hyderabad

Khairatabad Bypoll Stay: ఖైరతాబాద్ సమరంలో బిగ్ ట్విస్ట్ - హైకోర్టుకు ఈసీ క్లారిటీ - ఇప్పుడల్లా నోటిఫికేషన్ లేనట్లే!?

Raja Sekhar Allu — Thu, 1 Oct 2026 18:23:24 +0530

Telangana High Court ECI Bypoll Notification: హైదరాబాద్ రాజకీయాల్లో అత్యంత ప్రాధాన్యత సంతరించుకున్న ఖైరతాబాద్ అసెంబ్లీ నియోజకవర్గంలో అనూహ్య పరిణామం చోటుచేసుకుంది. ఫిరాయింపుల నిరోధక చట్టం కింద ఎమ్మెల్యే దానం నాగేందర్‌పై అనర్హత వేటు పడటంతో ఖాళీ అయిన ఈ స్థానానికి త్వరలోనే ఉపఎన్నిక శంఖారావం మోగుతుందని ఆశావహులు సన్నద్ధమవుతున్న వేళ, కాంగ్రెస్ నాయకురాలు, దివంగత నేత పీజేఆర్ కుమార్తె పి. విజయారెడ్డి వేసిన లీగల్ పిటిషన్ ఎన్నికల ప్రక్రియను ఒక్కసారిగా బ్రేక్ వేసింది. ఈ వివాదం తేలేవరకు ఉపఎన్నిక నోటిఫికేషన్ విడుదల చేయవద్దంటూ ఎన్నికల సంఘానికి స్పష్టత రావడంతో నియోజకవర్గ సమరం చట్టపరమైన చిక్కుల్లో పడింది.

అసలు ఈ న్యాయపోరాటానికి పునాది 2023 సాధారణ ఎన్నికలలోనే పడింది. నాటి ఎన్నికల్లో బీఆర్ఎస్ అభ్యర్థి దానం నాగేందర్ విజయం సాధించగా, కాంగ్రెస్ నుంచి పోటీ చేసిన విజయారెడ్డి ఓటమి పాలయ్యారు. అయితే ఎన్నికల అఫిడవిట్ ఫారం-26 లో దానం నాగేందర్ తన కుటుంబ ఆస్తుల వివరాలను సమగ్రంగా వెల్లడించకుండా దాచిపెట్టారంటూ విజయారెడ్డి 2024లోనే తెలంగాణ హైకోర్టులో ఎలక్షన్ పిటిషన్ దాఖలు చేశారు. ప్రస్తుతం ఆయన పదవి ఊడటంతో కొత్తగా ఉపఎన్నిక నిర్వహించే కంటే, పాత పిటిషన్‌‌ను పరిగణనలోకి తీసుకుని తననే విజేతగా ప్రకటించే అవకాశాలు సైతం చట్టపరంగా ఉన్నందున.. పిటిషన్ తేలేవరకు ఉపఎన్నిక ప్రక్రియను నిలిపివేయాలని ఆమె తాజాగా కోర్టు తలుపులు తట్టారు.

పార్టీ మారిన దానం నాగేందర్‌ను కాంగ్రెస్ తరఫున ఉపఎన్నిక బరిలో నిలపాలని అధిష్ఠానం భావిస్తున్న వేళ, అదే పార్టీకి చెందిన విజయారెడ్డి లీగల్ అస్త్రం విసరడం రాజకీయంగా హాట్ టాపిక్‌గా మారింది. దీనితో రాబోయే రోజుల్లో న్యాయస్థానం ఎలాంటి తీర్పు ఇస్తుందనేది అత్యంత కీలకంగా మారింది. ఒకవేళ హైకోర్టు విజయారెడ్డి దాఖలు చేసిన పాత ఎన్నికల పిటిషన్‌ను వేగవంతంగా విచారించి దానం ఎన్నిక చెల్లదని తేలిస్తే, అక్కడ ఉపఎన్నిక అవసరం లేకుండానే రెండో స్థానంలో ఉన్న విజయారెడ్డికి ఎమ్మెల్యేగా అవకాశం దక్కే లీగల్ అవకాశాలు ఎక్కువగా ఉన్నాయి. ఇదే జరిగితే ఖైరతాబాద్‌లో పీజేఆర్ వారసత్వ రాజకీయం మరోసారి బలపడే అవకాశం ఉంది.

ఈ లీగల్ ట్విస్ట్‌తో ఖైరతాబాద్ ఉపఎన్నిక రేసులోని ప్రధాన పార్టీలైన బీఆర్ఎస్, బీజేపీ, కొత్తగా బరిలోకి దిగుతామన్న కల్వకుంట్ల కవిత తెలంగాణ రక్షణ సేన తమ ప్రచార వేగానికి తాత్కాలికంగా బ్రేకులు వేయక తప్పని పరిస్థితి ఏర్పడింది. సాధారణ నిబంధనల ప్రకారం ఆరు నెలల గడువు ఉన్నప్పటికీ, కోర్టు పరిధిలోని ఈ ఎలక్షన్ పిటిషన్‌‌పై తెలంగాణ హైకోర్టు వెలువరించే తుది ఆదేశాలపైనే ఖైరతాబాద్ అసెంబ్లీ స్థానానికి భవిష్యత్ ఎన్నికల ముహూర్తం పూర్తిగా ఆధారపడి ఉంది.

