hyderabad

Cheyutha Pension Scheme: జూన్ 2 నుంచి మీ అకౌంట్‌లోకి డబ్బులు.. చేయూత పథకం అర్హతలు, అప్లికేషన్ ప్రాసెస్ ఇలా

Satyaprasad Bandaru — Sun, 24 May 2026 20:22:07 +0530

Cheyutha Pension Scheme: తెలంగాణ ప్రభుత్వం జూన్ 2 నుంచి 'చేయూత' పెన్షన్ పథకం ద్వారా కొత్తగా రెండు లక్షల మందికి పెన్షన్ పంపిణీ చేయనుంది. సమాజంలోని అణగారిన వర్గాలకు ఆర్థిక భరోసా కల్పించడమే ఈ స్కీమ్ ముఖ్య ఉద్దేశం. ముఖ్యంగా వృద్ధులు, వితంతువులు, దివ్యాంగులకు చేయూత పథకం అండగా నిలుస్తుంది. అర్హులైన వారు ఎలాంటి ఆలస్యం లేకుండా డాక్యుమెంట్లను సిద్ధం చేసుకుని, ముందుగానే దరఖాస్తు చేసుకుంటే సకాలంలో పెన్షన్ పొందే అవకాశం ఉంటుందని అధికారులు చెబుతున్నారు. రాష్ట్రంలో ఇప్పటికే 42 లక్షల మందికి పెన్షన్లు అందుతున్నాయి. గత మూడేళ్లుగా కొత్త పెన్షన్లు మంజూరు చేయలేదు. కేవలం మరణించిన వారి స్థానంలో వారి భార్యలకు పెన్షన్లు ఇస్తున్నారు.

ఎవరు అర్హులు?

57 ఏళ్ల వయసు పైబడిన వారికే కాకుండా, చేనేత కార్మికులు, గీత కార్మికులకు కూడా చేయూత పథకం వర్తిస్తుంది. తక్కువ వార్షిక ఆదాయం, తెల్ల రేషన్ కార్డు కలిగిన వారు దరఖాస్తు చేసుకోవచ్చు. వృద్ధులు, వితంతువులు, ఒంటరి మహిళలు, బీడీ కార్మికులు, చేనేత కార్మికులు, ఎయిడ్స్, ఫైలేరియా, డయాలసిస్ బాధితులకు నెలవారీ పింఛన్ అందిస్తున్నారు. ఈ పథకంతో పాటు, అర్హత గల పేద కుటుంబాలకు రూ. 10 లక్షల వరకు ఉచిత వైద్య సేవలు అందిస్తున్నారు.

Aslo Read: రూ.50 లక్షల లోన్, రూ.17 లక్షల సబ్సిడీ.. PMEGP Scheme అర్హతలు, అప్లై ప్రాసెస్ ఇలా

చేయూత పెన్షన్ స్కీమ్ అర్హతలు

చేయూత పథకం కింద నెలవారీ పెన్షన్ పొందాలంటే రాష్ట్ర ప్రభుత్వం నిర్ణయించిన ఆదాయ నిబంధనలు పాటించాలి. గ్రామీణ ప్రాంతాల్లో ఉండే వారి వార్షిక ఆదాయం రూ. 1.5 లక్షలు, పట్టణాల్లో ఉండే వారికి రూ. 2 లక్షల లోపు ఆదాయం ఉండాలి. ఆధార్ కార్డు, రేషన్ కార్డు, ఓటర్ ఐడీ, నివాస ధృవీకరణ పత్రం, బ్యాంక్ పాస్‌బుక్, పాస్‌పోర్ట్ సైజ్ ఫొటో, మొబైల్ నంబర్, ఆదాయ ధృవీకరణ పత్రం, డిజెబిలిటీ సర్టిఫికెట్(వికలాంగులు), డెత్ సర్టిఫికెట్(వితంతువులు), వైద్య ధ్రువపత్రాలు (వ్యాధిగ్రస్తులు) ఉండాలి. పెన్షన్ నేరుగా ఖాతాలో జమ చేసేందుకు బ్యాంకు అకౌంట్‌కు ఆధార్ లింక్ అయి ఉండాలి.

Aslo Read: గ్లోబల్ సిటీలో గ్లోబల్ కార్: హైదరాబాద్‌కు టెస్లా రాక ఖరారు!

దరఖాస్తు ప్రక్రియ

చేయూత పథకానికి ఆన్‌లైన్ లేదా ఆఫ్‌లైన్ లో అప్లై చేసుకోవచ్చు. గ్రామ పంచాయతీ, మీసేవ కేంద్రాల్లో అప్లికేషన్లు సబ్మిట్ చేయవచ్చు. 'ప్రజా పాలన' వేదిక ద్వారా అప్లై చేసుకోవచ్చు. అప్లై చేసుకున్న తర్వాత ఫీల్డ్ ఆఫీసర్లు మీ ఇంటికి వచ్చి వివరాలను పరిశీలిస్తారు. మీ జీవన ప్రమాణాలు, ఆదాయ వివరాలను క్షేత్రస్థాయిలో ధృవీకరిస్తారు. వయసుకు సంబంధించిన పత్రాలు తప్పులున్నా.. సమాచారం సరిపోకపోయినా మీ అప్లికేషన్ ను రిజెక్ట్ చేస్తారు. అర్హులై ఉండి మీ అప్లికేషన్ రిజెక్ట్ అయితే, జిల్లా కలెక్టరేట్‌లో అప్పీల్ చేసుకోవచ్చు. అందుకే డాక్యుమెంట్లన్నీ సరిగ్గా ఉండేలా చూసుకోవడం మంచిది. జూన్ 2న అధికారికంగా ఈ కార్యక్రమం స్వీకరించనున్నారు. మరిన్ని వివరాల కోసం cheyutha.telangana.gov.in అధికారిక వెబ్‌సైట్‌ను సందర్శించవచ్చు.

