warangal

Graduate MLC Election: తొలిసారి ఎన్నికల బరిలోకి కవిత పార్టీ.. తొలి ఎమ్మెల్సీ అభ్యర్థి పేరు ప్రకటన

Shankar Dukanam — Tue, 20 Oct 2026 14:49:22 +0530

Telangana Rakshana Sena MLC Candidate | హైదరాబాద్: తెలంగాణ రక్షణ సేన పార్టీ రాజకీయాల్లో కీలక పరిణామం చోటుచేసుకుంది. కొత్తగా ఏర్పాటైన టీఆర్ఎస్ (Telangana Rakshana Sena) పార్టీ తొలిసారి ప్రత్యక్ష ఎన్నికల బరిలోకి దిగుతుంది. ఈ క్రమంలో వరంగల్- ఖమ్మం- నల్గొండ పట్టభద్రుల (గ్రాడ్యుయేట్) ఎమ్మెల్సీ స్థానానికి తమ అభ్యర్థిని తెలంగాణ రక్షణ సేన ప్రకటించింది. తెలంగాణ ఉద్యమంలో చురుగ్గా పాల్గొన్న డాక్టర్ నలమాస శ్రీకాంత్‌గౌడ్‌ను ఈ ఎన్నికల బరిలో తమ అభ్యర్థిగా ఎంపిక చేసినట్లు పార్టీ అధ్యక్షురాలు కల్వకుంట్ల కవిత వెల్లడించారు.

దసరా పండుగ శుభసందర్భంగా శ్రీకాంగ్ గౌడ్‌ను తమ పార్టీ గ్రాడ్యుయేట్ ఎమ్మెల్సీ అభ్యర్థిగా కవిత ప్రకటించారు. ఈ ఎమ్మెల్సీ స్థానంలో ఎన్నికల సమన్వయం, పర్యవేక్షణ కోసం స్టేట్ పార్టీ అబ్జర్వర్‌గా సయ్యద్ ఇస్మాయిల్‌ను నియమించినట్లు కవిత తెలిపారు. ఈ ప్రకటనతో గ్రాడ్యుయేట్ ఎమ్మెల్సీ ఎన్నికల్లో కవిత పార్టీ పోటీకి సిద్ధమైనట్లు స్పష్టం చేసింది. అభ్యర్థి ప్రకటనతో పట్టభద్రుల ఎన్నికల ప్రచారాన్ని మరింత వేగవంతం చేయాలని పార్టీ నిర్ణయించింది.

మహబూబాబాద్ జిల్లా నర్సింహుల పేట మండలంలోని కౌసల్యాదేవిపల్లికి చెందిన శ్రీకాంత్ గౌడ్ ను టీఆర్ఎస్ అభ్యర్థిగా ప్రకటించింది. కాకతీయ యూనిర్సిటీ నుంచి పీహెచ్‌డీ చేసిన ఆయన తెలంగాణ సాధన ఉద్యమంలో క్రియాశీలకంగా వ్యవహరించారు. తెలంగాణ జాగృతిలో కవిత వెంట నడిచారు. తెలంగాణ రక్షణ సేన పార్టీ ప్రతినిధిగా ప్రజా సంఘాల సమావేశాల్లో, టీవీ డిబేట్లలో పాల్గొని టీఆర్ఎస్ గొంతుకగా నిలిచారు. బహుజనుల కోసం పోరాటం చేస్తానని ప్రకటించిన కవిత తన పార్టీ నుంచి తొలి అభ్యర్థిగా బీసీ బిడ్డ శ్రీకాంత్ గౌడ్‌ వైపు మొగ్గు చూపారు. గ్రాడ్యుయేట్ ఎమ్మెల్సీ ఎన్నికల్లో ఆయనను గెలిపించాలని కవిత పట్టభద్రులను కోరారు.

తెలంగాణ రక్షణ సేన కరీంనగర్ జిల్లా కమిటీని ప్రకటించిన పార్టీ అధ్యక్షురాలు శ్రీమతి కల్వకుంట్ల కవిత గారు. కరీంనగర్ జిల్లా పార్టీ అధ్యక్షుడిగా గుంజపడుగు హరి ప్రసాద్, ప్రధాన కార్యదర్శిగా బోడ రాకేష్ రెడ్డి, ఇతర ముఖ్య పదవుల్లో జిల్లా కమిటీ సభ్యులను నియమించారు. https://t.co/iXqovrM955
— Telangana Rakshana Sena (@TRSparty_HQ) October 20, 2026

తెలంగాణ రక్షణ సేన కరీంనగర్ జిల్లా కమిటీని పార్టీ అధ్యక్షురాలు కల్వకుంట్ల కవిత తాజాగా ప్రకటించారు. కరీంనగర్ జిల్లా పార్టీ అధ్యక్షుడిగా గుంజపడుగు హరి ప్రసాద్, ప్రధాన కార్యదర్శిగా బోడ రాకేష్ రెడ్డి, ఇతర ముఖ్య పదవుల్లో జిల్లా కమిటీ సభ్యులను ఆమె నియమించారు.

Singareni Bonus: సింగరేణి కార్మికులకు గుడ్ న్యూస్ .. ఒక్కొక్కరికి రూ.1. 51 లక్షల దసరా బోనస్: భట్టి విక్రమార్క

Shankar Dukanam — Tue, 13 Oct 2026 13:28:29 +0530

Singareni Bonus For Dasara : హైదరాబాద్: సింగరేణి ఉద్యోగులకు తెలంగాణ ఉప ముఖ్యమంత్రి భట్టి విక్రమార్క గుడ్‌న్యూస్ అందించారు. సంస్థ సాధించిన లాభాల్లో 34 శాతాన్ని సింగరేణి పర్మినెంట్ ఉద్యోగులకు చెల్లిస్తున్నట్లు ఆయన మంగళవారం ప్రకటించారు. ఒక్కో రెగ్యూలర్ కార్మికుడికి రూ.1.51 లక్షల దసరా బోనస్ లభిస్తుంది. సింగరేణిలో పనిచేస్తున్న కాంట్రాక్టు ఉద్యోగులకు కూడా రూ. 5,500 చొప్పున బోనస్ అందించనున్నట్లు తెలిపారు. ఈ బోనస్ నిర్ణయంతో వేలాది మంది కార్మిక కుటుంబాలకు పెద్ద ఎత్తున లబ్ధి చేకూరనుంది.