Pakistan Cosmetics Hyderabad: హైదరాబాద్‌లో మేడ్ ఇన్ పాకిస్థాన్ కాస్మెటిక్స్ అమ్మకాలు- టాస్క్‌ఫోర్స్ మెరుపు దాడులు - ఇక్కడికెలా తెచ్చారు?

Raja Sekhar Allu — Thu, 1 Oct 2026 17:42:31 +0530

Pakistani Beauty Products Hyderabad: భాగ్యనగరంలో నిషేధిత, నాణ్యతా ప్రమాణాలు లేని ఉత్పత్తుల విక్రయాలపై హైదరాబాద్ టాస్క్‌ఫోర్స్ పోలీసులు విరుచుకుపడ్డారు. మేడ్ ఇన్ పాకిస్థాన్ లేబుళ్లతో కూడిన బ్యూటీ ప్రొడక్ట్స్ , కాస్మెటిక్స్‌ను అక్రమంగా విక్రయిస్తున్నారన్న విశ్వసనీయ సమాచారంతో టాస్క్‌ఫోర్స్ బృందాలు మెరుపు దాడులు నిర్వహించాయి. నాంపల్లి ప్రభుత్వ ఆసుపత్రి పరిసర ప్రాంతాలతో పాటు ఓల్డ్ సిటీ, హబీబ్ నగర్ పోలీస్ స్టేషన్ పరిధిలోని పలు కాస్మెటిక్ దుకాణాలు, మెడికల్ స్టోర్లలో బుధవారం సంయుక్త బృందాలు ఏకకాలంలో సోదాలు చేపట్టాయి.

నాంపల్లి, హబీబ్ నగర్ తదితర ప్రాంతాల్లో నిర్వహించిన ఈ సోదాల్లో భారీ ఎత్తున పాకిస్థాన్‌లో తయారైన సౌందర్య సాధనాలు, ఫేస్ క్రీమ్‌లను అధికారులు స్వాధీనం చేసుకున్నారు. ఈ దాడుల సందర్భంగా కేవలం పాక్ ఉత్పత్తుల విక్రయమే కాకుండా, ఎలాంటి అనుమతులు, సరైన బిజినెస్ లైసెన్సులు లేకుండానే కొన్ని దుకాణాలను నిర్వహిస్తున్నట్లు పోలీసులు గుర్తించారు. ఈ పాకిస్థానీ కాస్మెటిక్స్‌లో ప్రమాదకర రసాయనాలతో పాటు అత్యధిక స్థాయిలో మెర్క్యురీ ఉండే అవకాశాలు ఉన్నాయని పోలీసులు, వైద్య నిపుణులు హెచ్చరిస్తున్నారు. వీటిని వినియోగించడం వల్ల చర్మ సంబంధిత వ్యాధులు, అలర్జీలు, తీవ్రమైన మోచేతి లేదా ముఖంపై మచ్చలు రావడమే కాకుండా దీర్ఘకాలంలో కిడ్నీ సంబంధిత తీవ్ర సమస్యలు తలెత్తే ప్రమాదం ఉందని ఆందోళన వ్యక్తమవుతోంది. లాభాపేక్షతో ప్రజల ఆరోగ్యంతో చెలగాటమాడుతున్న వ్యాపారుల నిర్వాకంపై అధికారులు ఆగ్రహం వ్యక్తం చేస్తున్నారు.

unauthorised #Pakistan-made cosmetics seized from 3 Nampally shops in a Task Force-CDSCO raid in #Hyderabad. A suspected #Mumbai supplier allegedly linked to the supply chain is under probe, along with five local sellers. Investigation underway. pic.twitter.com/HzQLRKZvSu
— Ashish (@KP_Aashish) October 1, 2026

గతంలోనే పాకిస్తాన్ తో అన్ని రకాల వాణిజ్యాన్ని భారత్ ఆపేసింది. అయినా పాక్ వస్తువుల అక్రమ దిగుమతి, విక్రయాల అంశం దుమారానికి దారితీస్తోంది. నగరంలో పాక్ ఉత్పత్తులను పూర్తిగా నిషేధించి, ఇలాంటి దందాలకు పాల్పడుతున్న సూత్రధారులపై చట్టపరమైన కఠిన చర్యలు తీసుకోవాలని పలు వర్గాలు డిమాండ్ చేస్తున్నాయి. ఈ నిషేధిత కాస్మెటిక్స్ నగరానికి ఎలా వచ్చాయనే కోణంలో పోలీసులు లోతైన విచారణ జరుపుతున్నారు. ఇతర రాష్ట్రాల గుండా స్మగ్లింగ్ మార్గాల్లో తీసుకొచ్చారా? లేక ఆన్‌‌లైన్ సప్లై నెట్‌వర్క్ ఏమైనా ఉందా? అనే కోణంలో దర్యాప్తు వేగవంతం చేశారు. నిబంధనలను ఉల్లంఘించి చట్టవిరుద్ధంగా పాక్ ప్రొడక్ట్స్ విక్రయించే వ్యాపారులపై కఠిన చట్టాల కింద కేసులు నమోదు చేస్తామని, నగరవ్యాప్తంగా తనిఖీలు కొనసాగుతాయని పోలీసులు స్పష్టం చేశారు.

