Viral News: ఆత్మహత్యకు యత్నించిన కొడుకుని కాపాడబోయి కొండపై నుంచి పడి తండ్రి, దూకేసి తల్లి సైతం మృతి

Viral News: స్వీట్ బాక్స్ అడిగితే ఇల్లు ఖాళీ చేసే వరకు వదల్లేదు.. ఇన్‌ఫ్లుయెన్సర్‌కు చేదు అనుభవం!

Shankar Dukanam — Tue, 13 Oct 2026 11:44:12 +0530

తమిళనాడులోని మదురైకి చెందిన వీరమణి అనే ఇన్‌స్టాగ్రామ్ ఇన్‌ఫ్లుయెన్సర్‌కు ఎదురైన వింత అనుభవం ఎదురైంది. ఆయన ఎదుర్కొన్న పరిస్థితులు ప్రస్తుతం సోషల్ మీడియాలో హాట్ టాపిక్ అవుతున్నాయి. దీపావళి పర్వదినం సందర్భంగా తనకు ఎవరైనా ఒక స్వీట్ బాక్స్ పంపించాలంటూ తన సోషల్ మీడియా అకౌంట్లలో పోస్ట్ చేశాడు. తన ఇంటి అడ్రస్, ఫోన్ నంబర్‌తో చేసిన వీడియో పోస్ట్ అతడికి ప్రశాంతత లేకుండా చేసింది. చివరికి పరిస్థితి ఎంత దారుణంగా తయారైందంటే "ఒరేయ్ అజామూ లగెత్తరోయ్..." అనేలా తయారైంది. ఆ వివరాలిలా ఉన్నాయి.

వీరమణి అనే సోషల్ మీడియా ఇన్‌ఫ్లుయెన్సర్‌ చేసిన రిక్వెస్టుకు భిన్నమైన స్పందన వచ్చింది. చివరికి లీగల్ ప్రాబ్లమ్స్ వచ్చేలా చేయడంతో ఇల్లు ఖాళీ చేసి వెళ్లిపోయాడు. మొదట్లో కొందరు నెటిజన్లు నిజంగానే స్వీట్లు పంపించారని ఆయన తెలిపాడు. ఆ తర్వాత కొందరు ఆకతాయిలు ఇన్‌ఫ్లూయెన్సర్‌ను ఆటపట్టించాలని తమదైన శైలిలో ఆ అడ్రస్‌కు ఐటమ్స్ ఆర్డర్ పెట్టారు.

అమెజాన్, ఫ్లిప్‌కార్ట్ వంటి ఆన్‌లైన్ ప్లాట్‌ఫామ్‌ల ద్వారా ఆయన ఇంటి అడ్రస్‌కు రకరకాల వస్తువులను క్యాష్ ఆన్ డెలివరీ (Cash On Delivery) పద్ధతిలో ఆర్డర్ చేయడం ప్రారంభించారు. కొందరు పాలు, కూరగాయల నుంచి మొదలుకొని టీవీలు, ఫ్రిజ్‌లు, వాషింగ్ మెషీన్లు, స్మార్ట్‌ఫోన్ల వరకు ఖరీదైన వస్తువులను క్యాన్ ఆన్ డెలివరీగా ఆర్డర్ చేశారు. దాంతో డెలివరీ తీసుకోవాల్సిన వ్యక్తితో పాటు డెలివరీ సిబ్బందికి ఇబ్బందులు ఎదురయ్యాయి. రూ. 1.69 లక్షల విలువైన టీవీతో పాటు, ఏకంగా రూ. 70 కోట్ల విలువైన మిలిటరీ ట్యాంక్ కూడా ఆర్డర్ చేశారంటూ ప్రచారం జరిగింది.