గత బీఆర్‌ఎస్ ప్రభుత్వంపై భట్టి విక్రమార్క విమర్శలు
సింగరేణి లాభాలు తగ్గడానికి గత బీఆర్‌ఎస్ (BRS) ప్రభుత్వ అనాలోచిత నిర్ణయాలే ప్రధాన కారణమని డిప్యూటీ సీఎం భట్టి విక్రమార్క ఆరోపించారు. బీఆర్‌ఎస్ చేసినంత నష్టం సింగరేణికి మరే ప్రభుత్వం చేయలేదని విమర్శించారు. గత ప్రభుత్వ హయాంలో కేంద్ర ప్రభుత్వం 141 బొగ్గు బ్లాకులను వేలం వేసినప్పటికీ, కనీసం ఒక్క వేలంలో కూడా సింగరేణి పాల్గొనకుండా నిర్లక్ష్యం చేశారని మండిపడ్డారు. ప్రస్తుతం ప్రైవేట్ మార్కెట్‌లో సింగరేణి కంటే తక్కువ ధరకే బొగ్గు అందుబాటులో ఉండటం వల్ల, సంస్థ మనుగడను కాపాడుకోవడానికి తప్పనిసరి పరిస్థితుల్లో బొగ్గు ధరలను తగ్గించాల్సి వచ్చిందని ఆయన వివరించారు.

‘నెహ్రూ కాలనీల’ పేరుతో కార్మికుల సొంతింటి కలను సాకారం చేసేందుకు క్వార్టర్ల నిర్మాణం, ఏరియా ఆసుపత్రులను కార్పొరేట్ స్థాయికి మించి మోడ్రన్‌గా అత్యుత్తమ వైద్య సదుపాయాల కల్పనకు కార్యాచరణ సిద్ధం చేస్తామన్నారు.

ప్రజాభవన్‌లో మంత్రి శ్రీధర్ బాబు కీలక ప్రకటనలు
హైదరాబాద్‌లోని ప్రజాభవన్‌లో నిర్వహించిన సమావేశంలో మంత్రి శ్రీధర్ బాబు మాట్లాడుతూ... సింగరేణి కార్మికుల సంక్షేమంపై పలు విషయాలను వెల్లడించారు. సింగరేణి కార్మికుల సొంత ఇంటి కల త్వరలోనే నెరవేరబోతోందని హామీ ఇచ్చారు. అలాగే మారుపేర్ల ద్వారా ఉద్యోగాలు చేస్తున్న కార్మికుల సమస్యల పట్ల తెలంగాణ ప్రభుత్వం ఎంతో సానుకూలంగా ఉందన్నారు. తమ ప్రభుత్వం అధికారంలోకి వచ్చిన వెంటనే ప్రమాద బీమా కింద దేశంలో ఎక్కడాలేని విధంగా సింగరేణి కార్మికులకు కోటి రూపాయల ఉచిత ప్రమాద బీమా సౌకర్యాన్ని అందుబాటులోకి తీసుకొచ్చామన్నారు.

Dasara Special Trains: రైలు ప్రయాణికులకు గుడ్‌న్యూస్.. అక్టోబర్ 25 వరకు దసరా స్పెషల్‌ రైళ్లు

Shankar Dukanam — Sat, 10 Oct 2026 17:01:26 +0530

వరంగల్: తెలంగాణలో పెద్ద పండుగ దసరాకు ప్రయాణికుల రద్దీని దృష్టిలో ఉంచుకుని కాజీపేట మీదుగా పలు ప్రత్యేక రైళ్లను నడిపిస్తున్నట్లు రైల్వే అధికారులు వెల్లడించారు. ఇందులో భాగంగా అక్టోబర్ 25 వరకు సికింద్రాబాద్‌ - సిర్పూర్‌ కాగజ్‌నగర్‌ - హైదరాబాద్‌ల మధ్య మొత్తం 34 స్పెషల్ రైళ్ల సర్వీసులను అందుబాటులోకి తెచ్చారు. పండుగ వేళ ఇంటికి వెళ్లాలనుకునే వారికి రైలు ప్రయాణం సౌకర్యంగా ఉంటుంది.

సికింద్రాబాద్‌ - సిర్పూర్‌ కాగజ్‌నగర్ (0711) ప్రత్యేక రైలు మధ్యాహ్నం 12:10 గంటలకు సికింద్రాబాద్‌లో బయలుదేరి, మధ్యాహ్నం 2:10 గంటలకు కాజీపేటకు, ఆపై సాయంత్రం 5:30 గంటలకు సిర్పూర్ కాగజ్‌నగర్‌కు చేరుకుంటుంది. తిరుగు ప్రయాణంలో అదే రైలు సాయంత్రం 6 గంటలకు సిర్పూర్ కాగజ్‌నగర్‌లో బయలుదేరి, రాత్రి 8 గంటలకు కాజీపేటకు, రాత్రి 11:15 గంటలకు హైదరాబాద్‌ సిటీకి చేరుకుంటుంది. ఈ రైలుకు చర్లపల్లి, భువనగిరి, యాదాద్రి, జనగామ, కాజీపేట, జమ్మికుంట, పెద్దపల్లి, రామగుండం, మంచిర్యాల, బెల్లంపల్లి, ఆసిఫాబాద్ స్టేషన్లలో హాల్ట్ సౌకర్యం కల్పించారు.