Allu Arjun : హైదరాబాద్‌లో అల్లు అర్జున్ న్యూ ఆఫీస్ - అత్యాధునిక హంగులతో ఐకాన్ స్టార్ ICONZA

Ganesh Guptha — Thu, 1 Oct 2026 16:56:55 +0530

Allu Arjun New Office ICONZA Started At Hyderabad : ఐకాన్ స్టార్ అల్లు అర్జున్ హైదరాబాద్‌లో సరికొత్త ఆఫీస్‌ను ప్రారంభించారు. తన తాత, ప్రముఖ నటుడు అల్లు రామలింగయ్య జయంతి సందర్భంగా సరికొత్త కార్యాలయాన్ని నూతన హంగులతో గురువారం ప్రారంభించారు. దీనికి సంబంధించిన ఫోటోస్‌ను ఆయన సోషల్ మీడియా వేదికగా షేర్ చేశారు.

ఐకాన్ స్టార్ పేరుకు తగ్గట్లుగానే...

అల్లు అర్జున్‌ను ఫ్యాన్స్ ముద్దుగా ఐకాన్ స్టార్ అని పిలుచుకుంటారు. ఆ పేరుకు తగ్గట్లుగానే ఈ కొత్త కార్యాలయానికి 'ICONZA' అనే పేరు పెట్టారు. ఈ ప్రీమియం ఆఫీస్ స్పేస్ డిజైన్, ఇంటీరియర్స్, ఆర్కిటెక్చర్‌ను స్వయంగా అల్లు అర్జున్ దగ్గరుండి పర్యవేక్షించి మరీ తనకు నచ్చినట్లుగా అత్యాధునికి హంగులతో నిర్మించారు. 'కొత్త ఆఫీస్... కొత్త ప్రారంభం... ఒక వారసత్వం ఇలానే కంటిన్యూ అవుతుంది.' అంటూ ఆయన ఫోటోస్ షేర్ చేశారు.

ICONZA ఆఫీస్ లాంచ్ ఈవెంట్‌లో అల్లు అరవింద్‌తో పాటు, అల్లు శిరీష్ దంపతులు ఫ్యామిలీ మెంబర్స్ పాల్గొన్నారు. అల్లు రామలింగయ్య ఫోటో ముందు ఫ్యామిలీతో దిగిన ఫోటోను బన్నీ షేర్ చేయగా ట్రెండ్ అవుతోంది. ప్రస్తుతం అల్లు అర్జున్, అట్లీ దర్శకత్వంలో పాన్ ఇండియా వరల్డ్ అడ్వెంచర్ 'రాకా' షూటింగ్‌లో బిజీగా ఉన్నారు. ముంబయిలో షూటింగ్ శరవేగంగా సాగుతోంది.

ICONZA

A new office. A new beginning.
On the birth anniversary of my grandfather, Allu Ramalingaiah garu.

The start of a new chapter. 🖤#ICONZA #ARG pic.twitter.com/vK9KyvVrso
— Allu Arjun (@alluarjun) October 1, 2026

Also Read : Mahendragiri Varahi OTT : ఓటీటీలోకి సడన్‌గా వచ్చేసిన మహేంద్రగిరి వారాహి - ఎన్ని భాషల్లో స్ట్రీమింగ్ అవుతుందంటే?

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

Khairatabad Assembly Bypoll 2026: ఖైరతాబాద్ కాంగ్రెస్ ప్లాన్-బి - దానంకు షాక్.. పిజెఆర్ కుమార్తె విజయారెడ్డి రేసులోకి?

Raja Sekhar Allu — Thu, 1 Oct 2026 08:37:28 +0530

PJR Daughter Vijaya Reddy Congress Candidate: ఖైరతాబాద్ శాసనసభ నియోజకవర్గానికి ఉపఎన్నిక ఖాయం కావడంతో అధికార కాంగ్రెస్ పార్టీ అధిష్ఠానం అత్యంత వ్యూహాత్మకంగా సరికొత్త రాజకీయ సమీకరణాలకు తెరతీస్తున్నట్లు గాంధీభవన్ వర్గాల్లో ప్రచారం జరుగుతోంది. హైకోర్టు అనర్హత వేటుతో ఈ స్థానంలో ఎన్నిక ఖాయం కావడంతో.. పార్టీ మారిన మాజీ ఎమ్మెల్యే దానం నాగేందర్‌కే తిరిగి కాంగ్రెస్ బి-ఫామ్ ఇస్తారని అంతా భావించారు. అయితే, మారుతున్న పరిస్థితులు, క్షేత్రస్థాయి రాజకీయ సమీకరణాలను గమనిస్తున్న కాంగ్రెస్ మున్సిపల్ అండ్ అసెంబ్లీ ఎలక్షన్ స్ట్రాటజీ టీమ్స్ మాత్రం ఊహించని ప్లాన్-బి పై సీరియస్‌గా కసరత్తు చేస్తున్నట్లు సమాచారం.