He is finally vacating his house🤦🏻‍♂️ Veeramani Shanmuganathan, a social media personality who has been receiving a flood of unwanted cash-on-delivery orders such as Millitary Tanker worth ₹70 crores, ambulance, television, refrigerator etc. He even received calls from police regarding this daze situation. His followers deliberately placed fake orders as a joke or entertainment which ended up harassing him. The most troubling aspect is that the consequence of a fake order affects the delivery partners who work tireless and travel long distances to deliver the products. As a result of all these agitation, he is now forced to vacate his home where he lived for years. This incident serves as a reminder that digital harassment can have very real consequences offline. What may begin as an online feud can affect a person's privacy, peace of mind and sense of security
— Deepu (@deepu_drops) October 10, 2026

వాస్తవానికి ఈ ఆర్డర్లను తాను చేయలేదని తెలుపుతూ వీరమణి వాటిని స్వీకరించడానికి నిరాకరించారు. అయితే నిరంతరం వచ్చే డెలివరీలు, ఫోన్ కాల్స్‌తో వేధింపులు పెరిగిపోవడంతో తీవ్ర మానసిక ఆందోళనకు గురయ్యారు. ఇకపై తనకు ఎలాంటి ఆర్డర్లు పంపవద్దని వీడియో ద్వారా వేడుకున్నా పరిస్థితిలో మార్పు రాలేదు. దాంతో చేసేదేమీ లేక చివరికి వీరమణి ఆ ఇల్లును ఖాళీ చేసి వేరే ప్రాంతానికి వెళ్లారు. కొందరు సరదా కోసం చేసే ఇలాంటి ప్రాంక్‌లు ఇతరుల వ్యక్తిగత జీవితాల్లో ప్రశాంతత లేకుండా చేస్తాయని ఈ ఘటన నిరూపించింది.

కొందరు నెటిజన్లు మాత్రం లాజిక్స్ పట్టుకున్నారు. ఎవడైనా 70 కోట్ల విలువైన ఆర్టీ ట్యాంక్ ఆర్డర్ పెట్టారంటే ఎలా నమ్ముతున్నారని సందేహాలు వ్యక్తం చేశారు. ఫేమస్ అయినప్పటికీ, తనకు మరింత రీచ్ కోరుకుంటూ వ్యూస్, లైక్స్, షేర్ల కోసం ప్రయత్నించే వారికి కనువిప్పు కలిగించే ఆకతాయిలు సైతం ఉంటారని కొందరు సెటైర్లు వేస్తున్నారు.

25 ఏళ్ల తర్వాత బయటపడిన సోమశిల సంగమేశ్వర ఆలయం

ABP Desam — Thu, 8 Oct 2026 13:00:36 +0530

జలాశయాల్లో నీటి మట్టం గణనీయంగా తగ్గిపోవడంతో సుమారు 25 ఏళ్ల తర్వాత సోమశిల వద్ద చారిత్రక సంగమేశ్వర ఆలయం బయటపడింది. ఏళ్ల తరబడి నీటిలోనే మునిగి ఉన్న ఈ ప్రాచీన ఆలయ నిర్మాణాలు ఇప్పుడు పూర్తిగా దర్శనమిస్తుండటంతో స్థానికులు, పర్యాటకులు పెద్దఎత్తున తరలివచ్చి తిలకిస్తున్నారు.

చెప్పుల్లేకుడా చీరలోనే 1600 మీటర్ల రన్నింగ్!

ABP Desam — Wed, 7 Oct 2026 16:24:05 +0530

ఏ క్రీడా పరికరాలు, రన్నింగ్ షూస్ లేకపోయినా.. అచ్చమైన తెలుగు సంప్రదాయ చీరకట్టులోనే ఓ యువతి అద్భుతంగా 1600 మీటర్ల పరుగు పందెం పూర్తి చేసింది.

బావిలో పడిపోయిన చిరుతపులి.. రక్షించిన అటవీ శాఖ బృందం

ABP Desam — Wed, 7 Oct 2026 13:14:13 +0530

ఓ పాడుబడిన బావిలో ప్రమాదవశాత్తు పడిపోయిన చిరుతపులిని అటవీ శాఖ అధికారులు చాకచక్యంగా, సాహసోపేతంగా కాపాడారు. సురక్షితంగా రెస్క్యూ ఆపరేషన్ పూర్తి చేసి ఆ చిరుతను మళ్లీ అడవిలోకి వదలడంతో స్థానికులు ఊపిరి పీల్చుకున్నారు.