Aslo Read: యాదాద్రిలో తెలంగాణలోనే అతిపెద్ద వేద పాఠశాల, పలు అభివృద్ధి పనులకు సీఎం రేవంత్ రెడ్డి శంకుస్థాపన

Telangana News: మొక్కజొన్న కొనుగోళ్లపై స్పందించని కేంద్రం.. తెలంగాణ ప్రభుత్వం కీలక నిర్ణయం

Shankar Dukanam — Sun, 24 May 2026 16:06:19 +0530

Thummala Nageswara Rao | హైదరాబాద్: మొక్కజొన్న రైతులకు తెలంగాణ ప్రభుత్వం శుభవార్త చెప్పింది. రాష్ట్రంలో పండిన మొక్కజొన్న కొనుగోళ్లపై కేంద్రం నుంచి ఎలాంటి స్పందన రాకపోవడంతో, రైతుల ప్రయోజనాలను కాపాడేందుకు రాష్ట్ర ప్రభుత్వమే రంగంలోకి దిగింది. మొక్కజొన్న పంటను ప్రభుత్వమే నేరుగా కొనుగోలు చేయాలని ముఖ్యమంత్రి రేవంత్ రెడ్డి కీలక నిర్ణయం తీసుకున్నట్లు వ్యవసాయ శాఖ మంత్రి తుమ్మల నాగేశ్వరరావు వెల్లడించారు. ఈ కొనుగోళ్ల కోసం ఇప్పటికే కేటాయించిన రూ. 4,000 కోట్లకు అదనంగా, సీఎం రేవంత్ మరో రూ. 1,800 కోట్లను ప్రత్యేకంగా కేటాయించారని మంత్రి తెలిపారు.

మొక్కజొన్న కొనుగోళ్లను తక్షణమే..

ఈ ఏడాది రబీ మార్కెటింగ్ సీజన్‌లో రాష్ట్రవ్యాప్తంగా మొక్కజొన్న అత్యంత భారీగా దిగుబడి వచ్చింది. ఈ క్రమంలో రైతులు దళారుల చేతిలో మోసపోకుండా ఉండేందుకు, రూ. 1,100 కోట్లతో మొక్కజొన్న కొనుగోళ్లను తక్షణమే ప్రారంభించేందుకు తెలంగాణ ప్రభుత్వం అన్ని ఏర్పాట్లతో సిద్ధంగా ఉందని మంత్రి తుమ్మల ఒక ప్రకటనలో స్పష్టం చేశారు. కేవలం మొక్కజొన్నే కాకుండా, సన్‌ఫ్లవర్ పంటను కూడా నిర్దేశిత 25 శాతం పరిమితికి మించి కొనుగోలు చేయాలని అధికారులను సీఎం రేవంత్ రెడ్డి ఆదేశించారని ఆయన తెలిపారు.

రైతులకు కొనుగోలు కేంద్రాల వద్ద ఎలాంటి ఇబ్బందులు తలెత్తకుండా జిల్లాల వారీగా తగిన ఏర్పాట్లు చేయాలని వ్యవసాయ శాఖ అధికారులను మంత్రి తుమ్మల నాగేశ్వరరావు ఆదేశించారు. అన్నదాతల ప్రయోజనాలను కాపాడటమే తమ ప్రభుత్వ ప్రధాన లక్ష్యమని, పంట చివరి గింజ వరకు మద్దతు ధరతో కొనుగోలు చేస్తామని మంత్రి తుమ్మల రైతులకు భరోసా ఇచ్చారు.

🔴వరి కొయ్యలు కాల్చొద్దు – రైతులకు ఎమ్మెల్యే పాడి కౌశిక్ రెడ్డి కీలక విజ్ఞప్తి

హుజురాబాద్ నియోజకవర్గ రైతులకు ఎమ్మెల్యే పాడి కౌశిక్ రెడ్డి ముఖ్య విజ్ఞప్తి చేశారు. ప్రస్తుతం ఎండలు తీవ్రంగా ఉన్న నేపథ్యంలో రైతులు పొలాల్లో వరి కొయ్యలు, గడ్డి, పంట అవశేషాలను కాల్చడం వల్ల భారీ అగ్ని… pic.twitter.com/ohO0gn7sjH
— Padi Kaushik Reddy (@KaushikReddyBRS) May 24, 2026

వరి కొయ్యలు కాల్చొద్దని రైతులకు ఎమ్మెల్యే పాడి కౌశిక్ రెడ్డి విజ్ఞప్తి
ప్రస్తుతం ఎండలు తీవ్రంగా ఉన్న నేపథ్యంలో రైతులు పొలాల్లో వరి కొయ్యలు, గడ్డి, పంట అవశేషాలను కాల్చడం వల్ల భారీ అగ్ని ప్రమాదాలు సంభవిస్తున్నాయని ఎమ్మెల్యే పాడి కౌశిక్ రెడ్డి తెలిపారు. హుజురాబాద్ నియోజకవర్గ రైతులకు ఆయన ఓ విజ్ఞప్తి చేశారు. పొలాల్లో కొయ్యలు కాల్చడం వల్ల మంటలు పక్కనే ఉన్న పండ్ల తోటలు, తాటివనాలు, ఈతవనాలు, మోటారు విద్యుత్ వైర్లు దగ్ధమవుతున్నాయని తెలిపారు. ఈ తోటలపై ఆధారపడి జీవనం సాగిస్తున్న రైతులు, గౌడ సోదరులు, వ్యవసాయ కార్మికులు తీవ్రంగా నష్టపోతున్నారని కౌశిక్ రెడ్డి పేర్కొన్నారు.

Also Read: Telangana Heatwave: అమ్మో.. ఇవేం ఎండలురా బాబు.. తలపై చెట్టు కొమ్మతో వినూత్నంగా Watch Video

అలాగే కొన్ని ప్రాంతాల్లో మంటలు వ్యాపించి వరి ధాన్యం నిల్వలు, కోతకు సిద్ధంగా ఉన్న పంటలు కూడా కాలిపోతున్నాయన్న విషయాలను గుర్తుచేశారు. దీంతో రైతులకు లక్షల రూపాయల ఆర్థిక నష్టం జరుగుతోందని, ప్రాణ నష్టం జరిగే అవకాశాలు ఉన్నాయని ఆందోళన వ్యక్తం చేశారు. ఎన్నో నెలలు శ్రమించి పండించిన ధాన్యం క్షణాల్లో బూడిదవుతుండటం బాధాకరం అన్నారు.

వరి కొయ్యలు కాల్చడం వల్ల భూమిలోని సేంద్రియ పదార్థాలు, ఉపయోగకరమైన సూక్ష్మ జీవులు నశించి భూమి సారవంతం తగ్గిపోతుందని ఎమ్మెల్యే కౌశిక్ రెడ్డి తెలిపారు. దీని ప్రభావంతో భవిష్యత్తులో పంటల దిగుబడి కూడా తగ్గే ప్రమాదం ఉందని ఆందోళన వ్యక్తం చేశారు. రైతులు తాత్కాలికంగా సులభమని భావించి కొయ్యలు కాల్చితే, దీర్ఘకాలంలో నేల నాణ్యత దెబ్బతిని పంటలు పండించేందుకు నష్టం జరుగుతుందని.. పంట అవశేషాలను కాల్చకుండా వాటిని సేంద్రియ ఎరువులుగా, పశువుల మేతగా లేదా ఇతర అవసరాలకు వినియోగించడంపై ఫోకస్ చేయాలని సూచించారు. చిన్న నిర్లక్ష్యం వల్ల సంవత్సరాల కష్టం క్షణాల్లో బూడిదవుతోందని అన్నారు.