ఓటర్లలో సహజంగానే దానంపై వ్యతిరేకత

ఈ వ్యూహాత్మక మార్పు వెనుక బలమైన రాజకీయ కారణాలు ఉన్నాయని భావిస్తున్నారు. 2023 అసెంబ్లీ ఎన్నికల్లో బిఆర్‌ఎస్ గుర్తుపై గెలిచి కాంగ్రెస్‌లోకి చేరడం, ఆ వెంటనే సికింద్రాబాద్ ఎంపీగా కాంగ్రెస్ తరఫున పోటీ చేసి ఓడిపోవడం, ఇప్పుడు కోర్టు తీర్పుతో ఎమ్మెల్యే పదవిని కూడా కోల్పోవడం.. ఇవన్నీ దానం నాగేందర్‌కు కొంత ప్రతికూలంగా మారాయనే చర్చ నడుస్తోంది. ఇప్పుడు మళ్లీ ఆయననే ఉపఎన్నికల బరిలోకి దింపితే, ప్రతిపక్షాలైన బిఆర్‌ఎస్, బిజెపిలు అవకాశవాద రాజకీయం పేరిట తీవ్రంగా ఎండగట్టే అవకాశం ఉందని, ఇది ఓటర్లలో ప్రతికూల భావనను పెంచుతుందని గాంధీభవన్ నేతలు అంతర్గత విశ్లేషణల్లో హెచ్చరిస్తున్నట్లు తెలుస్తోంది.

పీజేఆర్ కుమార్తె విజయారెడ్డి పేరు పరిశీలన

ఈ క్రమంలోనే కాంగ్రెస్ అధిష్ఠానం ఖైరతాబాద్‌లో దివంగత సీనియర్ నేత పి.జనార్ధన్ రెడ్డి కుమార్తె, జీహెచ్‌ఎంసీ విజయా రెడ్డి ని బరిలోకి దించితే ఎలా ఉంటుందనే ఆలోచన చేస్తోందట. ఖైరతాబాద్ నియోజకవర్గంలో పిజెఆర్ కుటుంబానికి, ఆయన ఇమేజ్‌కు నేటికీ చెక్కుచెదరని ప్రజాదరణ ఉంది. నగర పరిధిలోని బస్తీలు, దిగువ మధ్యతరగతి వర్గాల్లో పిజెఆర్ పేరు ఇప్పటికీ మారుమోగుతుంది. విజయారెడ్డి స్వయంగా కార్పొరేటర్‌గా సేవలందించడం , వివాదరహితురాలిగా పేరుండటం వల్ల ఆమెను అభ్యర్థిగా ప్రకటిస్తే సింపతీ తో పాటు సాంప్రదాయ కాంగ్రెస్ ఓటు బ్యాంక్ మొత్తం ఏకతాటిపైకి వస్తుందని వ్యూహకర్తలు అంచనా వేస్తున్నారు.

దానం అంగీకరిస్తారా?

ఈ ప్లాన్-బి అమల్లోకి రావాలంటే అతిపెద్ద సవాలు దానం నాగేందర్‌‌ను ఒప్పించడం! దానం తన సుదీర్ఘ రాజకీయ జీవితంలో ఖైరతాబాద్‌ను సొంత సామ్రాజ్యంగా మార్చుకున్నారు. ఉపఎన్నికలో పోటీ చేసి తన ఉనికిని చాటుకోవాలని తాపత్రయపడుతున్న వేళ, తన స్థానంలో విజయారెడ్డికి టికెట్ ఇస్తే ఆయన ఊరుకుంటారా అనేది సంచలనంగా మారింది. ఒకవేళ కాంగ్రెస్ అధిష్ఠానం ఆయనకు ఎమ్మెల్సీ లేదా నామినేటెడ్, మంత్రి హోదా పదవి ఆఫర్ చేసి శాంతింపజేసే ప్రయత్నం చేసినా, క్షేత్రస్థాయిలో దానం వర్గీయులు విజయారెడ్డి గెలుపుకు ఎంతవరకు సహకరిస్తారనేది మిలియన్ డాలర్ల ప్రశ్న. ఈ ప్రచారం బయటకు రావడంతో బిఆర్‌ఎస్, బిజెపిలు కూడా తమ వ్యూహాలకు పదును పెడుతున్నాయి.

సమీకరణాలు తేడా వస్తే నష్టమే

విజయారెడ్డి పోటీలోకి వస్తే, కమ్యూనిటీ ఓటింగ్, బస్తీ ఓట్లు ఏకీకృతమై కాంగ్రెస్‌కు విజయావకాశాలు మెరుగుపడతాయని భావిస్తున్నప్పటికీ, అంతర్గత తిరుగుబాటును సమర్థవంతంగా అణచివేయడం రేవంత్ రెడ్డి నాయకత్వానికి పెద్ద పరీక్షగా మారనుంది. ఖైరతాబాద్ ఉపఎన్నిక కేవలం ఒక స్థానానికి జరిగే పోరు మాత్రమే కాకుండా, కాంగ్రెస్ అంతర్గత ప్రజాస్వామ్యానికి మరియు పార్టీ వ్యూహకర్తల చాకచక్యానికి ప్రతీకగా మారబోతోంది. దానం నాగేందర్ కాంగ్రెస్ హైకమాండ్ ప్రతిపాదనకు తలొగ్గి విజయారెడ్డికి సహకరిస్తారా, లేక తన మార్కు పట్టుదలతో తనకే టికెట్ కావాలని భీష్మించుకూర్చుంటారా అనేది రాబోయే కొద్ది రోజుల్లో తేలిపోనుంది.