మరోవైపు పండుగ సమయంలో ప్రయాణికుల కోసం హైదరాబాద్‌ - హజ్రత్ నిజాముద్దీన్ (న్యూఢిల్లీ), చర్లపల్లి - హజ్రత్ నిజాముద్దీన్ మధ్య వన్-వే ఫెస్టివల్ స్పెషల్ రైళ్లను ప్రకటించారు. హైదరాబాద్‌ - హజ్రత్ నిజాముద్దీన్ (07031) స్పెషల్ రైలు రాత్రి 11:25 గంటలకు హైదరాబాద్‌లో బయలుదేరి, తెల్లవారుజామున 1:30 గంటలకు కాజీపేటకు చేరుతుంది. అక్టోబరు 11న చర్లపల్లి - హజ్రత్ నిజాముద్దీన్ (07035) స్పెషల్ రైలు రాత్రి 11:55 గంటలకు చర్లపల్లిలో బయలుదేరి, తెల్లవారుజామున 2 గంటలకు కాజీపేటకు చేరుకుంటుంది. ఈ ఉత్తరాది ప్రత్యేక రైళ్లు అన్నింటికీ కాజీపేట, బల్లార్షా, నాగపూర్, ఇటార్సి, జబల్‌పూర్, కట్నీ, సత్నా, చిత్రకూట్ ధామ్ కర్వీ, బాందా, వీజీఎల్ ఝాన్సీ, గ్వాలియర్, ఆగ్రా స్టేషన్లలో ప్రయాణికుల సౌకర్యార్థం హాల్టింగ్ సౌకర్యం కల్పించారు.

దసరా పండుగ సందర్భంగా ప్రత్యేక రైళ్లను నడిపిస్తున్నట్లు రైల్వే అధికారులు వెల్లడించారు

సికింద్రాబాద్ - సిర్పూర్ కాగజ్‌నగర్ - హైదరాబాద్ (34 రైలు సర్వీసులు)

అక్టోబర్ 25 వరకు ఈ మార్గంలో మొత్తం 34 ప్రత్యేక రైళ్లు సేవలు అందిస్తాయి

రైలు నం. 0711 (సికింద్రాబాద్ - సిర్పూర్ కాగజ్‌నగర్): సికింద్రాబాద్‌లో మధ్యాహ్నం 12:10 గంటలకు బయలుదేరి, మధ్యాహ్నం 2:10 గంటలకు కాజీపేట, సాయంత్రం 5:30 గంటలకు సిర్పూర్ కాగజ్‌నగర్ స్టేషన్

తిరుగు ప్రయాణం: సిర్పూర్ కాగజ్‌నగర్‌లో సాయంత్రం 6 గంటలకు బయలుదేరి, రాత్రి 8 గంటలకు కాజీపేట, రాత్రి 11:15 గంటలకు హైదరాబాద్ చేరుకుంటుంది.

హాల్టింగ్‌ స్టేషన్లు: చర్లపల్లి, భువనగిరి, యాదాద్రి, జనగామ, కాజీపేట, జమ్మికుంట, పెద్దపల్లి, రామగుండం, మంచిర్యాల, బెల్లంపల్లి, ఆసిఫాబాద్.

వన్ వే ఫెస్టివల్ స్పెషల్ రైళ్లు (ఢిల్లీ హజ్రత్ నిజాముద్దీన్‌కు)

రైలు నం. 07031 (హైదరాబాద్ - హజ్రత్ నిజాముద్దీన్): ఈ నెల 9న రాత్రి 11:25 గంటలకు హైదరాబాద్‌లో బయలుదేరి, తెల్లవారుజామున 1:30 గంటలకు కాజీపేటకు చేరుకుంటుంది.

రైలు నం. 07035 (చర్లపల్లి - హజ్రత్ నిజాముద్దీన్): అక్టోబర్ 11న రాత్రి 11:55 గంటలకు చర్లపల్లిలో బయలుదేరి, తెల్లవారుజామున 2:00 గంటలకు కాజీపేటకు చేరుకుంటుంది.

హాల్టింగ్‌ స్టేషన్లు: కాజీపేట, బల్లార్షా, నాగపూర్, ఇటార్సి, జబల్‌పూర్, కట్నీ, సత్నా, చిత్రకూట్ ధామ్ కర్వీ, బాందా, వీజీఎల్ ఝాన్సీ, గ్వాలియర్, ఆగ్రా.

బతుకమ్మ 2026: తీరొక్క పూల జాతర.. ఏ రోజు ఏ బతుకమ్మ, నైవేద్యం?

RAMA — Sat, 10 Oct 2026 10:40:50 +0530

Bathukamma 2026: తెలంగాణ రాష్ట్ర సంస్కృతికి ప్రతీక, మహిళలకు ప్రీతిపాత్రమైన బతుకమ్మ పండుగ సందడి అక్టోబర్ 10 శనివారం సాయంత్రం నుంచి ప్రారంభమవుతుంది. హైదరాబాద్ తో పాటూ తెలంగాణ వ్యాప్తంగా ఊరూ వాడా పూలపండుగ సంబురంగా జరగబోతోంది. భాద్రపదమాసం అమావాస్య తో మొదలయ్యే బతుకమ్మ పండుగ ఆశ్వయుజమాసం అష్టమితో ముగుస్తుంది. తొమ్మిది రోజుల పాటూ వైభవంగా సాగే పూల పండుగలో ఏ రోజు ఏ బతుకమ్మను పూజిస్తారు, ఏ నైవేద్యం సమర్పిస్తారు తెలుసుకోండి

ఏ రోజు ఏ బతుకమ్మ

అక్టోబర్ 10 శనివారం భాద్రపద అమావాస్య / మహాలయ అమావాస్య - ఎంగిలిపూల బతుకమ్మ

మొదటి రోజు ఎంగిలిపూల బతుకమ్మకు నువ్వులను పొడి చేసి పంచదార వేసి కలిపి నైవేద్యంగా సమర్పిస్తారు.

