mobiles

October Smartphones Launch: అక్టోబర్ 12 - 18 మధ్య ఫ్లాగ్‌షిప్ ఫోన్ల లాంచ్‌.. వన్‌ప్లస్ 16, రెడ్‌మ్యాజిక్ 12 ప్రో+ ఇంకా మరెన్నో!

Satyaprasad Bandaru — Mon, 12 Oct 2026 18:24:40 +0530

October Smartphones Launch: అక్టోబర్ 12-18 మధ్య స్మార్ట్‌ఫోన్ మార్కెట్‌లోకి భారీగా కొత్త ఫోన్‌లు లాంచ్ అవుతున్నాయి. తమ కొత్త మోడళ్లలో మెరుగైన డిస్‌ప్లేలు, పెద్ద బ్యాటరీలు, స్పీడ్ ప్రాసెసర్‌లు, గేమింగ్‌ ఫీచర్లను అందించడంపై కంపెనీలు దృష్టి పెడుతున్నాయి. వన్‌ప్లస్, రెడ్‌మ్యాజిక్ తమ కొత్త ఫ్లాగ్‌షిప్ ఫోన్‌లను చైనాలో లాంచ్ చేస్తున్నాయి. ఒప్పో, మోటరోలా, ఇన్ఫినిక్స్ నుంచి కొత్త ఫోన్‌లు భారత్ లో లాంచ్ అయ్యే అవకాశం ఉంది.

వన్‌ప్లస్ 16లో సూపర్ ఫీచర్లు

వన్‌ప్లస్ 16 ఇవాళ చైనాలో లాంచ్ అవుతుంది. ఈ ఫోన్‌లో 165Hz రిఫ్రెష్ రేట్ స్క్రీన్ ఉంటుంది. ఇది సెలెక్టెడ్ గేమ్‌లలో 185Hz వరకు ఉంటుంది. ఇందులో స్నాప్‌డ్రాగన్ 8 ఎలైట్ ఎక్స్‌ట్రీమ్ ప్రాసెసర్, బిగ్ బ్యాటరీ, 100W వైర్డ్, 50W వైర్‌లెస్ ఛార్జింగ్ సపోర్ట్ ఉన్నట్లు సమాచారం. దీని కెమెరాలో 200MP మెయిన్ సెన్సార్‌తో పాటు ఇతర అడ్వాన్స్‌డ్ లెన్స్‌లు ఉంటాయని అంచనా. భారత్‌లో దీని లాంచ్ గురించి ఇంకా అధికారిక సమాచారం లేదు.

రెడ్‌మ్యాజిక్ 12 ప్రో+ గేమింగ్‌

రెడ్‌మ్యాజిక్ 12 ప్రో+ అక్టోబర్ 15న చైనాలో లాంచ్ అవుతుంది. ఇందులో స్నాప్‌డ్రాగన్ 8 ఎలైట్ ఎక్స్‌ట్రీమ్ చిప్‌సెట్, అండర్-డిస్‌ప్లే సెల్ఫీ కెమెరా టెక్నాలజీ ఉన్నాయి. స్క్రీన్ బెజెల్స్‌ను మరింత తగ్గించింది కంపెనీ. ఈ ఫోన్ ట్రాన్స్‌పరెంట్ డిజైన్‌తో పవర్‌ఫుల్ కూలింగ్ సిస్టమ్‌తో వస్తుంది. ఇతర స్పెసిఫికేషన్లు లాంచ్ టైమ్‌లో ప్రకటించనున్నారు.

Also Read: ల్యాప్‌టాప్ వేడెక్కుతోందా? ఎలాంటి సాఫ్ట్‌వేర్ లేకుండా ఈ సింపుల్ టిప్స్‌తో తగ్గించేయండి

ఇతర బ్రాండ్ల ఫోన్‌లు

ఈ లిస్టులో ఒప్పో ఫైండ్ ఎక్స్10 సిరీస్, మోటొరొలా ఎడ్జ్ 70 నియో, ఇన్ఫినిక్స్ GT 50 ప్రో వంటి మోడల్స్ కూడా ఉన్నాయి. ఐక్యూ 16, షామీ బ్రాండ్లు కూడా రానున్న రోజుల్లో కొత్త ప్రొడక్ట్‌లను లాంచ్ చేసేందుకు సన్నాహాలు చేస్తున్నాయి.

Also Read: పాత ఫోన్‌లలో వాట్సాప్ సేవలు బంద్.. తెలుసుకోవాల్సిన విషయాలివే!

Xiaomi Diwali Sale 2026: దీపావళి బంపర్ ఆఫర్.. షామీ స్మార్ట్‌‌ఫోన్‌లపై 50% వరకు భారీ తగ్గింపు!

Satyaprasad Bandaru — Mon, 5 Oct 2026 19:11:34 +0530

Xiaomi Diwali Sale 2026: ఈ దీపావళికి కొత్త ఫోన్ కొనాలనుకునేవారికి షామీ (Xiaomi) సూపర్ గుడ్ న్యూస్ చెప్పింది. దీపావళి పండుగ సందర్భంగా కంపెనీ 'దీపావళి సేల్'ను ప్రకటించింది. ఈ ప్రత్యేక సేల్ అక్టోబర్ 8న ప్రారంభం కానుంది. ఎంపిక చేసిన స్మార్ట్‌ఫోన్‌లు, గాడ్జెట్లపై ఏకంగా 50% వరకు భారీ తగ్గింపును అందిస్తోంది. అంతేకాకుండా, కొన్ని ప్రత్యేక మోడళ్లతో పాటు ఆకర్షణీయమైన ఉచిత బహుమతులు కూడా లభిస్తున్నాయి.

రెడ్‌మీ A7 ప్రో 5Gపై భారీ డిస్కౌంట్

షామీకి చెందిన స్మార్ట్‌ఫోన్ రెడ్‌మీ A7 ప్రో 5Gపై బెస్ట్ డీల్ ఉంది. ఈ ఫోన్ అసలు ధర రూ.14,999 కాగా, పండుగ ఆఫర్ల ద్వారా దీనిని 50% వరకు తగ్గింపు ధరకు సొంతం చేసుకోవచ్చు. ఇందులో 6.9 ఇంచుల 120Hz డిస్‌ప్లే, యూనిసోక్ T8300 ప్రాసెసర్, 6300mAh బ్యాటరీ, 32MP రియర్ కెమెరా ఉన్నాయి.

ఇతర మోడళ్లపై బెస్ట్ డీల్స్

షామీ 17 అల్ట్రా: బ్యాంక్ ఆఫర్లు, అదనపు తగ్గింపులతో ఈ ఫ్లాగ్‌షిప్ ఫోన్‌‌ను రూ. 129,999లకే సొంతం చేసుకోవచ్చు. దీంతో పాటు రూ. 19,999 విలువైన 'ఫోటోగ్రఫీ కిట్ ప్రో' ఫ్రీగా పొందవచ్చు.
షామీ 17T: ఈ ప్రీమియం ఫోన్ సేల్‌లో రూ. 64,999 ధరకే లభిస్తుంది.
రెడ్‌మీ నోట్ 15 SE: 6GB RAM + 128GB స్టోరేజీ వేరియంట్ ధర రూ. 22,999 (లిస్టెడ్ ధర రూ. 25,999) నుండి స్టార్ అవుతుంది.
రెడ్‌మీ టర్బో 5 5G: బ్యాంకు ఆఫర్ తర్వాత దీని ధర రూ. 37,999 (అసలు ధర రూ. 41,999)గా ఉంది.
రెడ్‌మీ నోట్ 17 సిరీస్: రెడ్‌మీ నోట్ 17 బేస్ మోడల్ రూ. 26,000 కంటే తక్కువ ధరకు, నోట్ 17 ప్రో రూ. 33,999, అలాగే నోట్ 17 ప్రో మాక్స్ రూ. 44,999 ధరలకే లభిస్తున్నాయి.