Gyenesh its Done Bro CEC రాజీనామా చేయాలంటూ రాహుల్ నిరసన

ABP Desam — Tue, 6 Oct 2026 15:26:04 +0530

ప్రధాన ఎన్నికల కమిషనర్ రాజీనామా చేయాలని డిమాండ్ చేస్తూ కాంగ్రెస్ అగ్రనేత రాహుల్ గాంధీ ఆధ్వర్యంలో భారీ నిరసన కార్యక్రమం చేపట్టారు. ఈ నిరసనలో భాగంగా ప్రభుత్వ తీరుపై తీవ్ర ఆగ్రహం వ్యక్తం చేస్తూ ఆందోళనలు నిర్వహించడంతో రాజకీయ వర్గాల్లో తీవ్ర ఉత్కంఠ నెలకొంది.

Hyderabad Viral Video: ఫుడ్ ఆలస్యమైందని Zomato డెలివరీ బాయ్‌పై దంపతుల దాడి.. వీడియో వైరల్

Shankar Dukanam — Sun, 4 Oct 2026 16:11:56 +0530

Zomato Delivery Boy Attacked | హైదరాబాద్: ఇంట్లో కుకింగ్ చేయనప్పుడు, బయటి నుంచి ఇంటివి వచ్చి త్వరగా తినాలనుకుంటే ఆన్‌లైన్లో ఫుడ్ ఆర్డర్ పెడుతుంటాం. అయితే ఫుడ్ ఆర్డర్ చేసినప్పుడు సాంకేతిక కారణాల వల్ల లేదా ట్రాఫిక్ వల్ల కొన్నిసార్లు డెలివరీ కాస్త ఆలస్యం కావడం సాధారణంగా జరుగుతుంది. అయితే ఫుడ్ ఆర్డర్ డెలివరీ లేట్ అయినప్పుడు కొంతమంది ఓపికతో డెలివరీ బాయ్ పరిస్థితిని అర్థం చేసుకుంటారు. కొందరు వారిని ప్రశ్నించి మాటలు అని పంపించేస్తారు. మరికొందరు మాత్రం సహనం కోల్పోయి డెలివరీ సిబ్బందిపై ఆగ్రహం వ్యక్తం చేస్తూ భౌతిక దాడులకు పాల్పడుతుంటారు. సరిగ్గా ఇలాంటి ఒక దురదృష్టకర ఘటనే నగరంలోని సికింద్రాబాద్ పరిధిలో చోటుచేసుకుంది.

సికింద్రాబాద్‌లోని కంటోన్మెంట్ పరిధిలో ఉన్న వాసవినగర్‌లో ఓ ఫ్యామిలీ జొమాటోలో ఫుడ్ ఆర్డర్ చేసింది. తరువాత ఫుడ్ డెలివరీ బాయ్ ఆశి కాస్త ఆలస్యంగా వచ్చి డెలవరీ చేశాడు. ఆలస్యమైందనే నెపంతో ఒక దంపతులు జొమాటో డెలివరీ బాయ్‌ని ప్రశ్నించగా.. మ్యాప్‌‌లో లొకేషన్ తప్పుగా చూపించడం వల్లే రావడం ఆలస్యమైందని వివరించే ప్రయత్నం చేశాడు. అతడు చెప్పేది పట్టించుకోకుండా ఆ దంపతులు జొమాటో ఫుడ్ డెలివరీ బాయ్ మీద విరుచుకుపడ్డారు.

సీసీటీవీ ఫుటేజ్..! ఫుడ్ డెలివరీ ఆలస్యమైందని డెలివరీ బాయ్‌పై దంపతుల దాడి సికింద్రాబాద్‌లోని కంటోన్మెంట్ వాసవినగర్‌లో ఘటన లొకేషన్ తప్పుగా చూపించడంతో ఫుడ్ ఆర్డర్ లేట్ అయిందని జొమాటో డెలివరీ బాయ్ ఆశిపై దంపతులు దాడి ఘటనపై కేసు నమోదు చేసి దర్యాప్తు చేస్తున్న పోలీసులు https://t.co/sxvknxSfsI
— Telugu Scribe (@TeluguScribe) October 4, 2026