అక్టోబర్ 11 ఆదివారం ఆశ్వయుజ శుక్ల పాడ్యమి - అటుకుల బతుకమ్మ

రెండో రోజు అటుకుల బతుకమ్మ - పేరుకితగ్గట్టుగానే అటుకులతో నైవేద్యం తయారు చేస్తారు. అటుకులను నానబెట్టి కొద్దిసేపటి తర్వాత నీరు ఓడ్చి ఓ గంట ఎండనివ్వాలి. ఆ తర్వాత ఆ పాన్ లో నెయ్యి వేసి డ్రై ఫ్రూట్స్ వేయించుకుని దాన్ని పక్కకు తీసి బెల్లం తురుము వేయాలి. అది పాకంగా మారిన తర్వాత స్టౌ ఆఫ్ చేసి అందులో అటుకులు వేసి కలపాలి. అటుకులు నైవేద్యం సిద్ధం అయినట్టే

అక్టోబర్ 12 సోమవారం ఆశ్వయుజ శుక్ల విదియ - ముద్దపప్పు బతుకమ్మ

మూడో రోజు ముద్దపప్పు బతుకమ్మ - ముద్దపప్పుని నైవేద్యంగా పెడతారుయ. కందిపప్పు ప్రెజర్ కుక్కర్లో వేసి... నీళ్లు పోసి, దంచిన జీలకర్ర, కరివేపాకు, నూనె, పసుపు, వేసి ఉడికిస్తారు. సరిపడా ఉప్పు వేసి నైవేద్యం పెడతారు

అక్టోబర్ 13 మంగళవారం ఆశ్వయుజ శుక్ల తదియ - నానే బియ్యం బతుకమ్మ

నాలుగో రోజు నానేబియ్యం బతుకమ్మ - ఈ రోజు బెల్లం పరమాన్నం నివేదిస్తారు.

అక్టోబర్ 14 బుధవారం ఆశ్వయుజ శుక్ల చవితి - అట్ల బతుకమ్మ

ఐదో రోజు అట్ల బతుకమ్మ - పేరుకి తగ్గట్టుగానే అట్లు నైవేద్యంగా సమర్పిస్తారు.

అక్టోబర్ 15 గురువారం ఆశ్వయుజ శుక్ల పంచమి - అలిగిన బతుకమ్మ

ఆరో రోజు అలిగిన బతుకమ్మ - ఈ రోజు అమ్మవారికి నైవేద్యం సమర్పించరు

అక్టోబరు 16 శుక్రవారం ఆశ్వయుజ శుక్ల షష్టి - వేపకాయల బతుకమ్మ

ఏడో రోజు వేపకాయల బతుకమ్మ - సకినాల పిండితో వేపకాయలు చేసి వాటిని నివేదిస్తారు

అక్టోబరు 17 శనివారం ఆశ్వయుజ శుక్ల సప్తమి - వెన్నముద్దల బతుకమ్మ

ఎనిమిదో రోజు వెన్నముద్దల బతుకమ్మ - బియ్యంపిండితో వెన్నముద్దలు తయారు చేసి బతుకమ్మకు నైవేద్యంగా సమర్పిస్తారు. బియ్యంపిండిని ఉడికించి ..వాటిని ఉండలుగా చేసి.. వాటిని బ్రౌన్ కలర్ వచ్చేవరకూ వేయించి..బెల్లం పాకంలో వేస్తారు.

అక్టోబరు 18 ఆదివారం ఆశ్వయుజ శుక్ల అష్టమి ( దుర్గాష్టమి) -సద్దుల బతుకమ్మ

బతుకమ్మ పండుగలో ఆఖరి రోజైన తొమ్మిదో రోజు సద్దుల బతుకమ్మ - ఈ రోజు మరింత పెద్ద పరిమాణంలో బతుకమ్మను తయారు చేస్తారు. పండుగలో ఆఖరి రోజు కావడంతో సంబరాలు మరింత వైభవంగా జరుపుకుంటారు. పూజ పూర్తైన తర్వాత బతుకమ్మను తీసుకెళ్లి నిమజ్జనం చేస్తారు. ఈ రోజు దుర్గాష్టమి. ఈ రోజు పులిహోర నివేదిస్తారు. పెరుగన్నం, లడ్డూ సహా తొమ్మిది రకాల నైవేద్యాలు తయారు చేస్తారు.

Telangana Woman Dies: అమెరికాలో రోడ్డు ప్రమాదంలో తెలంగాణ మహిళ మృతి, మరొకరికి గాయాలు

Shankar Dukanam — Sun, 4 Oct 2026 13:37:16 +0530

Mahabubabad Woman Dies In USA | మహబూబాబాద్: అమెరికాలో జరిగిన రోడ్డు ప్రమాదంలో తెలంగాణకు చెందిన ఒక మహిళ మృతిచెందారు. మహబూబాబాద్ జిల్లా మరిపెడ మండల కేంద్రానికి చెందిన దారం సుప్రియ (31) కు కొంతకాలం కిందట వివాహం కాగా, ఉద్యోగ రీత్యా అమెరికాలోని మిస్సోరి (Missouri) రాష్ట్రంలో నివాసం ఉంటున్నారు.

భారత కాలమానం ప్రకారం ఆదివారం తెల్లవారుజామున సుమారు 2 గంటల ప్రాంతంలో ఆమె ప్రయాణిస్తున్న కారును వెనుక నుంచి వేగంగా వచ్చిన ఒక ట్రక్ ఢీకొట్టడంతో విషాదం నెలకొంది. ఈ ప్రమాదంలో కారులో ప్రయాణిస్తున్న దారం సుప్రియ అక్కడికక్కడే ప్రాణాలు కోల్పోగా, కారులో ప్రయాణిస్తున్న భారత్‌కు చెందిన మరొక యువతి తీవ్రంగా గాయపడినట్లు సమాచారం. మృతురాలి భర్త కొదుమూరి రంజిత్‌తో పాటు అత్తమామలు కొదుమూరి వెంకటేశ్వర్లు, రాధికలు ప్రస్తుతం మహబూబాబాద్‌ లోని వీరభద్ర అపార్ట్‌మెంట్‌లో నివాసం ఉంటున్నారు. సుప్రియ మృతి చెందిందన్న వార్త తెలియడంతో ఆమె స్వగ్రామంలో, కుటుంబంలోనూ తీవ్ర విషాదం అలముకుంది. ఉద్యోగం చేయడానికి విదేశాలకు వెళ్లిన సుప్రియ అక్కడ ప్రాణాలు కోల్పోవడాన్ని జీర్ణించుకోలేకపోతున్నారు.