గ్రామ ప్రజలు, రైతులు అప్రమత్తంగా ఉండి అగ్ని ప్రమాదాలు జరగకుండా జాగ్రత్తగా ఉండాలని, ఎక్కడైనా మంటలు కనిపిస్తే వెంటనే అగ్నిమాపక శాఖకు, స్థానిక అధికారులకు సమాచారం ఇవ్వాలన్నారు. ప్రకృతి సంపదను, పంటలను, భూమి సారాన్ని, రైతుల జీవనాధారాలను కాపాడటం ప్రతి ఒక్కరి బాధ్యత అని పాడి కౌశిక్ రెడ్డి పేర్కొన్నారు.

Hyderabad News: క్యాన్సర్ బాధితుల కోసం జుట్టు డొనేట్ చేసిన హైదరాబాద్ బాలిక.. నెటిజన్ల ప్రశంసలు

Shankar Dukanam — Sun, 24 May 2026 12:47:28 +0530

హైదరాబాద్: చిన్న వయసులోనే ఆ చిన్నారి చాటిన మానవత్వం ప్రతి ఒక్కరి చేత హ్యాట్సాఫ్ చెప్పిస్తోంది. క్యాన్సర్ మహమ్మారితో పోరాడుతూ, కీమోథెరపీ చికిత్స కారణంగా జుట్టు కోల్పోయి మానసిక వేదన అనుభవించే వారిలో ఆత్మవిశ్వాసం నింపేందుకు హైదరాబాద్‌కు చెందిన 11 ఏళ్ల బాలిక మంచి నిర్ణయం తీసుకుంది. తనకెంతో ఇష్టమైన పొడవాటి జుట్టును క్యాన్సర్ బాధితుల విగ్గుల తయారీ కోసం దానం చేసి అందరికీ ఆదర్శంగా నిలిచింది. చిన్న వయసులో ఇతరుల గురించి ఆలోచించడం అంత చిన్న విషయం కాదని నెటిజన్స్ కామెంట్ చేస్తున్నారు.

అమ్మతో డిస్కషన్.. క్షణాల్లో బిగ్ డెసిషన్..

హైదరాబాద్‌లోని నాగోల్, అల్కాపురి ప్రాంతానికి చెందిన ఈ చిన్నారి పేరు ఆద్య. ప్రస్తుతం స్థానికంగా ఉన్న స్కూళ్లో 6వ తరగతి చదువుతోంది. తన జట్టు కొంచెం చిన్నగా కట్ చేసి పోనీటైల్ హెయిర్ స్టైల్‌గా మార్చాలని తల్లిని కోరింది. అయితే అంతకంటే చిన్నగా కట్ చేయించుకో ఈ జట్టును క్యాన్సర్ పేషెంట్లకు ఇద్దామని చెప్పారు. కొంచెం జట్టు ఇస్తే వారికి ఏం సరిపోతుంది, గుండు చేయించుకుని మొత్తం జుట్టు వారికి డొనేట్ చేస్తానంటూ అప్పటికప్పుడు నిర్ణయం తీసుకుంది.

Also Read: Telangana Cabinet Decisions: పేదవారికి గుడ్‌న్యూస్.. 2.50 లక్షల ఇందిరమ్మ ఇండ్లు మంజూరు - తెలంగాణ కేబినెట్ కీలక నిర్ణయాలు

క్యాన్సర్ బాధితుల కష్టాలను, జుట్టు లేకపోవడం వల్ల వారు అనుభవించే న్యూనతాభావాన్ని చూసి ఈ బాలిక మనసు చలించిపోయింది. దీంతో ఎలాగైనా వారిలో ఒక్కరికైనా తన వంతు సహాయం చేయాలనుకుని, ఒక స్వచ్ఛంద సంస్థ (NGO) ద్వారా తన జుట్టును క్యాన్సర్ బాధితుల కోసం అందజేసి పెద్ద మనసు చాటుకుంది. తల్లి చెప్పిన ఒక్క మాటతో గొప్ప నిర్ణయం తీసుకుని నిమిషాల్లో గుండు చేయించుకుని, జుట్టు మొత్తం డొనేట్ చేసి ఈ చిట్టితల్లి ఎందరికో ఆదర్శంగా నిలిచింది.

వారి ముఖాల్లో నవ్వు నాకు మరెంతో ఆనందం.. బాలిక ఆద్య
నా జుట్టు కత్తిరించుకుంటున్నందుకు ఏ బాధ లేదు.. నా వల్ల క్యాన్సర్ బాధితుల ముఖాల్లో నవ్వు కనిపిస్తుందనే ఆనందమే ఎక్కువగా ఉందంటూ వీడియోలో బాలిక ఆద్య చెప్పిన మాటలు ప్రతి ఒక్కరినీ కదిలిస్తున్నాయి. ఇంత చిన్న వయసులోనే సమాజం పట్ల బాధ్యతను, తోటి వారి సమస్యను పరిష్కరించేందుకు తన వంతుగా చూపించిన చొరవతో ఆద్యపై సోషల్ మీడియా వేదికగా నెటిజన్లు ప్రశంసల వర్షం కురిపిస్తున్నారు. సాధారణంగా జడ, జట్టు అంటే అమ్మాయిలకు ఇష్టం కాదు, ప్రాణం అని చెప్పాలి. అయితే చిన్నారి ఆద్య క్యాన్సర్ పేషెంట్‌కు విగ్గు కోసం మొత్తం వెంట్రుకలు ఇవ్వడం మరెంతో మందికి స్ఫూర్తినిస్తుందనడంలో సందేహం లేదు.