ఫ్లాట్ ముందు ఉన్న కర్రతో మొదట భర్త డెలివరీ బాయ్ మీద దాడి చేశాడు. అంతటితో ఆగకుండా అతడ్ని తన ఇంటి వైపు తోసుకుంటూ వెళ్లి మరింతగా దాడి చేయాలని చూశాడు. ఎలాగోలా తప్పించుకుని డెలివరీ బాయ్ బయటకు వచ్చేందుకు ప్రయత్నిస్తుండగా మహిళ సైతం కర్రతో ఆ అమాయకుడిపై దాడికి పాల్పడింది. ఇందుకు సంబంధించిన దృశ్యాలన్నీ అక్కడి సీసీటీవీ కెమెరాల్లో రికార్డయ్యాయి. బాధితుడైన డెలివరీ బాయ్, జొమాటో ప్రతినిధుల ఫిర్యాదు మేరకు పోలీసులు కేసు నమోదు చేసుకుని దర్యాప్తు ప్రారంభించారు.

మాయగాడు పేపర్ ముక్క అడ్డు పెట్టి 60 గ్రాముల బంగారం కొట్టేశాడు

ABP Desam — Thu, 24 Sep 2026 12:53:21 +0530

దొంగలు రోజుకో కొత్త ట్రిక్‌తో పోలీసులకే సవాలు విసురుతున్నారు. తాజాగా ఓ మాయగాడు కేవలం ఒక చిన్న పేపర్ ముక్కను అడ్డుపెట్టి, ఎవరికీ అనుమానం రాకుండా ఏకంగా 60 గ్రాముల బంగారాన్ని క్షణాల్లో కాజేసాడు. సీసీటీవీ ఫుటేజ్ చూస్తే షాక్ అవ్వాల్సిందే. క్షణాల వ్యవధిలో జరిగిన ఈ చోరీ ఇప్పుడు తీవ్ర చర్చనీయాంశమైంది.

ఊళ్లో సిమెంట్ రోడ్డేసిన క్షణాల్లో మాయం చేసేశారు!

ABP Desam — Wed, 23 Sep 2026 10:53:07 +0530

గ్రామాల్లో మౌలిక వసతుల కల్పన కోసం వేసే సిమెంట్ రోడ్లు ఎన్నో ఏళ్లు మన్నుతాయని ఆశిస్తాం. కానీ, ఓ గ్రామంలో మాత్రం అధికారులు లేదా కాంట్రాక్టర్లు వేసిన కొత్త సిమెంట్ రోడ్డు కేవలం క్షణాల్లోనే మాయమైపోయింది.

Viral News: కూతురి ఫీజు కోసం చెప్పులు లేకుండా పరుగు.. ఒట్టి కాళ్లతో మారథాన్ గెలిచిన తల్లి!

Shankar Dukanam — Mon, 31 Aug 2026 20:06:36 +0530

బీడ్: ఈ ప్రపంచంలో పిల్లల భవిష్యత్ కోసం తండ్రి ఎంతగానో శ్రమిస్తాడు. తాను లగ్జరీని వదులుకుని మరీ బిడ్డలకు ఏదో చేయాలని తాపత్రయపడతాడు. అదేవిధంగా పిల్లల విషయం వచ్చేసరికి ఏ తల్లి వెనుకడుకు వేయదని మరోసారి నిరూపితమైంది. పిల్లల భవిష్యత్తు కోసం తల్లిదండ్రులు ఎంతటి త్యాగాానికైనా సిద్ధపడతారనే నిజానికి ఈ ఘటన నిలువెత్తు రూపంగా నిలిచింది.

మహారాష్ట్రలోని బీడ్ జిల్లా అంబాజోగైకి చెందిన 47 ఏళ్ల రమాబాయి రణ్‌వీర్, తన కూతురి చదువు ఫీజు చెల్లించేందుకు చూపిన చొరవ ప్రతి ఒక్కరినీ ఎంతగానో కదిలించింది. ఆమె చేసిన పనికి, చూపిన ధైర్య సాహసాలను నెటిజన్లు ప్రశంసిస్తున్నారు. అక్కడ నిర్వహించిన 'అమృత్ దౌడ్' మారథాన్ పోటీలో సాధారణ చీర కట్టుకుని పరుగు ప్రారంభించారు రమాబాయి. మధ్యలో చెప్పులు తెగిపోవడంతో ఆమె ఒట్టి కాళ్లతో పరిగెత్తి ప్రథమ స్థానంలో నిలిచారు.