పేలిన గ్యాస్ సిలిండర్ బంజారా హిల్స్లో అగ్నిప్రమాదం

ABP Desam — Wed, 30 Sep 2026 13:34:18 +0530

హైదరాబాద్‌లోని బంజారాహిల్స్‌లో గ్యాస్ సిలిండర్ పేలడంతో భారీ అగ్నిప్రమాదం చోటుచేసుకుంది. ఒక్కసారిగా మంటలు చెలరేగడంతో స్థానికులు భయాందోళనకు గురయ్యారు. సమాచారం అందుకున్న అగ్నిమాపక సిబ్బంది ఘటనా స్థలానికి చేరుకుని తీవ్ర శ్రమతో మంటలను అదుపులోకి తెచ్చారు.

The Paradise Reaction : శంకరన్నో అదరగొట్టేశావ్ - ప్రియదర్శికి హరీష్ రావ్ సన్మానం

Ganesh Guptha — Wed, 30 Sep 2026 13:24:26 +0530

Case Filed On Veeramachaneni: వీఆర్‌కే డైట్ వీరమాచినేని రామకృష్ణపై కేసు నమోదు.. అనధికార వైద్య సలహాలు చేస్తున్నారని ఆరోపణలు!

Satyaprasad Bandaru — Wed, 30 Sep 2026 12:53:37 +0530

Case Filed On Veeramachaneni: హైదరాబాద్‌ రాయదుర్గంలోని ‘వీఆర్‌కే హెల్త్‌ కేర్‌ సెంటర్‌’ వ్యవస్థాపకుడు వీరమాచినేని రామకృష్ణ మరోసారి వివాదంలో చిక్కుకున్నారు. సోషల్ మీడియా వేదికగా అనధికార వైద్య సలహాలు ఇస్తూ, రోగుల ప్రాణాలతో చెలగాటమాడుతున్నారన్న ఆరోపణలతో ఆయనపై సైబరాబాద్‌ ఈవోడబ్ల్యూ పోలీసులు కేసు నమోదు చేశారు. నిర్మల్‌ జిల్లాకు చెందిన 30 ఏళ్ల యువకుడు కొంతకాలంగా డయాబెటిస్ తో బాధపడుతూ, రెగ్యులర్‌గా ఇన్సులిన్‌ వాడుతున్నారు. ఈ క్రమంలో సోషల్ మీడియాలో వచ్చిన వీఆర్‌కే డైట్‌ యాడ్ చూశాడు. ఎలాంటి మందులు వాడకుండానే కేవలం డైట్‌తోనే మధుమేహాన్ని పూర్తిగా నయం చేయవచ్చని ఆ యాడ్‌లో చూసి నిర్వాహకులను సంప్రదించాడు.

ఇందుకోసం రూ. 26 వేలు చెల్లించగా వీఆర్‌కే సిబ్బంది సూచించిన డైట్‌ను ఈ నెల 12న ప్రారంభించాడు. అయితే, ఆ డైట్‌ ప్రారంభించిన రెండు రోజులకే అతడు తీవ్రమైన డీహైడ్రేషన్‌కు గురై అస్వస్థతకు లోనయ్యాడు. కుటుంబ సభ్యులు వెంటనే అతడిని స్థానిక ఆసుపత్రికి తరలించగా, అత్యవసర చికిత్స అందించాల్సి వచ్చింది. ఈ చికిత్స కోసం బాధితుడికి రూ. 58 వేలకు పైగా ఆసుపత్రి బిల్లు అయింది. దీంతో మోసపోయామని గ్రహించిన బాధితుడు, తన ప్రాణాలకు ముప్పు తెచ్చేలా తప్పుడు వైద్య సలహాలు ఇచ్చారని ఈ నెల 24న రాయదుర్గం పోలీసులను ఆశ్రయించి ఫిర్యాదు చేశాడు. ఈ ఫిర్యాదుపై పోలీసులు కేసు నమోదు చేసి దర్యాప్తు చేస్తున్నారు.

Also Read: డేటింగ్ పేరుతో పబ్‌కు తీసుకెళ్లి 29వేలు బిల్ కట్టించింది. హైదరాబాద్ టెకీకి షాక్ ఇచ్చిన సుందరి

కోర్టును ఆశ్రయించిన వైద్యులు

మరోవైపు, సోషల్ మీడియాలో ‘వీఆర్‌కే డైట్‌’ పేరిట అనధికార వైద్య సలహాలు ఇవ్వడమే కాకుండా, అల్లోపతి వైద్యులపై అనుచిత వ్యాఖ్యలు చేస్తున్నారంటూ ‘హెల్త్‌కేర్‌ రిఫార్మ్స్‌ డాక్టర్స్‌ అసోసియేషన్‌’ ఇటీవల కోర్టులో కేసు దాఖలు చేసింది. దీనికి సంబంధించి సిటీ సివిల్‌ కోర్టులో విచారణ జరగాల్సి ఉండగా, అది నవంబరు 25కి వాయిదా పడింది. ఈ వివాదంలో వీరమాచినేని రామకృష్ణకు కోర్టు సమన్లు కూడా జారీ చేసింది.

శాస్త్రీయ ఆధారాలు లేని, సోషల్ మీడియా డైట్లను గుడ్డిగా నమ్మి మధుమేహం వంటి దీర్ఘకాలిక వ్యాధులు ఉన్న వారు ఇన్సులిన్‌ లేదా సాధారణ మందులను ఆపేయడం వల్ల ప్రాణాపాయం సంభవించే ప్రమాదం ఉందని నిపుణులు హెచ్చరిస్తున్నారు. అర్హత లేని వ్యక్తులు వైద్య సలహాలు ఇవ్వడం, నిర్దిష్ట వ్యాధులను నయం చేస్తామని ప్రకటనలు చేయడం చట్టరీత్యా నేరమని వైద్య నిపుణులు తెలిపారు.