Also Read: అమెజాన్, ఫ్లిప్‌కార్ట్ పండగ సేల్స్.. రూ.30,000 లోపు టాప్ 5 స్మార్ట్‌ఫోన్‌లు

కొనుగోలుదారులకు చిట్కాలు

కేవలం డిస్కౌంట్ చూసి కాకుండా, కెమెరా, స్టోరేజీ, వర్కింగ్ లేదా బ్యాటరీ ఇలా అన్నీ బేరీజు వేసుకుని మోడల్‌ను సెలెక్ట్ చేసుకోండి.
బ్యాంక్ డిస్కౌంట్ల కోసం సెలెక్ట్ చేసిన క్రెడిట్/డెబిట్ కార్డ్‌లను ఉపయోగించండి. పాత ఫోన్ ఎక్స్ఛేంజ్ విలువ దాని కండిషన్‌పై ఆధారపడి ఉంటుంది.
అక్టోబర్ 8న సేల్ ప్రారంభం కానున్నందున, మీకు నచ్చిన స్మార్ట్‌ఫోన్‌ను ముందుగానే కార్ట్‌లో ఉంచుకోవడం మంచిది.

Also Read: మొబైల్ రీఛార్జ్‌ల్లో భారీ మార్పులు.. ఇకపై 30 రోజుల ప్లాన్స్

Best Phones Under 30000: అమెజాన్, ఫ్లిప్‌కార్ట్ పండగ సేల్స్.. రూ.30,000 లోపు టాప్ 5 స్మార్ట్‌ఫోన్‌లు

Satyaprasad Bandaru — Sun, 4 Oct 2026 11:20:16 +0530

Best Phones Under 30000: అమెజాన్, ఫ్లిప్‌కార్ట్ పండగ సేల్స్ వచ్చేస్తున్నాయి. ఈ సీజన్‌లో రూ.30,000 లోపు స్మార్ట్‌ఫోన్ కొనాలని ప్లాన్ చేస్తుంటే, పోకో, రెడ్‌మీ, వన్‌ప్లస్, మోటరోలా నుంచి కొన్ని బెస్ట్ మోడళ్లను చూసేద్దాం. ఈ ఫోన్‌లలో 9,000mAh వరకు భారీ బ్యాటరీలు, 144Hz వరకు రిఫ్రెష్ రేట్లు, 50-మెగాపిక్సెల్ కెమెరాలు వంటి టాప్ ఫీచర్లు ఉన్నాయి. కాబట్టి, ఈ సేల్‌లో అందుబాటులో ఉన్న బెస్ట్ స్మార్ట్‌ఫోన్ ఆప్షన్‌లను తెలుసుకుందాం.

1. వన్‌ప్లస్ నార్డ్ N6

తక్కువ బడ్జెట్‌లో భారీ బ్యాటరీ కోసం చూస్తున్న వారికి వన్‌ప్లస్ నార్డ్ N6 బెస్ట్ ఛాయిస్. దీని ప్రారంభ ధర రూ.24,999. ఈ ఫోన్‌లో 120Hz రిఫ్రెష్ రేట్‌కు సపోర్ట్ చేసే 6.75 ఇంచుల HD+ LCD డిస్‌ప్లే ఉంది. ఇందులో 8,000mAh బ్యాటరీ, 45W ఛార్జింగ్ సపోర్ట్ ఉన్నాయి. ఈ ఫోన్ మీడియాటెక్ డైమెన్సిటీ 6360 అపెక్స్ ప్రాసెసర్‌తో పనిచేస్తుంది. 6GB వరకు ర్యామ్, 128GB స్టోరేజ్‌తో వస్తుంది. అయితే దీని సాఫ్ట్‌వేర్ సపోర్ట్ 2 సంవత్సరాల OS అప్‌డేట్‌లకు, 3 సంవత్సరాల సెక్యూరిటీ అప్‌డేట్‌లకు మాత్రమే పరిమితం.

2. పోకో X8

పోకో X8 రూ.29,999 ప్రారంభ ధరతో అందుబాటులో ఉంది. ఈ ఫోన్‌లో 120Hz రిఫ్రెష్ రేట్‌కు మద్దతు ఇచ్చే 6.83 ఇంచుల 1.5K AMOLED డిస్‌ప్లే ఉంది. దీనికి IP69K రేటింగ్ ఉంది. ఈ ఫోన్‌లో 50-మెగాపిక్సెల్ మెయిన్ రియర్ కెమెరా, డెప్త్ మ్యాపింగ్ కోసం అదనపు కెమెరా ఉన్నాయి. 67W వైర్డ్ ఛార్జింగ్‌‌కు మద్దతు ఇచ్చే దీని 9,000mAh సిలికాన్-కార్బన్ బ్యాటరీ ఈ ఫోన్ బిగ్ హైలైట్. ఇందులో స్నాప్‌డ్రాగన్ 6s జెన్ 4 ప్రాసెసర్, 8GB వరకు ర్యామ్, 256GB వరకు స్టోరేజీ ఉన్నాయి.

3. మోటొరోలా G77 పవర్

మోటొరోలా G77 పవర్ అత్యంత చౌకైన ఫోన్లలో ఒకటి, దీని ధర రూ.22,999 నుండి స్టార్ట్ అవుతుంది. ఈ ఫోన్‌లో 120Hz రిఫ్రెష్ రేట్‌‌తో 6.74 ఇంచుల FHD+ LCD డిస్‌ప్లే ఉంది. దీనికి IP64 రేటింగ్ ఉంది. ఈ ఫోన్‌లో 7,000mAh బ్యాటరీ ఉంది. ఇది రెండు రోజుల వరకు బ్యాటరీ లైఫ్ ఇస్తుందని కంపెనీ చెబుతోంది. ఈ ఫోన్ మీడియాటెక్ డైమెన్సిటీ 6400 ప్రాసెసర్‌తో పనిచేస్తుంది. 30W వైర్డ్ ఛార్జింగ్‌కు సపోర్ట్ చేస్తుంది.

Also Read: అక్టోబర్ 1 నుంచి కొత్త రూల్స్.. బ్యాంక్ FD, LPG లో మార్పులు, ఎన్‌పీఎస్ కొత్త స్కీమ్

4. రెడ్‌మీ నోట్ 17

రెడ్‌మీ నోట్ 17 ధర రూ.27,999 నుంచి స్టార్ట్ అవుతుంది. ఈ ఫోన్‌లో 120Hz రిఫ్రెష్ రేట్, గొరిల్లా గ్లాస్ 7i ప్రొటెక్షన్‌తో 6.9 ఇంచుల FHD+ AMOLED డిస్‌‌ప్లే ఉంది. దీని బాడీకి IP65 రేటింగ్ ఉంది. ఈ ఫోన్‌లో 45W ఛార్జింగ్ సపోర్ట్‌తో 8,000mAh బ్యాటరీ ఉంది. ఇందులో స్నాప్‌డ్రాగన్ 4వ తరం ప్రాసెసర్, 8GB వరకు ర్యామ్, 128GB స్టోరేజ్, 50 మెగాపిక్సెల్ రియర్ కెమెరా ఉన్నాయి.