చెప్పులు తెగిపోయినా కూతురి చదువు కోసం ఆమెను ఆగిపోనివ్వలేదు. అతికష్టమ్మీద మరింత వేగంగా పరుగులు తీసి పోటీలో సాధించి తల్లి ప్రేమ, తెగువను నిరూపించారు. విజేతగా నిలవడంతో లభించిన రూ.3,000 నగదు బహుమతిని తన కూతురి చదువు కోసం వెచ్చించనున్నట్లు ఆమె తెలిపారు. ఇది తక్కువ మొత్తమే అయినా ఆమెకు మాత్రం ఆ నగదు చాలా ప్రత్యేకం.

అంబాజోగైలోని ఖోలేశ్వర్ ఎడ్యుకేషనల్ కాంప్లెక్స్ అమృత మహోత్సవాల సందర్భంగా ఛత్రపతి శివాజీ మహారాజ్ చౌక్ నుంచి భాగ్యనగర్ చౌక్ వరకు ఈ మారథాన్ సాగింది. ఆధునిక స్పోర్ట్స్ షూస్, ట్రాక్‌సూట్లు ధరించిన యువ క్రీడాకారుల మధ్య రమాబాయి సాధారణ చీర, సాధారణ చెప్పులతో పోటీలో నిలవటాన్ని చూసి ఎవరూ ఆమె గెలుస్తుందని ఊహించలేదు. పరుగు ప్రారంభంలోనే చెప్పులు తెగిపోయినా ఏమాత్రం సంకోచించకుండా వాటిని చేతిలో పట్టుకుని, పందెం ముగిసే వరకు ఒట్టి కాళ్లతోనే శ్రమించారు.

చీర కొంగును సర్దుకుంటూ, తోటి రన్నర్లను ఒక్కొక్కరిగా అధిగమించి ఆమె అందరికంటే ముందుగా ఫినిషింగ్ లైన్‌ను చేరుకోవడంతో స్టేడియం మొత్తం లేచి చప్పట్లు కొట్టారు. రూ.3,000 బహుమతి అందుకున్న ఆమె, ఆ డబ్బుతో తన కూతురి బడి ఫీజు చెల్లిస్తానని చెప్పిన క్షణాన నిర్వాహకులు, వీక్షకులు సైతం తీవ్ర భావోద్వేగానికి గురయ్యారు. ఒక తల్లి ఆశయం ముందు ఎలాంటి ఆటంకాలు నిలవలేవని రమాబాయి నిరూపించారు.

Viral News: ఆత్మహత్యకు యత్నించిన కొడుకుని కాపాడబోయి కొండపై నుంచి పడి తండ్రి, దూకేసి తల్లి సైతం మృతి

Shankar Dukanam — Fri, 21 Aug 2026 20:13:11 +0530

శంభాజీ నగర్: యువత ఆవేశంలో చేసే తప్పులు, అనాలోచిత నిర్ణయాలు కుటుంబాలను నాశనం చేస్తున్న ఘటనలు పెరుగుతున్నాయి. కొందరు పిల్లలు చేసే తప్పిదాలతో తల్లిదండ్రుల ప్రాణాలు సైతం రిస్కులో పడుతున్నాయి. కొన్ని కుటుంబాల్లో మందలించిన కారణంగా, ఫోన్ వాడొద్దని చెప్పినా, పరీక్షల కోసం బాగా ప్రిపేర్ అవ్వాలని చెప్పినా మొండిగా ప్రవర్తిస్తున్నారు. ఆత్మహత్య చేసుకోవడానికి ప్రయత్నించిన కుమారుడ్ని కాపాడే క్రమంలో తండ్రి కూడా అతడితో పాటే కొండమీద నుంచి పడిపోయి ప్రాణాలు కోల్పోయాడు. జరిగిందంతా చూస్తున్న యువకుడి తల్లి సైతం కొండ మీద నుంచి దూకి ఆత్మహత్య చేసుకుంది. మహారాష్ట్రలోని ఛత్రపతి శంభాజీ నగర్ జిల్లాలో ఈ విషాదం చోటుచేసుకుంది.

