mobiles

Apple Event: నేటి రాత్రి యాపిల్ ఈవెంట్.. Foldable iPhone పై ఎన్నో ఆశలు.. ఐఫోన్ 18 సహా ఏం లాంచ్ అవుతాయి ?

Shankar Dukanam — Wed, 9 Sep 2026 12:59:23 +0530

టెక్ ప్రియులు ఎంతగానో ఎదురుచూస్తున్న Apple ఈవెంట్ సెప్టెంబర్ 9న రాత్రి జరుగుతుంది. Surprise and Shine ఈవెంట్‌పై ప్రపంచవ్యాప్తంగా అందరి దృష్టి నెలకొంది. ముఖ్యంగా iPhone 18 Pro, iPhone 18 Pro Max గురించి చర్చ జరుగుతోంది. ఈసారి Apple తన తొలి ఫోల్డబుల్ iPhoneతో పెద్ద సర్‌ప్రైజ్ ఇవ్వవచ్చు. కొత్త Apple Watch, AirPods కూడా ఈ ఈవెంట్‌లో యాపిల్ లాంచ్ చేయవచ్చు.

భారత కాలమానం ప్రకారం Apple ఈ ఈవెంట్ బుధవారం రాత్రి 10:30 గంటలకు ప్రారంభమవుతుంది. ముఖ్యమైన విషయం ఏమిటంటే, ఇది కొత్త సీఈవో John Ternus తొలి పెద్ద కీనోట్ కానుంది. Tim Cook సీఈవో పదవి నుంచి తప్పుకున్న తర్వాత కంపెనీలో కొత్త లీడర్ షిప్ ఇక్కడి నుంచే మొదలుకానుంది. ఈ క్రమంలో iPhone 18 నుంచి Foldable వరకు ఏం లాంచ్ అవుతుందో, ధరలు ఈవెంట్ ద్వారా ప్రకటిస్తారు.

iPhone 18 Pro మోడల్స్

ఈసారి Apple iPhone 18 సిరీస్‌ మోడల్స్ ఒకేసారి లాంచ్ చేయకపోవచ్చు. ఈ ఈవెంట్‌లో కేవలం iPhone 18 Pro, ఐఫోన్ ప్రో మ్యాక్స్ (iPhone 18 Pro Max)ను లాంచ్ చేయనుంది. స్టాండర్డ్ iPhone 18, iPhone 18eతో పాటు కొత్త iPhone Air వచ్చే ఏడాది మార్కెట్లోకి లాంచ్ కావచ్చు. దీంతో 2 స్టాండర్డ్ iPhone మోడళ్ల మధ్య దాదాపు 18 నెలల వరకు గ్యాప్ రావొచ్చు.

మొదటి Foldable iPhone లాంచ్..

Apple కంపెనీ తొలిసారి ఫోల్డబుల్ iPhone ఈ ఈవెంట్‌లో లాంచ్ చేయడం బిగ్ సర్‌ప్రైజ్ కావచ్చు. దీనిని iPhone Ultra పేరుతో తీసుకురానుంది. ఇది బుక్-స్టైల్ డిజైన్‌లో రావచ్చు. ఇందులో సుమారు 5.3 నుంచి 5.5 అంగుళాల కవర్ స్క్రీన్, 7.6 నుంచి 7.8 అంగుళాల లోపలి స్క్రీన్ అవకాశం ఉంది. ఫోన్‌లో 5000mAh లేదా అంతకంటే పెద్ద బ్యాటరీ, 12GB RAM, డ్యూయల్ 48MP రియర్ కెమెరా, A20/A20 Pro చిప్ ఉండవచ్చు. Face ID స్థానంలో సైడ్ బటన్‌లో Touch ID ఇస్తుందని టెక్ నిపుణులు భావిస్తున్నారు. దీని ధర సుమారు 2 లక్షల నుంచి 2.5 లక్షల వరకు ఉండొచ్చు.

iPhone 18 Pro మొబైల్, iPhone 18 Pro Max ధర

iPhone 18 Pro ఫోన్, iPhone 18 Pro Maxలో ఈసారి 2nm A20 Pro చిప్, కొత్త C2 మోడెమ్ రానుంది. డిస్‌ప్లేపై Dynamic Island గతంతో పోలిస్తే చిన్నది చేయవచ్చు. కొత్త iPhoneలో Light Blue, Dark Cherry వంటి కొత్త కలర్ ఆప్షన్లు రావొచ్చు. భారత్‌లో iPhone 18 Pro ప్రారంభ ధర సుమారు 1,39,900 నుంచి 1,45,000 మధ్య ఉంటుందని అంచనా. iPhone 18 Pro Max ప్రారంభ ధర సుమారు 1,55,000 నుంచి 1,79,900 వరకు ఉండొచ్చని అంచనాలున్నాయి.

Apple Watch, AirPods లాంచింగ్

ఈ ఈవెంట్‌లో Apple Watch Series 12, Apple Watch Ultra 4 పరిచయం కావచ్చు. Series 12లో కొత్తగా మరింత పవర్ ఎఫిషియెంట్ చిప్, మెరుగైన స్లీప్ ట్రాకింగ్, హార్ట్ రేట్ మానిటరింగ్, హెల్త్-ఫిట్‌నెస్ ఫీచర్లలో మార్పులు చేయనున్నారు. Ultra 4లో స్ట్రాంగ్ టైటానియం చాసిస్, పెద్ద బ్యాటరీ, సాటిలైట్ కనెక్టివిటీ, డీప్-డైవింగ్ ఫీచర్లను మెరుగుపరచవచ్చు. కొత్త AirPods 5లో మెరుగైన ANC, కొత్త H-సిరీస్ చిప్, Find My నెట్‌వర్క్‌కు బెస్ట్ సపోర్ట్ లభించవచ్చు.

Smart Homeపై ఫోకస్

Apple ఈ ఈవెంట్‌లో HomePod Mini 2, యాపిల్ టీవీ 4కే (Apple TV 4K), HomePod Touch/ HomePad వంటి స్మార్ట్ హోమ్ డివైజ్‌లను లాంచ్ చేస్తుందని భావిస్తున్నారు. 7 అంగుళాల స్క్రీన్ ఉన్న స్మార్ట్ హోమ్ హబ్‌లో Siri, FaceTime, స్మార్ట్ హోమ్ కంట్రోల్ ఫీచర్లు ఇస్తుందని ఆశిస్తున్నారు. దీంతో పాటు OLED iPad mini, M6 iMac, M6 MacBook Pro వంటి ప్రోడక్ట్స్‌పై చర్చ జరుగుతోంది. ఇప్పుడు ప్రకటించిన డివైజ్‌లు కొన్ని అక్టోబర్ లేదా ఆ తర్వాత లాంచ్ కావచ్చు.

