Moto G64 5G: రూ.15 వేలలోపే మోటొరోలా కొత్త 5జీ ఫోన్ - స్పెసిఫికేషన్లు, ఫీచర్లు ఇవే!

Moto New Phone: ప్రముఖ స్మార్ట్ ఫోన్ బ్రాండ్ మోటొరోలా జీ64 5జీ మనదేశంలో లాంచ్ అయింది. దీని ధర రూ.14,999 నుంచి ప్రారంభం కానుంది.

Moto G64 5G Launched: మోటో జీ64 5జీ స్మార్ట్ ఫోన్ మనదేశంలో లాంచ్ అయింది. 2022లో మనదేశంలో లాంచ్ అయిన మోటో జీ62కి తర్వాతి వెర్షన్‌గా ఈ ఫోన్ లాంచ్ అయింది. మీడియాటెక్ డైమెన్సిటీ 7025 ప్రాసెసర్‌తో మనదేశంలో లాంచ్ అయిన మొదటి ఫోన్ ఇదే కావడం విశేషం. ఫోన్ వెనకవైపు 50 మెగాపిక్సెల్ సెన్సార్‌ను ప్రధాన కెమెరాగా అందించారు. ఇందులో ఆప్టికల్ ఇమేజ్ స్టెబిలైజేషన్ ఫీచర్‌ను అందించారు. దీని బ్యాటరీ సామర్థ్యం 6000 ఎంఏహెచ్ కాగా, దీంతోపాటు 33W ఫాస్ట్ ఛార్జింగ్‌ను సపోర్ట్ చేయనుంది. ఆండ్రాయిడ్ 14 ఆపరేటింగ్ సిస్టంపై మోటో జీ64 5జీ రన్ కానుంది. ఇందులో ఉన్న మైనస్ పాయింట్ ఏంటంటే కేవలం ఆండ్రాయిడ్ 15 అప్‌డేట్ మాత్రమే లభించనుంది. తర్వాతి వెర్షన్లకు ఆండ్రాయిడ్ అప్‌డేట్ రాదని కంపెనీ ఇప్పటికే ప్రకటించింది.

మోటో జీ64 5జీ ధర (Moto G64 5G Price in India)
ఈ ఫోన్ రెండు వేరియంట్లలో అందుబాటులో ఉంది. వీటిలో 8 జీబీ ర్యామ్ + 128 జీబీ స్టోరేజ్ వేరియంట్ ధరను రూ.14,999గా నిర్ణయించారు. 12 జీబీ ర్యామ్ + 256 జీబీ స్టోరేజ్ మోడల్‌ను రూ.16,999కు కొనుగోలు చేయవచ్చు. ఇది ప్రారంభ వేరియంట్ ధర. ఐస్ లిలాక్, మింట్ గ్రీన్, పెరల్ బ్లూ కలర్ వేరియంట్లలో దీన్ని కొనుగోలు చేయవచ్చు. మోటొరోలా వెబ్‌సైట్, ఫ్లిప్‌కార్ట్, రిటైల్ స్టోర్లలో దీన్ని కొనుగోలు చేయవచ్చు. హెచ్‌డీఎఫ్‌సీ క్రెడిట్ కార్డుల ద్వారా కొనుగోలు చేస్తే రూ.1,000 తగ్గింపు లభించనుంది. అలాగే హెచ్‌డీఎఫ్‌సీ బ్యాంకు క్రెడిట్, డెబిట్ కార్డుల ద్వారా కొనుగోలు చేస్తే రూ.1,100 ఇన్‌స్టంట్ డిస్కౌంట్ అందిస్తారు.

మోటో జీ64 5జీ స్పెసిఫికేషన్లు, ఫీచర్లు (Moto G64 5G Specifications)
ఆండ్రాయిడ్ 14 ఆపరేటింగ్ సిస్టంపై ఈ స్మార్ట్ ఫోన్ పని చేయనుంది. ఇందులో 6.5 అంగుళాల ఫుల్ హెచ్‌డీ+ ఐపీఎస్ ఎల్సీడీ డిస్‌ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్ కాగా, యాస్పెక్ట్ రేషియో 20:9గా ఉంది. మీడియాటెక్ డైమెన్సిటీ 7025 ప్రాసెసర్‌పై మోటో జీ64 5జీ రన్ కానుంది. 12 జీబీ వరకు ర్యామ్, 256 జీబీ వరకు స్టోరేజ్‌ను ఈ ఫోన్‌లో అందించారు. దీన్ని మైక్రో ఎస్‌డీ కార్డు ద్వారా 1 టీబీ వరకు పెంచుకోవచ్చు.

ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 8 మెగాపిక్సెల్ అల్ట్రా వైడ్ యాంగిల్ లెన్స్ కూడా ఉంది. దీని ద్వారా మాక్రో ఫొటోలు తీసుకోవచ్చు. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ సెన్సార్ అందుబాటులో ఉంది.

5జీ, 4జీ ఎల్టీఈ, వైఫై, బ్లూటూత్ వీ5.3, ఎన్ఎఫ్‌సీ, జీపీఎస్, యూఎస్‌బీ టైప్-సీ పోర్టు వంటి కనెక్టివిటీ ఫీచర్లు ఉన్నాయి. ఐపీ52 డస్ట్, వాటర్ రెసిస్టెన్స్ కూడా అందించారు. 33W ఫాస్ట్ ఛార్జింగ్‌ను సపోర్ట్ చేసే 6000 ఎంఏహెచ్ బ్యాటరీ ఉంది. దీని మందం 0.89 సెంటీమీటర్లు కాగా, బరువు 192 గ్రాములుగా ఉంది.