నోరుజారితే ఆడోల్లతో కొట్టిస్తా.. కొండా స్టైల్ వార్నింగ్

ABP Desam — Tue, 29 Sep 2026 15:59:14 +0530

వ్యక్తిగత విమర్శలు చేసేవారు నోరు అదుపులో పెట్టుకోవాలని, ఇష్టానుసారంగా మాట్లాడితే మహిళలతో చిత్తుచిత్తుగా కొట్టిస్తానని మాజీ మంత్రి, ఎమ్మెల్యే కొండా సురేఖ ప్రత్యర్థులకు తీవ్రస్థాయిలో వార్నింగ్ ఇచ్చారు.

Medaram Jatara Dates: మేడారం మినీ జాతర తేదీలను ప్రకటించిన పూజారుల సంఘం, 4 రోజులపాటు వేడుక

Shankar Dukanam — Sun, 27 Sep 2026 17:16:58 +0530

Medaram Sammakka Sarakka Mini Jatara | తాడ్వాయి: వన దేవతలు మేడారం సమ్మక్క సారక్క భక్తులకు వడ్డెర పూజారుల సంఘం శుభవార్త అందించింది. మినీ మేడారం జాతర నిర్వహణ తేదీలు అధికారికంగా ఖరారయ్యాయి. ములుగు జిల్లా తాడ్వాయి మండలంలోని ప్రసిద్ధ పుణ్యక్షేత్రం మేడారంలో జరిగే శ్రీ సమ్మక్క-సారలమ్మ మినీ జాతర ఫిబ్రవరి 17న ప్రారంభం కానుందని "మేడారంలోని పూజారుల (వడ్డెలు) సంఘం తెలిపింది. ప్రతినిధులు, నాయకులు మేడారం మినీ జాతర తేదీలను నిర్ణయించి అధికారికంగా ప్రకటించారు. ఈ మేరకు 4 రోజులపాటు జరగనున్న మినీ జాతర ఏర్పాట్లు, నిర్వహణ వివరాలను తెలియజేస్తూ రాష్ట్ర పంచాయతీరాజ్, గ్రామీణాభివృద్ధి, స్త్రీ, శిశు సంక్షేమ శాఖ మంత్రి సీతక్కకు లేఖ ద్వారా సమాచారాన్ని అందించారు.

మినీ జాతర తేదీలు (ఫిబ్రవరి 2027) ఖరారు

17.02.2027 (బుధవారం): మేడారం మినీ జాతర ప్రారంభం, ప్రత్యేక పూజలు.

18.02.2027 (గురువారం): అమ్మవార్ల ఉత్సవాలు, భక్తులకు దర్శనాలు.

19.02.2027 (శుక్రవారం): భక్తుల రద్దీ, జాతరలో ప్రధాన పూజా కార్యక్రమాలు.

20.02.2027 (శనివారం): మినీ జాతర ముగింపు వేడుకలు నిర్వహించున్నారు

ఈ 4 రోజుల పాటు మేడారంలో వనదేవతలైన సమ్మక్క-సారలమ్మల ఉత్సవాలు, వైదిక పూజా కార్యక్రమాలు అత్యంత వైభవంగా నిర్వహించనున్నారు. జాతరకు తరలి వచ్చే భక్తులకు ఎలాంటి అసౌకర్యం కలగకుండా చూసేందుకు పూజారుల సంఘం ప్రతినిధులు, వడ్డెరలు ఈ వివరాలను లేఖపై సంతకాలు చేసి ప్రభుత్వానికి పంపించారు. దాంతో మేడారం మినీ జాతర షెడ్యూల్ ఖరారు చేసినట్లు అయింది.

Kaleshwaram Project: కాళేశ్వరం ప్రాజెక్టు రిపేర్లపై ప్రభుత్వం కీలక నిర్ణయం, వచ్చే ఏడాది నుంచి నీటి నిల్వ

Shankar Dukanam — Sun, 27 Sep 2026 09:21:24 +0530

Kaleshwaram Restoration Works | హైదరాబాద్: కాళేశ్వరం ఎత్తిపోతల ప్రాజెక్టుకు సంబంధించి రాష్ట్ర ప్రభుత్వం కీలక ప్రకటన చేసింది. ప్రాజెక్టులో భాగమైన మేడిగడ్డ, అన్నారం, సుందిళ్ల బ్యారేజీల పునరుద్ధరణ పనులను నవంబర్ రెండో వారంలో ప్రారంభిస్తామని తెలంగాణ నీటిపారుదల శాఖ మంత్రి ఉత్తమ్ కుమార్ రెడ్డి వెల్లడించారు. నీటిపారుదల శాఖ ఉన్నతాధికారులతో నిర్వహించిన సమీక్షా సమావేశంలో ఆయన మాట్లాడారు. 2027 వర్షాకాలం నాటికి ఈ 3 బ్యారేజీల పునరుద్ధరణ పనులను పూర్తి చేయడమే లక్ష్యంగా పెట్టుకున్నామని తెలిపారు.