శంభాజీ నగర్ జిల్లాలో మొబైల్ ఫోన్ విషయంలో ఒక ఇంట్లో చిన్న గొడవ జరిగింది. మొబైల్ కోసం 19 ఏళ్ల కునాల్ చంద్‌గుడే అనే యువకుడు తల్లిదండ్రులతో గొడవ పడ్డాడు. అనంతరం ఆత్మహత్య చేసుకుంటానని బెదిరిస్తూ సమీపంలో ఉన్న ఖవ్డా కొండ వద్దకు వెళ్లాడు. విషయం తెలుసుకున్న తల్లిదండ్రులు మురళీధర్, సంగీత తన కొడుకు కునాల్ ను కాపాడుకునేందుకు వెంటనే ఆ కొండ వద్దకు చేరుకున్నారు.

#Maharashtra சத்ரபதி சம்பாஜிநகர் அருகே செல்போன் தகராறில் மலையிலிருந்து குதிக்க முயன்ற மகனைக் காப்பாற்ற தந்தை பிடிக்க முயன்றபோது தந்தையும் மகனும் நிலைதடுமாறி செங்குத்தான மலையிலிருந்து கீழே விழுந்து பலியாகினர்

அதிர்ச்சியடைந்த தாயும் மலையிலிருந்து குதித்து உயிரிழந்தார் pic.twitter.com/p8FMpuvzuT
— M.M.NEWS உடனடி செய்திகள் (@rajtweets10) August 21, 2026

తల్లిదండ్రులు వేడుకున్నా వెనక్కి రాని కుమారుడు
దాదాపు 3 గంటల పాటు అతనికి నచ్చజెప్పేందుకు తల్లిదండ్రులు మురళీధర్, సంగీత ప్రయత్నించినా ప్రయోజనం లేకపోయింది. కునాల్ కొండపై నుంచి కిందకు రాలేదు. పైగా ఎవరైనా దగ్గరకు వస్తే కొండపై నుంచి దూకేస్తానని బెదిరించడంతో ఆందోళన చెందిన తల్లిదండ్రులు పోలీసులకు సమాచారం అందించారు. పోలీసులు వెంటనే ఘటనా స్థలానికి చేరుకుని, భద్రతా చర్యల్లో భాగంగా కొండ కింద పెద్ద వలను ఏర్పాటు చేశారు. అయితే ఇది గమనించిన యువకుడు కొండ వద్ద మరో ప్రమాదకరమైన అంచు వైపునకు వేగంగా వెళ్లాడు. కొడుకు ఎక్కడ దూకేస్తాడోనని భయపడిన తండ్రి మురళీధర్, అతడిని పట్టుకునేందుకు కొండపైకి వెళ్లాడు.

చివరి క్షణంలో ఊహించని విషాదం
కొండపైకి వెళ్లి ఎలాగోలా కుమారుడు సోనాల్ చంద్‌గుడేను సమీపించాడు తండ్రి. కొడుకును కిందకు దూకకుండా పట్టుకునేందుకు మురళీధర్ వెళ్లగా.. యువకుడు కిందకు దూకేందుకు చూశాడు. అతడ్ని పట్టుకునే క్రమంలో తండ్రీ కొడుకులిద్దరూ పట్టుతప్పి కొండపై నుంచి కిందపడిపోయారు. తల పగిలి, తీవ్ర గాయాలవ్వడంతో ఇద్దరూ అక్కడికక్కడే ప్రాణాలు కోల్పోయారు. ఆదే సమయంలో కొండ మీదకు ఎక్కిన సంగీత తన కళ్లముందే భర్త, కొడుకు దారుణంగా చనిపోవడం చూసి తీవ్ర దిగ్భ్రాంతికి గురైంది. భర్త, కుమారుడి మరణాన్ని తట్టుకోలేక అదే కొండపై నుంచి కిందకు దూకేసింది. దీంతో ఈ ప్రమాదంలో ఒకే కుటుంబానికి చెందిన ముగ్గురూ మృతి చెందారు. పోలీసులు కేసు నమోదు చేసి మృతదేహాలను పోస్టుమార్టం నిమిత్తం ఆసుపత్రికి తరలించారు.