Wired Earphones పెట్టుకున్నా ఫోన్‌ను ఛార్జ్ చేయొచ్చు! పోర్ట్ బ్లాక్ కాదు, ట్రిక్ తెలుసుకోండి

Shankar Dukanam — Mon, 7 Sep 2026 16:46:46 +0530

నేటి రోజుల్లో ఎక్కువశాతం స్మార్ట్‌ఫోన్లలో 3.5mm హెడ్‌ఫోన్ జాక్ రావడం లేదు. అలాంటి పరిస్థితిలో మీరు Wired Earphones వాడితే తరచూ సమస్య ఎదురవుతుంది. ఫోన్‌లోని USB Type-C పోర్ట్‌ను ఛార్జింగ్‌కూ, ఆడియో కోసం ఉపయోగించాల్సి వస్తుంది. ఫోన్ ఛార్జ్ చేస్తూనే Wired Earphones పెట్టుకోవడం కష్టమే. అయితే, దీనికి ఒక సులభమైన విధానం ఉంది.

ఒక చిన్న అడాప్టర్ చాలు

మీ సమాచారం కోసం మీ ఫోన్‌లో కేవలం USB Type-C పోర్ట్ మాత్రమే ఉంటే మీరు యూఎస్‌బీ టైప్-సి లేదా audio and charging adapterను ఉపయోగించుకోవాలి. ఈ చిన్న డివైస్ ఫోన్‌లోని ఒక Type C పోర్ట్‌ను 2 వేర్వేరు కనెక్షన్లుగా మారుస్తుంది. సాధారణంగా ఇందులో ఒక పోర్ట్ Wired Earphones కోసం, మరో పోర్ట్ Charging Cable కోసం వాడుకోవాలి. దాంతో ఒకేసారి పాటలు వినొచ్చు, అదే సమయంలో కాల్ చేయొచ్చు. అలాగే ఫోన్ బ్యాటరీని కూడా ఛార్జింగ్ చేసుకోవచ్చు.

ఎలా ఉపయోగించాలి?

ముందుగా మీ ఫోన్‌లోని USB Type-C పోర్ట్‌లో ఆడియో outputతో పాటు ఛార్జింగ్‌ను కూడా సపోర్ట్ చేసే adapterను పెట్టాలి. ఆ తర్వాత Wired Earphonesను adapterలోని ఆడియో పోర్ట్‌కు కనెక్ట్ చేయాలి. Charging Cableను మరో పోర్ట్‌లో పెట్టాలి. కనెక్షన్ అయిన తర్వాత ఫోన్ Earphonesను ఆడియో డివైస్‌గా గుర్తించాలి. ఇప్పుడు మీరు మ్యూజిక్, పాడ్‌కాస్ట్ లేదా వీడియోలు వింటూనే ఫోన్‌ను ఛార్జింగ్ చేయవచ్చు.

ప్రతి Type C Adapter పనిచేయదు

మార్కెట్‌లో దొరికే ప్రతి USB Type C splitter ఆడియో, ఛార్జింగ్ రెండింటినీ ఒకేసారి సపోర్ట్ చేయదు. కొన్ని adapters కేవలం ఛార్జింగ్ లేదా డేటా ట్రాన్స్‌ఫర్ కోసం మాత్రమే తయారవుతాయి. అందుకే కొనే సమయంలో Audio + Charging support ఉందో లేదో తప్పకుండా చెక్ చేయాలి. మీ Wired Earphonesలో USB Type-C connector ఉంటే అడాప్టర్ కంపాటిబిలిటీని కూడా చూడటం అవసరం.

డిజిటల్ నుంచి అనలాగ్ కన్వర్టర్..

కొన్ని Type C Wired Earphonesలో DAC అంటే Digital to Analog Converter ఉంటుంది. అలాగే కొన్ని ఫోన్లు లేదా accessories ఆడియో సిగ్నల్‌ను వేరే విధంగా హ్యాండిల్ చేస్తాయి. అందుకే adapter, ఫోన్ మధ్య compatibility అవసరం. తక్కువ ధర లేదా నాసిరకం quality ఉన్న adapterను వాడితే ఆడియోలో శబ్దం, మైక్రోఫోన్ సమస్య లేదా ఛార్జింగ్ ఇబ్బంది అవుతుంది.

Wireless Earphones కొనాల్సిన అవసరం లేదు

మీకు Wired Earphones ఇచ్చే మెరుగైన, బ్యాటరీ లేని సౌకర్యం కావాలంటే కేవలం ఛార్జింగ్‌తో ఉపయోగించడానికి Wireless Earphones కొనాల్సిన పనిలేదు. సరైన compatible adapter మీ సమస్యను పరిష్కరిస్తుంది. ఎక్కువసేపు ఫోన్‌లో వీడియోలు చూసే, గేమ్స్ ఆడే లేదా కాల్ సమయంలో ఫోన్‌ను ఛార్జ్ చేయాలనుకునే వారికి ఈ విధానం ఉపయోగకరంగా ఉంటుంది.

కొనే ముందు ఈ విషయాలు గుర్తుంచుకోండి

మీరు Adapter తీసుకునేటప్పుడు మీ ఫోన్ మోడల్ compatibilityను తప్పకుండా చెక్ చేయండి. అందులో simultaneous audio, ఛార్జింగ్ సపోర్ట్ ఉందో లేదో కూడా చూడండి. మీకు Fast Charging అవసరమైతే అడాప్టర్ ఛార్జింగ్ కేపబిలిటీను కూడా చెక్ చేయాలి.

Phone Charging Tips: చాలా మంది తమ ఫోన్‌ను ఛార్జింగ్ నుంచి తీసేటప్పుడు ఈ పొరపాటు చేస్తారు! దీని వల్ల కలిగే ప్రమాదాలు తెలుసా?

Khagesh — Sat, 29 Aug 2026 10:48:31 +0530

Phone Charging Tips: స్మార్ట్‌ఫోన్‌లు ప్రజల జీవితంలో ఒక ముఖ్యమైన భాగంగా మారాయి. కాల్స్ చేయడం, ఇంటర్నెట్ వాడటం నుంచి బ్యాంకింగ్, వినోదం వరకు దాదాపు ప్రతిదానికీ ప్రజలు తమ ఫోన్‌లపై ఆధారపడటం పెరిగింది. అందుకే ఫోన్ బ్యాటరీ ఛార్జింగ్ విషయంలో చిన్నపాటి అజాగ్రత్త కూడా సమస్యలకు దారితీస్తుంది. ముఖ్యంగా, తరచుగా పట్టించుకోని ఒక సాధారణ పొరపాటు ఏంటంటే, ఫోన్‌ను ఛార్జింగ్ నుంచి తీసివేయడం.

