Singer Mangli : లాయర్పై సింగర్ మంగ్లీ కంప్లైంట్ - బెదిరించి ఫేక్ ప్రచారం చేస్తున్నారంటూ...
Singer Mangli Reaction : తనపై ఆరోపణలు చేసిన లాయర్పై సింగర్ మంగ్లీ పోలీసులకు ఫిర్యాదు చేశారు. తనను బెదిరిస్తున్నారని... తప్పుడు ప్రచారం చేస్తున్నారని పేర్కొన్నారు.
Singer Mangli Reacted Files Complaint Against Lawyer : మైక్రో ఫైనాన్స్ పేరిట కోట్లలో డబ్బులు వసూలు చేశారన్న ఆరోపణలపై సింగర్ మంగ్లీ రియాక్ట్ అయ్యారు. తనపై ఆరోపణలు చేసిన న్యాయవాదిపై ఆమె నార్సింగి పోలీసులకు తాజాగా కంప్లైంట్ చేశారు. రూ.150 కోట్ల మేర మోసం చేశారంటూ తనపై తప్పుడు ప్రచారం చేస్తున్నారంటూ ఫిర్యాదులో పేర్కొన్నారు. మార్చి 21న సుభా సియపోగు పేరుతో పరిచయం చేసుకున్న వ్యక్తి తనను బెదిరించాడని వెల్లడించారు.
మంగ్లీ ఏం చెప్పారంటే?
లాయర్ సుబ్బారావు అమర్యాదగా బెదిరించే ధోరణిలో మట్లాడారని... తనను కలవాలని ఒత్తిడి చేసినట్లు కంప్లైంట్లో పేర్కొన్నారు మంగ్లీ. 'ఒకవేళ నిరాకరిస్తే అప్రతిష్ట పాలు చేస్తానని బెదిరించారు. మరో వ్యక్తితో కలిసి అవమానకరంగా మాట్లాడారు. నాకు ఎలాంటి సంబంధం లేని కరెన్సీ నోట్లు ఉన్న వీడియో చూపించి బెదిరించారు. లాయర్ తీరుతో నా ఫ్యామిలీ మెంబర్స్ తీవ్ర మానసిక ఒత్తిడికి గురయ్యారు.' అని తెలిపారు. నిందితులపై చట్టపరమైన చర్యలు తీసుకోవాలని పోలీసులను కోరారు.
Also Read : చిరు, బాబీ మూవీ మెగా 158 లాంచ్కు బ్రేక్! - జన నాయగన్ ఎఫెక్ట్... నిర్మాతలు మారతారా?
అసలేం జరిగిందంటే?
సికింద్రాబాద్కు చెందిన లాయర్ సుబ్బారావును రీసెంట్గా కొందరు కలిసి మైక్రో ఫైనాన్స్ పేరిట అధిక లాభాలు వస్తాయని నమ్మబలికి గాయని మంగ్లీ, ఆమె సోదరుడు సహా మరికొంతమంది తమను రూ.10 కోట్ల మేర మోసగించారని తెలిపారు. ఈ డబ్బును ఎక్స్ పోర్ట్ ఇంపోర్ట్, రియల్ ఎస్టేట్, ట్రేడింగ్ వ్యాపారాల్లో పెట్టుబడి పెట్టి అధిక లాభాలు ఇస్తామని చెప్పి మోసం చేసినట్లు చెప్పారు. దాదాపు 150 మంది నుంచి డబ్బులు సేకరించి తర్వాత పరారైనట్లు లాయర్కు వివరించారు.
దీంతో ఈ విషయం తెలుసుకునేందుకు లాయర్ సింగర్ మంగ్లీని సంప్రదించగా... ఆమె తనతో అవమానకరంగా మాట్లాడారని, తన వృత్తిని కించ పర్చారని ఆరోపించారు. కేసు వెనక్కి తీసుకునేందుకు డబ్బులు కూడా ఆఫర్ చేసినట్లు తెలిపారు. ఇందుకు తాను అంగీకరించక పోవడంతో బెదిరింపులకు పాల్పడినట్లు... పంజాగుట్ట పోలీసులకు ఫిర్యాదు చేశారు. దీంతో సింగర్ మంగ్లీ సహా, ఆమె సోదరుడు మరో ముగ్గురిపై పోలీసులు కేసు నమోదు చేసి దర్యాప్తు చేస్తున్నారు. ఇందులో డైరెక్టర్ వేణు ఊడుగుల పేరు కూడా ఉన్నట్లు తెలుస్తోంది. తాజాగా సింగర్ మంగ్లీ సదరు లాయర్పై కంప్లైంట్ చేశారు. పోలీసులు రెండు ఫిర్యాదులపైనా విచారిస్తున్నారు.
గాయని మంగ్లీ ఇటీవల వరుస వివాదాల్లో చిక్కుకుంటున్నారు. రీసెంట్గా ఆమె బర్త్ డే సెలబ్రేషన్స్ వివాదానికి దారి తీయగా.. దానిపై ఆమె స్వయంగా క్లారిటీ ఇచ్చారు. ఇప్పుడు మైక్రో ఫైనాన్స్ పేరిట మోసం చేశారంటూ ఆరోపణలు వచ్చాయి. గతంలోనూ ఈ ఆరోపణలు రాగా ఆమె తీవ్రంగా ఖండించారు.
టాప్ హెడ్ లైన్స్
ట్రెండింగ్ వార్తలు