Also Read: Fatty Liver : ఫ్యాటీ లివర్ మందు(ఆల్కహాల్) వల్ల మాత్రమే కాదు.. మైదా, మటన్ వంటి వల్ల కూడా కాలేయానికి నష్టమే

Telangana Cabinet Decisions: పేదవారికి గుడ్‌న్యూస్.. 2.50 లక్షల ఇందిరమ్మ ఇండ్లు మంజూరు - తెలంగాణ కేబినెట్ కీలక నిర్ణయాలు

Shankar Dukanam — Sun, 24 May 2026 06:45:49 +0530

Telangana Heatwave: వ‌డ‌గాల్పుల‌తో 16 మంది మృతి.. రూ.4 ల‌క్షల ఆర్ధిక సాయం.. 3 రోజులు మరింత తీవ్రంగా హీట్ వేవ్

Shankar Dukanam — Sun, 24 May 2026 00:12:27 +0530

హైదరాబాద్: తెలంగాణ రాష్ట్రవ్యాప్తంగా ఎండల తీవ్రత రికార్డు స్థాయికి చేరడంతో ప్రభుత్వం అప్రమత్తమైంది. రాష్ట్రంలో కొనసాగుతున్న భీకర వడగాల్పుల (హీట్ వేవ్) నేపథ్యంలో రాష్ట్ర రెవెన్యూ, విపత్తు నిర్వహణ శాఖ మంత్రి పొంగులేటి శ్రీనివాస్ రెడ్డి ఉన్నతాధికారులతో అత్యవసర సమీక్షా సమావేశం నిర్వహించారు. రాష్ట్రంలో ఇప్పటివరకు వడదెబ్బ కారణంగా 7 జిల్లాల్లో 16 మంది మరణించడంపై మంత్రి తీవ్ర దిగ్భ్రాంతి వ్యక్తం చేశారు. ముఖ్యమంత్రి రేవంత్ రెడ్డి ఆదేశాల మేరకు మృతుల కుటుంబాలకు రూ. 4 లక్షల చొప్పున ఎక్స్‌గ్రేషియా అందజేయనున్నట్లు ఆయన ప్రకటించారు.

3 రోజుల పాటు వడగాల్పులు

రాష్ట్రంలో జిల్లాల క‌లెక్టర్ల నివేదిక ప్రకారం జ‌య‌శంక‌ర్ భూపాల‌ప‌ల్లి జిల్లాలో న‌లుగురు, వ‌రంగ‌ల్ అర్బన్‌, నిజామాబాద్, క‌రీంన‌గ‌ర్‌ జిల్లాల్లో ముగ్గురు చొప్పున జోగులాంబ గ‌ద్వాల్‌, సూర్యాపేట, రంగారెడ్డి జిల్లాల్లో ఒక్కరు చొప్పున ఏడు జిల్లాల్లో 16 మంది వ‌డ‌దెబ్బతో మృతి చెందార‌ని అధికారులు మంత్రి దృష్టికి తీసుకువ‌చ్చారు. రానున్న 3 రోజుల పాటు రాష్ట్రంలో వడగాల్పుల తీవ్రత మరింత ఎక్కువగా ఉంటుందని వాతావరణ శాఖ హెచ్చరించినట్లు మంత్రి పొంగులేటి తెలిపారు.

అన్ని జిల్లాల కలెక్టర్లు, యంత్రాంగం పూర్తి స్థాయిలో అప్రమత్తంగా ఉండాలని ఆదేశించారు. ప్రజల ప్రాణ రక్షణే ప్రభుత్వ తొలి ప్రాధాన్యమని, ఎండల కారణంగా రాష్ట్రంలో ఇకపై ఒక్క ప్రాణం కూడా కోల్పోకూడదనే లక్ష్యంతో పనిచేయాలని అధికారులకు స్పష్టం చేశారు. ఎండ తీవ్రత, వాతావరణ మార్పులపై ప్రజలను అప్రమత్తం చేసేందుకు గంట గంటకు హెచ్చరికలు జారీ చేయాలని ఆదేశించారు.

Also Read: Telangana Heatwave: అమ్మో.. ఇవేం ఎండలురా బాబు.. తలపై చెట్టు కొమ్మతో వినూత్నంగా Watch Video

తీవ్రమైన ఎండలలో ప్రజలు కూడా స్వయం నియంత్రణ పాటించాలని మంత్రి పొంగులేటి శ్రీనివాస్ రెడ్డి విజ్ఞప్తి చేశారు. ముఖ్యంగా ఉదయం 11 గంటల నుంచి సాయంత్రం 4 గంటల వరకు అత్యవసరమైతే తప్ప ఎవరూ ఇళ్ల నుంచి బయటకు రావద్దని సూచించారు. వృద్ధులు, గర్భిణీ స్త్రీలు, చిన్నారులు ఈ వాతావరణంలో ప్రత్యేక జాగ్రత్తలు తీసుకోవాలన్నారు. వ్యవసాయ, నిర్మాణ రంగ కార్మికుల రక్షణ కోసం ప్రత్యేక చర్యలు చేపట్టాలని, హీట్ వేవ్‌పై గ్రామస్థాయిలో విస్తృతంగా అవగాహన కార్యక్రమాలు నిర్వహించాలని అధికారులను ఆదేశించారు. అన్ని ప్రభుత్వ ఆసుపత్రులలో ఎండదెబ్బ (హీట్ స్ట్రోక్) కేసులకై ప్రత్యేక వార్డులు, అవసరమైన ఓఆర్ఎస్ (ORS) ప్యాకెట్లు, మందులను సిద్ధంగా ఉంచాలని స్పష్టం చేశారు.

వాతావరణ శాఖ తాజా నివేదిక ప్రకారం ఈనెల 26వ‌ర‌కు కరీంనగర్‌, పెద్దప‌ల్లి, జయశంకర్ భూపాలపల్లి, ఖమ్మం, ములుగు, నల్గొండ, సూర్యాపేట, మ‌హ‌బూబ్‌న‌గ‌ర్‌, హైద‌రాబాద్‌, రంగారెడ్డి జిల్లాలో ఎండ తీవ్రత, తీవ్రమైన ఉష్ణోగ్రతలు, వడగాల్పులు కొనసాగుతాయని వాతావ‌ర‌ణ శాఖ హెచ్చరించింద‌ని ఈ జిల్లాల క‌లెక్టర్లు ప్రత్యేక చ‌ర్యలు తీసుకోవాల‌ని సూచించారు.

తెలంగాణలో 46 డిగ్రీలు దాటిన ఉష్ణోగ్రతలు!
హైదరాబాద్: తెలుగు రాష్ట్రాల్లో భానుడి భగభగలు రోజురోజుకూ తీవ్రరూపం దాల్చుతున్నాయి. వేసవి తాపానికి ప్రజలు అల్లాడిపోతున్నారు. తెలంగాణలో ఎండల తీవ్రత అసాధారణంగా పెరిగింది. రాష్ట్రంలోని దాదాపు 15 జిల్లాల్లో ఉష్ణోగ్రతలు ఇప్పటికే 45 డిగ్రీల మార్కును దాటేశాయి. ముఖ్యంగా భద్రాద్రి కొత్తగూడెం జిల్లాలో శనివారం అత్యధికంగా 46.3 డిగ్రీల గరిష్ఠ ఉష్ణోగ్రత నమోదై రికార్డు సృష్టించింది. ఉదయం 8 గంటల నుంచే ఎండ సెగలు ప్రారంభమవుతుండటంతో జనం ఇళ్ల నుంచి బయటకు రావడానికే భయపడుతున్నారు.

