Rapido Driver Selling Ganja: హైదరాబాద్లో గంజాయి దందా.. బంజారాహిల్స్లో ర్యాపిడో డ్రైవర్ అరెస్ట్, మరోచోట సైతం గంజాయి సీజ్
Hyderabad Rapido Driver | హైదరాబాద్లోని బంజారాహిల్స్లో గంజాయి విక్రయిస్తున్న ఒక ర్యాపిడో డ్రైవర్ను పోలీసులు చాకచక్యంగా పట్టుకుని అతడి వద్ద నుంచి గంజాయి స్వాధీనం చేసుకున్నారు.
Hyderabad Crime News | హైదరాబాద్: నగరంలోని బంజారాహిల్స్ రోడ్ నెంబర్–12లో గంజాయి విక్రయాలు జరుగుతున్నాయన్న పక్కా సమాచారంతో పోలీసులు మెరుపు దాడులు నిర్వహించారు. ఈ తనిఖీల్లో ఇబ్రహీంనగర్కు చెందిన మొహమ్మద్ జునైద్ అనే ర్యాపిడో డ్రైవర్ గుట్టుచప్పుడు కాకుండా గంజాయి అమ్ముతూ పోలీసులకు దొరికిపోయాడు. నిందితుడు ర్యాపిడో డ్రైవర్గా పనిచేస్తున్నాడు. ఎవరికి అనుమానం రాదని భావించి నగరంలోని వినియోగదారులకు గంజాయి సరఫరా చేస్తున్నట్లు పోలీసులు గుర్తించారు.
పోలీసులు నిందితుడు మహ్మద్ జునైద్ వద్ద నుంచి 137 గ్రాముల గంజాయి, ఒక హోండా షైన్ బైకుతో పాటు మొబైల్ ఫోన్ను స్వాధీనం చేసుకున్నారు. జునైద్ను అరెస్టు చేసిన బంజారాహిల్స్ పోలీసులు, ఈ గంజాయిని ఎక్కడి నుంచి తెస్తున్నాడు, ఎవరెవరికి విక్రయిస్తున్నాడు అనే కోణంలో విచారణ చేపట్టారు. డ్రగ్స్ రహిత నగరం కోసం పోలీసులు తీవ్రంగా శ్రమిస్తుంటే.. కొత్త తరహాలో డెలివరీ బాయ్ అవతారం ఎత్తి గంజాయ్ సరఫరా చేయడం పోలీసులకు సవాలుగా మారుతోంది.
మెట్రో స్టేషన్ సమీపంలో గంజాయి పట్టివేత
హైదరాబాద్లో నారాయణగూడ మెట్రో స్టేషన్ సమీపంలో గంజాయి పట్టుకున్నారు. మెట్రో స్టేషన్ సమీపంలో ఎస్టీఎఫ్డీటీం పోలీసులు దాడులు నిర్వహించి ఒకరిని అరెస్ట్ చేశారు. నిందితుడు షేక్ ముసాఫర్ వద్ద నుంచి 2.6 కేజీల గంజాయిని స్వాధీనం చేసుకున్నారు. సుల్తా్న్ బజార్ నుంచి నారాయణగూడ రోడ్డుపై తనిఖీలు చేస్తుండగా టైమ్స్ ఇనిస్టిట్యూట్ వద్ద షేక్ ముసాఫర్ అనుమానస్పదంగా కనిపించడంతో తనిఖీ చేయగా గంజాయి లభించింది. నిందితుడి వద్ద నుంచి బైకు, సెల్ఫోన్ స్వాధీనం చేసుకున్నారు. అతడు గంజాయిఎక్కడి నుంచి తెస్తున్నాడు, ఎవరికి విక్రయిస్తున్నాడు, ఎప్పటినుంచి ఈ దందా చేస్తున్నాడని పోలీసులు ఆరా తీస్తున్నారు.
టాప్ హెడ్ లైన్స్
ట్రెండింగ్ వార్తలు