Also Read: హైదరాబాద్‌లో దారుణం.. పెళ్లి పేరుతో నమ్మించి ఓయోలో యువతి హత్య

Hyderabad dating app scam: డేటింగ్ పేరుతో పబ్‌కు తీసుకెళ్లి 29వేలు బిల్ కట్టించింది. హైదరాబాద్ టెకీకి షాక్ ఇచ్చిన సుందరి

ARYA — Wed, 30 Sep 2026 11:35:17 +0530

Dating scam in Hyderabad: ఓ అమ్మాయితో బ్లైండ్ డేట్ చేద్దామనుకున్న యువకుడికి.. నిజంగానే కళ్లు బైర్లు కమ్మాయి. హైదరాబాద్‌కు చెందిన సాఫ్ట్‌వేర్ ఇంజనీర్ హేమంత్.. కొత్తవాళ్లతో పరిచయం కోసం అనుకుంటూ Quack Quack డేటింగ్‌ యాప్‌లో ఈనెల 27న ఓ ప్రొఫైల్‌కు పింగ్ చేశాడు. అటువైపు నుంచి దివ్య అనే అమ్మాయ హాయ్ చెప్పింది. ఒక్కరోజు పరిచయంలోనే పబ్‌కు వెళదాం పద అంది. తన పంట పండిందిలే అనుకున్న యువకుడికి బిల్లు రూపంలో కోలుకోలేని షాక్‌ తగిలింది. పబ్‌లో ఒక్క విజిట్‌కే దాదాపు 30వేలు బిల్ అయింది

జూబిలీహిల్స్ నీరూస్ జంక్షన్ దగ్గర కలుద్దామని చెప్పడంతో ఆమెను తీసుకుని దగ్గరలో ఉన్న 36 కెమిస్ట్రీ పబ్‌కు తీసుకెళ్లినట్లు హేమంత్ చెబుతున్నాడు. అక్కడ కొంతసేపు ఇద్దరూ సరదాగా చిల్ అయ్యారు. తాను కేవలం ఒక్క బీర్‌ మాత్రమే తాగానని తీరా బిల్లు చూస్తే .. గుండె గుభేల్ మందని హేమంత్ అంటున్నాడు. తనతో పాటు ఉన్న దివ్య కొన్ని నాన్ ఆల్కహాలిక్‌ డ్రింక్స్ మాత్రమే తీసుకుందని.. తీరా బిల్లు చూస్తే.. 29,884రూపాయలు వచ్చిందన్నారు. అడిగితే ఆమె తీసుకుంది ప్రీమియం డ్రింక్స్ అని పబ్ సిబ్బంది వచ్చారు. దీనిపై అనుమానం వచ్చి ప్రశ్నిస్తే బౌన్సర్లు చుట్టిముట్టి బెదిరించారని హేమంత్ పోలీసులకు ఫిర్యాదు చేశాడు.

అమ్మాయితో ట్రాప్... పబ్ నిర్వాకం.

అయితే తనకు డేటింగ్ యాప్‌లో పరిచయం అయిన అమ్మాయిపై కూడా హేమంత్ అనుమానం వ్యక్తం చేస్తున్నాడు. పబ్ నిర్వాహకులు.. ఆ అమ్మాయి కలిసే.. డేటింగ్ యాప్‌లో తనను ట్రప్ చేశారని ఫిర్యాదు చేశాడు. ఈ గొడవంతా జరుగుతున్నప్పుడు.. తాను ఇందులో 10వేలు ఇస్తానని ఆమె డబ్బులు ట్రాన్సఫర్ చేసి అక్కడ నుంచి జారుకుందని హేమంత్ ఆరోపిస్తున్నాడు. ఆ ట్రాన్సాక్షన్ కూడా ఫేక్ అని ఇతని ఆరోపణ. అసులు తన పేరు దివ్య కాదని.. కావ్య అని.. ఆమెకు పబ్ వాళ్లకు సంబంధం ఉందని హేమంత్ వాదిస్తున్నాడు.

పోలీసులు ప్రస్తుతం ఈ కేసుకు సంబంధించిన CCTV ఫుటేజ్, ట్రాన్సాక్షన్‌లను పరిశీలిస్తున్నారు. మొత్తానికి హైదరాబాద్‌లో డేటింగ్‌ పేరుతో డబ్బులు దోచేసే.. నయా స్కాం రన్ అవుతోందని అర్థమవుతోంది.

