పోకో ఎఫ్4 5జీ మనదేశంలో త్వరలో లాంచ్ కానుంది. అయితే ఎప్పుడు లాంచ్ కానుందో సరిగ్గా తెలియరాలేదు. ఇప్పుడు లాంచ్‌కు ముంగిట ఈ ఫోన్ ధర ఆన్‌లైన్‌లో లీకైంది. 12 జీబీ వరకు ర్యామ్, 256 జీబీ వరకు స్టోరేజ్‌ను ఇందులో అందించారు.
పోకో ఎఫ్4 5జీ ధర
ఈ ఫోన్ మనదేశంలో కేవలం ఒక్క వేరియంట్‌లో మాత్రమే లాంచ్ అయ్యే అవకాశం ఉంది. దీని ధర రూ.26,999గా ఉండనుందని తెలుస్తోంది. బ్యాంక్ ఆఫర్లు కలిపితే రూ.23,999కే కొనుగోలు చేయవచ్చు. ఈ విషయాన్ని రూట్ మై గెలాక్సీ తన కథనంలో పేర్కొంది.
పోకో ఎఫ్4 5జీ ఫీచర్లు (అంచనా)
రెడ్‌మీ కే40ఎస్ స్మార్ట్ ఫోన్‌కు రీబ్రాండెడ్ వెర్షన్‌గా పోకో ఎఫ్4 5జీ లాంచ్ కానుందని తెలుస్తోంది. ఈ స్మార్ట్ ఫోన్‌లో వెనకవైపు మూడు కెమెరాలు ఉండనున్నాయి. వీటిలో ప్రధాన కెమెరా సామర్థ్యం 48 మెగాపిక్సెల్ కాగా... దీంతోపాటు 8 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో కెమెరా కూడా ఉండనుంది. సెల్ఫీలు, వీడియో కాల్స్ కోసం ముందువైపు 20 మెగాపిక్సెల్ కెమెరా ఉండనుంది.
ఇందులో 6.67 అంగుళాల అమోఎల్ఈడీ డిస్‌ప్లే ఉండనుంది. 120 హెర్ట్జ్ స్క్రీన్ రిఫ్రెష్ రేట్ ఫీచర్ కూడా ఇందులో అందించనున్నారు. క్వాల్‌కాం స్నాప్‌డ్రాగన్ 870 ప్రాసెసర్‌పై ఈ ఫోన్ పనిచేయనుంది. 6 జీబీ ర్యామ్, 128 జీబీ స్టోరేజ్ ఇందులో ఉండనుంది.
రెడ్‌మీ కే50 గేమింగ్ ఎడిషన్‌కు రీబ్రాండెడ్ వెర్షన్‌గా పోకో ఎఫ్4 జీటీ ఇప్పటికే మనదేశంలో లాంచ్ అయింది. ఇప్పుడు పోకో ఎఫ్4 5జీ కూడా రెడ్‌మీ కే40ఎస్‌కి రీబ్రాండెడ్ వెర్షన్‌గా లాంచ్ కానుందని సమాచారం. రెడ్‌మీ కే40ఎస్ చైనాలో మార్చిలో లాంచ్ అయింది.
Also Read: వన్‌ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?
Also Read: రూ.10 వేలలోనే ట్యాబ్లెట్ - లాంచ్ చేసిన రియల్‌మీ - ఎలా ఉందో చూశారా!