ఛార్జర్‌ను తీసివేసేటప్పుడు ఈ పొరపాటు చేయవద్దు

చాలా మంది ఫోన్‌ను ఛార్జింగ్ నుంచి తీసేటప్పుడు ఛార్జింగ్ కేబుల్‌ను దాని తీగ పట్టుకుని లాగుతారు. ఇలా చేయడం సరైన పద్ధతి కాదు. కేబుల్‌ను లాగడం వల్ల లోపల ఉన్న వైర్లు , కనెక్టర్లపై అనవసరమైన ఒత్తిడి పడుతుంది. ఇలా పదేపదే చేయడం వల్ల ఛార్జింగ్ కేబుల్ త్వరగా పాడైపోయి, ఫోన్‌లో ఛార్జింగ్ సమస్యలు తలెత్తుతాయి.

ఛార్జింగ్ కేబుల్‌ను తీసివేసే సరైన పద్ధతి ఏంటంటే, వైరును కాకుండా కనెక్టర్ ప్లాస్టిక్ లేదా లోహ భాగాన్ని పట్టుకోవడం. ఇలా చేయడం వల్ల కేబుల్‌పై ఒత్తిడి తగ్గి, దాని మన్నిక పెరగవచ్చు

పాడైన కేబుల్స్ సమస్యకు కారణం కావచ్చు

పదేపదే లాగడం లేదా వంచడం వల్ల ఛార్జింగ్ కేబుల్ పాడైపోతే, దానిని వాడటం సురక్షితం కాదు. తెగిపోయిన లేదా విరిగిన వైర్లు, వదులుగా ఉన్న కనెక్టర్లు, లేదా కేబుల్ అధికంగా వేడెక్కడం వంటివి ఛార్జింగ్ సమయంలో సమస్యలను కలిగిస్తాయి.

ఇలాంటి పరిస్థితుల్లో, ఛార్జింగ్ సమయంలో ఫోన్ లేదా ఛార్జర్ అధికంగా వేడెక్కవచ్చు. అందువల్ల, కేబుల్‌పై ఏవైనా కట్స్‌ ఉంటే, దానిని మార్చడమే మంచిది.

ఛార్జర్‌ను ఇలా లాగవద్దు

మీ ఫోన్ నుంచి కేబుల్‌ను తీసేటప్పుడు మాత్రమే కాకుండా ఇతర సమయంలాల్లో కూడా జాగ్రత్త అవసరం. ప్రజలు తరచుగా వాల్ సాకెట్ నుంచి ఛార్జర్‌ను తీసేటప్పుడు దానిని లాగుతారు. దీనివల్ల కేబుల్, ప్లగ్ మధ్య ఉన్న జాయింట్‌పై ఒత్తిడి పడుతుంది.

ఛార్జర్‌ను తీసేటప్పుడు, ప్లగ్ భాగాన్ని పట్టుకుని సాకెట్ నుంచి బయటకు లాగండి. ఇలా చేయడం వల్ల వైర్లు, కనెక్షన్లపై అనవసరమైన ఒత్తిడి పడకుండా ఉంటుంది.

ఫోన్ బ్యాటరీ విషయంలో కూడా జాగ్రత్తగా ఉండటం ముఖ్యం.

ఛార్జింగ్ కేబుల్‌ను సరిగ్గా తీసివేయడం వల్ల యాక్సెసరీలు, ఛార్జింగ్ పోర్ట్‌పై అనవసరమైన ఒత్తిడి తగ్గుతుంది. ఫోన్‌ను వెచ్చగా ఉంచడం, అతిగా వేడెక్కకుండా చూసుకోవడం, అలాగే లోపభూయిష్టమైన ఛార్జర్‌లు లేదా కేబుళ్లను ఉపయోగించకపోవడం కూడా బ్యాటరీ ఎక్కువ కాలం మన్నికగా ఉండటానికి చాలా అవసరం.

Mobile Recharge Price Hike: త్వరలో పెరగనున్న మొబైల్ రీచార్జ్ ప్లాన్ ధరలు.. కంపెనీలు ఏం చెబుతాయి

Shankar Dukanam — Fri, 21 Aug 2026 23:26:51 +0530

Mobile Recharge Price Hike: దేశంలోని 2 పెద్ద టెలికాం కంపెనీలు Airtel, Reliance Jio మరోసారి ప్రజలకు షాకివ్వడానికి సిద్ధమవుతున్నాయి. అవును, ఒక రిపోర్ట్ ప్రకారం త్వరలోనే మొబైల్ రీచార్జ్ ధరలు సుమారు 15 శాతం వరకు పెరగవచ్చు. ఇటీవల Airtel తన కొన్ని తక్కువ ధర ప్రీపెయిడ్ రీచార్జ్ ప్లాన్స్ నిలిపివేసింది. దాంతో వినియోగదారులు ఇప్పుడు ఖరీదైన రీచార్జ్‌లు చేయించుకోవాల్సి వస్తోంది. రాబోయే 3 నుంచి 4 నెలల్లో మళ్లీ రీచార్జ్ ధరలు పెరగనుండటం ప్రజలకు చాలా భారంగా మారవచ్చు. అందుకు సంస్థలు ఏం కారణాలు చెబుతాయో ఇక్కడ తెలుసుకుందాం.

3-4 నెలల్లో రీచార్జ్ ధరలు పెరగొచ్చు

మీడియా రిపోర్ట్ ప్రకారం Jio మరియు Airtel తమ మొబైల్ టారిఫ్‌లను 12 నుంచి 15 శాతం వరకు పెంచవచ్చని అంచనా వేస్తున్నారు. అయితే, ఇది ఇప్పటికి కేవలం ఒక మార్కెట్ ఫోర్‌కాస్ట్ మాత్రమే. రెండు కంపెనీల నుంచి ఇలాంటి ధర పెంపుపై అధికారిక ప్రకటన ఏదీ రాలేదు.

ఈ అంచనా నిజమైతే, దాని ప్రభావం ప్రీపెయిడ్, పోస్ట్‌పెయిడ్ 2 రకాల వినియోగదారులపై కనిపిస్తుంది. ముఖ్యంగా ప్రతి నెల లేదా మూడు నెలలకు ఒకసారి మొబైల్ రీచార్జ్ చేసుకునే వినియోగదారులు ఇప్పుడు రీచార్జ్ కోసం ఎక్కువ చెల్లించాల్సి వస్తుంది.

టారిఫ్‌లు ఎందుకు పెరగొచ్చు?

