మొబైల్ ఫోన్ ప్రియులకు ఆగస్టులో స్మార్ట్ ఫోన్ల వర్షం కురవనుంది. ఈ నెలలో ఇండియన్ మార్కెట్లో పలు అగ్ర సంస్థలు సరి కొత్త ఫీచర్లు కలిగి ఉన్న ఫోన్లతో విడుదలకు వరుసగా క్యూ కడుతున్నాయి. వాటిలో ఫ్లాగ్షిప్ పిక్సల్ 9, వివీ వీ40 సిరీస్, మోటోరోలా ఎడ్జ్ 50, పోకో ఎమ్ 6 ప్లస్ సహా పలు ఫోన్లు రిలీజ్ అవుతున్నాయి. ఈ నేపథ్యంలో ఆగస్టులో ఇంకా ఏయే కంపెనీ, ఏమేం మోడల్స్ వస్తున్నాయో తెలుసుకుందాం.
Pixel 9 series
గూగుల్ పిక్సల్ 9 సిరీస్ నాలుగు సరికొత్త స్మార్ట్ ఫోన్లు రాబోతున్నాయి. సాధారణంగా సెప్టెంబర్లో ఆపిల్ ఐ ఫోన్ సిరీస్ నుంచి స్మార్ట్ ఫోన్ల లాంఛ్ ఉంటుంది. వాటికి పోటీగా గూగుల్ పిక్సెల్ 9 సిరీస్ ఫోన్ల లాంఛ్ కార్యక్రమాన్ని ఆగస్ట్లోనే ఏర్పాటు చేయనుంది గూగుల్. ఈ గూగుల్ నుంచి పిక్సల్ 9, పిక్సల్ 9 ప్రో, పిక్సల్ 9 ప్రో ఎక్స్ఎల్, పిక్సల్ 9 ప్రో ఫోల్డ్ మోడల్స్ను భారత మార్కెట్లోకి విడుదల చేయనుంది.
Vivo V40 series
వీవో కంపెనీ కూడా కెమెరాను బాగా దృష్టిలో పెట్టుకుని వీ 40 సిరీస్ను వచ్చే నెలలో భారత మార్కెట్లోకి తీసుకొస్తుంది. దీనికి ఇప్పటికే బీఐఎస్ సర్టిఫికేషన్ వచ్చేసింది. ఫ్లిప్కార్ట్లో ఇది అందుబాటులో ఉండనుంది. ఈ వీ40 సిరీస్ నుంచి వీ40, వీ40 మోడల్స్ రానున్నాయి. స్లిమ్గా, ZEISS బ్రాండింగ్ కెమెరాతో వస్తున్నాయి. వీటి బ్యాటరీ సామర్థ్యం 5,500mAh.
Motorola Edge 50
మోటోరోలా కూడా తన లేటెస్ట్ డివైస్ లాంఛ్ గురించి కన్ఫామ్ చేసేసింది. MIL-810 మిలిటరీ గ్రేడ్ సర్టిఫికేషన్తో మోటోరోలా ఎడ్జ్ 50 భారత మార్కెట్లో రానుంది. ఆగస్ట్ 1వ తేదీ నుంచి ఫ్లిప్కార్ట్లో అందుబాటులో ఉండనుంది. 6.67 ఇంచ్ pOLED డిస్ప్లే, 1900 నిట్స్ పీక్ బ్రైట్నెస్ వంటి ఫీచర్లు ఇందులో ఉన్నాయి. క్లావ్కామ్ స్నాప్డ్రాగన్ 7 జనరేషన్ 1 చిప్సెట్తో ఇది నడుస్తుంది. అలానే ఇందులో కూలింగ్ సిస్టమ్ ఛాంబర్ కూడా ఉంది. 256 జీబీ ర్యామ్ సపోర్ట్తో నడుస్తుంది. ఇంకా 3 సంవత్సరాల ఓెస్ అప్డేట్స్, 4 ఏళ్ల సెక్యూరిటీ ప్యాచెస్ వంటివి కూడా ఉన్నాయి.
Poco M6 Plus
పొకో సంస్థ కూడా ఎమ్ సిరీస్ నుంచి పోకో ఎమ్ 6 ప్లస్ను విడుదల చేయనుంది. ఇది రీసెంట్గా లాంఛ్ అయిన రెడ్ మీ 13 5జీ తరహాలో ఉండనుంది. 16 మిలియన్ కలర్స్ ఉండేలా 6.79 ఇంచ్ ఎల్సీడీ స్క్రీన్, 240Hz స్మూత్ టచ్, 120 Hz రిఫ్రెష్ రేట్తో రానుంది. అలానే 850 నిట్స్ పీక్ బ్రైట్నెస్, పంచ్ హోల్ నోచ్, ఇంప్రెసివ్ స్క్రీన్తో రానుంది. ఇది క్వాల్కామ్ స్నాప్డ్రాగన్ 4జనరేషన్ 2 అడ్వాన్స్డ్ ఎడిషన్ చిప్సెట్, 2.2 GHz ఆక్టా కోర్ ప్రొసెషనర్తో నడుస్తుంది.
Nothing Phone 2a Plus
ఈ స్మార్ట్ ఫోన్ వచ్చే నెల కాకుండా జులై 31నే మార్కెట్లోకి రానుంది. మీడియా టెక్ 7350 చిప్సెట్తో నడుస్తుంది. ఈ చిప్సెట్ 3.0Ghz సపోర్ట్ చేస్తుంది. నథింగ్ ఫోన్ 2ఏతో పోలిస్తే ఇది పది శాతం స్పీడ్గా పనిచేస్తుంది. గ్రాఫిక్స్, ఇంటెన్సివ్ టాస్క్ కోసం Mali-G61200 MC4 GPU ప్రొసెజర్ కలిగి ఉంది. 12GB RAMతో రానుంది. దీన్ని 20GB RAM ఎక్స్ప్యాన్షన్ వరకు సపోర్ట్ చేస్తుంది.