మరోవైపు ఆంధ్రప్రదేశ్‌లోనూ ఇదే విధమైన పరిస్థితి నెలకొంది. ఏపీలోని కృష్ణా జిల్లా కానుమోలులో అత్యధికంగా 45.8 డిగ్రీల ఉష్ణోగ్రత నమోదైంది. రాష్ట్రవ్యాప్తంగా ఉన్న 13 జిల్లాల్లోని సుమారు 95 మండలాల్లో ఉష్ణోగ్రతలు 42 డిగ్రీలు దాటి నమోదవుతున్నాయి. తీవ్రమైన ఉష్ణోగ్రతలకు తోడు వడగాల్పులు తోడవడంతో ప్రజలు తీవ్ర ఇబ్బందులు ఎదుర్కొంటున్నారు.

Also Read: CM Revanth Reddy Visits Yadagirigutta: యాదాద్రిలో తెలంగాణలోనే అతిపెద్ద వేద పాఠశాల, పలు అభివృద్ధి పనులకు సీఎం రేవంత్ రెడ్డి శంకుస్థాపన

రానున్న కాలంలో ఎండల తీవ్రత మరింత పెరిగే అవకాశం ఉందని విపత్తు నిర్వహణ సంస్థ అధికారులు హెచ్చరించారు. ముఖ్యంగా ఏలూరు, కృష్ణా, ఎన్టీఆర్, గుంటూరు, బాపట్ల, పల్నాడు, ప్రకాశం, నెల్లూరు జిల్లాల్లోని పలు ప్రాంతాల్లో ఉష్ణోగ్రతలు 45 నుంచి 46 డిగ్రీల వరకు నమోదయ్యే అవకాశం ఉందని తెలిపారు. మధ్యాహ్నం సమయంలో ప్రజలు అత్యవసరమైతే తప్ప బయటకు రాకూడదని, తగిన జాగ్రత్తలు తీసుకోవాలని అధికారులు సూచించారు.

CSR నిధులతో గవర్నమెంట్ స్కూల్స్ ఆధునీకరణ.. రహేజా, రాంకీ, యశోద సంస్థలతో Telangana ప్రభుత్వం ఒప్పందం

Shankar Dukanam — Sat, 23 May 2026 20:03:05 +0530

Telangana Heatwave: అమ్మో.. ఇవేం ఎండలురా బాబు.. తలపై చెట్టు కొమ్మతో వినూత్నంగా Watch Video

Shankar Dukanam — Sat, 23 May 2026 18:42:43 +0530

హైదరాబాద్: తెలంగాణలో భానుడు ప్రతాపం చూపిస్తున్నాడు. వాతావరణశాఖ హెచ్చరించినట్లుగానే భారీగా పగటి ఉష్ణోగ్రతలు (46 డిగ్రీలకు పైగా) నమోదవుతున్నాయి. దాంతో జనాలు పిట్టల్లా రాలిపోతున్నారు. ఎన్నో కుటుంబాలలో ఎండలు విషాదాన్ని నింపుతున్నాయి. శుక్రవారం ఒక్కరోజే తెలంగాణ వ్యాప్తంగా 31 మంది ప్రాణాలు కోల్పోయారంటే పరిస్థితి ఎలా ఉందో అర్థం చేసుకోవచ్చు. అయితే ఎండలకు తట్టుకోలేక ఓ వ్యక్తి తలపై కానుగ ఆకుల కొమ్మను కట్టుకుని సేదతీరుతున్నాడు. ఇందుకు సంబంధించిన వీడియో సోషల్ మీడియాలో వైరల్ అవుతోంది.

భానుడి భగభగలకు మనుగడ సాగించడం తెలంగాణలో కొన్ని జిల్లాల ప్రజలకు కష్టంగా మారింది. ప్రస్తుతం రాష్ట్రంలో కొనసాగుతున్న తీవ్రమైన వడగాల్పుల తీవ్రతకు అద్దం పట్టే ఒక ఆసక్తికరమైన వీడియో సోషల్ మీడియాలో వైరల్‌గా మారింది. ఎండల తీవ్రతను తట్టుకోలేక ఒక వ్యక్తి తన తలపై పచ్చటి కానుగ ఆకులను కవచంలా పెట్టుకుని బైకు మీద ప్రయాణిస్తున్నారు. ఈ వినూత్న ఆలోచోన మొదట కాస్త వింతగా అనిపించినప్పటికీ, దీని వెనుక ఎండల తీవ్రతకు అర్థం చేసుకోవచ్చు.

తెలంగాణవ్యాప్తంగా రోజురోజుకూ ఉష్ణోగ్రతలు రికార్డు స్థాయిలో నమోదవుతుండటంతో, ఎండల బారి నుంచి తప్పించుకోవడానికి ప్రజలు ఇలాంటి మార్గాలను వెతుక్కుంటున్నారు. ముఖ్యంగా రోజువారీ కూలీలు, డెలివరీ బాయ్స్, రైతులు, అత్యవసర పనులపై రోడ్లెక్కి గంటల తరబడి ప్రయాణించే వారికి ఈ వేసవి కాలం ఒక పెద్ద సవాలుగా మారింది. ఎండ తీవ్రత కేవలం అసౌకర్యానికే పరిమితం కాకుండా, ప్రాణాలు సైతం తీస్తోంది. రోడ్ల నుంచి వచ్చే సెగలు, వీస్తున్న వేడి గాలుల మధ్య ప్రయాణించే వారు ఆ వ్యక్తికి వచ్చిన ఈ కానుగ ఆకుల ఐడియాపై భిన్నాభిప్రాయాలు వ్యక్తమవుతున్నాయి.

Under the blazing Telangana summer sun, survival itself is becoming an innovation.

A striking visual circulating on social media captured the reality of the ongoing heat wave in the state, a man riding a motorcycle with fresh Pongamia Pinnata (Kanuga) leaves placed on his head,… pic.twitter.com/YuaGJHP5Bk
— Jacob Ross (@JacobBhoompag) May 23, 2026

ఎండ బారి నుంచి కాపాడుకుంటున్నావు సరే.. మరి బైకుకు ప్రమాదం జరిగితే నీ ప్రాణాల పరిస్థితి ఏంటని కొందరు నెటిజన్లు ప్రశ్నిస్తున్నారు. ఎండల బారి నుంచి కాపాడుకోవడం ఒకే.. కానీ ఏదైనా ప్రమాదం జరిగితే హెల్మెట్ లేకపోవడంతో నీ ప్రాణాలు పోయే అవకాశం ఉందని హెచ్చరిస్తున్నారు. సైకిల్ మీద వెళ్లే వారికి మాత్రమే ఈ ఐడియా వర్కౌట్ అవుతుందని అంటున్నారు. కానుక ఆకులతో ఎండ నుంచి తప్పించుకోవచ్చు, కానీ ప్రమాదం నుంచి ప్రాణాలను ఎట్టి పరిస్థితుల్లో కాపాడుకోలేవు అని కామెంట్ చేస్తున్నారు. అందరూ ఇలా చెట్ల కొమ్మలు పీకేసి తలపై పెట్టుకుంటే చెట్లు మిగలవు అని సెటైర్లు వేస్తున్నారు.

