లు!

Khagesh — Wed, 1 Jul 2026 17:20:35 +0530

Viral Video: మెట్రోలో ఒక యువతి చదువుతున్న పుస్తకం ఇప్పుడు ఇంటర్‌నెట్‌ను షేక్ చేస్తోంది. అసలే కాబోయే భర్తలను, భర్తలను అతి కిరాతకంగా హత్యలు జరుగుతున్న టైంలో ఆ యువతి చదువుతున్న పుస్తకం ఇప్పుడు వైరల్‌గా మారింది.

పూణే వ్యాపారవేత్త కేతన్ అగర్వాల్ హత్య కేసులో నిందితురాలైన సియా గురించి ప్రస్తుతం సోషల్ మీడియాలో తీవ్ర చర్చ జరుగుతోంది. అయితే, కాబోయే భార్య, భార్య లేదా ప్రియురాలు హత్య ఆరోపణలు ఎదుర్కోవడం ఇదే మొదటి కేసు కాదు. గతంలో, ఇండోర్‌లోని ప్రసిద్ధ రాజా రఘువంశీ హత్య కేసులో అతని భార్యపై ఆరోపణలు రాగా, మీరట్‌లోని సౌరభ్ రాజ్‌పుత్ హత్య కేసులో అతని భార్య ముస్కాన్ పేరు వెలుగులోకి వచ్చింది.

మెట్రో ట్రావెల్ చేస్తున్న యువతి చదువుతున్న పుస్తకాన్ని ఇప్పుడు నడుస్తున్న కేసులను ముడిపెడుతూ నెటిజన్లు కామెంట్స్ చేస్తున్నారు. వైరల్ అవుతున్న ఆ వీడియోలో, ఒక యువతి మెట్రోలో ప్రయాణిస్తూ పుస్తకం చదువుతూ కనిపిస్తుంది. మొదట అంతా సాధారణంగానే కనిపిస్తుంది, కానీ కెమెరా పుస్తకం కవర్‌పైకి జూమ్ చేయగానే, దానిపై రాసి ఉన్న "హౌ టు కిల్ మెన్" (మగవాళ్లను ఎలా చంపాలి?) అనే పదాలు ప్రజల దృష్టిని ఆకర్షిస్తాయి. ఈ వీడియో చాలా వైరల్ అయింది, సోషల్ మీడియాలో రకరకాల స్పందనలు వెల్లువెత్తాయి.

మెట్రోలో "హౌ టు కిల్ మెన్" చదువుతున్న యువతి

వైరల్ అవుతున్న ఆ వీడియోలో, ఒక యువతి మెట్రో సీటులో కూర్చుని, చేతిలో బ్యాగ్, పుస్తకం పట్టుకుని కనిపిస్తుంది. ఆమె తీరికగా ఆ పుస్తకం చదువుతున్నట్లు కనిపిస్తుంది. కొన్ని సెకన్ల తర్వాత, వీడియో రికార్డ్ చేస్తున్న వ్యక్తి ఆ పుస్తకాన్ని జూమ్ చేయగా, దాని కవర్‌పై "హౌ టు కిల్ మెన్" అని రాసి ఉండటం కనిపిస్తుంది. పుస్తకం పేరు బయటపడగానే, ఆ వీడియో సోషల్ మీడియాలో వైరల్ అయింది. చాలా మంది ఆశ్చర్యం వ్యక్తం చేయగా, కొందరు హాస్యభరితమైన స్పందనలు కూడా ఇచ్చారు.

View this post on Instagram

A post shared by Pranjul Srivastava (@pranjul.srivastava.7)

రకరకాలుగా స్పందిస్తున్న నెటిజన్లు

ఆ వీడియో వైరల్ అయిన తర్వాత, భారీ సంఖ్యలో దీన్ని చూశారు. వేల కొద్దీ లైక్‌లు, కామెంట్లు వచ్చాయి. తాము చూసిన దానికి షాక్ అయ్యామని కొంతమంది యూజర్లు సరదాగా కామెంట్ చేశారు. మరికొందరు, ఇటీవల జరిగిన హై-ప్రొఫైల్ కేసులను ప్రస్తావిస్తూ, ఇది తదుపరి సోనమ్, సియా లేదా ముస్కాన్ అవుతుందేమోనని ఆశ్చర్యపోయారు. "మనం వారిని ఎలా తప్పించుకోగలం?" అని కొంతమంది యూజర్లు సరదాగా కామెంట్ చేయగా, ఇలాంటి పుస్తకాన్ని నిషేధించాలని మరికొందరు వ్యాఖ్యానించారు. కేవలం పుస్తకం పేరును బట్టి ఒక నిర్ధారణకు రాకూడదని ఒక యూజర్ రాశారు. ఆ వీడియోపై ఇలాంటి మిశ్రమ స్పందనలు వస్తూనే ఉన్నాయి.

