PMUY Free Gas Cylinder Scheme: ఉచిత గ్యాస్ సిలిండర్ స్కీమ్.. ఏడాదికి 9 సిలిండర్లు, రూ.300 సబ్సిడీ.. PMUY అర్హతలు, అప్లై ప్రాసెస్ ఇదే!

PMUY Free Gas Cylinder Scheme: కేంద్ర ప్రభుత్వం పీఎం ఉజ్వల యోజన పథకం కింద పేదలకు ఉచిత గ్యాస్ సిలిండర్ కనెక్షన్ అందిస్తుంది. అలాగే ఏడాదికి 9 సిలిండర్లపై రూ.300 చొప్పున సబ్సిడీ ఇస్తుంది.

PMUY Eligibility 2026 How to Apply Online for Free Gas Cylinder Scheme and Get Rs 300 Subsidy

Source : gemini Ai

Show Quick Read

Key points generated by AI, verified by newsroom

• పేద కుటుంబాలకు కేంద్రం ఉచిత గ్యాస్ సిలిండర్ పథకం అందిస్తోంది.
• కొత్త కనెక్షన్‌కు రూ.1600 ఆర్థిక సహాయం అందిస్తుంది.
• లబ్ధిదారులకు సంవత్సరానికి 9 సిలిండర్లపై రూ.300 సబ్సిడీ.
• ఆంధ్రప్రదేశ్ ప్రభుత్వం అదనంగా 3 సిలిండర్లు ఉచితంగా ఇస్తుంది.

PMUY Free Gas Cylinder Scheme: పేద కుటుంబాలకు, గ్రామీణ ప్రాంతాల్లోని మహిళల ఆరోగ్యాన్ని దృష్టిలో ఉంచుకుని కేంద్ర ప్రభుత్వం "ప్రధాన మంత్రి ఉజ్వల యోజన పథకం" ప్రవేశపెట్టింది. ఈ స్కీమ్‌నే ఉచిత గ్యాస్ సిలిండర్ పథకం అంటారు. ఈ పథకం కింద లబ్ధిదారులకు ఏడాదికి 9 సిలిండర్లపై రూ.300 చొప్పున సబ్సిడీ ఇస్తుంది. కట్టెల పొయ్యిల నుంచి విముక్తి కల్పించి, మహిళల ఆరోగ్యాన్ని కాపాడుకునేందుకు ఈ పథకం అమలు చేస్తున్నారు. కొత్త సిలిండర్ కనెక్షన్‌పై రూ.1600 ఆర్థిక సాయం అందిస్తుంది. 

2016 మే 1న ప్రధాని మోదీ ఉజ్వల యోజన పథకాన్ని ప్రారంభించారు. ఉజ్వల యోజన మొదటి దశలో దేశంలో 10 కోట్ల గ్యాస్ కనెక్షన్లను ఇచ్చారు. రెండో దశలో (UJJWALA 2.0) డిసెంబర్ 2024 వరకు 2.34 కోట్ల గ్యాస్ కనెక్షన్లు ఇచ్చారు. ప్రస్తుతం దేశవ్యాప్తంగా ఉజ్వల యోజన పథకం ద్వారా 12 కోట్లకు పైగా కుటుంబాలు ఎల్పీజీ కనెక్షన్లు కలిగి ఉన్నాయి. ప్రస్తుతం ఎల్పీజీ గ్యాస్ సిలండర్ రూ.950 ఉంది. కేంద్రం దీనిపై రూ.300 రాయితీ ఇస్తుంది. అంటే ఉజ్వల యోజన లబ్దిదారులు రూ.650 చెల్లిస్తే సరిపోతుంది.  

ప్రధాన మంత్రి ఉజ్వల యోజన స్కీమ్ అర్హులు

• లబ్ధిదారు భారతీయ మహిళ అయి ఉండాలి.
• 18 ఏళ్ల వయస్సు లేదా అంతకంటే ఎక్కువ ఉండాలి.
• ఎస్ఈసీసీ కుటుంబాలు
• ఎస్సీ/ఎస్టీ కుటుంబాలు
• పీఎం ఆవాస్ యోజన లబ్ధిదారులు
• AAY కార్డుదారులు 
• అటవీ ప్రాంత నివాసులు
• తేయాకు తోట కార్మికులు 
• 14 పాయింట్ల డిక్లరేషన్ సర్పించాల్సి ఉంటుంది.  
• గ్యాస్ కనెక్షన్ కలిగి ఉండకూడదు. 

అవసరమైన పత్రాలు  

• KYC ఫారం
• దరఖాస్తుదారు, కుటుంబ సభ్యుల ఆధార్ కార్డులు
• బ్యాంకు ఖాతా వివరాలు  
• రేషన్ కార్డు లేదా రాష్ట్ర ప్రభుత్వం జారీ చేసిన పత్రం
• వలసదారుల కోసం Self- Declaration  

ఎలా దరఖాస్తు చేయాలి?

మీ సమీపంలోని LPG పంపిణీదారుడిని సంప్రదించి దరఖాస్తు చేసుకోవచ్చు.  

Step 1: మీ సమీపంలోని LPG పంపిణీదారుని నుంచి దరఖాస్తు ఫారమ్‌ను తీసుకోండి లేదా అధికారిక వెబ్‌సైట్ నుంచి డౌన్‌లోడ్ చేసుకోవచ్చు.

Step 2: అప్లికేషన్ ఫారమ్‌లో వివరాలు పూర్తి చేసి, అవసరమైన పత్రాలను సబ్మిట్ చేయండి.

Step 3: పూర్తి చేసిన అప్లికేషన్, అవసరమైన పత్రాలను మీ ప్రాంతంలోని LPG పంపిణీదారుడికి సమర్పించండి.

Step 4: ఆయిల్ మార్కెటింగ్ కంపెనీ (OMC) మీ అప్లికేషన్‌ను ధృవీకరిస్తాయి.  

Stpe 5: వెరిఫికేషన్ పూర్తైన తర్వాత మీకు ఉచిత LPG కనెక్షన్‌ను జారీ చేస్తారు. 
 

ఉజ్వల కనెక్షన్ e-KYC తప్పనిసరి

ప్రధాన మంత్రి ఉజ్వల యోజన కింద ఉచిత గ్యాస్ కనెక్షన్ పొందిన వారు ప్రతి సంవత్సరం తప్పనిసరిగా e-KYC చేయించుకోవాలి. ఇందుకోసం బ్యాంక్ ఖాతా నెంబర్, IFSC కోడ్, BPL సర్టిఫికేట్ లేదా SECC జాబితాలో పేరు ఉండాలి.  

ఏపీ ప్రభుత్వం ఉజ్వల యోజన లబ్దిదారులకు ఏడాది 3 గ్యాస్ సిలిండర్లు ఉచితంగా అందిస్తుంది.