తెలంగాణలో ఇట్లున్నయి ఎండలు.. మస్తు ఎండ కొడుతుందని అన్నారు. మీరు కూడా ఇలాగే కానుక ఆకులు, చెట్ల కొమ్మలు కప్పుకుని ఎండల నుంచి ఉపశమనం పొందాలని సైతం సూచించారు. తెలంగాణలో అందరూ ఇలాగే బయట తిరగాలని సూచించారు. వాతావరణ శాఖ వడగాలుల హెచ్చరికలను మరింత తీవ్రం చేస్తున్న సమయంలో ఈ వైరల్ వీడియో ఒక హెచ్చరికలా కనిపిస్తోంది. పెరుగుతున్న ఈ అసాధారణ ఉష్ణోగ్రతలు తెలంగాణవ్యాప్తంగా సామాన్యుడి రోజువారీ జీవితాన్ని, వారి ప్రయాణాలను ఏ విధంగా ప్రభావితం చేస్తున్నాయో ఈ ఘటనే స్పష్టం చేస్తోంది.

తెలంగాణలో భానుడి భగభగలు: వడదెబ్బతో 31 మంది మృతి!
తెలంగాణలో ఎండల తీవ్రతకు శుక్రవారం ఒక్కరోజే రాష్ట్రవ్యాప్తంగా వడదెబ్బకు గురై 31 మంది మృత్యువాత పడటం పరిస్థితి తీవ్రతను చూపుతోంది. మృతుల్లో ఉమ్మడి ఖమ్మం, కరీంనగర్ జిల్లాల్లో తొమ్మిది మంది చొప్పున, వరంగల్‌లో ఏడుగురు ఉన్నారు. రాష్ట్రంలోని 20 జిల్లాల్లో గరిష్ఠ ఉష్ణోగ్రతలు 46 డిగ్రీలు దాటాయి. ఆసిఫాబాద్‌ జిల్లా సిర్పూర్‌లో అత్యధికంగా 46.5 డిగ్రీలు... జగిత్యాల, కరీంనగర్, నిజామాబాద్, సూర్యాపేట జిల్లాల్లో 46.4 డిగ్రీలుగా నమోదైంది. గరిష్ట ఉష్ణోగ్రతలు 48 డిగ్రీల వరకు చేరవచ్చని వాతావరణ నిపుణులు హెచ్చరిస్తున్నారు.

రానున్న ఆది, సోమవారాల్లో తూర్పు, ఉత్తర జిల్లాల్లో తీవ్రమైన వడగాల్పులు వీస్తాయని హైదరాబాద్ వాతావరణ కేంద్రం ఆరెంజ్ అలర్ట్ జారీ చేసింది. అయితే, శనివారం కొన్ని ప్రాంతాలలో ఈదురుగాలులతో కూడిన తేలికపాటి వర్షాలు కురిసే అవకాశం కూడా ఉందని పేర్కొంది.

CM Revanth Reddy Visits Yadagirigutta: యాదాద్రిలో తెలంగాణలోనే అతిపెద్ద వేద పాఠశాల, పలు అభివృద్ధి పనులకు సీఎం రేవంత్ రెడ్డి శంకుస్థాపన

Shankar Dukanam — Sat, 23 May 2026 17:44:32 +0530

TPCC అధ్యక్షుడ్ని టార్గెట్ చేసింది ఎవరు? ఆ మీడియాలో కథనాలతో బద్నాం చేయాలని చూస్తున్నారా?

M Seshu — Sat, 23 May 2026 16:38:55 +0530

తెలంగాణ కాంగ్రెస్ అధ్యక్షుడు మహేష్ కుమార్ గౌడ్‌కు వ్యతిరేకంగా మీడియా ఛానెల్లో తాజాగా ప్రసారమవుతున్న వరుస కథనాలు రాష్ట్ర రాజకీయాల్లో తీవ్ర దుమారం రేపుతున్నాయి. అవునా.. నిజమా.. మా ఛానెల్ ల్లోనే, మా పార్టీ అధినేతకు వ్యతిరేకంగా ఈ వరుస కథనాలేంటి. పీసీసీ అధక్షుడ్ని టార్గెట్ చేయడం వెనుక ఎవరున్నారని తెలంగాణ కాంగ్రెస్ నేతల్లో చర్చ జరుగుతోంది. తెలుగు శాటిలైట్ మీడియా ఛానెల్స్ లో ప్రభుత్వానికి అనుకూల వార్తలు ప్రసారం చేస్తుందనే విమర్శలున్న ఓ బడా ఛానెల్ లో గత రెండు రోజుల నుండి తెలంగాణ పీసీసీ చీఫ్ మహేష్ కుమార్ గౌడ్ కు వ్యతిరేకంగా వరుస కథనాలు ప్రసారమవుతూనే ఉన్నాయి. కాంగ్రెస్ పార్టీ అధికారంలోకి వచ్చిన నాటి నుండి, ప్రభుత్వ వ్యతిరేక వార్తలకు ఆ పెద్ద ఛానెల్ దూరంగా ఉంటుంది. అన్నీ అనుకూల కథనాలే వస్తాయే తప్పా, కాంగ్రెస్ వ్యతిరేక, ప్రభుత్వ వ్యతిరేక, పాలనాపరమైన లోపాలు ఆరోపణల వార్తల విషయంలో ఆచీతూచీ అడుగులేస్తారనే వాదనలూ ఉన్నాయి. అయితే తాజాగా ఇవన్నీ బ్రేక్ చేస్తూ పీసీసీ అధ్యక్షుడిపై వ్యతిరేక వార్తలను నాన్ స్టాప్ గా ప్రసారం చేస్తూనే ఉన్నారు.

