Kalvakuntla Kavitha: జగన్ MAVIGUN బాంబు! ఏపీ సీఎం సీటు కిందకు నీళ్లు రాకుండా చూసుకో: కవిత సంచలన వ్యాఖ్యలు

Telangana Politics | 12 ఏళ్లు అయినా రాజధాని కట్టుకోలేకపోయారని, జగన్ MAVIGUN బాంబు పేల్చడంతో పొలిటికల్ మైలేజీ కోసం కూటమి నేతలు డైవర్షన్ పాలిటిక్స్ చేస్తున్నారని కల్వకుంట్ల కవిత మండిపడ్డారు.

: 12 ఏళ్లు అయినా రాజధాని కట్టుకోలేదు, MAVIGUN బాంబుకు భయపడి డైవర్షన్ పాలిటిక్స్: కవిత తీవ్ర వ్యాఖ్యలు

Source : social media

BRS Politics | హైదరాబాద్: తెలంగాణ సీఎం రేవంత్ రెడ్డి (Revanth Reddy) ఆంధ్రా పాలకుల ఏజెంట్ అని తెలంగాణ రక్షణ సేన (టీఆర్ఎస్) అధ్యక్షురాలు కల్వకుంట్ల కవిత సంచలన వ్యాఖ్యలు చేశారు. మాజీ సీఎం వైఎస్ జగన్ MAVIGUN బాంబు పేల్చారని.. రాజధానిపై పొలిటికల్ మైలేజీ రావడం లేదని కూటమి నేతలు డైవర్షన్ పాలిటిక్స్ చేస్తున్నారని కవిత ఆరోపించారు. వానకాలం వస్తే చాలు ఏపీ రాజధాని మునిగిపోతుందని, సెక్రటేరియట్ లో సీఎం సీటు కింద నీళ్లు రాకుండా చూసుకోవాలని సెటైర్లు వేశారు. గత కొన్నేళ్లుగా తెలంగాణలో ఉన్న పరిస్థితులు ఇప్పుడు లేవని, ఎక్కడ పడితే అక్కడ ఆంధ్రోళ్ల విగ్రహాలు పెడుతున్నారు. ఇష్టం వచ్చినట్లు మాట్లాడుతున్నారని, దాని వెనుక కుట్ర ఉందని ఆరోపించారు. జూన్ 2న తెలంగాణ రాష్ట్ర అవతరణ సందర్భంగా ఉద్యమ ఆకాంక్షలు, రాష్ట్ర అభివృద్ధి గురించి మాట్లాడాల్సింది పోయి ఏపీ గురించి మాట్లాడుకోవాల్సి వస్తుందన్నారు. 12 ఏళ్లలో రాజధాని కూడా కట్టుకోలేకపోయారు ఏపీ పాలకులు అని విమర్శించారు. 

బంజారాహిల్స్ లోని తెలంగాణ రక్షణ సేన కార్యాలయంలో తెలంగాణ ఉద్యమకారుల ఆకాంక్షలు - సాధన-రౌండ్ టేబుల్ సమావేశంలో కవిత తీవ్ర వ్యాఖ్యలు చేశారు. ‘12 ఏళ్లు అయినా రాజధాని కూడా కట్టుకోలేకపోయారు. గతంలో కర్నూలులో గూడారాలలో రాజధాని ఉందని, ఈ ప్రాంతాన్ని కలుపుకుని హైదరాబాద్ ను రాజధాని చేసుకున్నారు. రాష్ట్రం విడిపోయాక రెండు ప్రభుత్వాలు పాలించినా రాజధాని కట్టుకోలేకపోయారు. దాంతో కేంద్రం జోక్యం లేకుండా రాష్ట్రం చూసుకోవాల్సిన రాజధాని అంశాన్ని కూటమి నేతలు పార్లమెంట్ కు తీసుకెళ్లారు. పార్లమెంట్ లో అమరావతి ఏపీ రాజధాని అని తీర్మానం చేసుకున్నారు. రాష్ట్రం విషయంలో కేంద్రం జోక్యం వద్దని వైసీపీ అధినేత జగన్ దాన్ని వ్యతిరేకించారు. 

జగన్ మావిగన్ బాంబుకు తట్టుకోలేక..
ఏపీ మాజీ సీఎం జగన్ మావిగన్ MAVIGUN అని రాజధాని ప్రతిపాదనతో బాంబు పేల్చారు. మచిలిపట్నం విజయవాడ గుంటూరులకు అన్యాయం జరుగుతుందని వీటిని అభివృద్ధి చేయాలని మావిగన్ అని బాంబు వేశారు. కేంద్రం వరకు వెళ్లి రాజధానిపై విజయం సాధిస్తే అమరావతి విషయంలో మైలేజీ రావడం లేదని, ఆంధ్ర ప్రజలను డైవర్షన్ చేయడానికి తెలంగాణ వాళ్ల మీద పడి ఏడవాలి. ఇందుకోసం సీఆర్డీఏలో జగనన్న చెప్పిన మావిగన్ ఏరియాను కలిపారు.  మహానాడు నిర్వహణలో పాల్గొన్న తెలంగాణ నేత నుంచే తెలంగాణ అనే పదమే లేదని చెప్పించారు. మెడకాయ మీద తలకాయ ఉన్నోడు ఈ మాటలు అంటాడా. భారత రాజ్యాంగంలో తెలంగాణ పదం ఉంది చూసుకోండి. ఆంధ్రోళ్ల డిక్షనరీలో ఈ పదం ఉంటే ఎంత. లేకపోతే ఎంత. అది మాకు అవసరం లేదు.

వానకాలం వస్తుంది.. సీఎం సీటు కింద నీళ్లు రాకుండా చూసుకోండి 
తెలంగాణలో విస్తరిస్తాం అని పవన్ కళ్యాణ్, నారా లోకేష్ అంటున్నారు. ఇప్పుడు వానకాలం వస్తుంది. ప్రతి వానకాలం మీ సెక్రటేరియట్‌లో మీ సీఎం సీటు కింద నీళ్లు రాకుండా చూసుకోండి. ప్రతి వానకాలంలో మీ రాజధాని మునిగిపోతుంది. ఏపీ ప్రజలకు ఇది ఎంత అవమానం. ఇప్పటికీ ఆపరేషన్ల కోసం ఆంధ్ర మంత్రులు హైదరాబాద్‌కు వస్తున్నారు. మీరంటే హెలికాఫ్టర్లు, కార్లలో వస్తారు. రాష్ట్ర ప్రజలకు హాస్పిటల్స్ కట్టరా. వసతులు కల్పించరా. అనంతపురం వాళ్లు బెంగళూరు పోతున్నారు. నెల్లూరు వాళ్లు చెన్నైకి పోవాలి. విజయవాడ చుట్టుపక్కల ప్రాంతాల వాళ్లు హైదరాబాద్‌కు వస్తున్నారు. ఇదేనా ఏపీ ప్రజలకు మీరు అందిస్తున్న పాలన, కల్పించే సౌకర్యాలు అని’ కవిత ప్రశ్నించారు.

మరిన్ని చదవండి

తెలంగాణలో మళ్లీ సెంటిమెంట్ రాజకీయాలు - భాగమవుతున్న కాంగ్రెస్ ఎమ్మెల్యేలు - రేవంత్ ప్లానేంటి?

టార్గెట్ చేస్తున్న వారికి పవన్ షాక్ - తెలంగాణలో పార్టీ ఇక యాక్టివ్ - పార్టీ నేతలకు ప్రత్యేక రోడ్ మ్యాప్