Also Read: మొబైల్ రీఛార్జ్‌ల్లో భారీ మార్పులు.. ఇకపై 30 రోజుల ప్లాన్స్!

5. వన్‌ప్లస్ నార్డ్ CE 6 లైట్

నార్డ్ CE 6 లైట్ ధర రూ.28,999 నుండి స్టార్ అవుతుంది. ఇందులో 144Hz రిఫ్రెష్ రేట్‌కు సపోర్ట్ చేసే బెస్ట్ 6.72 ఇంచుల FHD+ AMOLED డిస్‌ప్లే ఉంది. ఇది మీడియాటెక్ డైమెన్సిటీ 7400 అపెక్స్ ప్రాసెసర్‌తో పనిచేస్తుంది. ఇందులో 7,000mAh బ్యాటరీ ఉంది. ఇది 45W ఛార్జింగ్‌కు సపోర్ట్ చేస్తుంది. దీనికి నాణ్యమైన 50 మెగాపిక్సెల్ రియర్ కెమెరా ఉంది.

Also Read: పర్సనల్ లోన్ అర్హత, వడ్డీ రేట్లు, ఈఎంఐ, డాక్యుమెంట్స్, రీపేమెంట్ పూర్తి వివరాలు

Android Phone Running Slow : మీ ఆండ్రాయిడ్ ఫోన్ స్లోగా ఉందా? ఈ 3 సెట్టింగ్స్‌ను 0.5xకి మార్చి చూడండి

Geddam Vijaya Madhuri — Fri, 2 Oct 2026 11:48:14 +0530

New Android Phone Still Feels Slow : మీ ఆండ్రాయిడ్ ఫోన్ కొత్తదైనప్పటికీ.. దాన్ని ఉపయోగిస్తున్నప్పుడు మీకు కొంచెం నెమ్మదిగా లేదా లేట్గా రెస్పాండ్ అవుతుందా? ఇలా జరిగే ప్రతిసారీ ఫ్యాక్టరీ రీసెట్ చేయడం లేదా చిరాకు వచ్చి కొత్త ఫోన్ కొనాలనే ఆలోచన వస్తుందా? అయితే ఓ నిమిషం ఆగండి. ఆండ్రాయిడ్‌లోని దాగి ఉన్న ఒక సెట్టింగ్‌ మార్చడం ద్వారా.. మీరు మీ ఫోన్ ఇంటర్‌ఫేస్‌ను మరింత వేగవంతంగా పనిచేసేలా చేయొచ్చు. ఈ పద్ధతి నిజానికి ఫోన్ ప్రాసెసర్ వేగాన్ని పెంచదు. కానీ సిస్టమ్ యానిమేషన్‌లను వేగవంతం చేసి.. మొత్తం అనుభవాన్ని వేగంగా మార్చేస్తుంది.

సెట్టింగ్ ఎలా మార్చాలంటే..

ఆండ్రాయిడ్ ఫోన్‌లలో డెవలపర్ ఆప్షన్స్ అనే మెనూ ఉంటుంది. ఇది సాధారణంగా డిఫాల్ట్‌గా దాగి ఉంటుంది. దానిని యాక్టివేట్ చేయడం కోసం.. సెట్టింగ్స్లోకి వెళ్లి.. అబౌట్ ఫోన్‌కు వెళ్లండి. అక్కడ బిల్డ్ నంబర్ కోసం సెర్చ్ చేయండి. కొన్ని స్మార్ట్‌ఫోన్‌లలో ఈ ఆప్షన్ సాఫ్ట్‌వేర్ వెర్షన్ వంటి సబ్-మెనూ కింద ఉండవచ్చు.

Also Read : స్విచ్ ఆఫ్ చేసిన మొబైల్ ఫోన్ లైవ్ లొకేషన్‌ ఇలా తెలుసుకోండి.. యాపిల్, ఆండ్రాయిడ్ యూజర్స్ కోసం

డెవలపర్ ఆప్షన్స్తో జాగ్రత్త

బిల్డ్ నంబర్‌ కనిపిస్తే దానిని వరుసగా ఏడు సార్లు ట్యాప్ చేయండి. డెవలపర్ మోడ్ యాక్టివ్‌గా ఉందని మీ స్క్రీన్‌పై ఒక సందేశం కనిపిస్తుంది. ఆ తర్వాత సెట్టింగ్స్‌కు మళ్లీ వెళ్లండి. కొన్ని ఫోన్‌లలో డెవలపర్ ఆప్షన్స్ నేరుగా కనిపిస్తాయి. అయితే మరికొన్నింటిలో మీరు సెట్టింగ్స్లోకి వెళ్లి సిస్టమ్ ఓపెన్ చేయాలి. దానిలో డెవలపర్ ఆప్షన్స్‌కు వెళ్లాలి. డెవలపర్ ఆప్షన్స్‌లో చాలా ఎంపికలు అందుబాటులో ఉంటాయి కాబట్టి.. అవగాహన లేకుండా ఏ సెట్టింగ్‌ను మార్చడం మంచిది కాదు.

ఇప్పుడు మీరు డ్రాయింగ్ విభాగంలో యానిమేషన్‌కు సంబంధించిన ఎంపికలను చూడాలి. ఈ మూడింటిని 0.5xకు సెట్ చేయండి. విండో యానిమేషన్ స్కేల్ - 0.5x, ట్రాన్సిషన్ యానిమేషన్ స్కేల్ - 0.5x, యానిమేటర్ డ్యూరేషన్ స్కేల్ - 0.5x. ఈ సెట్టింగ్‌లను 0.5xకు సెట్ చేయడం ద్వారా.. చాలా సిస్టమ్ యానిమేషన్‌లు డిఫాల్ట్ కంటే దాదాపు రెండింతలు వేగంగా నడుస్తాయి.

Also Read : మొబైల్ యూజర్లకు ZeroDayRAT స్పైవేర్ ముప్పు.. Android, iPhone యూజర్లు ఎవ్వరూ సేఫ్ కాదట

ట్రిక్ వర్క్ చేస్తుందా?

ఇక్కడ అర్థం చేసుకోవాల్సిన ముఖ్యమైన విషయం ఏంటంటే.. ఈ ట్రిక్ నిజానికి మీ ఫోన్ ప్రాసెసర్, ర్యామ్ లేదా స్టోరేజ్‌ను వేగవంతం చేయదు. దానికి బదులుగా స్క్రీన్ ట్రాన్సిషన్స్, యానిమేషన్స్ తక్కువ సమయం తీసుకుంటాయి. దీనివల్ల ఫోన్ వేగంగా ఉన్నట్లు అనిపిస్తుంది. యాప్‌లను తెరవడం.. హోమ్ స్క్రీన్‌కు తిరిగి రావడం, యాప్‌ల మధ్య మారడం మరింత చురుకుగా అనిపించవచ్చు. డిఫాల్ట్‌గా సిస్టమ్ యానిమేషన్లు కొంచెం ఎక్కువ సమయం ఉండేలా సెట్ చేసిన ఫోన్‌లలో ఈ తేడా ప్రత్యేకంగా గమనించవచ్చు.