వచ్చే ఏడాదికి పూర్తి స్థాయిలో సిద్ధం చేయాలని ప్లాన్

అక్టోబర్ 5న సెంట్రల్ వాటర్ కమిషన్ (CWC) సాంకేతిక పర్యవేక్షణ కమిటీకి కొత్త డిజైన్లను సమర్పిస్తామని, ఆ తరువాత సాంకేతిక అనుమతులు లభించిన వెంటనే క్షేత్రస్థాయిలో బ్యారేజీల పునరుద్ధరణ పనులు వేగవంతం చేస్తామన్నారు. బ్యారేజీల భద్రత, నిర్మాణం నాణ్యత విషయంలో తెలంగాణ ప్రభుత్వం ఎలాంటి రాజీపడే ప్రసక్తే లేదని మంత్రి ఉత్తమ్ కుమార్ రెడ్డి తేల్చిచెప్పారు. నేషనల్ డ్యామ్ సేఫ్టీ అథారిటీ (NDSA) ఇచ్చిన సిఫార్సులు, జాతీయ సాంకేతిక సంస్థల సూచనలు, నిపుణుల కమిటీ వ్యక్తం చేసిన అభ్యంతరాలను పరిగణనలోకి తీసుకుని పునరుద్ధరణ ప్రణాళికను రూపొందిస్తున్నామని చెప్పారు. మేడిగడ్డ, అన్నారం, సుందిళ్ల బ్యారేజీల భద్రతను అత్యంత పటిష్ఠం చేస్తామని, ఈ మూడింటిలో నీటి నిల్వతో పాటు వినియోగ సామర్థ్యాన్ని పూర్తి స్థాయిలో పునరుద్ధరించి రైతులకు సాగునీరు నీరందిస్తామని మంత్రి ఉత్తమ్ హామీ ఇచ్చారు.

ప్రతిష్టాత్మక ప్రాజెక్టు కాళేశ్వరం..

కాళేశ్వరం ఎత్తిపోతల ప్రాజెక్టు ( KLIP) భూపాలపల్లి జిల్లా కాళేశ్వరంలో గోదావరి నదిపై నిర్మించిన ఒక బహుళార్ధసాధక నీటిపారుదల ప్రాజెక్టు. ప్రపంచంలో అతిపెద్ద మల్టీ స్టేజ్ ఎత్తిపోతల ప్రాజెక్టు. 2016లో శంకుస్థాపన చేయగా, తొలి దశ 2019 జూన్ 21న అప్పటి గవర్నర్ ఈఎస్ఎల్ నరసింహన్, అప్పటి సీఎం కేసీఆర్ ప్రారంభించారు. కాళేశ్వరం ప్రాజెక్టు 7 లింకులు, 28 ప్యాకేజీలుగా విభజించారు. ఈ ప్రాజెక్టు 13 జిల్లాల గుండా సుమారు 500 కి.మీ (310 మైళ్ళు ) దూరం విస్తరించి ఉంది. ఈ ప్రాజెక్టు మొత్తం 240 టీఎంసీల నీటిని ఎత్తిపోసి అందించడమే లక్ష్యం. మేడిగడ్డ బ్యారేజీ నుంచి 195, శ్రీపాద ఎల్లంపల్లి ప్రాజెక్టు నుంచి 20, భూగర్భ జలాల నుంచి 25). ఇందులో 169 టీఎంసీలను రైతులకు సాగునీటి కోసం, 30 టీఎంసీలను హైదరాబాద్ నీటి అవసరాలకు, 16 టీఎంసీలను ఇతర పారిశ్రామిక అవసరాలకు, 10 టీఎంసీలను సమీప గ్రామాలకు తాగునీటి కోసం కేటాయించారు.

నీటిని ఎత్తిపోయడానికి మేడిగడ్డ, అన్నారం, సుందిళ్ల అనే 3 ప్రధాన బ్యారేజీలను నిర్మించారు. అయితే 2023లో మేడిగడ్డ బ్యారేజీలో పిల్లర్లు కుంగడంతో ప్రాజెక్టు భద్రతపై అనుమానాలు వ్యక్తమయ్యాయి. పగుళ్లకు రిపేర్లు చేపించాలని బీఆర్ఎస్ చెబుతంటే.. భారీ స్కామ్ చేసి దోచుకున్నారని కేసీఆర్ ఫ్యామిలీ మీద కాంగ్రెస్ నేతలు ఆరోపణలు గుప్పించారు. గత అసెంబ్లీ ఎన్నికల సమయంలో ఈ ప్రాజెక్టు లోపాలు, నిర్లక్ష్యం, అక్రమాలు జరిగాయని కాంగ్రెస్ విమర్శలు గుప్పించడం బీఆర్ఎస్ పార్టీకి మైనస్ అయింది. ప్రాజెక్టు సేఫ్టీ మీద అనుమానంతోనే గత మూడేళ్లుగా బ్యారేజీల నుంచి తెలంగాణ ప్రభుత్వం నీటిని ఎత్తిపోయడం లేదు. దీనిపై కాంగ్రెస్, బీఆర్ఎస్ మధ్య ఆరోపణలు, విమర్శలు కొనసాగుతున్నాయని తెలిసిందే.

Sandeep Reddy Vanga : వరంగల్ ఎయిర్‌పోర్టుకు పేర్లు సూచించిన సందీప్ రెడ్డి వంగా - సీఎం రేవంత్ 'స్పిరిట్' రిప్లై... డైరెక్టర్ వెరీ హ్యాపీ

Ganesh Guptha — Sun, 20 Sep 2026 14:56:43 +0530

Director Sandeep Reddy Vanga Suggested Name For Warangal Airport : తెలంగాణలో వరంగల్ ఎయిర్ పోర్టుకు పేరు సూచించాలని సీఎం రేవంత్ రెడ్డి ట్విట్టర్ వేదికగా ప్రజలకు పిలుపునిచ్చిన సంగతి తెలిసిందే. ప్రజా ప్రభుత్వం కృషితో ఈ కల సాకారం కాబోతోందని చెప్పారు సీఎం. అభివృద్ధి చెందుతున్న తెలంగాణకు కొత్త చిహ్నంగా మామునూరు ఎయిర్ పోర్ట్ నిలవనుందని అన్నారు. దీనిపై డైరెక్టర్స్ సందీప్ రెడ్డి వంగా, శ్రీకాంత్ ఓదెల రియాక్ట్ అవుతూ ఎయిర్ పోర్టుకు పేర్లు సజెస్ట్ చేశారు. సందీప్ ట్వీట్‌కు సీఎం రేవంత్ ఇచ్చిన క్యూట్ రిప్లై ఇప్పుడు వైరల్ అవుతోంది.