టెలికాం కంపెనీలు ఎప్పటికప్పుడూ తమ టారిఫ్‌లలో మార్పులు చేస్తుంటాయి. దీని వెనుక నెట్‌వర్క్ విస్తరణ, 5G ఇన్‌ఫ్రాస్ట్రక్చర్, స్పెక్ట్రం ఖర్చులు, అలాగే ప్రతి కస్టమర్ నుంచి వచ్చే ఆదాయం అంటే ARPU పెంచడం లాంటి కారణాలు ఉంటాయి. కంపెనీలు ధరలు పెంచితే తక్కువ ధర ప్లాన్‌లు మరింత ఖరీదు అవుతాయి. అంటే, ఇప్పటికే ప్రైమరీ ప్లాన్ రీఛార్జ్ చేస్తున్న వినియోగదారులు కొంచెం ఎక్కువ ఖర్చుతో రీఛార్జ్ చేసుకోవాల్సి వస్తుంది.

Jio, Airtel లాభాలపై ప్రశ్నలు

మొబైల్ రీచార్జ్ మరింత ఖరీదు అవుతుందన్న చర్చ వైరల్ అవుతోంది. Ji, Airtel రెండూ గత సంవత్సరం 30,000 కోట్లకు పైగా నెట్ ప్రాఫిట్ నమోదు చేశాయి. దీంతో చాలా మంది వినియోగదారులకు కంపెనీలు ఇంత లాభం ఆర్జిస్తున్నప్పుడు మొబైల్ రీచార్జ్ ప్లాన్ ధరలు పెంచాల్సిన అవసరం ఉండదని భావించారు. మళ్లీ ఎందుకు ఎందుకు పెంచుతున్నార్న ప్రశ్న మొదలైంది.

వినియోగదారులపై ప్రభావం

వైరల్ అవుతున్న సమాచారం మేరకు 12 నుంచి 15 శాతం రీచార్జ్ ప్లాన్ ధరలు పెరుగుతాయి. ఉదాహరణకు, ఒక రీచార్జ్ ప్లాన్ ధర 500 రూపాయలు ఉంటే, అది 12 శాతం పెరిగితే అదే ప్లాన్ కోసం 560 రూపాయలు చెల్లించాలి. అదే 15 శాతం పెరిగితే కస్టమర్ 575 రూపాయలు చెల్లించాల్సి రావచ్చు.

టెలికాం రంగంలో పెరుగుతున్న Duopoly

వాస్తవానికి, భారత్ టెలికాం మార్కెట్‌లో Jio, Airtel ఆధిపత్యం కొనసాగుతోంది. మరోవైపు Vodafone Idea, BSNL వంటి ఇతర ఆపరేటర్లు కూడా ఉన్నప్పటికీ, ప్రైవేట్ మొబైల్ మార్కెట్‌లో Jio, Airtel స్థానం పటిష్టంగా ఉంది. టెలికాం రంగంలో Duopoly గురించి చర్చ కొనసాగుతూనే ఉంటుంది. డుయోపోలీ అంటే ఒక రంగంలో ప్రధానంగా 2 కంపెనీల ఆధిపత్యం ఉండే మార్కెట్ కండీషన్. ఇలాంటి మార్కెట్‌లో 2 కంపెనీలు తమ టారిఫ్‌లు పెంచితే, వినియోగదారుల వద్ద సేవల కోసం మరో ఆప్షన్ ఉండదు.

SIM Limit India: సిమ్ కార్డులపై ఆగస్టు 24 నుంచి కొత్త రూల్స్ అమలు! ఇకపై ఒక వ్యక్తి ఎన్ని తీసుకోవచ్చు? నకిలీలను ఎలా గుర్తించాలి?

Khagesh — Fri, 21 Aug 2026 09:42:01 +0530

SIM Limit India: భారత్‌లో టెలికాం భద్రతను పటిష్టం చేయడానికి, పెరుగుతున్న సైబర్ నేరాలు ముఖ్యంగా " డిజిటల్ అరెస్టు" మోసాలను నిరోధించడానికి కేంద్ర ప్రభుత్వం ఒక కీలకమైన నిర్ణయాన్ని తీసుకుంది. కేంద్ర ప్రభుత్వ పరిధిలోని టెలికమ్యూనికేషన్స్‌ శాఖ ఆగస్టు 17 నాటి అధికారిక సర్క‌యులర్‌ ద్వారా దేశంలోని టెలికాం ఆపరేటర్‌లకు కఠినమైన ఆదేశాలను జారీ చేసింది. ఈ సర్క్యులర్‌ ప్రకారం ఒక వ్యక్తి పేరుపై ఇప్పటికే అనుమతించిన గరిష్ట సంఖ్యలో సిమ్ కార్డులు ఉంటే, వారికి కొత్త కనెక్షన్‌లను జారీ చేయడానికి లేదు.

ఆగస్టు 24 నుంచి ఈ కొత్త నిబంధనలు అధికారికంగా అమలులోకి రానున్నాయి. దీని ప్రకారం కస్టమర్‌ అయినా తమ పేరుపై నిర్దేశిత పరిమితికి మించి కొత్త సిమ్‌ కనెక్షన్ పొందడానికి ప్రయత్నిస్తే, టెలికాం ఆపరేటర్లు ఆ అభ్యర్థనను తిరస్కరించాలి. ఈ నిబంధనల అమలు కోసం ప్రభుత్వం సరికొత్త టెక్నాలజీని రంగంలోకి దించుతోంది.

సిమ్ కార్డు పరిమితులు అన్ని చోట్ల ఒకేలా ఉందా ?

భారత్‌లో ఒక వ్యక్తి తన పేరుపై గరిష్టంగా ఎన్ని సిమ్‌కార్డులను కలిగి ఉండవచ్చనే రూల్ కొత్తది కాదు. కానీ అమలు చేసే పద్ధతిని ఇప్పుడు మార్చారు. దేశంలోని సాధారణ ప్రాంతాల్లో ఒక వ్యక్తి తన పేరుపై గరిష్టంగా 9 మొబైల్ కనెక్షన్‌లను మాత్రమే పొందేందుకు అర్హత కలిగి ఉంటారు. అయితే వ్యూహాత్మక, భద్రత కారణాల దృష్ట్యా కొన్ని నిర్దిష్ట ప్రాంతాల్లో ఈ పరిమితి భిన్నంగా ఉంటుంది. జమ్మూకశ్మీర్‌, అసోం, ఈశాన్య రాష్ట్రాల పరిధిలోని నివసించే వారికి గరిష్ట పరిమితి కేవలం ఆరే. ఈ పరిమితిని మించి ఎవరికైనా అదనపు సిమ్ కార్డులు ఉన్నట్టు తేలితే వాటిని గుర్తించి వెంటనే డిస్‌కనెక్ట్ చేస్తారు. ఒక వేళ ఒకే వ్యక్తి వద్ద పరిమితికి మించి అదనపు సిమ్‌లు కాలక్రమంలో వారు చివరగా కొనుగోలు చేసిన నెంబర్లను మొదటగా డిస్‌కనెక్ట్ చేస్తారు.