ఈ ట్రిక్ ఎఫెక్ట్ ఫోన్ మోడల్, దాని ఆండ్రాయిడ్ ఇంటర్‌ఫేస్‌పై ఆధారపడి ఉంటుంది. కొన్ని బడ్జెట్ ఫోన్‌లలో, యాప్‌లు లేదా మెనూలు లోడ్ అవ్వడానికి ఎక్కువ సమయం తీసుకుంటే.. యానిమేషన్‌లను వేగవంతం చేయడం వల్ల వాడకం అంత స్మూత్గా అనిపించకపోవచ్చు. కొన్ని ఇంటర్‌ఫేస్‌లలో ఇప్పటికే వేగవంతమైన యానిమేషన్‌లు ఉంటాయి. కాబట్టి వేగాన్ని 0.5xకి పెంచినా ఆ తేడా అంతగా గమనించలేకపోవచ్చు.

రీసెట్ చేసుకోవచ్చా?

సెట్టింగ్ మార్చిన తర్వాత మీకు ఆ ఎక్స్పీరియన్స్ నచ్చకపోతే.. ఈ మూడు ఆప్షన్‌లను తిరిగి 1xకి సెట్ చేసుకోవచ్చు. అలాగే డెవలపర్ ఆప్షన్స్‌ను ఆఫ్ చేయడం వల్ల యానిమేషన్ స్కేల్ దాని డిఫాల్ట్ సెట్టింగ్‌కు తిరిగి వస్తుంది.

Also Read : ముగ్గురు అక్కాచెల్లెల్ల ప్రాణం తీసిన మొబైల్.. ప్రమాదకరంగా మారుతోన్న డిజిటల్ వ్యసనం

SIM No Service Problem: మీ ఫోన్‌ "నో సర్వీస్" అని చూపిస్తుందా?.. సిమ్ మార్చే ముందు ఈ సెట్టింగ్‌లను చెక్ చేయండి!

Satyaprasad Bandaru — Mon, 28 Sep 2026 18:28:53 +0530

SIM No Service Problem: మీ ఫోన్‌లో సడెన్ గా "నో సర్వీస్" అని కనిపించి, కాల్స్, మెసేజ్‌లు లేదా మొబైల్ డేటా పనిచేయడం ఆగిపోతే, సిమ్ లేదా నెట్‌వర్క్‌లో లోపం ఉందని భావించడం సహజం. అయితే ఎల్లప్పుడూ ఇదే కారణం కావాలని లేదు. కొన్నిసార్లు ఫోన్‌లో సిమ్ సరిగ్గా ఉన్నప్పటికీ, నెట్‌వర్క్ కనెక్షన్ మాయమవుతుంది. ఇలాంటి సమయంలో వెంటనే కొత్త సిమ్ తీసుకోవడం లేదా పదేపదే సిమ్ తీయడం అవసరం లేదు. కొన్ని సాధారణ సెట్టింగ్‌లను చెక్ చేయడం ద్వారా ఈ సమస్యను ఈజీగా పరిష్కరించుకోవచ్చు.

1. ఎరోప్లేన్ మోడ్‌ను చెక్ చేయండి

కొన్నిసార్లు ఫోన్‌లో ఎరోప్లేన్ మోడ్ అనుకోకుండా ఆన్‌ కావడం వల్ల కనెక్షన్ ఆగిపోతుంది. ముందుగా దాన్ని ఆఫ్ చేసి నెట్‌వర్క్‌ను చెక్ చేయండి. ఒకవేళ అప్పటికే ఆఫ్ చేసి ఉంటే, దాన్ని 10 నుంచి 15 సెకన్ల పాటు ఆన్ చేసి మళ్లీ ఆఫ్ చేయండి. దీనివల్ల ఫోన్ తిరిగి మొబైల్ నెట్‌వర్క్‌కు కనెక్ట్ అవుతుంది.

2. ఆటోమేటిక్ నెట్‌వర్క్ సెలక్షన్

మొబైల్ నెట్‌వర్క్‌కు ఆటోమేటిక్‌గా కనెక్ట్ కాకపోతే, సెట్టింగ్స్‌లోకి వెళ్లి 'నెట్‌వర్క్ & ఇంటర్నెట్' లేదా 'మొబైల్ నెట్‌వర్క్'ను సెలెక్ట్ చేయండి. ఆటోమేటిక్ నెట్‌వర్క్ సెలక్షన్ ఎనేబుల్ అయిందో లేదో చెక్ చేయండి. అలాగే వేరే నెట్‌వర్క్ మోడ్ కూడా కనెక్షన్‌ను ఎఫెక్ట్ చేస్తుంది కాబట్టి దాన్ని నార్మల్‌కు సెట్ చేయండి.

3. 5G బదులుగా 4G

వీక్ లేదా అస్థిరమైన 5G కవరేజ్ ఉన్న ప్రాంతాలలో ఫోన్ 5G, 4G మధ్య పదేపదే నెట్ మారుతుంటుంది. ఈ సమయంలో ప్రిఫర్డ్ నెట్‌వర్క్ టైప్‌ను తాత్కాలికంగా 4G లేదా LTEకి మార్చి చూడండి. సిగ్నల్ సమస్య నెట్‌వర్క్ స్విచింగ్‌కు సంబంధించినదని గుర్తించవచ్చు.

4. సిమ్‌ మార్చి, రీస్టార్ట్

ఫోన్ ఆఫ్ చేసి సిమ్ కార్డును తీసివేసి, దానిపై ఎలాంటి దుమ్ము లేదా గీతలు లేవని నిర్ధారించుకోండి. ట్రేలో సిమ్ సరిగ్గా పెట్టి ఫోన్‌ను రీస్టార్ట్ చేయండి. eSIM అయితే సెట్టింగ్స్‌లో సిమ్ ఆఫ్ చేసి మళ్లీ ఆన్ చేయవచ్చు. తాత్కాలిక సాఫ్ట్‌వేర్ సమస్యలొస్తే ఫోన్‌ను రీస్టార్ట్ చేయడం ద్వారా కూడా నెట్‌వర్క్ సమస్య పరిష్కారమవుతుంది.

Also Read: ఏఐ మీ వ్యక్తిత్వాన్ని అంచనా వేయగలదా? ఈ ప్రయోగంతో తెలుసుకోవచ్చు!

5. నెట్‌వర్క్ సెట్టింగ్స్ రీసెట్

ఇతర పద్ధతులన్నీ విఫలమైతే మీ ఫోన్‌లోని నెట్‌వర్క్ సెట్టింగ్స్‌ను రీసెట్ చేయవచ్చు. దీంతో సేవ్ చేసిన వై-ఫై, బ్లూటూత్, మొబైల్ నెట్‌వర్క్ సెట్టింగ్‌లు మాత్రమే తొలగిపోతాయి కానీ మీ వ్యక్తిగత డేటా, ఫోటోలు లేదా యాప్‌లకు ఎలాంటి నష్టం జరగదు. కాబట్టి "నో సర్వీస్" రాగానే టెన్షన్ పడకుండా ఈ సెట్టింగ్‌లను పరిశీలించడం ఎంతో బెస్ట్.