మా సొంతూరిలో...

తన సొంతూరు వరంగల్‌కు ఎయిర్ పోర్టు రావడం ఎంతో సంతోషంగా ఉందన్నారు సందీప్ వంగా. 'వరంగల్ ఎయిర్ పోర్టుకు నేను రెండు పేర్లు సూచించాలని అనుకుంటున్నా. 'రుద్రమ ఇంటర్నేషనల్ ఎయిర్‌పోర్ట్ (RIA)', కాకతీయ ఇంటర్నేషనల్ ఎయిర్ పోర్ట్ (KIA). ఓరుగల్లు ఘన వారసత్వం, సాంస్కృతిక స్ఫూర్తి ప్రతిబింబించే పేరు పెట్టడం నిజంగా ఎంతో అర్థవంతంగా ఉంటుంది. ఎంతో కృషి చేసి విమానాశ్రయ కలను వాస్తవంలోకి తెచ్చిన గౌరవ ముఖ్యమంత్రి రేవంత్ రెడ్డి గారికి థాంక్స్.' అంటూ ట్వీట్ చేశారు.

Very happy to know that the International Airport in my hometown WARANGAL, is finally becoming a reality. ❤️

My suggestions for the name would be: Rudrama International Airport (RIA), Kakatiya International Airport (KIA).

It would be truly meaningful to give this airport a name…
— Sandeep Reddy Vanga (@imvangasandeep) September 19, 2026

దట్స్ ద స్పిరిట్... సీఎం రిప్లై

సందీప్ ట్వీట్‌కు 'దట్స్ ద స్పిరిట్' అంటూ సీఎం రేవంత్ రెడ్డి రిప్లై ఇచ్చారు. దీనికి రియాక్ట్ అయిన సందీప్... 'సర్... నేను నా 'స్పిరిట్' సినిమాలో సరిగ్గా ఇదే వాక్యం 'దట్స్ ది స్పిరిట్' రాశాను. మీ నుంచి ఆ మాట వినగానే నిజంగా ఆశ్చర్యపోయా. నిజాయితీగా చెప్పాలంటే చాలా సంతోషపడ్డాను. ఎందుకంటే అది అక్షరాలా నా సినిమాలోని అదే వాక్యం కదా. కొన్ని మాటలు సరైన వ్యక్తి నోటి నుంచి వచ్చినప్పుడు వాటి ప్రభావం చాలా భిన్నంగా ఉంటుంది. ధన్యవాదాలు సర్.' అంటూ రాసుకొచ్చారు. ప్రస్తుతం ఈ ట్వీట్స్ వైరల్ అవుతున్నాయి. సందీప్ వంగా ప్రస్తుతం ప్రభాస్‌తో స్పిరిట్ మూవీ చేస్తున్నారు.

Sir.... I have written exactly the same line “That’s the Spirit” in my film SPIRIT. ❤️
So... coming from you Sir, I was genuinely surprised and honestly very excited because it’s literally the same line from my film 😊
Some words really just hit differently when they come from… https://t.co/gwbJMIOOJK
— Sandeep Reddy Vanga (@imvangasandeep) September 19, 2026

View this post on Instagram

A post shared by Sandeep Reddy Vanga (@sandeepreddy.vanga)

Also Read : Laya Emotional Drama OTT : అత్తను వేధించే కోడలిగా లయ - ఓటీటీలోకి కొత్త మూవీతో ఎంట్రీ... ఎందులో స్ట్రీమింగ్ అంటే?

ది ప్యారడైజ్ డైరెక్టర్ కూడా...

సందీప్ రెడ్డి వంగాతో పాటే ది ప్యారడైజ్ డైరెక్టర్ శ్రీకాంత్ ఓదెల కూడా వరంగల్ ఎయిర్ పోర్టుకు 'సమ్మక్క - సారక్క ఇంటర్నేషనల్ ఎయిర్ పోర్ట్' పేరు సజ్జెస్ట్ చేశారు. వరంగల్ మ్యాప్‌లో ఒక ప్రాంతం మాత్రమే కాదని... లక్షలాది ప్రజల ఎమోషన్ అని అన్నారు. చరిత్ర, సంస్కృతి, ఆధ్యాత్మికతకు ఆలవాలమని చెప్పారు. ఈ సందర్భంగా సీఎం రేవంత్‌కు ధన్యవాదాలు తెలిపారు.

Very happy to know that an International Airport is coming to Warangal ❤️

Warangal is not just a place on the map. It is an emotion for millions of people across Telangana, a land steeped in history, culture and deep spirituality.

My heartfelt gratitude to Hon’ble Chief…
— Srikanth Odela (@odela_srikanth) September 19, 2026

అలాగే, ప్రముఖ నిర్మాత దిల్ రాజు కూడా వరంగల్ ఎయిర్ పోర్టుపై ఆనందం వ్యక్తం చేశారు. మరోవైపు, నిర్మాత, నటుడు బండ్ల గణేష్ కూడా వరంగల్ ఎయిర్ పోర్టుకు పేరు సజ్జెస్ట్ చేశారు. 'రాణి రుద్రమ దేవి ఇంటర్నేషనల్ ఎయిర్ పోర్ట్ వరంగల్' అంటూ ట్వీట్ చేశారు.

Also Read : Irumudi OTT : థియేటర్లలో బ్లాక్ బస్టర్... ఓటీటీలో మిక్స్‌డ్ రెస్పాన్స్ - ఇరుముడిలో ఆ లాజిక్స్ మిస్ అయ్యారా?... ట్రెండింగ్ నెం.1లో మూవీ

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

Warangal Airport: వరంగల్ ఎయిర్‌పోర్టుకు పేరు కోరిన రేవంత్ రెడ్డి.. టాలీవుడ్ డైరెక్టర్లలో ఎవరి మాట నెగ్గుతుందో!