డిజిటల్ ఇంటెలిజెన్స్‌ ప్లాట్‌ఫామ్‌, ఫొటో వెరిఫికేషన్ విధానం

ఈ రూల్స్‌లను క్షేత్రస్థాయిలో విజయవంతంగా అమలు చేయడానికి కేంద్ర ప్రభుత్వం డిజిటల్ ఇంటెలిజెన్స్‌ ప్లాట్‌ ఫామ్‌ అనే కేంద్రీకృత వ్యవస్థను ఉపయోగిస్తోంది. వివిధ టెలికాం ఆపరేటర్ల నుంచి సేకరించిన సబ్‌స్క్రైబర డేటాను ఈ ప్లాట్‌మాప్‌లో అనుసంధానిస్తారు.

ఈ నూతన విధానంలో అత్యంత ముఖ్యమైన మార్పు ఫొటో- ఆధారిత గుర్తింపు ప్రక్రియ. ఆగస్టు 23 నుంచి తమ పేరుపై గరిష్ట పరిమితికి చేరిన వినియోగదారుల ప్రతినిధి ఫొటోలు డిజిటల్‌ ఇంటెలిజెన్స్‌ ప్లాట్‌ఫామ్‌పై అందుబాటులో ఉంటాయి. టెలికాం సర్వీస్‌ ప్రొవైడర్లు ఈ ఫొటోల డేటాను ప్రతిరోజూ డౌన్‌లోడ్‌ చేసుకోవాల్సి ఉంటుంది. కొత్త సిమ్‌ కార్డు కోసం ఎవరైనా దరఖాస్తు చేసుకున్నప్పుడు, టెలికాం ఆపరేటర్లు దరఖాస్తుదారుని వివరాలను ఈ డీఐపీ డేటాతో సరిపోల్చి చూస్తారు. ఒకవేళ దరఖాస్తుదారుడు ఇప్పటికే పరిమితికి దాటినట్టు గుర్తిస్తే, వారికి కొత్త సిమ్ కార్డు జారీ చేయడానికి నిరాకరిస్తారు.

టెలికాం ఆపరేటర్లకు గడువు

టెలికమ్యూనికేషన్స్‌ శాఖ ఈ టెక్నికల్ ప్రక్రియను తమ సిస్టమస్‌తో అనుసంధానించడానికి టెలికాం ఆపరేటర్లకు నవంబర్‌ 30 వరకు గడువు ఇచ్చింది. ఈ లోగా టెలికాం ఆపరేటర్లు తమ కౌంటర్లలో కస్టమర్ల దరఖాస్తులను తనిఖీ చేసేందుకు రియల్‌ టైమ్‌ వ్యవస్థను ఏర్పాటు చేసుకోవాలి.

అయితే నవంబర్‌ 30 నాటికి పూర్తి స్థాయి ఆటోమేటెడ్‌ రియల్ టైమ్‌ తనిఖీ విధానం అమల్లోకి వచ్చే వరకు, తాత్కాలికంగా ఒక ప్రత్యామ్నాయ నియమాన్ని ప్రవేశపెట్టారు. దీని ప్రకారం టెలికాం కంపెనీలు తాత్కాలికంగా రోజువారీ ఆధారంగా తనిఖీలు నిర్వహిస్తారు. ఈ తనిఖీలలో ఎవరికైనా నిర్దేశిత పరిమితికి మించి అదనపు మొబైల్‌ కనెక్షన్లు యాక్టివేట్ అయినట్టు తేలితే, ఆ సిమ్ కార్డును కస్టమర్‌ అప్లికేషన్ ఫార్మ్‌ నిబంధనల ప్రకారం వెంటనే ఒక రోజు పాటు సస్పెండ్ చేస్తారు. ఆ సమస్య పరిష్కారం అయ్యేంత వరకు ఆ కనెక్షన్ సస్పెన్షన్‌లోనే ఉంటుంది.

ఈ కఠిన రూల్స్‌ ఎందుకు?

ప్రస్తుతం భారత్‌ని అతలాకుతలం చేస్తున్న అతి పెద్ద సైబర్ ముప్పుల్లో డిజిటల్ అరెస్టు మోసాలు ఒకటి. ఈ నేరాల తీవ్రత ఎంతగా పెరిగిపోయింది అంటే సుప్రీంకోర్టు స్వయంగా ఈ వ్యవహారంపై గత ఏడాది గత అక్టోబర్‌ నుంచి సుమోటోగా కేసును విచారిస్తోంది. ఈ రకమైన మోసాలను సైబర్‌ నేరగాళ్లు ఎక్కువగా ఇతరుల పేర్లపై లేదా నకిలీ పత్రాలు ద్వారా పరిమితి అమలు చేయడం ద్వారా నకిలీ ఐడెంటిటీలపై సిమ్‌లు తీసుకోవడం దాదాపు అసాధ్యం అవుతుందనని కేంద్రం విశ్వసిస్తోంది.

ఇండియన్ సైబర్‌ క్రైమ్‌ కోఆర్డినేషన్ సెంటర్‌ సమర్పించిన నివేదికల ప్రకారం, ప్రభుత్వం తీసుకుంటున్న కఠినమైన చర్యల వల్ల దేశంలో సైబర్‌ మోసాలు, ఆర్థిక నష్టాలు క్రమంగా తగ్గుముఖం పడుతున్నాయి. ప్రభుత్వ నివేదికల ప్రకారం ఇప్పటి వరకు సుమారు 36, 290 కేసుల్లో బాధితులు కోల్పోయిన సొమ్మును 57 బ్యాంకుల సహకారంతో విజయవంతంగా తిరిగి వాపస్ ఇప్పించారు. అంతేకాకుండా దేశంలోనని 19 రాష్ట్రాల్లో ఇ-జీరో ఎఫ్‌ఐఆర్‌ వ్యవస్ విజయవంతంగా నడుస్తోంది. దీని ద్వారా మోసపోయిన వెంటనే నిర్దిష్ట మొత్తం దాటిన కేసుల్లో ఆటోమేటిక్‌గా ఎఫ్‌ఐఆర్‌ నమోదు చేస్తున్నారు.