Also Read: ఒకే ప్రశ్నకు ChatGPT, Gemini, Claude వేర్వేరు సమాధానాలు.. ఇలా ఎందుకు వస్తాయంటే?

iPhone Voice Control: 'సిరి'తో పనిలేదు.. మీ వాయిస్‌తో ఐఫోన్‌ కంట్రోల్.. ఎలా పనిచేస్తుదంటే?

Satyaprasad Bandaru — Sun, 20 Sep 2026 14:39:39 +0530

iPhone Voice Control: ఐఫోన్ వాయిస్ కంట్రోల్ అంటే మనకు మొదటగా గుర్తుకువచ్చే పేరు 'సిరి'. అయితే, సిరి సహాయం లేకుండానే కేవలం మాట్లాడటం ద్వారా ఫోన్ స్క్రీన్‌పై ఉన్న ప్రతి అంశాన్ని కంట్రోల్ చేసేందుకు అద్భుతమైన ఫీచర్ ఐఫోన్‌లో అందుబాటులో ఉంది. దీనినే 'వాయిస్ కంట్రోల్' అంటారు. ఈ ఫీచర్ అనేక సందర్భాల్లో చాలా ఉపయోగకరంగా ఉంటుంది.

ఫోన్‌ టచ్ చేయకుండానే

వాయిస్ కంట్రోల్‌ కేవలం ప్రశ్నలకు ఆన్సర్స్ ఇవ్వడం మాత్రమే కాదు. మీ వాయిస్‌తో స్క్రీన్‌పై టచ్ చేయడానికి, స్వైప్ చేయడానికి, డ్రాగ్ చేయడానికి, లాంగ్-ప్రెస్ చేయడానికి ఉపయోగపడుతుంది. ఉదాహరణకు, "కంట్రోల్ సెంటర్ ఓపెన్ చేయి", "ఇన్‌స్టాగ్రామ్‌ను ట్యాప్ చేయి", "వాల్యూమ్ పెంచు" వంటి ఆదేశాలను ఇవ్వొచ్చు. అంతేకాకుండా, స్క్రీన్‌పై ఉన్న నెంబర్ల ఆధారంగా కూడా వాటిని ఎంచుకోవచ్చు. "నెంబర్లు చూపించు" అని చెప్పగానే స్క్రీన్‌లోని ఆ విభాగంలోని నెంబర్లు కనిపిస్తాయి.

వాయిస్ కంట్రోల్‌ను ఎలా ఆన్ చేయాలి?

ఈ ఫీచర్‌ను యాక్టివేట్ చేయడం చాలా సులభం
మీ ఐఫోన్‌లోని Settings లోకి వెళ్లాలి.
ఆ తర్వాత Accessibility సెలెక్ట్ చేయండి.
అనంతరం Voice Control ఆప్షన్‌పై క్లిక్ చేసి, దానిని ఆన్ చేయాలి.
మొదటిసారి యూజ్ చేస్తున్నప్పుడు అవసరమైన భాషను డౌన్‌లోడ్ చేసుకోవాల్సి ఉంటుంది. ఈ ఫీచర్ యాక్టివేట్ అయినప్పుడు స్టేటస్ బార్‌లో బ్లూ కలర్ ఐకాన్ కనిపిస్తుంది.

Also Read: ఐఫోన్ వాట్సాప్ యూజర్లకు బిగ్ అప్‌డేట్.. ఒకే యాప్‌లో 3 వాట్సాప్ అకౌంట్స్!

ప్రత్యేక ఫీచర్లు

యాపిల్ కస్టమ్ కమాండ్‌ల ఆప్షన్ కూడా కల్పించింది. కస్టమర్లు ఒక నిర్దిష్ట కమాండ్ ద్వారా అంటే కస్టమ్ గెశ్చర్, షార్ట్‌కట్, టెక్స్ట్ ఇన్సర్ట్ తో లింక్ చేసుకోవచ్చు. ఓవర్‌లే ఫీచర్ ద్వారా స్క్రీన్‌పై సంఖ్యలు, పేర్లు లేదా గ్రిడ్‌లను డిస్ ప్లే చేయవచ్చు.
ఫేస్ ఐడీ ఉన్న ఐఫోన్‌లలో ఈ ఆప్షన్‌ను ఎనేబుల్ చేస్తే, మీరు ఫోన్ వైపు చూసినప్పుడు వాయిస్ కంట్రోల్ యాక్టివేట్ అవుతుంది. మీ ఫేస్ పక్కకు తిప్పితే ఆటోమేటిక్‌గా స్లీప్ మోడ్‌లోకి వెళుతుంది.
వాయిస్ కంట్రోల్ పూర్తిగా ఆఫ్‌లైన్‌లో పనిచేస్తుంది. ప్రతి ఆదేశానికి ఇంటర్నెట్ కనెక్షన్ అవసరం లేదు.
చేతికి గాయాలైనప్పుడు, వంట చేసేటప్పుడు, లేదా ఇతర కారణాల వల్ల స్క్రీన్‌ను తాకలేనటువంటి సందర్భాల్లో ఈ వాయిస్ కంట్రోల్ ఫీచర్ ఒక గొప్ప అవకాశంగా పనిచేస్తుంది.

Also Read: ఐఫోన్ 18 ప్రో, 18 ప్రో మ్యాక్స్ సేల్స్ షురూ.. EMI, క్యాష్‌బ్యాక్ వివరాలు ఇవే!

iPhone 3 Whats App Accounts: ఐఫోన్ వాట్సాప్ యూజర్లకు బిగ్ అప్‌డేట్.. ఒకే యాప్‌లో 3 వాట్సాప్ అకౌంట్స్!

Satyaprasad Bandaru — Sat, 19 Sep 2026 18:48:08 +0530

iPhone 3 Whats App Accout: మీ ఐఫోన్‌లో ఒకేసారి ఒకటి కంటే ఎక్కువ వాట్సాప్ నెంబర్లను ఉపయోగిస్తున్నారా? అయితే మీకోసం వాట్సాప్ ఒక సూపర్ ఫీచర్‌ను తీసుకురాబోతోంది. ఐఫోన్ కస్టమర్ల కోసం 'మల్టీ-అకౌంట్' ఫీచర్‌ను మరింత విస్తరించేందుకు వాట్సాప్ కసరత్తు చేస్తోంది. తాజా నివేదికల ప్రకారం, ఇకపై ఐఫోన్ కస్టమర్లు ఒకే వాట్సాప్ యాప్‌లో మూడు వాట్సాప్ అకౌంట్‌లను ఉపయోగించుకునే వెసులుబాటును తీసుకువస్తున్నట్లు తెలుస్తోంది.

