Bandi Sanjay Mother Heart Attack:కేంద్రమంత్రి బండి సంజయ్‌ తల్లికి గుండెపోటు! అత్యవసర చికిత్స చేసి స్టంట్ వేసిన వైద్యులు!

Bandi Sanjay Mother Heart Attack:కేంద్ర హోంశాఖ సహాయ మంత్రి బండి సంజయ్ కుమార్ తల్లి శకుంతలమ్మ శుక్రవారం అస్వస్థతకు గురయ్యారు. వెంటనే ఆమెను హైదరాబాద్ తీసుకొచ్చి చికిత్స అందిస్తున్నారు. 

కేంద్రమంత్రి బండి సంజయ్‌ తల్లికి గుండెపోటు! అత్యవసర చికిత్స చేసి స్టంట్ వేసిన వైద్యులు!

Source : Social Media

Show Quick Read

Key points generated by AI, verified by newsroom

• బండి సంజయ్ తల్లి బండి శకుంతలమ్మకు గుండెపోటు.
• వెంటనే హైదరాబాద్ తరలించి మెడికవర్ ఆసుపత్రిలో చేర్చారు.
• గుండెకు రక్తం సరఫరా నాళాల్లో అడ్డంకులతో స్టంట్ వేశారు.
• మనవడిపై పోక్సో కేసు, ప్రచారంతో మనస్తాపం గురైనట్లు సమాచారం.

Bandi Sanjay Mother Heart Attack: తెలంగాణ రాజకీయాల్లో కీలక నేత, కేంద్ర హోంశాఖ సహాయ మంత్రి బండి సంజయ్ కుమార్(Bandi Sanjay ) తల్లి బండి శకుంతలమ్మ(Bandi Sakuntala) అనారోగ్యంపాలయ్యారు. శుక్రవారం రాత్రి అకస్మాత్తుగా గుండెపోటుకు గురయ్యారు. దీంతో ఆందోళనకు గురైన కుటుంబ సభ్యులు ఆమెను వెంటనే కరీంనగర్ నుంచి హైదరాబాద్ తరలించి  చికిత్స అందిస్తున్నారు. (Union Minister Bandi Sanjay Kumar News)

మే 15 శుక్రవారం రాత్రి సుమారు 9 గంటల సమయంలో కరీంనగర్‌లోని తన నివాసంలో ఉన్న శకుంతలమ్మ హఠాత్తుగా ఛాతిలో నొప్పి రావడంతో కుటుంబ సభ్యులు అప్రమత్తమయ్యారు. ప్రాథమిక లక్షణాలను బట్టి అది గుండెపోటు గా గుర్తించిన వెంటనే ఆమెను మెరుగైన చికిత్స కోసం హుటాహుటిన హైదరాబాద్ తరలించారు. (Telangana Political News)

కరీంనగర్ నుంచి హైదరాబాద్‌కు తరలించే క్రమంలో ఎటువంటి జాప్యం జరగకుండా కుటుంబ సభ్యులు జాగ్రత్తల తీసుకున్నారు. గచ్చిబౌలిలోనీ మెడికోవర్‌ ఆసుపత్రి(Medicover Hospital )కి చేరుకున్న వెంటనే నిపుణులైన కార్డియాలజిస్టుల బృందం ఆమెను పరీక్షించింది. ఆమె పరిస్థితి విషమంగా ఉండటంతో వైద్యులు తక్షణమే అత్యవసర చికిత్సను ప్రారంభించారు. (Hyderabad Hospital Emergency)

మెడికోవర్ ఆసుపత్రికి చేరుకున్న శకుంతలమ్మను వైద్యులు పలు పరీక్షలు నిర్వహించారు. ఈ పరీక్షలలో గుండెకు రక్తాన్ని సరఫరా చేసే నాళాల్లో అడ్డంకులు ఉన్నట్టు గుర్తించారు. దీంతో కార్డియాలజీ నిపుణులు అత్యవసరంగా ఆంజియోప్లాస్టీ నిర్వహించి గుండెకు స్టంట్‌ వేశారు. 

ప్రస్తుతం ఆమెను అత్యవసర చికిత్స విభాగంలో ఉంచి నిరంతరం పర్యవేక్షిస్తున్నారు. శస్త్ర చికిత్స విజయవంతమైందని, ఆమె ఆరోగ్య పరిస్థితి ప్రస్తుతం స్థిరంగా ఉన్నప్పటికీ మరికొద్ది గంటల పాటు అబ్జర్వేషన్‌లో ఉంచాల్సి ఉంటుందని ఆసుపత్రి వర్గాలు చెబుతున్నాయి. 

శకుంతలమ్మ హఠాత్తుగా గుండెపోటుకు గురికావడం వెనుక గత కొన్ని రోజులుగా సాగుతున్న రాజకీయ పరిణామాలు ఉన్నట్టు సమాచారం. ముఖ్యంగా బండి సంజయ్ కుమారుడు బండి భగీరథ్‌పై నమోదైన పోక్సో కేసు(Bandi Bhagirath case ), దానికి సంబంధించిన సోషల్ మీడియాలో జరుగుతున్న ప్రచారం ఆమెను తీవ్రంగా కలచివేసినట్టు తెలుస్తోంది. 

గత మూడు రోజులుగా రోజులుగా సామాజిక మాధ్యమాల్లో తన మనవడిపై జరుగుతున్న విమర్శలు, వ్యక్తిగత  దూషణలు చూసి ఆమె తీవ్ర మనస్తాపానికి గురయ్యారని, ఆ మానసిక ఒత్తిడి కారణంగానే గుండెపోటు వచ్చిందని కుటుంబ సభ్యులు, పార్టీ వర్గాలు భావిస్తున్నాయి. 

ఇలాంటి పరిస్థితుల్లో తన తల్లి ఆనారోగ్యం బండి సంజయ్‌ను మరింత ఆందోళనకు గురి చేసింది. తల్లి అనారోగ్యం వార్త తెలిసిన వెంటనే ఆయన తన కార్యక్రమాలను రద్దు చేసుకొని నేరుగా ఆసుపత్రికి చేరుకున్నారు. ఐసీయూలో చికిత్స పొందుతున్న తల్లిని పరామర్శించి, ఆమెకు అందుతున్న వైద్య సేవల గురించి డాక్టర్లను అడిగి తెలుసుకున్నారు. 

మరిన్ని చదవండి

బండి భగీరథ్ పోక్సో కేసులో ఊహించని ట్విస్ట్! సంచలన ఆధారాలతో సిట్ ముందుకు వస్తా, అధికారులకు కేంద్రమంత్రి కుమారుడి లేఖ