కేంద్ర ప్రభుత్వం కేవలం సిమ్‌ కార్డుల సంఖ్యను పరిమితం చేయడమే కాకుండా, టెలికాం రంగాన్ని మరింత సురక్షితంగా మార్చేందుకు మరికొన్ని అత్యాధునిక సాంకేతికతలను ప్రవేశపెట్టింది.

ఆర్టిఫిషియల్ ఇంటెలిజెన్స్‌ ఆధారిత సాఫ్ట్‌వేర్‌ టీల్‌ ASTR. నకిలీ పత్రాలు లేదా తప్పుడు వివరాలతో తీసుకున్న సిమ్ కార్డులను, అలాగే ఒకే వ్యక్తి పేరుపై అనుమతికి మించిన సిమ్ కనెక్షన్‌లను గుర్తించడానికి DoT ఈ ASTR సాంకేతికతను ఉపయోగిస్తోంది.

టెలికాం సంస్థలు దేశవ్యాప్తంగా కాలింగ్ నేమ్ ప్రెజెంటేషన్ వ్యవస్థను వేగంగా అందుబాటులోకి తెస్తున్నాయి. దీని ద్వారా మన మొబైల్‌కు ఏదైా తెలియని నంబర్‌ నుంచి కాల్ వచ్చినప్పుడు, ఆ ఫోన్ నెంబర్ తీసుకునే సమయంలో కస్టమర్‌ పూర్తి చేసిన KYC వివరాల ఆధారంగా వారి అసలు పేరు స్క్రీన్‌పై కనిపిస్తుంది. ఇది థర్డ్ పార్టీ యాప్‌ల మాదిరిగా క్రౌడ్‌ సోర్స్డ్‌ డేటా కాకుండా టెలికాం కంపెనీల అధికారిక కేవైసీ రికార్డులను ఉపయోగిస్తుంది.

తమ పేరిట ఉన్న సిమ్ కార్డును ఎలా చెక్ చేయాలి?

సైబర్ భద్రత కేవలం ప్రభుత్వ చర్యల పైనే కాకుండా పౌరుల అప్రమత్తతపై కూడా ఆధారపడి ఉంటుంది. మీ ప్రమేయం లేకుండా మీ పేరుపై ఎవరైనా నకిలీ సిమ్ కార్డులను వాడుతున్నారా లేదా అనేది సులభంగా తెలుకోవడానికి కేంద్రం సంచార్ సాథీ పోర్టల్‌ను అందుబాటులోకి తెచ్చింది.

కేవలం రెండు నిమిషాల్లో మీ మొబైల్ లేదా కంప్యూటర్‌ ద్వారా సులభమైన పద్ధతుల ద్వారా మీ పేరుపై ఉన్న నెంబర్ల జాబితాను చెక్ చేయవచ్చు.

స్టెప్‌-1 ముందుగా మీ వెబ్‌ బ్రౌజర్‌లో అధికారిక ప్రభుత్వ వెబ్‌సైట్‌ అయిన సంచార్‌ సాథీ పోర్టల్ ఓపెన్ చేయండి.
స్టెప్‌-2 హోమ్‌పేజీలో కిందికి స్క్రోల్ చేసి know Mobile connections in Your Name అనే ఆప్షన్ ఎంచుకోండి.
స్టెప్‌ -3 అక్కడ అందుబాటులో ఉన్న కాలమ్‌లో మీ ప్రస్తుత యాక్టివ్ మొబైల్ నెంబర్‌ను, స్క్రీన్‌పై కనిపించే క్యాప్చా కోడ్‌ను జాగ్రత్తగా ఎంటర్ చేయాలి.
స్టెప్‌-4 ఆ తర్వాత రిక్వెస్ట్ ఓటీపీపై క్లిక్ చేయండి. మీ మొబైల్‌ నంబర్‌కు వచ్చే వన్‌టైమ్‌ పాస్‌వర్డ్‌ని ఎంటర్‌ చేయడం ద్వారా మీ గుర్తింపును ధృవీకరించుకోండి.
స్టెప్‌-5 ధృవీకరణ విజయవంతంగా పూర్తి కాగానే, మీ ఆధార్‌ లేదా ఇతర గుర్తింపు పత్రాల ఆధారంగా దేశవ్యాప్తంగా నమోదై ఉన్న అన్ని యాక్టివ్‌ మొబైల్‌ కనెక్షన్‌ల జాబితా స్క్రీన్‌పై స్పష్టంగా కనిపిస్తోంది.

నకిలీ నెంబర్ కనిపిస్తే ఏం చేయాలి?

ఒక వేళ జాబితాలో మీ ప్రమేయం లేకుండా లేదా మీరు ఎప్పుడూ ఉపయోగించని ఏదైనా మొబైల్‌ నంబర్‌ గుర్తిస్తే, దాని పక్కే ఉండే This is not my number, Not Required అనే ఆప్షన్‌లను ఎంచుకుని రిపోర్ట్ చేయవచ్చు. మీరు రిపోర్ట్ చేసిన వెంటనే, ఆ సమాచారం సంబంధిత టెలికాం ఆపరేటర్‌ కంపెనీ చేరుతుంది. వారు విచారణ పూర్తి చేసి ఆ నకిలీ నెంబర్‌ను డిస్‌కనెక్ట్ చేస్తారు.

OTP Tip To Check Call History: పూర్తి కాల్ హిస్టరీ చేయడానికి OTPని ఎలా ఉపయోగించాలి?

Khagesh — Fri, 14 Aug 2026 12:57:41 +0530

OTP Tip To Check Call History: మీరు జియో వినియోగదారు అయితే, మీ మొబైల్ నంబర్ కాల్ హిస్టరీ లేదా కాల్ వివరాలు చూడాలనుకుంటే, జియో MyJio యాప్‌లోని ఒక ఫీచర్ బాగా యూజ్ అవుతుంది. దీని కోసం థర్డ్-పార్టీ యాప్ లేదా అనుమానాస్పద వెబ్‌సైట్‌ను ఉపయోగించాల్సిన అవసరం లేదు. వినియోగదారులు తమ ఖాతాలోకి లాగిన్ అయిన తర్వాత, వారి కాల్ వివరాలను చూసేందుకు జియో అనుమతిస్తుంది.

OTP సహాయంతో కాల్ హిస్టరీని ఎలా చూడాలి?