గ్యాస్ సిలెండర్లు బ్లాస్ట్ అవుతాయా..? సినిమాల్లో చూపించినట్లు యాక్సిడెంట్ అయితే లారీల్లో నుంచి గాల్లోకి లేస్తాయా..?

ARYA — Tue, 16 Jun 2026 20:42:56 +0530

LPG Blast: మనం ప్రతిరోజూ ఇంట్లో గ్యాస్ సిలండర్ వాడుతుంటాం. అది నిజంగా అంత ప్రమాదకరమా..? ఎందుకంటే చాలా సినిమాల్లో చూసే ఉంటాం కదా.. సిలిండర్‌కు బుల్లెట్ తగలగానే బ్లాస్ట్ అయిపోతుంది. రోడ్డు మీద మరో వెహికిల్‌తో గుద్దుకుంటే గ్యాస్ సిలండర్ లారీ గాల్లోకి లేస్తుంది. .ఇలాంటివి జరగడానికి ప్రాక్టికల్‌గా అవకాశమే లేదు. ఎలాగో చూద్దాం..

తుపాకీతో కాల్చితే..

మనం ఇళ్లలో వాడే గ్యాస్ సిలిండర్లు చాలా మందపాటి, అత్యంత నాణ్యమైన కార్బన్ స్టీల్ (High-grade Carbon Steel) తో తయారవుతాయి. లోపల ఉన్న గ్యాస్ ప్రెజర్‌ను తట్టుకోవడానికి వీటిని ప్రత్యేకంగా వెల్డింగ్ చేస్తారు. సాధారణ తుపాకులు (పిస్టల్స్ లేదా రివాల్వర్లు) నుండి వచ్చే బుల్లెట్లు ఈ స్టీల్ సిలిండర్‌ను అంత తేలిగ్గా దూల్చుకుపోలేవు. బుల్లెట్ తగిలి సిలిండర్ కేవలం సొట్టబడుతుంది (Dent) లేదా బుల్లెట్ వెనక్కి రీబౌండ్ అవుతుంది తప్ప రంధ్రం పడదు. ఒకవేళ మిలిటరీ గ్రేడ్ రైఫిళ్లు (AK-47 లేదా స్నైపర్ రైఫిల్స్) లాంటి శక్తివంతమైన ఆయుధాలతో కాల్చితే, బుల్లెట్ సిలిండర్‌కు రంధ్రం చేసుకుంటూ లోపలికి దూసుకెళ్లే అవకాశం ఉంది.

బుల్లెట్ లోపలికి వెళ్లినా LPG ఎందుకు బ్లాస్ట్ అవ్వదు?
ఒకవేళ బుల్లెట్ సిలిండర్‌ను దూల్చుకుంటూ లోపలికి వెళ్లినా కూడా.. లోపల ఎలాంటి పేలుడు (Explosion) జరగదు. కేవలం గ్యాస్ లీక్ అవుతుంది.ఎందుకంటే నిప్పు అంటుకోవడానికి ఆక్సిజన్ (Oxygen) కావాలి.. ఏదైనా వస్తువు మండాలన్నా లేదా పేలాలన్నా అక్కడ కచ్చితంగా ఆక్సిజన్ ఉండాలి. కానీ గ్యాస్ సిలిండర్ లోపల కేవలం ద్రవరూప ఎల్‌పీజీ Liquid LPG దాని ఆవిరి మాత్రమే ఉంటాయి. అక్కడ అసలు ఆక్సిజన్ ఉండదు.