డిజాస్టర్ టీపీసీసీప్రెసిడెంట్ నిజమేనా..?
డిజాస్టర్ ప్రెసిండెంట్, ఏఐసీసీ విశ్వాసం కోల్పోయిన అధ్యక్షుడు, క్యాడర్ ను కన్నెత్తి చూడని పీఠాధిపతి, అధ్వానంగా గాంధీ భవన్. సారు కోసం ఇంద్రభవనం... ఇలా వరుస కథనాలతో మహేష్ కుమార్ గౌడ్ ను బద్నాం చేయడం వెనుక పెద్ద కుట్ర నడుస్తుందనే విమర్శలు వెల్లువెత్తుతున్నాయి. మహేష్ కుమార్ గౌడ్ పీసీసీ ప్రెసిడెంట్ గా అధికారం చేపట్టి 20 నెలలు దాటింది. ఈ 20 నెలల కాలంలో కాంగ్రెస్ పార్టీ తెలంగాణలో అనేక ఎన్నికల్లో విజయం సాధించింది. ఇటీవల జరిగిన సర్పంచ్ ఎన్నికల్లో 50శాతం పైగా సీట్లు కాంగ్రెస్ కైవసం చేసుకుంది. నిజామాబాద్ లో 5 మున్సిపాలిటీలు గెలిచింది. అత్యంత ప్రతీష్టాత్మకంగా తీసుకున్న జూబ్లీహిల్స్ ఉప ఎన్నికల్లో సైతం గెలుపు జెండా ఎగరేసింది. మరి ఇంతలా వరుస ఎన్నికల్లో కాంగ్రెస్ పార్టీ ప్రాబల్యం చూపిస్తుంటే, మహేష్ కమార్ గౌడ్ అధక్షుడిగా ఎక్కడ విఫలమైయ్యారు. ఎందుకు ఈ వండి వార్చిన కథనాలంటూ విమర్శలు వెల్లువెత్తుతున్నాయి.

Also Read: Bandi Bageerath POCSO case: బండి భగీరథ్‌ పోక్సో కేసులో పోలీస్ కస్టడీపై సస్పెన్స్‌! మే 26న కోర్టు తుది నిర్ణయం!

మహేష్ కుమార్ మార్క్.. ఎక్కువైయ్యిందనే టార్గెట్ చేశారా..?
ప్రసారమవుతున్నట్లుగా గాంధీ భవన్ లో బీరు బాటిళ్లకు, గోడకు ఊడుతున్న పెచ్చులకు అధ్యక్షడికి ఏం సంబంధం అంటున్నారు రాజకీయ విశ్లేషకులు. మహేష్ కుమార్ గౌడ్ కు ముందు రేవంత్ రెడ్డి టీపీసీసీ అధ్యక్షుడిగా పనిచేశారు. అంతకు ముందు ఉత్తమ్ కుమార్ రెడ్డి ఆ పదవిలో ఉన్నారు. అప్పుడూ గాంధీ భవన్ పరిస్దితి ఇలాగే ఉంది. కానీ ఇప్పుడు అన్నీ మహేష్ కుమార్ గౌడ్ ఖాతాలోనే వేయడం వెనుక పెద్ద ప్లానే ఉందనే వాదనలు వినిపిస్తున్నాయి. ప్రభుత్వానికి అనుకూలంగా ఉంటుందనే ఆరోపణలున్నా ఆ బడా ఛానెల్ లో ఇట్లా టార్గెట్ కథనాలు రావడం వెనుక సీఎం రేవంత్ రెడ్డి ప్రమేయం సైతం ఉందనే వార్తలు సోషల్ మీడియాలో హల్ హచ్ చేస్తున్నాయి.

సీఎం పదవి దక్కిన తరువాత టీపీసీసీ విషయంలో రేవంత్ రెడ్డి ఆచీతూచి నిర్ణయం తీసుకున్నారని, తనకు అత్యంత నమ్మకస్తుడిగా ఉండే మహేష్ కుమార్ గౌడ్ కు టీపీసీసీ అధ్యక్షుడి పదవి దగ్గడంలో కీలక పాత్ర పోషించారనే వాదనలున్నాయి. ఇన్నాళ్లు అత్యంత సన్నిహితంగా ఉండే మహేష్ కుమార్ గౌడ్ పై ఇలా అనుకూల మీడియాలో వ్యతిరేక వార్తలు వస్తుంటే, పనిగట్టుకు మరీ పార్టీ పరువు తీస్తుంటే రేవంత్ రెడ్డి ఎందుకు మౌనంగా ఉన్నారనేవారు లేకపోలేదు. రాష్ట్ర వ్యవహరాలు తనకు తెలియకుండా నేరుగా ఢీల్లీకి సమాచారం ఇస్తున్నాడని, బండి విషయంలోనూ పార్టీ పరువు పోయేలా వ్యవహరించారనేది హైకమాండ్ దృష్టికి తీసుకెళ్లారని, ముఖ్యంగా ఇటీవల కాలంలో మహేష్ కుమార్ మీడియాతో మాట్లాడుతూ మళ్లీ రాబోయేది కాంగ్రెస్ ప్రభుత్వమే, బీసీ అభ్యర్ది ఈసారి సీఎం అవుతారంటూ చేసిన వ్యాఖ్యలు రేవంత్ ఆగ్రహానికి కారణమయ్యాయనే వాదనలూ ఉన్నాయి. వీటికితోడు ఆ కథనాలు ప్రసారం చేస్తున్న మీడియా ఛానెల్ కు చెందిన బంధువుకు మహబూబాబాద్ డీసీసీ పదవి ఇవ్వలేదని కావాలనే టార్గెట్ చేశారనే ఆరోపణలున్నాయి.

రెండు గ్రూపులుగా తెలంగాణ కాంగ్రెస్..!
తెలంగాణ కాంగ్రెస్ అంటే గ్రూపు రాజకీయాలకు కేరాఫ్ అడ్రస్ అనే విమర్శలు ఉండనే ఉన్నాయి. కాంగ్రెస్ అధికారంలోకి వచ్చిన తరువాత కాస్త కట్టడి చేసినప్పటికీ , తాజాగా టీపీసీసీని ప్రభుత్వ అనుకూల మీడియా ఛానెల్ టార్గెట్ చేయడంతో మళ్లీ గ్రూపు రాజకీయాలు తెరపైకి వచ్చినట్లయ్యింది. ఇప్పటికే మహేష్ కమార్ గౌడ్ , ఏఐసీసీ వ్యావహరాల ఇన్‌ఛార్జ్ మీనాక్షి నాటరాజ్ లు ఓ వర్గం, సీఎం రేవంత్ టీమ్ మరో వర్గంగా విడిపోయి పార్టీలో అంతర్గత పోరు జరుగుతోందనే వాదనలున్నాయి. వెలుగుమట్ల, హెచ్ సీయూ ల్యాండ్ విషయంలో రేవంత్ కు వ్యతిరేకంగా హైకమాండ్ నిర్ణయాలు తీసుకోవడం వెనుక మహేష్ హస్తం ఉందని అందుకే టీపీసీసీని టార్గెట్ చేస్తున్నారని వినిపిస్తోంది. మహేష్ కుమార్ గౌడ్ తెలంగాణ కాంగ్రెస్ అధ్యక్షుడిగా అధికారం చేపట్టిన తరువాత పార్టీ కేడర్ ను కలుపుకు పోవడంలో విఫలమయ్యారనే విమర్శలున్నాయి.