ముందుగా, మీ ఫోన్‌లో MyJio యాప్‌ను ఓపెన్ చేయండి. ఆ తర్వాత, మీ జియో మొబైల్ నంబర్‌తో లాగిన్ అవ్వండి. లాగిన్ సమయంలో మీ రిజిస్టర్డ్ జియో నంబర్‌కు ఒక OTP వస్తుంది. OTPని ఎంటర్ చేసిన తర్వాత, మీ జియో ఖాతా ఓపెన్ అవుతుంది. ఇప్పుడు, యాప్‌లో మీ మొబైల్ కనెక్షన్‌ను ఎంచుకుని, 'చెక్ యూసేజ్' (Check Usage) ఆప్షన్‌కు వెళ్లండి. ఇక్కడ, మీ నంబర్ నుంచి చేసిన కాల్స్‌కు సంబంధించిన వివరాలు మీకు కనిపిస్తాయి. మీకు ఒక నిర్దిష్ట కాలానికి సంబంధించిన కాల్ వివరాలు కావాలంటే, మీరు MyJioలోని 'స్టేట్‌మెంట్' (Statement) ఆప్షన్‌ను కూడా ఉపయోగించవచ్చు. ఒక తేదీ కాలాన్ని ఎంచుకోవడం ద్వారా అందుబాటులో ఉన్న వినియోగ స్టేట్‌మెంట్‌ను చూడవచ్చు. జియో ప్రకారం, గత 6 నెలల్లోని ఏ కాలానికైనా గరిష్టంగా 30 రోజుల స్టేట్‌మెంట్‌ను పొందవచ్చు.

ఈ ఫీచర్ ప్రయోజనాలేంటీ?

ఈ ఫీచర్ అతిపెద్ద ప్రయోజనం ఏంటంటే, మీ జియో నంబర్ కాల్ వినియోగానికి సంబంధించిన సమాచారాన్ని ఫోన్ కాల్ లాగ్‌కు వెలుపల కూడా చూడవచ్చు. ఫోన్‌లో పాత కాల్ ఎంట్రీలు అందుబాటులో లేకపోతే, జియో యూజర్ స్టేట్‌మెంట్‌లో లభించే సమాచారం ఉపయోగకరంగా ఉంటుంది. ఒక నిర్దిష్ట తేదీ లేదా కాలంలో తమ నంబర్ నుంచి చేసిన అవుట్‌గోయింగ్ కాల్‌ల రికార్డును చూడాలనుకునే వారికి కూడా ఈ ఫీచర్ ఉపయోగపడుతుంది. అందుబాటులో ఉన్న స్టేట్‌మెంట్‌ను సురక్షితంగా ఉంచుకోవడానికి, దానిని PDFగా డౌన్‌లోడ్ చేసుకునే లేదా ఇమెయిల్ ద్వారా పొందే ఆప్షన్ కూడా ఉంది.

మీ OTPని ఎవరితోనూ పంచుకోవద్దు

మీ జియో నంబర్ ఖాతాను కన్ఫామ్‌ చేసుకోవడానికి OTP ఉపయోగపడుతుంది. అందువల్ల, మీ OTPని మరెవరితోనూ పంచుకోవద్దు. ఎవరైనా మీకు కాల్ చేసినా లేదా మెసేజ్ పంపినా, మీ OTP అడిగి, మీ కాల్ హిస్టరీని చెబుతామంటే జాగ్రత్తగా ఉండటం ముఖ్యం.

iPhone Sypware Alert: ఐఫోన్ వినియోగదారులకు బిగ్ అలర్ట్‌! 110 దేశాల్లో ఆపిల్ స్పైవేర్ హెచ్చరిక!

Khagesh — Fri, 14 Aug 2026 12:25:28 +0530

iPhone Sypware Alert: ఆపిల్ ఐఫోన్‌లను ప్రపంచవ్యాప్తంగా ఎంతో ఇష్టపడతారు. అవి భారత్‌లో ఒక హోదా చిహ్నంగా మారాయి. కొందరు తమ హోదాను నిలబెట్టుకోవడానికి వాటిని కొనుగోలు చేస్తే, మరికొందరు అవి అందించే ప్రీమియం ఫీచర్ల కోసం కొంటారు. ఈ పరిస్థితుల్లో, ప్రపంచవ్యాప్తంగా ఉన్న ఐఫోన్ వినియోగదారులకు ఆపిల్ ఒక తీవ్రమైన భద్రతా హెచ్చరికను జారీ చేసింది. ఫలితంగా, ఐఫోన్ వినియోగదారులు ఇప్పుడు సైబర్ దాడుల ప్రమాదంలో ఉన్నారు. ఈ ప్రమాదాల గురించి తెలుసుకుందాం.

110 దేశాల్లో హెచ్చరిక జారీ

మీడియా నివేదికల ప్రకారం, ఆపిల్ ఇటీవల సుమారు 110 దేశాల్లోని ఐఫోన్ వినియోగదారులకు స్పైవేర్ హెచ్చరిక జారీ చేసింది. ఐఫోన్ వినియోగదారులు ప్రమాదకరమైన స్పైవేర్ బారిన పడొచ్చని ఆ సంస్థ భావిస్తోంది.

ఆపిల్ ప్రకారం, ఇది ఒక సాధారణ సైబర్ దాడి కాదు. వాస్తవానికి, ప్రైవేట్ కంపెనీలు అభివృద్ధి చేసిన, కొన్ని సందర్భాల్లో ప్రభుత్వ సంస్థలు ఉపయోగించగల అత్యంత అధునాతన స్పైవేర్ మోడల్‌గా ఆ కంపెనీ పరిగణిస్తోంది.

గమనించాల్సిన విషయం ఏమిటంటే, ఈ రకమైన స్పైవేర్‌ను ఏదైనా ఐఫోన్ లేదా ఇతర పరికరంలోకి ప్రవేశపెట్టడానికి అత్యంత అధునాతన సాంకేతికతను ఉపయోగిస్తారు. అంతేకాకుండా, వినియోగదారుడు దాడి గురించి తెలుసుకునేలోపే అప్పటికే భారీ నష్టం జరిగిపోయి ఉంటుంది.

ఐఫోన్‌లో ముప్పు నోటిఫికేషన్‌ను ఎలా పొందాలి?

ఒక పరికరంలో అధునాతన స్పైవేర్ దాడికి సంబంధించిన సంకేతాలను ఆపిల్ గుర్తిస్తే ఆ సమాచారాన్ని వినియోగదారునికి ఒకే చోట, కానీ అనేక విధాలుగా తెలియజేస్తుంది. వాటిలో మొదటిది ఐఫోన్ లాక్ స్క్రీన్, సెట్టింగ్స్‌లో సెక్యూరిటీ అలర్ట్ జారీ చేస్తుంది.