బుల్లెట్ దూసుకెళ్లినప్పుడు వచ్చే వేడి లేదా నిప్పురవ్వ (Spark) లోపల ఉన్నప్పటికీ, ఆక్సిజన్ లేకపోవడం వల్ల ఆ నిప్పురవ్వ వెంటనే ఆరిపోతుంది తప్ప లోపల ఉన్న LPG కి మంట అంటుకోదు.

మరి బుల్లెట్ కాల్చిన తర్వాత ఏం జరుగుతుంది?

బుల్లెట్ తగిలి సిలిండర్‌కు రంధ్రం పడినప్పుడు రెండు రకాల పరిస్థితులు తలెత్తవచ్చు..

1.లోపల విపరీతమైన ఒత్తిడి (High Pressure)తో ఉన్న గ్యాస్, ఆ రంధ్రం గుండా అత్యంత వేగంగా బయటకు చిమ్మడం స్టార్ట్ అవుతుంది. లోపల ప్రెజర్ తగ్గే కొద్దీ లోపల ఉన్న లిక్విడ్ గ్యాస్ అంతా గాలిలోకి కలిసిపోతుంది. ఆ గ్యాస్ పక్కకు వెళ్ళిపోతుంది తప్ప ఎలాంటి పేలుడు జరగదు.

2.బుల్లెట్ స్టీల్ సిలిండర్‌ను బలంగా ఢీకొట్టినప్పుడు రంధ్రం వద్ద 'ఘర్షణ' (Friction) వల్ల చిన్న నిప్పురవ్వలు పుడతాయి. ఆ నిప్పురవ్వలు సిలిండర్ బయట ఉన్న ఆక్సిజన్‌తో కలుస్తాయి. అప్పుడు రంధ్రం నుండి బయటకు వస్తున్న గ్యాస్‌కు ఆ నిప్పురవ్వల వల్ల మంట అంటుకుంటుంది. దీనివల్ల సిలిండర్ రంధ్రం నుండి ఒక పెద్ద ఫ్లేమ్ త్రోయర్ (Flame Thrower) లాగా మంటలు చిమ్ముతాయి తప్ప, సిలిండర్ ముక్కలు ముక్కలుగా పేలిపోదు.

మరి పేలుడు వార్తలు వింటుంటాం కదా, అది ఎలా జరుగుతుంది?:
నిజానికి పేలేది సిలిండర్ కాదు..లీకైన గ్యాస్! పైప్ లీక్ అవ్వడం వల్ల కానీ రెగ్యులేటర్ సరిగ్గా పెట్టకపోవడం వల్ల కానీ గ్యాస్ లీక్ అయి అంతా ఇల్లంతా కమ్ముకుంటుంది. ఆ సమయంలో మనం చిన్న అగ్గిపుల్ల వెలిగించినా లేదా కరెంట్ స్విచ్ ఆన్ చేసినా (అక్కడ వచ్చే చిన్న స్పార్క్ వల్ల) గాలిలో ఉన్న గ్యాస్ అంతా ఒకేసారి బ్లాస్ట్ అవుతుంది. దీనివల్ల వచ్చే ఒత్తిడికి ఇల్లు కూలిపోతుంది. ఆ వేడికి సిలిండర్ కూడా దెబ్బతింటుంది తప్ప, మొదట సిలిండర్ పేలడం వల్ల ప్రమాదం జరగదు. అసలు సిలిండర్‌ తనంతట తాను పేలదు.

గాల్లోకి లేస్తాయా?

అవును, కొన్ని అత్యంత అరుదైన పరిస్థితుల్లో సిలిండర్లు గాల్లోకి రాకెట్‌లా దూసుకెళ్లే అవకాశం ఉంది. సైన్స్ భాషలో దీన్ని BLEVE (Boiling Liquid Expanding Vapor Explosion) అంటారు.