Congress Candidates For MLC Elections: గ్రాడ్యుయేట్ ఎమ్మెల్సీ ఎన్నికలకు కాంగ్రెస్ అభ్యర్థులు వీరే.. వారి బ్యాగ్రౌండ్ చూశారా

Shankar Dukanam — Wed, 30 Sep 2026 08:40:19 +0530

హైదరాబాద్: తెలంగాణలో మరోసారి ఎన్నికలు వస్తున్నాయి. అయితే ఈసారి జరిగేది రెగ్యూలర్ పోలింగ్ కాదు, గ్రాడ్యుయేట్ ఎమ్మెల్సీ ఎన్నికలు. ఇవి చదువుకున్న వారు, మేధావులు ప్రభుత్వ పాలనకు ఇచ్చే తీర్పులాంటివని ఈ ఎన్నికల గురించి చెబుతారు. తెలంగాణ శాసనమండలికి త్వరలో జరగనున్న గ్రాడ్యుయేట్ ఎమ్మెల్సీ ఎన్నికలకు కాంగ్రెస్‌ పార్టీ తమ అభ్యర్థులను ఖరారు చేసింది. ఉమ్మడి మహబూబ్‌నగర్‌– రంగారెడ్డి– హైదరాబాద్‌‌ పట్టభద్రుల నియోజకవర్గానికి సామ రామ్మోహన్‌ రెడ్డిని, ఉమ్మడి వరంగల్‌– ఖమ్మం– నల్లగొండ గ్రాడ్యుయేట్ ఎమ్మెల్సీ స్థానానికి రాంరెడ్డి సర్వోత్తమ్‌ రెడ్డిలను కాంగ్రెస్ అధిష్టానం ఎంపిక చేసింది. రేవంత్ రెడ్డి ఢిల్లీ పర్యటనకు వెళ్లిన సమయంలోనే ఈ జాబితా విడుదలైంది. ఈ ఎంపికకు ఏఐసీసీ అధ్యక్షుడు మల్లికార్జున ఖర్గే ఆమోదం తెలిపిన అనంతరం, ఏఐసీసీ ప్రధాన కార్యదర్శి కేసీ వేణుగోపాల్‌‌ ఢిల్లీలోని కేంద్ర కార్యాలయం నుంచి అధికారిక ప్రకటన విడుదల చేశారు.

ఉమ్మడి మహబూబ్‌నగర్‌– రంగారెడ్డి– హైదరాబాద్‌ స్థానానికి ఎంపికైన సామ రాం మోహన్‌ రెడ్డి రంగారెడ్డి జిల్లా చెందిన వారు. ఆయన ప్రస్తుతం టీపీసీసీ మీడియా, కమ్యూనికేషన్‌ ఛైర్మన్‌గా పనిచేస్తున్నారు. పార్టీ ముఖ్య అధికార ప్రతినిధిగా సైతం బాధ్యతలు నిర్వర్తిస్తున్నారని తెలిసిందే. గతంలో రంగారెడ్డి జిల్లా ప్రధాన కార్యదర్శిగా, యూత్‌ కాంగ్రెస్‌ ఉపాధ్యక్షుడిగా, జాతీయ అధికార ప్రతినిధిగా చేశారు. అలాగే 2017లో కాంగ్రెస్ లీగల్‌ సెల్‌ ఉపాధ్యక్షుడిగా, 2019లో పార్టీ అధికార ప్రతినిధిగా కీలక బాధ్యతలు నిర్వహించారు.

ఉమ్మడి వరంగల్‌– ఖమ్మం– నల్లగొండ పట్టభద్రుల స్థానానికి అభ్యర్థిగా కాంగ్రెస్ పార్టీ ప్రకటించిన రాంరెడ్డి సర్వోత్తమ్‌ రెడ్డి సూర్యాపేట జిల్లాకు చెందినవారు. ఈయన మాజీ మంత్రి రాంరెడ్డి దామోదర్‌ రెడ్డి కుమారుడు అని తెలిసిందే. యూత్‌ కాంగ్రెస్‌ రాజకీయాల్లో ఎంతో చురుగ్గా వ్యవహరించేవారు సర్వోత్తమ్‌ రెడ్డి. అదే విధంగా నల్లగొండ జిల్లాలో పార్టీ కోసం కృషి చేస్తున్నారని గుర్తించిన కాంగ్రెస్ అధిష్టానం ఆయనకు గ్రాడ్యుయేట్ ఎమ్మెల్సీ అభ్యర్థిగా ఛాన్స్ ఇచ్చింది. ఏఐసీసీ సభ్యుడిగా ఉన్న ఆయన యూత్‌ కాంగ్రెస్‌లో పలు విభిన్న హోదాల్లో పార్టీకి సేవలు అందించారు.

Kavitha Warns KTR: కేటీఆర్ అహంకారం వల్లే బీఆర్ఎస్ ఓటమి.. నాతో పెట్టుకోకంటూ కవిత డైరెక్ట్ వార్నింగ్

Satyaprasad Bandaru — Tue, 29 Sep 2026 23:06:44 +0530

Kavitha Warns KTR: తెలంగాణ రాజకీయాల్లో మరోసారి కేటీఆర్ వర్సెస్ కవిత పోరు సోషల్ మీడియాకు ఎక్కింది. 'నాతో పెట్టుకోవద్దు' అంటూ బీఆర్ఎస్ వర్కింగ్ ప్రెసిడెంట్ కేటీఆర్‌కు, తెలంగాణ రక్షణ సేన అధినేత్రి కల్వకుంట్ల కవిత సోషల్ మీడియా వేదికగా నేరుగా వార్నింగ్ ఇచ్చారు. ఎమ్మెల్యేలకు పెత్తనం ఇవ్వడమే కేసీఆర్ చేసిన తప్పంటూ ఒక వార్తాపత్రికలో వచ్చిన కేటీఆర్ వ్యాఖ్యల క్లిప్పింగ్‌ను పోస్ట్ చేసిన కవిత, ఆయనపై తీవ్రస్థాయిలో మండిపడ్డారు. ఒక గుంటనక్కను విమర్శించినందుకే నాడు తనను పార్టీ నుంచి బయటకు పంపారని, మరి నేరుగా పార్టీ అధినేత కేసీఆర్‌నే విమర్శిస్తున్న నిన్నేం చేయాలని కేటీఆర్‌ను ప్రశ్నిస్తూ కవిత చేసిన పోస్టు వైరల్ అవుతోంది.