ఐఫోన్‌లో ఎన్ని వాట్సాప్

వాట్సాప్ తీసుకురానున్న మల్టీ అకౌంట్ సదుపాయం ద్వారా 2026లో ఒకే యాప్‌లో రెండు వాట్సాప్‌లను ఉపయోగించే వెసులుబాటు ఉంది. దీనివల్ల యూజర్లు ఫస్ట్ అకౌంట్ నుండి లాగ్ అవుట్ అవ్వకుండానే రెండో అకౌంట్‌ను యాడ్ చేసుకునే వీలు ఉంటుంది. మరో ఫోన్ వాడటం లేదా వాట్సాప్ బిజినెస్ యాప్‌పై ఆధారపడే అవసరం తగ్గింది. ఇప్పుడు ఈ సదుపాయాన్ని మరో మెట్టు పైకి తీసుకెళ్తూ.. ఒకే యాప్‌లో మూడు అకౌంట్ల వరకు యాడ్ చేసుకునే ఫీచర్‌ను టెస్ట్ చేస్తోంది. ప్రస్తుతం ఈ ఫీచర్ బీటా టెస్టింగ్ దశలో ఉంది.

ఈ ఫీచర్ ఎవరికి బాగా ఉపయోగపడుతుంది?

పర్సనల్, వర్క్, బిజినెస్ అవసరాల కోసం వేర్వేరు మొబైల్ నెంబర్లు వాడేవారికి ఈ ఫీచర్ ఒక గేమ్‌చేంజర్ అని చెప్పవచ్చు. పర్సనల్ అకౌంట్ ఫ్యామిలీ, స్నేహితులతో చాటింగ్ కోసం యూజ్ చేసుకోవచ్చు. ఆఫీస్ లేదా వర్క్ అకౌంట్, బిజినెస్ లేదా ప్రాజెక్ట్స్ అకౌంట్‌ను వ్యాపార లావాదేవీలు, ప్రత్యేక ప్రాజెక్ట్‌ల కోసం ఉపయోగించవచ్చు. మూడు నెంబర్లు వాడడానికి ప్రస్తుతం రెండో ఫోన్ లేదా వాట్సాప్ బిజినెస్ ఉపయోగించాల్సి వస్తుండగా, ఈ కొత్త అప్‌డేట్‌తో ఈ ఇబ్బంది లేకుండా ఒకే యాప్‌తో పనులన్నీ పూర్తవుతాయి.
Also Read: ల్యాప్‌టాప్ కీబోర్డ్ క్లీన్ చేయాలా? ఈ సింపుల్ స్టెప్స్ ఫాలో అవ్వండి

ఈ ఫీచర్ ఎలా పనిచేస్తుంది?

వాట్సాప్ సెట్టింగ్స్‌లోని అకౌంట్స్ జాబితా ద్వారా కొత్త నెంబర్‌ను ఈజీగా యాడ్ చేసుకోవచ్చు. ఈ మూడు వాట్సాప్ అకౌంట్లు ఒకదానికొకటి పూర్తి భిన్నంగా ఉంటాయి. ప్రతి అకౌంట్ దాని సొంత చాట్ హిస్టరీ, నోటిఫికేషన్‌లు, బ్యాకప్‌లు, ప్రైవసీ సెట్టింగ్స్ వేర్వేరుగా ఉంటాయి. అకౌంట్ స్విచ్ చేసేటప్పుడు ప్రొఫైల్ ఫోటో, పేరు, ఫోన్ నంబర్ కనిపిస్తాయి. అంతేకాకుండా, ప్రస్తుతం యాక్టివ్‌గా ఉన్న అకౌంట్‌కు ప్రత్యేకమైన ఐకాన్ ఉంటుంది. దీనివల్ల వేరే నెంబర్ నుండి పొరపాటున సందేశాలు వెళ్లే అవకాశం ఉండదు.
Also Read: ఐఫోన్ 18 ప్రో, 18 ప్రో మ్యాక్స్ సేల్స్ షురూ.. EMI, క్యాష్‌బ్యాక్ వివరాలు ఇవే!

Apple iPhone 18 Pro Sales EMI: ఐఫోన్ 18 ప్రో, 18 ప్రో మ్యాక్స్ సేల్స్ షురూ.. EMI, క్యాష్‌బ్యాక్ వివరాలు ఇవే!

Satyaprasad Bandaru — Fri, 18 Sep 2026 14:16:35 +0530

Apple iPhone 18 Pro Sales EMI: యాపిల్ లవర్స్ ఎంతగానో ఎదురుచూస్తున్న కొత్త ఐఫోన్ 18 ప్రో (iPhone 18 Pro), ఐఫోన్ 18 ప్రో మ్యాక్స్ (iPhone 18 Pro Max) మోడళ్లు ఇవాళ్టి నుంచి ఇండియాలో అధికారికంగా అందుబాటులోకి వచ్చాయి. గత వారం ప్రారంభమైన ప్రీ బుకింగ్స్ పూర్తి కాగా, ప్రస్తుతం యాపిల్ ఇండియా ఆన్‌లైన్ స్టోర్, రీసెల్లర్ల ద్వారా వీటిని నేరుగా కొనుగోలు చేయవచ్చు. అయితే, భారీ ధరల దృష్ట్యా కేవలం ఫోన్ ఎంఆర్పీ చూడడమే కాకుండా, కంపెనీ అందిస్తున్న నో కాస్ట్ EMI, క్యాష్‌బ్యాక్, ఎక్స్ఛేంజ్ ఆఫర్లను పరిశీలించడం బెటర్.

ఐఫోన్ 18 ప్రో మ్యాక్స్ ధరలు & 6 నెలల నో కాస్ట్ EMI

256GB వేరియంట్- రూ. 1,79,900 (క్యాష్‌బ్యాక్‌తో EMI: రూ. 28,817)
512GB వేరియంట్- రూ. 2,04,900 ( EMI: రూ. 32,983)
1TB వేరియంట్- రూ. 2,54,900 ( EMI: రూ. 41,317)
2TB వేరియంట్- రూ. 3,29,900 (EMI: రూ. 53,817)

ఐఫోన్ 18 ప్రో ధరలు & EMI

256GB వేరియంట్- రూ. 1,64,900 (క్యాష్‌బ్యాక్‌తో EMI: రూ. 26,316)
512GB వేరియంట్- రూ. 1,89,900 (EMI: రూ. 30,483)
1TB వేరియంట్- రూ. 2,39,900 (EMI: రూ. 38,817)
2TB వేరియంట్- రూ. 3,14,900 (EMI: రూ. 51,317)

Also Read: బ్లూటూత్ LE అంటే ఏమిటి?.. నార్మల్ బ్లూటూత్ కంటే ఇది ఎందుకు భిన్నమైంది?

ట్రేడ్-ఇన్, క్యాష్‌బ్యాక్ ఆఫర్లు

యాపిల్ ట్రేడ్ ఇన్ ప్రోగ్రామ్ ద్వారా మీ వద్ద ఉన్న పాత స్మార్ట్‌ఫోన్ కండిషన్, మోడల్ ఆధారంగా రూ. 4,500 నుంచి రూ. 81,500 వరకు ఎక్స్ఛేంజ్ ఆఫర్ ఉంది. దీనికి తోడు అమెరికన్ ఎక్స్‌ప్రెస్, యాక్సిస్ బ్యాంక్, ICICI బ్యాంక్ కార్డులపై రూ. 7,000 వరకు క్యాష్‌బ్యాక్ లభిస్తుంది. ఈ రెండు ఆఫర్లను ఉపయోగించుకుంటే కొత్త ఐఫోన్ ను కాస్త తక్కువ ధరకు పొందవచ్చు.

