Pawan Kalyan Press Meet:రేవంత్ రెడ్డి గారూ, ఆ చెరువు పక్కన స్థలం తీసుకోండి! పవన్ కల్యాణ్ ఓపెన్ ఆఫర్!

Pawan Kalyan Press Meet:హైదరాబాద్‌లో చెరువు కబ్జా చేశారని వస్తున్న ఆరోపణలపై జనసేన అధినేత పవన్ కల్యాణ్ స్పందించారు. తాను కబ్జా చేసి ఉంటే సీజ్ చేయాలని డిమాండ్ చేశారు. 

హైదరాబాద్‌లో చెరువు కబ్జా చేశారని వస్తున్న ఆరోపణలపై జనసేన అధినేత పవన్ కల్యాణ్ స్పందించారు. తాను కబ్జా చేసి ఉంటే సీజ్ చేయాలని డిమాండ్ చేశారు. 

Source : Social Media

Show Quick Read

Key points generated by AI, verified by newsroom

• పవన్ కల్యాణ్ హైదరాబాద్ భూముల ఆక్రమణ ఆరోపణలను ఖండించారు.
• నిరూపిస్తే భూమిని ప్రభుత్వానికి రాసిస్తానని సవాల్ విసిరారు.
• తెలంగాణలో జనసేన ఉనికిని ప్రశ్నిస్తున్న వారికి ఘాటుగా సమాధానమిచ్చారు.
• తనపై దాడులు, కేసులు, బెదిరింపులు కొత్త కాదని అన్నారు.

Pawan Kalyan Press Meet:హైదరాబాద్‌లోని తన నివాసంలో జనసేన అధినేత, ఆంధ్రప్రదేశ్ ఉప ముఖ్యమంత్రి పవన్ కల్యాణ్‌ నిర్వహించిన ప్రెస్‌మీట్ సంచలనంగా మారుతుంది. ఆయనపై తెలంగాణలో చేస్తున్న దుష్ప్రచారంపై ఘాటుగా స్పందించారు. తాను  హైదరాబాద్‌లో కబ్జా చేశానంటూ చేస్తున్న ఆరోపణలు ఖండించారు. ఈ సందర్భంగా ప్రభుత్వానికి ఓపెన్ ఆఫర్ ఇచ్చారు. ఆ భూములు రాసి ఇచ్చేస్తానంటూ చెప్పుకొచ్చారు. 

తెలంగాణ గడ్డపై జనసేన ఉనికిని ప్రశ్నిస్తున్న వారికి, తన రాజకీయ ప్రస్థానాన్ని విమర్శిస్తున్న వారికి ఆయన సూటిగా, స్పష్టంగా  సమాధానాలు ఇచ్చారు. ఆవిర్భావ దినోత్సవం సందర్భంగా గచ్చిబౌలిలో తెలంగాణ నవ నిర్మాణ సంకల్ప సభ నిర్వహించాలని తలపెట్టారు. దీనికి అనుమతి రాకపోవడంతో తన నివాసంలోనే ప్రెస్ మీట్ పెట్టారు. తనపై చేస్తున్న ఆరోపణలు సమాధానం ఇచ్చారు.

హైదరాబాద్‌లోని కోడి చెరువు పవన్ కల్యాణ్ కబ్జా చేసినట్టు ఆరోపణలు వచ్చాయి. దీనిపై ముఖ్యమంత్రి రేవంత్ రెడ్డికి సవాల్ చేశారు. తాను ఆక్రమణలు పాల్పడినట్టు నిరూపిస్తే ఆ భూమిని తక్షణమే ప్రభుత్వానికి రాసి ఇస్తానని అన్నారు. ఆ ప్రాపర్టీని ప్రభుత్వం సీజ్ చేయవచ్చని కూడా సూచించారు. అంతే కానీ అక్కడి ప్రైవేటు వ్యక్తులు రావడం చట్ట విరుద్దమని వార్నింగ్ ఇచ్చారు. అలాంటి వారు కేసులు ఎదుర్కోవాల్సి ఉంటుందని అన్నారు. 

"నేను కబ్జా చేసినట్టు ప్రచారం చేస్తున్నారు. పవన్ ఆ చెరువును కబ్జా చేసినట్టు నిరూపిస్తే ఇవాళే రాసేస్తాను. మీ తాటాకు చప్పుళ్లకు బెదిరపోను. నా వల్ల కబ్జా జరిగి ఉంటే సీజ్‌ చేయండి. ప్రైవేటు స్థలాల్లోకి వస్తే కేసులు ఎదురుకోవాల్సి ఉంటుంది. భయపెట్టాలని చూస్తే భయపడే వాళ్లం కాదు. ప్రతి విషయంలో ప్రాంతీయ వాదం తీసుకొస్తే భారత్‌ మనుగడ కష్టం. తెలంగాణ కోసం మొదట గొంతులేపిందే జనసేన. కాంగ్రెస్ నాయకులు నాలుకు చీరుస్తామంటున్నారు. రండీ రెడీగా ఉన్నాం." అని అన్నారు.  

ఎక్కువ మంది చదివిన ఈ వార్తలు మిస్ అవ్వొద్దు

1

2

3

4

5

కమిట్‌మెంట్‌ లేకపోతే కొండగట్టుకు విరాళం ఇచ్చే వాళ్లమే కాదన్నారు. అంతేకాకుండా టీటీడీ నిధులు కూడా వచ్చేలా చేస్తున్నామని తెలిపారు. వైఎస్‌ బతికి ఉన్నప్పుడు ఆ రోజు మీ గొంతులు ఏమయ్యాయని ప్రశ్నించారు. యువ రాజ్యం పెట్టిన తర్వాత భీమ్‌రావ్‌ వాడ కోసం పోరాడినప్పుడు తనపై తొలి కేసు నమోదు అయ్యిందని గుర్తు చేశారు. దాడులు, కేసులు, బెదిరింపులు కొత్త కాదన్న ఆయన అన్నీ తట్టుకొని బయటకు వచ్చామని ఇక్కడ అదే పటిమ చూపుతామని అన్నారు. 

మరిన్ని చదవండి

"గద్దర్‌కు మీరేం చేశారు? పాశం యాదగిరి కూడా విమర్శిస్తున్నారు" పవన్ కల్యాణ్‌ పంచ్‌లు 

తెలంగాణలో జనసేన ఉంటుంది, జీహెచ్‌ఎంసీ ఎన్నికల్లో పోటీ చేస్తుంది! విమర్శకులకు పవన్‌ స్ట్రాంగ్ కౌంటర్!