కేటీఆర్ ల్యాండ్ దందాలే ఓటమికి కారణం

బీఆర్ఎస్ అధినేత కేసీఆర్ వల్ల బీఆర్ఎస్ ఓడిపోలేదని కేటీఆర్ అహంకారపూరిత వైఖరి, అక్రమ సంపాదన, ల్యాండ్ దందాలే ఒకప్పటి గులాబీ పార్టీని పాతాళంలోకి నెట్టేశాయని కవిత ఘాటుగా ఆరోపించారు. ఫామ్‌హౌస్‌లు, అక్రమ అనుమతులు, ఆంధ్రా కాంట్రాక్టర్లతో కుమ్మక్కై తీసుకున్న నజరానాలు, క్విడ్ ప్రో కో దందాలు చేసి పార్టీ భవిష్యత్తును నాశనం చేశారని విమర్శించారు. పార్టీ కార్యాలయంలో జరిగిన సమావేశంలో ఓ కార్యకర్త ఫోన్‌లో మాట్లాడుతూంటే.. పెండ్లామా..గర్ల్ ఫ్రెండా అని అవమానించారని, గతంలో ఎవరి కోసం పిల్లల్ని కన్నారని సహాయం కోసం వచ్చిన ఓ రైతు భార్యను అవమానిస్తూ మాట్లాడారని గుర్తుచేశారు. ఇవన్నీ కేటీఆర్ అహంకారాన్ని తెలియచేస్తున్నాయన్నారు. నిమజ్జనోత్సవ సమయంలో సోషల్ మీడియా ఇన్‌ఫ్లుయెన్సర్లను ఎంతగా బతిమాలుకొని పాటలు పాడించుకున్నారో దేవుడికే తెలుసంటూ సెటైర్లు వేశారు.

Also Read: రాజకీయాల కోసం ఉత్తరాది - దక్షిణాదినే కాదు, దేవుళ్లను విడతీస్తావా.. రేవంత్ రెడ్డిపై బండి సంజయ్ ఫైర్

గుంటనక్కల మైండ్ గేమ్‌లో

గుంటనక్కల మైండ్ గేమ్‌లో పడి కేటీఆర్ గుడ్డిగా వ్యవహరిస్తూ, స్వయంగా కేసీఆర్‌నే తప్పుబడుతున్నారని కవిత ఆరోపించారు. కూర్చున్న కొమ్మనే నరుక్కునే రీతిలో, సొంత వైఫల్యాలను కేసీఆర్ పైకి నెట్టివేస్తూ బీఆర్ఎస్‌కు కేటీఆరే పెద్ద గోతిని తవ్వుతున్నారని మండిపడ్డారు. తనతో పెట్టుకోవద్దని హెచ్చరించారు. అయితే కేటీఆర్ నేరుగా ఇటీవల కవితపై ఎలాంటి వ్యాఖ్యలు చేయలేదు. కానీ కవిత మాత్రం విరుచుకుపడటం వెనుక తెర వెనుక రాజకీయం ఉందని భావిస్తున్నారు.

Also Read: ఫార్ములా-ఈ రేస్ కేసు.. కేటీఆర్‌తో పాటు మరో ముగ్గురి పాస్‌పోర్ట్‌లు తాత్కాలికంగా సీజ్ !

కాంగ్రెస్ భూదోపిడీ

"బీఆర్ఎస్ ప్రభుత్వ హయాంలో భూదోపిడీ జరిగిందని చెప్పిన కాంగ్రెస్ పార్టీ అదే దోపిడీని కొనసాగిస్తుంది. రంగారెడ్డి జిల్లా కొంగరకుర్దు ఏ గ్రామంలోని సర్వే నంబర్లు 2 నుంచి 400 వరకు ఉన్న 580 ఎకరాలపై భూ మాఫియా కన్ను పడింది. అందులో ఇప్పటికే దాదాపు 150 ఎకరాలు కబ్జా చేశారు. వక్ఫ్ బోర్డు కింద ఉన్న 580 ఎకరాలను ప్రభుత్వ పెద్దల సహకారంతో దోచేస్తున్న ఖబ్జదారులపై ఫిర్యాదులు చేసినా అధికారులు, పోలీసులు పట్టించుకోవడం లేదు. వక్ఫ్ బోర్డుకు, ఆ భూములు సాగు చేసుకుంటున్న రైతులకు మధ్య వివాదం ఉండగా.. మధ్యలో బడా నిర్మాణ సంస్థలు, వాటి వెనక ఉండి అధికార, ప్రతిపక్ష పార్టీల్లోని ముఖ్య నాయకులు భూ మాఫియాగా మారి భూములు కొట్టేస్తున్నారు" అని కవిత ఆరోపించారు.

Also Read: గాంధీ కుటుంబం కోసం ప్రాణమిస్తా - రేవంత్ రెడ్డి వ్యాఖ్యల వెనుక అసలు వ్యూహం ఏంటి? బీజేపీ ఎందుకు టార్గెట్ చేస్తోంది?