Also Read: హైదరాబాద్ పోలీసుల వినూత్న ప్రయత్నం! దేశంలోనే తొలి ఏఐ కాప్‌రైటర్ యాప్ ప్రారంభం!

ప్రభుత్వ పధకాలను రాష్ట్ర వ్యాప్తంగా క్యాడర్ ద్వారా గ్రామాల్లోకి తీసుకెళ్లడంలో వెనుకబడ్డారనేవారు లేకపోలేదు. గాంధీ భవన్ కు వచ్చుడు తక్కువ, విదేశాలకు వెళ్లడం ఎక్కువ అనే ఆరోపణలున్నాయి. ఇలా వీటిలో కొంత వరకూ వాస్తవాలున్నప్పటికీ , టీపీసీసీ వల్లనే పార్టీ తిరిగి అధికారంలోకి రాదని, ప్రభుత్వ పనితీరే మళ్లీ గెలిపించాలా వద్దా అని డిసైడ్ చేస్తుందనేవారు లేకపోలేదు. ఇలా సాకులు కావాలంటే లక్షల్లో వెతకొచ్చు. వదిలేయాంటే అంతకు మించి ఉన్నా లైట్ తీసుకోవచ్చు అనేలా ప్రస్తుత తీరు కనిపిస్తోంది. జరుగుతున్న పరిణామాలు చూస్తుంటే మహేష్ కుమార్ ను పొమ్మనలేక పొగపెట్టేశారనే వాదనలు వినిపిస్తున్నాయి. ఫ్యామిలితో కలసి విదేశీ పర్యటనలో ఉన్న మహేష్ కుమార్ గౌడ్ స్పందిస్తూ తనపై మీడియాలో ప్రసారమవుతున్న కథనాలకు కార్యకర్తలు అధైర్య పడొద్దని, మీడియాను గౌరవించడం మన భాద్యత, కాలం అన్నింటికీ సమాధానం చెబుతుందంటూ ప్రకటన విడుదల చేశారు.

Hit And Run In Hyderabad: హైదరాబాద్‌లో ఘోరం.. కారుతో ఢీకొట్టి లాయర్ దారుణ హత్య! అదే కారణమా !

Shankar Dukanam — Sat, 23 May 2026 15:26:52 +0530

Hyderabad Advocate Khaja Mohinuddin Murder | హైదరాబాద్: నగరంలోని మాసబ్‌ట్యాంక్ పరిధిలో శనివారం ఉదయం ఒక దారుణం చోటుచేసుకుంది. ఒక సీనియర్ న్యాయవాదిని దుండగులు కారుతో ఢీకొట్టి హతమార్చడం తీవ్ర కలకలం రేపింది. పోలీసులు తెలిపిన వివరాల ప్రకారం... అడ్వకేట్ కాజా మొయినుద్దీన్ శనివారం ఉదయం తన ఇంటి నుంచి బయటకు వచ్చారు. ఆయన తన కారులో బయలుదేరడాని సిద్ధంగా ఉన్నారు. కారు డోర్ తీస్తున్న సమయంలో ఓ కారు ఆయనను వెనుక నుండి వచ్చి అత్యంత వేగంగా ఢీకొట్టి వెళ్లిపోయింది.

ఈ ప్రమాదంలో అడ్వకేట్ మొయినుద్దీన్‌కు తీవ్రమైన గాయాలయ్యాయి. ఆయనను గమనించిన స్థానికులు, వెంటనే స్పందించి చికిత్స నిమిత్తం సమీపంలోని ఆసుపత్రికి తరలించారు. అయితే, ఆసుపత్రిలో ఐసీయూలో చికిత్స పొందుతూ లాయర్ మొయినుద్దీన్ మృతి చెందినట్లు డాక్టర్లు, పోలీసులు తెలిపారు.

లాయర్‌ను కారుతో ఢీకొట్టిన అనంతరం నిందితులు అక్కడి నుండి వేగంగా పరారయ్యారు. దుండగులు కారుతో ఢీకొట్టిన దృశ్యాలు ఘటనా స్థలంలో ఉన్న సీసీటీవీ (CCTV) కెమెరాల్లో స్పష్టంగా రికార్డయ్యాయి. పాత కక్షల కారణంగానే ఈ హత్య జరిగిందా అనే కోణంలో పోలీసులు అనుమానిస్తున్నారు. ఈ ఘటనపై పోలీసులు కేసు నమోదు చేసి, సీసీటీవీ ఫుటేజ్ ఆధారంగా నిందితులను పట్టుకోవడానికి ప్రత్యేక బృందాలతో దర్యాప్తును వేగవంతం చేశారు.

ఎవరీ ఖాజా మొయినుద్దీన్..
వక్ఫ్ బోర్డు భూముల రక్షణ కోసం నిరంతరం పోరాడుతున్నారు లాయర్ ఖాజా మొయినుద్దీన్‌. హైకోర్టు , సిటీ సివిల్‌ కోర్టులో ఆయన లాయర్‌గా సేవలు అందిస్తున్నారు. అయితే హిట్ అండ్ రన్ ఘటనలో కొందరు దుండగులు కారుతో ఢీకొట్టడంతో ఆయన ప్రాణాలు కోల్పోయారు. ఆయన తన ఇంటి వద్ద కారు ఎక్కుతున్న సమయంలో పక్కా ప్లాన్‌తో వెనుక నుంచి వాహనంతో బలంగా ఢీకొట్టి పరారైనట్లు అనుమానాలు వ్యక్తమవుతున్నాయి. తీవ్రంగా గాయపడిన ఆయననను హాస్పిటల్‌కు తరలించినా ప్రయోజనం లేకపోయింది. పరిస్థితి విషమించడంతో చికిత్స పొందుతూ మొయినుద్దీన్ మృతి చెందారు.

కబ్జాకు గురవుతున్న కోట్ల రూపాయల విలువైన వక్ఫ్ బోర్డు భూములను కాపాడేందుకు ఆయన చట్టపరమైన పోరాటాలు చేస్తుండటమే ఈ హత్యకు ప్రధాన కారణమని వినిపిస్తోంది. లేక వ్యక్తిగత కక్షలతో హత్య చేశారా అనే కోణాల్లోనూ పోలీసులు విచారణ చేపట్టారు. నెంబర్ ప్లేట్ లేని కారుతో ఉద్దేశపూర్వకంగానే ఢీకొట్టి హత్య చేశారని సైతం వినిపిస్తోంది.