Also Read: మీ Google అకౌంట్ సేఫ్‌గా ఉండాలంటే? ఈ 5 సెట్టింగ్‌లను ఇప్పుడే మార్చండి!

భారత్‌లో iPhone 18 సేల్స్ ప్రారంభం.. అర్ధరాత్రి నుంచే యాపిల్ సెంటర్ల వద్ద భారీ క్యూ లైన్లు

Shankar Dukanam — Fri, 18 Sep 2026 08:20:00 +0530

iPhone 18 కోసం ఎదురుచూస్తున్న వారికి ఆ టైం రానే వచ్చింది. భారత్‌లో నేటి నుంచి Apple కొత్త iPhone 18 Pro, iPhone 18 Pro Max విక్రయాలు ప్రారంభమవుతున్నాయి. దాంతో ఐఫోన్ లవర్స్ దేశంలో పలు నగరాల్లో అర్ధరాత్రి నుంచే యాపిల్ సెంటర్స్ వద్దకు భారీగా చేరుకుంటున్నారు. iPhone 18 Pro ప్రారంభ ధర 1,64,900 రూపాయలుగా ఉంది. కొత్త iPhone కొనుగోలు చేస్తూ బ్యాంక్ ఆఫర్లు, ఎక్స్చేంజ్, No Cost EMI వంటి ఆప్షన్లతో కొంత మొత్తం ఆదా చేసుకోవచ్చు. మీరు కొత్త iPhone కొనాలని ప్లాన్ చేస్తుంటే, కొనడానికి ముందు ధరలు, ఆఫర్ల గురించి తెలుసుకోవాలి. మరి iPhone 18 Pro అత్యంత చౌక డీల్ ఎక్కడ దొరుకుతుందో తెలుసుకుందాం.

ఐఫోన్ 18 ప్రో, ఐఫోన్ 18 ప్రో మ్యాక్స్ ఫోన్లు కొనుగోలు చేసేందుకు ముంబై, బెంగళూరు, ఢిల్లీ, నోయిడా సహా పలు ముఖ్య నగరాల్లో యాపిల్ సెంటర్ల వద్దకు ఐఫోన్ లవర్స్ తరలి వస్తున్నారు. కొత్త ఐఫోన్ మోడల్ సొంతం చేసుకునేందుకు ఎంతో ఆసక్తిగా ఎదురుచూస్తున్నారు. తాము ప్రతి కొత్త ఐఫోన్ మోడల్ కొనుగోలు చేస్తామని.. ప్రస్తుతం తమ వద్ద ఐఫోన్ 17 మోడల్ ఉందని కస్టమర్లు చెబుతున్నారు. కొందరు అర్ధరాత్రి నుంచే యాపిల్ సెంటర్ల వద్దకు చేరుకోగా, కొందరు ఉదయం 4 గంటల నుంచే స్టోర్ల వద్దకు వస్తున్నారు.

#WATCH | Bengaluru: People queue up as the official sale of the iPhone 18 Pro and iPhone 18 Pro Max begins today in India.

Eager customers have lined up in long queues outside the Imagine Apple premium reseller store at the Mall of Asia to get their hands on the latest… pic.twitter.com/g9wsxeH61s
— ANI (@ANI) September 18, 2026

iPhone 18 Pro ధర ఎంత?

iPhone 18 Pro ప్రారంభ ధర 1,64,900. ఇందులో 256GB స్టోరేజ్ ఉన్న మోడల్ లభిస్తుంది. 512GB వేరియంట్ ధర అయితే రూ. 1,89,900. 1TB స్టోరేజీ మోడల్ ధర ఏకంగా 2,39,900 రూపాయలు, 2TB వేరియంట్ ధర 3,14,900 రూపాయలుగా నిర్ణయించారు.

అదే సమయంలో, iPhone 18 Pro Max 256GB మోడల్ ధర రూ. 1,79,900 గా ఉంది. కాగా 512GB వేరియంట్ 2,04,900. 1TB మోడల్ 2,54,900 రూపాయలు కాగా, 2TB వేరియంట్ 3,29,900 రూపాయలుగా ఫిక్స్ చేసింది యాపిల్ కంపెనీ.

#WATCH | Mumbai: Massive crowds gather outside the Apple Store in Mumbai as eager customers queue up ahead of the official sales launch of the iPhone 18 Pro and iPhone 18 Pro Max in India. pic.twitter.com/vOGotGmyFE
— ANI (@ANI) September 18, 2026

iPhone 18 Pro అత్యంత చౌక డీల్

iPhone 18 Pro సిరీస్ కొనుగోలులో బ్యాంక్ కార్డులపై 7,000 రూపాయల వరకు ఇన్‌స్టంట్ క్యాష్‌బ్యాక్ రావొచ్చు. Apple వెబ్‌సైట్‌లో American Express, Axis Bank సహా ICICI Bank అర్హత కలిగిన కార్డులపై ఈ ఆఫర్ అందిస్తున్నారు. Flipkart, Amazon, Reliance Digital, Vijay Sales, Croma వంటి ప్లాట్‌ఫారమ్‌లపై కార్డ్ ఆఫర్లు వేరుగా ఉండనున్నాయి.

పాత ఫోన్‌పై ఎక్స్చేంజ్ ఆఫర్

మీ వద్ద పాత ఐఫోన్ ఉంటే Apple Trade In ద్వారా కొత్త iPhone ధరను తగ్గించుకోవచ్చు. పాత ఫోన్ మోడల్, దాని కండిషన్‌ను బట్టి ఎక్స్చేంజ్ క్రెడిట్ డిసైట్ చేస్తారు. రిపోర్టుల ప్రకారం, ఎక్స్చేంజ్‌పై 4,500 నుంచి 81,500 రూపాయల వరకు ప్రయోజనం పొందవచ్చు.

6 నెలల No Cost EMI ఆప్షన్

మీరు ఒకేసారి మొత్తం చెల్లించలేకపోతే iPhone 18 Proను 6 నెలల No Cost EMIపై కూడా కొనవచ్చు. iPhone 18 Pro 256GB కోసం EMI నెలకు సుమారు రూ. 26,316 నుంచి ప్రారంభమవుతుంది. iPhone 18 Pro Max అయితే నెలవారీ ఈఎంఐ దాదాపు రూ. 28,817 ఉంటుంది..

iPhone 18 Proలో స్పెషాలిటీ ఏంటీ

iPhone 18 Proలో 6.3 అంగుళాలు, Pro Max మోడల్లో 6.9 అంగుళాల LTPO OLED Super Retina XDR డిస్‌ప్లే వస్తుంది. రెండింటిలోనూ 120Hz ProMotion, 3,000 నిట్స్ పీక్ బ్రైట్‌నెస్ ఉంటాయి. ఫోన్‌లో 2nm ఆధారిత A20 Pro చిప్‌సెట్, iOS 27.. 48MP మెయిన్, 48MP టెలిఫోటో, 48MP అల్ట్రా-వైడ్ కెమెరా ఇచ్చారు. దీంతో పాటు LiDAR స్కానర్, 18MP Center Stage ఫ్రంట్ కెమెరా లభిస్తుంది.

