ఐఫోన్ 11పై ఫ్లిప్‌కార్ట్ సూపర్ ఆఫర్ అందించింది. ఈ ఆఫర్ ద్వారా ఫ్లిప్‌కార్ట్‌లో దీన్ని రూ.40 వేలలోపే కొనుగోలు చేయవచ్చు. ఐఫోన్ 11లో యాపిల్ ఏ13 బయోనిక్ చిప్‌ను అందించారు. ఫోన్ వెనకవైపు రెండు 12 మెగాపిక్సెల్, ముందువైపు ఒక 12 మెగాపిక్సెల్ కెమెరా ఉన్నాయి.
ఐఫోన్ 11 ధర
ఈ ఫోన్ ధరను యాపిల్ ప్రస్తుతం రూ.49,990కు తగ్గించింది. అయితే ఫ్లిప్‌కార్ట్‌లో మరో రూ.8 వేలు తగ్గింపుతో రూ.41,999కే ఈ ఫోన్ అందుబాటులో ఉంది. దీంతోపాటు హెచ్‌ఎస్‌బీసీ, బ్యాంక్ ఆఫ్ బరోడా కార్డుల ద్వారా కొనుగోలు చేస్తే అదనంగా మరో రూ.2,500 తగ్గింపు లభించనుంది. అంటే రూ.39,499కే ఈ ఫోన్ దక్కించుకోవచ్చన్న మాట.
ఐఫోన్ 11 స్పెసిఫికేషన్లు, ఫీచర్లు
ఐఓఎస్ 14.2 ఆపరేటింగ్ సిస్టంపై ఐఫోన్ 11 పనిచేయనుంది. దీన్ని లేటెస్ట్ వెర్షన్‌కు అప్‌గ్రేడ్ చేసుకోవచ్చు. ఇందులో 6.1 అంగుళాల లిక్విడ్ రెటీనా హెచ్‌డీ డిస్‌ప్లేను అందించారు. ఫోన్ ముందువైపు, వెనకవైపు అత్యంత కఠినమైన గ్లాస్‌ను అందించినట్లు యాపిల్ ప్రకటించింది.
ఏ13 బయోనిక్ ప్రాసెసర్‌పై ఈ మొబైల్ పనిచేయనుంది. ఇందులో కూడా వెనకవైపు రెండు 12 మెగాపిక్సెల్ కెమెరాలను అందించారు. అయితే ఇందులో మెరుగైన విజువల్ ప్రాసెసింగ్‌ను అందించినట్లు కంపెనీ తెలిపింది. ఈ కెమెరాలు 4కే వీడియో రికార్డింగ్‌ను కూడా సపోర్ట్ చేయనుంది. 60 ఎఫ్‌పీఎస్, స్మార్ట్ హెచ్‌డీఆర్4 వద్ద 4కే వీడియోను రికార్డ్ చేసే అవకాశం ఉంది.
సెల్ఫీలు, వీడియో కాల్స్ కోసం ముందువైపు 12 మెగాపిక్సెల్ కెమెరాను అందించారు. 4జీ వోల్టే, వైఫై 5, బ్లూటూత్ వీ5, జీపీఎస్/ఏ-జీపీఎస్, ఎన్ఎఫ్‌సీ, లైటెనింగ్ పోర్టు ఇందులో ఉండనున్నాయి. యాక్సెలరో మీటర్, యాంబియంట్ లైట్ సెన్సార్, బారోమీటర్, గైరో స్కోప్, ప్రాక్సిమిటీ సెన్సార్లు యాపిల్ ఇందులో అందించింది.
Also Read: వన్‌ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?
Also Read: రూ.10 వేలలోనే ట్యాబ్లెట్ - లాంచ్ చేసిన రియల్‌మీ - ఎలా ఉందో చూశారా!