Shankar Dukanam — Sun, 20 Sep 2026 12:57:13 +0530

హైదరాబాద్: వరంగల్‌లో ప్రపంచ స్థాయి విమానాశ్రయం ఏర్పాటు చేయాలనే దశాబ్దాల నాటి కల త్వరలోనే సాకారమవబోతోందని తెలంగాణ సీఎం రేవంత్ రెడ్డి ఎక్స్ వేదికగా హర్షం వ్యక్తం చేశారు. పదేళ్లపాటు అధికారంలో ఉన్న బిఆర్ఎస్ ప్రభుత్వం వరంగల్ ప్రజల కలను సాకారం చేయడంలో పూర్తిగా విఫలమైందని ఆయన విమర్శించారు. మామునూరు విమానాశ్రయ నిర్మాణానికి భూసేకరణ కోసం తెలంగాణ ప్రభుత్వం రూ.295 కోట్లు కేటాయించిందని, అవసరమైన పూర్తి భూమిని సేకరించి ఎయిర్‌పోర్ట్స్ అథారిటీ ఆఫ్ ఇండియా (AAI)కి అప్పగించినట్లు స్పష్టం చేశారు. ప్రాజెక్టు పనులు ఇప్పుడు క్షేత్రస్థాయిలో వేగంగా ప్రారంభమవుతున్నాయని వివరించారు. త్వరలోనే మామునూరు ఎయిర్‌పోర్టు నుండి విమాన ప్రయాణం చేసేందుకు ఆసక్తిగా ఎదురుచూస్తున్నానన్న రేవంత్ రెడ్డి.. ఈ కొత్త విమానాశ్రయానికి ఏ పేరు పెడితే బాగుంటుందో ప్రజలు తమ సూచనలు ఇవ్వాలని ఆయన కోరారు.

సీఎం రేవంత్ రెడ్డి పోస్టుపై టాలీవుడ్ డైరెక్టర్లు సందీప్ రెడ్డి, శ్రీకాంత్ ఓదెల స్పందించారు. స్టార్ డైరెక్టర్ సందీప్ రెడ్డి వంగా వరంగల్ ఎయిర్ పోర్టు కల త్వరలో సాకారం చేయడంపై సీఎం రేవంత్ రెడ్డికి ధన్యవాదాలు తెలిపారు. ఓరుగల్లు వారసత్వాన్ని ప్రతిబింబించేలా రుద్రమ ఇంటర్నేషనల్ ఎయిర్‌పోర్ట్ లేదా కాకతీయ ఇంటర్నేషనల్ ఎయిర్‌పోర్ట్ అని మామునూరు విమనాశ్రయానికి పేరు పెట్టాలని సూచించారు. ఈ పేర్లు పెడితే వరంగల్ సంస్కృతి, సాంప్రదాయాలు, వారసత్వానికి తగిన గుర్తింపు లభించినట్లుగా ఉంటుందని సందీప్ రెడ్డి అభిప్రాయపడ్డారు.

That’s the SPIRIT..!! https://t.co/6nWMLYN4yc
— Revanth Reddy (@revanth_anumula) September 19, 2026

డైరెక్టర్ సందీప్ రెడ్డి ట్వీట్‌పై సీఎం రేవంత్ రెడ్డి స్పందించారు. That's the spirit అని రిప్లై ఇవ్వగా.. ప్రస్తుతం ప్రభాస్‌తో తాను తెరకెక్కిస్తున్న స్పిరిట్ మూవీలో సేమ్ డైలాగ్ రాశానని.. స్వయంగా సీఎం రేవంత్ నుంచి ఈ మాట రావడం ఆశ్చర్యంగా, ఆనందంగా ఉందని సందీప్ సైతం రిప్లై ఇవ్వడంతో వైరల్ గా మారింది.

Sir.... I have written exactly the same line “That’s the Spirit” in my film SPIRIT. ❤️
So... coming from you Sir, I was genuinely surprised and honestly very excited because it’s literally the same line from my film 😊
Some words really just hit differently when they come from… https://t.co/gwbJMIOOJK
— Sandeep Reddy Vanga (@imvangasandeep) September 19, 2026

సీఎం రేవంత్ పోస్టుపై మరో దర్శకుడు శ్రీకాంత్ ఓదెల కూడా స్పందించారు. చారిత్రక, ఆధ్యాత్మిక వైభవానికి గుర్తుగా మామునూరు విమనాశ్రయానికి 'సమ్మక్క-సారక్క ఇంటర్నేషనల్ ఎయిర్‌పోర్ట్' అని నామకరణం చేయాలని ప్రభుత్వానికి సూచించారు. పోరాటానికి, ధైర్యానికి ప్రతీకలుగా నిలిచిన తల్లీకూతురు సమ్మక్క, సారక్కలకు మనం ఇచ్చే అసలైన నివాళి అని పేర్కొన్నారు.

Very happy to know that an International Airport is coming to Warangal ❤️

Warangal is not just a place on the map. It is an emotion for millions of people across Telangana, a land steeped in history, culture and deep spirituality.

My heartfelt gratitude to Hon’ble Chief…
— Srikanth Odela (@odela_srikanth) September 19, 2026

ఈ వరంగల్ మామునూరు విమానాశ్రయం కేవలం ఒక ఎయిర్‌పోర్టు మాత్రమే కాదని, లక్షలాది మంది ప్రజల కల అన్నారు. ఇది సాకారం చేస్తున్నందున సీఎం రేవంత్ రెడ్డికి ధన్యవాదాలు తెలిపారు. చారిత్రక, సాంస్కృతి, ఆధ్యాత్మికంగా ఫేమస్ అయిన వరంగల్ చరిత్రలో సరికొత్త అధ్యాయం మొదలు కానుండటంపై హర్షం వ్యక్తం చేశారు. హీరో నానితో శ్రీకాంత్ ఓదెల తీసిన లేటెస్ట్ మూవీ 'ది ప్యారడైజ్’ సెప్టెంబర్ 24న విడుదలకు సిద్ధంగా ఉంది.