ఇది ఎప్పుడు జరుగుతుందంటే:

* సిలిండర్ చుట్టూ భారీగా మంటలు వ్యాపించినప్పుడు.. ఆ వేడికి సిలిండర్ లోపల ఉన్న ద్రవరూప గ్యాస్ (Liquid Gas) విపరీతంగా మరిగిపోయి, గ్యాస్‌గా మారిపోతుంది.
* దీనివల్ల సిలిండర్ లోపల ప్రెజర్ విపరీతంగా పెరిగిపోతుంది. ఒక దశలో ఆ వేడికి స్టీల్ సిలిండర్ బలహీనపడి, ఒక్కసారిగా పగిలిపోతుంది.
* అలా పగిలినప్పుడు లోపల ఉన్న హై-ప్రెజర్ గ్యాస్ అంతా కిందికి నెట్టడం వల్ల, సిలిండర్ ముక్కలు రాకెట్‌లా గాల్లోకి వందల మీటర్ల ఎత్తుకు లేస్తాయి. కానీ ఇది కేవలం సిలిండర్ చుట్టూ గంటల తరబడి భారీగా మంటలు ఉంటేనే జరుగుతుంది... సినిమాల్లో చూపించినట్లు ఒక బుల్లెట్ తగలగానే జరగదు.

గ్యాస్ సిలిండర్ లారీకి యాక్సిడెంట్ అయితే.. డేంజరా?

రోడ్డుపై వెళ్లే గ్యాస్ సిలిండర్ల లారీ బోల్తా పడినా లేదా వేరే వాహనం దాన్ని బలంగా ఢీకొట్టినా వెంటనే భారీ పేలుడు జరిగిపోదు.

సిలిండర్లు ఒకదానికొకటి బలంగా తగిలినా, లేదా లారీ నుండి కింద పడినా వాటి వాల్వ్ (Valve) ఊడిపోకుండా ఉండేలా పైన ఒక ప్రొటెక్టివ్ మెటల్ రింగ్ (క్యాప్ లాంటిది) ఉంటుంది. కాబట్టి కేవలం యాక్సిడెంట్ అవ్వడం వల్ల సిలిండర్లు పేలవు.
అయితే యాక్సిడెంట్ జరిగినప్పుడు లారీ డీజిల్ ట్యాంక్ పగిలిపోయి మంటలు అంటుకుంటే.. లేదా సిలిండర్ల వాల్వ్స్ దెబ్బతిని గ్యాస్ లీక్ అవుతున్నప్పుడు అక్కడ చిన్న నిప్పురవ్వ పడినా ప్రమాదం జరుగుతుంది.
ఆ మంటలు లారీలోని సిలిండర్లన్నింటికీ వ్యాపించి, పైన చెప్పుకున్న BLEVE ప్రాసెస్ ద్వారా ఒకదాని తర్వాత ఒకటి పేలడం మొదలవుతాయి. అందుకే గ్యాస్ లారీ యాక్సిడెంట్ అయినప్పుడు పోలీసులు చుట్టుపక్కల కిలోమీటరు దూరం వరకు ట్రాఫిక్‌ను ఆపేస్తారు, ఎవరినీ దగ్గరకు రానివ్వరు.

గ్యాస్ లీక్ అయితే చేయకూడని పనులు:

ఒకవేళ మీ ఇంట్లో గ్యాస్ లీక్ అవుతున్నట్లు వాసన వస్తే అస్సలు పానిక్ అవ్వకండి. ఈ క్రింది జాగ్రత్తలు తీసుకోండి:

స్విచ్‌లు తాకవద్దు: ఇంట్లో ఏ ఒక్క కరెంట్ స్విచ్‌ను ఆన్ చేయడంగానీ, ఆఫ్ చేయడంగానీ చేయకండి. (ఆన్ లో ఉంటే అలాగే ఉంచేయండి, ఆఫ్ లో ఉంటే ఆఫ్ లోనే ఉంచండి. స్విచ్ బోర్డుల్లో వచ్చే చిన్న స్పార్క్ కూడా ప్రమాదకరం).
వెంటనే కిటికీలు, తలుపులన్నీ తెరిచేసి గ్యాస్ బయటకు పోయేలా చూడండి.
వీలైతే ధైర్యంగా వెళ్లి సిలిండర్ రెగ్యులేటర్‌ను ఆఫ్ చేసి, సేఫ్టీ క్యాప్ పెట్టేయండి.

బాటమ్ లైన్: సినిమాల్లో చూపించే కార్ల పేలుళ్లు, సిలిండర్ల బ్లాస్టింగ్‌లు కేవలం వినోదం కోసం చేసే హంగామా మాత్రమే. నిజ జీవితంలో సిలిండర్లు చాలా సేఫ్, కానీ మన నిర్లక్ష్యం వల్ల గ్యాస్ లీక్ అయితేనే ప్రమాదం!