ఇక Google Gemini ప్రీమియం ఫీచర్ అందరికీ ఉచితం.. మీ పనులు మరింత సులభంగా

Shankar Dukanam — Sun, 13 Sep 2026 11:59:30 +0530

టెక్ దిగ్గజం Google తన AI చాట్‌బాట్ Geminiను నిరంతరం మరింత మెరుగుపరుస్తోంది. ఇందులో భాగంగా కంపెనీ ఇప్పుడు తన ప్రత్యేక ప్రీమియం ఫీచర్ Daily Briefను ఫ్రీ యూజర్లకు కూడా అందుబాటులోకి తీసుకొస్తుంది. అంటే ఇప్పుడు Gemini ఉపయోగించడానికి పేయిడ్ AI సబ్‌స్క్రిప్షన్ తీసుకున్న యూజర్లతో పాటు, సబ్‌స్క్రిప్షన్ లేని వారు కూడా ఈ ఫీచర్‌ను ఉపయోగించుకునే వీలుంటుంది. ఈ ఫీచర్ ఎలా పనిచేస్తుందో వివరాలు ఇక్కడ తెలుసుకుందాం.

Gemini Daily Brief ఫీచర్ ఏమిటి?

అందుబాటులో ఉన్న సమాచారం ప్రకారం, Google ఈ ఫీచర్‌ను మే నెలలో నిర్వహించిన తన వార్షిక I/O డెవలపర్ కాన్ఫరెన్స్‌లో పరిచయం చేసింది. యూజర్‌కు రోజువారీ అవసరమైన సమాచారాన్ని ఒకే చోట అందుబాటులో ఉంచడమే ఈ Daily Brief ఉద్దేశం.

ఈ ఫీచర్ ద్వారా మీ Gmailలో వచ్చే ముఖ్యమైన ఈమెయిల్స్, Google Calendarలో ఉన్న రాబోయే ఈవెంట్లు, అలాగే Geminiతో జరిగిన సంభాషణల నుంచి వచ్చిన సందర్భాలను ఒకేసారి చూడగలదు. ఆ తర్వాత Gemini ఈ సమాచారాన్ని ఆధారంగా తీసుకుని మీ కోసం ఒక రకమైన వ్యక్తిగత డైలీ అప్‌డేట్స్ సిద్ధం చేస్తుంది. దీంతో ఉదయమే వేర్వేరు యాప్‌లు ఓపెన్ చేసి ఈమెయిల్, మీటింగ్‌లు, ముఖ్యమైన పనులను చెక్ చేయాల్సిన అవసరం ఉండదు.

Daily Briefలో మీకు ఏమేం లభిస్తాయి?

Daily Brief మీ కోసం అవసరమైన సమాచారాన్ని వేర్వేరు భాగాలుగా చేస్తుంది. ఇందులో వెంటనే ఫోకస్ చేయాల్సిన కొన్ని పనులు లేదా విషయాలు పైభాగంలో కనిపిస్తాయి. ఇతర భాగాల్లో మీ లాంగ్ టర్మ్ లక్ష్యాలు, భవిష్యత్ పనులకు సంబంధించిన సమాచారం కనిపిస్తుంది.

ఇది కేవలం సాధారణ టు-డూ లిస్ట్ (To Do List) మాత్రమే కాదు. యూజర్ Briefలో కనిపించే ఏ పని లేదా సమాచారంపైనైనా Geminiతో మాట్లాడి దాని గురించి మరింత సమాచారాన్ని పొందవచ్చు. ఏ సమాచారం Gmail, Calendar లేదా మరే ఇతర సోర్స్ నుంచి తీసుకుందో మీరు చూడవచ్చు. అవసరమైతే అక్కడినుంచే ఈమెయిల్ తెరవడం, దానికి సమాధానం ప్రిపేర్ చేయడం లేదా ఏదైనా ఈవెంట్, రిమైండర్‌ను షెడ్యూల్ చేయడం సాధ్యమవుతుంది.

Daily Brief ఉపయోగించడానికి ఏం చేయాలి?

ఈ ఫీచర్‌ను ఉపయోగించడానికి Gemini యాప్‌లో మీ Google Workspaceను కనెక్ట్ చేయాలి. దీనితో పాటు Gemini యొక్క Personal Intelligence సెట్టింగ్‌లో Memoryని ఆన్ చేయడం అవసరం.

అదనంగా Google యొక్క Smart features in other Google products సెట్టింగ్ కూడా యాక్టివ్‌గా ఉండాలి. ఈ సెట్టింగ్‌ల తర్వాత Gemini మీ సంబంధిత Google యాప్‌ల నుంచి అవసరమైన సందర్భాన్ని తీసుకుని Daily Briefను సిద్ధం చేయగలదు. ప్రస్తుతం ఈ ఫీచర్ యూజర్ల వ్యక్తిగత Google అకౌంట్‌లకు అందుబాటులో ఉంది. స్కూల్, ఆఫీస్ Google అకౌంట్‌లపై దీన్ని ప్రస్తుతానికి ఉపయోగించలేరు.

ముందు కేవలం పేయిడ్ యూజర్లకే ఈ ఫీచర్

ప్రారంభంలో Daily Briefను Gemini కి చెందిన AI Plus, Proతో పాటు Ultra సబ్‌స్క్రిప్షన్‌లలో భాగంగా ఉంచారు. ఇప్పుడు Google దీన్ని అమెరికాలో వ్యక్తిగత అకౌంట్‌లు ఉపయోగించే ఫ్రీ యూజర్లకూ అందుబాటులోకి తెచ్చింది. Google తన పాత Google Assistantను పూర్తిగా క్లోజ్ చేస్తూ Geminiను దాని ప్రత్యామ్నాయంగా మార్చుతున్న సమయంలో ఈ అప్డేట్ వచ్చింది. అలాంటి పరిస్థితిలో Daily Brief వంటి ఫీచర్లు Geminiను కేవలం ప్రశ్నలకు సమాధానాలు ఇచ్చే చాట్‌బాట్‌గా కాకుండా, వ్యక్తిగత AI అసిస్టెంట్‌గా మారడంలో కీలకం కానుంది.

ప్రైవసీ విషయంలో జాగ్రత్త

Daily Brief ఉపయోగకరమైన ఫీచర్ అయినప్పటికీ, దీన్ని ఉపయోగించే ముందు Geminiకి మీ వ్యక్తిగత సమాచారం అవసరం. మీ Gmail, ఫైళ్లు, పాత Gemini చాట్ నుంచి వచ్చిన డేటా ఆధారంగానే ఈ ఫీచర్ మీకు తగినట్లుగా Briefను సిద్ధం చేస్తుంది. Google ప్రకారం Geminiకి సంబంధించిన కొంత సమాచారం దాని జనరేటివ్ AI మోడల్‌ను మెరుగుపరచడానికి ఉపయోగిస్తారు. కొన్ని సందర్భాల్లో దానికి సంబంధించిన ఈమెయిల్స్, ఫైల్స్ సమ్మరీ లేదా వాటి నుంచి తీసిన ఫలితాలపై మానవ విశ్లేషణ సైతం జరగవచ్చు. అందువల్ల మీ Google అకౌంట్‌లో ప్రైవేట్, సున్నితమైన సమాచారం ఉంటే దాన్ని Geminiకి కనెక్ట్ చేసే ముందు ప్రైవసీ సెట్టింగ్‌లను చెక్ చేయండి.