వినియోగదారులు తమ ఆపిల్ ఖాతాను యాక్సెస్ చేస్తే ఈ దాడి సమాచారాన్ని పొందవచ్చు. వారి ఇమెయిల్ చిరునామాకు కంపెనీ హెచ్చరికలను పంపిస్తుంది. గమనించదగ్గ విషయం ఏమిటంటే, హెచ్చరిక పంపినప్పుడల్లా, ఐఫోన్ వినియోగదారులు స్క్రీన్‌పై ముప్పు అలర్ట్ నోటిఫికేషన్‌ చూపిస్తుంది.

ఇంతటి అధునాతన స్పైవేర్‌ను సాధారణంగా సామాన్య ప్రజలపై యూజ్ చేయబోరని కంపెనీ చెబుతోంది. దాడి చేసేవారు పాత్రికేయులు, రాజకీయ నాయకులు, దౌత్యవేత్తలు లేదా ఉన్నత స్థాయి వ్యాపారవేత్తలను లక్ష్యంగా చేసుకోవచ్చు. అందువల్ల, ఐఫోన్ వినియోగదారులందరూ ఈ స్పైవేర్ వల్ల ప్రమాదంలో ఉన్నారని చెప్పడం సరికాదు. అయినప్పటికీ, ఎలాంటి హాని జరగకుండా వినియోగదారులు జాగ్రత్త వహించాలి.

ఆపిల్ వినియోగదారులకు సలహా

ఇక్కడ గమనించాల్సిన విషయం ఏమిటంటే, అటువంటి హెచ్చరికను అందుకున్న ఐఫోన్ వినియోగదారులు డివైజ్ లాక్‌డౌన్ మోడ్ ఫీచర్‌ను ఉపయోగించాలని ఆపిల్ సూచించింది. లాక్‌డౌన్ మోడ్ అనేది డివైజ్‌లో ఉండే ఒక భద్రతా ఫీచర్, ఇది వినియోగదారులను సైబర్‌ దాడుల నుంచి రక్షించడంలో సహాయపడుతుంది.

మీకు ఆపిల్ అలర్ట్ వస్తే ఏం చేయాలి?

మీ సమాచారం కోసం, మీ ఐఫోన్‌లో అధికారిక డేంజర్‌ నోటిఫికేషన్ కనిపిస్తే, దానిని ఒక సాధారణ పాప్-అప్ అనుకుని విస్మరిస్తే ముప్పు తప్పదు. అందువల్ల, మీకు అలాంటి హెచ్చరిక వస్తే, ముందుగా మీ ఆపిల్ ఖాతాలోకి లాగిన్ అయి, హెచ్చరికను కన్ఫామ్ చేసుకోండి. ఆ తర్వాత, ఆపిల్ సిఫార్సు చేసిన భద్రతా ఫీచర్లను పాటించండి. ప్రస్తుతం, భారత్‌లో ఎంత మంది వినియోగదారులకు ఈ కొత్త దాడి హెచ్చరిక అందిందనే సమాచారం లేదు.

Microsoft Alert: హోటల్ వై-ఫైకి కనెక్ట్ అవ్వడం వల్ల మీ డేటా హ్యాక్‌! మైక్రోసాఫ్ట్ సీరియస్ వార్నింగ్!

Khagesh — Wed, 12 Aug 2026 07:04:39 +0530

Microsoft Alert: ఇంటర్నెట్ ఒక అవసరంగా మారింది. అందువల్ల, ప్రజలు హోటల్‌కు వెళ్లినప్పుడు, అక్కడ అందుబాటులో ఉన్న ఉచిత వై-ఫైని ఉపయోగించడం తరచుగా చూస్తుంటాం. ఈ సాంకేతిక ప్రపంచంలో సైబర్ నేరగాళ్లు కూడా చాలా అప్‌డేట్ అయ్యారని మీరు మర్చిపోవద్దు. వారు ప్రజలను మోసం చేయడానికి కొత్త పద్ధతులను ఉపయోగిస్తున్నారు. ఈ పరిస్థితుల్లో హోటల్ సందర్శకులకు మైక్రోసాఫ్ట్ ఒక ముఖ్యమైన హెచ్చరిక జారీ చేసింది.

మైక్రోసాఫ్ట్ హెచ్చరిక

మీడియా నివేదికల ప్రకారం, మైక్రోసాఫ్ట్ జూలై 31న విడుదల చేసిన ఒక నివేదికలో క్యాప్టివ్‌క్రంచ్ అనే సైబర్‌దాడి గురించి వెల్లడించింది. ఆ సంస్థ ప్రకారం, సైబర్ మోసగాళ్లు హోటల్, మీటింగ్ హాల్స్‌ వై-ఫై నెట్‌వర్క్‌ల సైన్-ఇన్ సిస్టమ్‌లను తమ ఆధీనంలోకి తీసుకుంటున్నారు. ఆ నెట్‌వర్క్‌లకు కనెక్ట్ అయ్యే వినియోగదారులకు నకిలీ సాఫ్ట్‌వేర్ అప్‌డేట్‌లు, నకిలీ లాగిన్ పేజీలు చూపిస్తున్నారు.

హోటల్ Wi-Fi సైన్-ఇన్ పేజీ లక్ష్యంగా

మీరు ఒక హోటల్‌లో చెక్-ఇన్ చేసి, దాని వై-ఫైకి కనెక్ట్ అయినప్పుడు, మీకు మొదటగా నిబంధనలు, షరతులను అంగీకరిస్తున్నామని చెప్పే లాగిన్ పేజీ కనిపిస్తుంది. దీనిని క్యాప్టివ్ పోర్టల్ అని పిలుస్తారు.

ఇప్పుడు, మైక్రోసాఫ్ట్ ప్రకారం, ఈ దాడి సరిగ్గా ఇదే సిస్టమ్‌ను లక్ష్యంగా చేసుకుంది. కొన్ని సందర్భాల్లో, దాడి చేసేవారు నెట్‌వర్క్ DNS, HTTP ట్రాఫిక్‌ను కూడా తారుమారు చేయగలరని చెబుతున్నారు. అంటే దాడి చేసేవారు ఒక వినియోగదారుని వారు లాగిన్ చేయాలనుకున్న వెబ్‌సైట్ లేదా పేజీ కాకుండా వేరొక వెబ్‌సైట్ లేదా పేజీకి మళ్లించగలరు.

నకిలీ మైక్రోసాఫ్ట్ లాగిన్‌తో మోసం

దాడి చేసేవారు ఉపయోగించే మరో పద్ధతి ఏమిటంటే, అసలైన మైక్రోసాఫ్ట్ సైన్-ఇన్ పేజీని సృష్టించడం ద్వారా వినియోగదారుడి లాగిన్ వివరాలు, సెషన్‌ను తమ ఆధీనంలోకి తీసుకుంటారు.

జూలై 16 నుంచి, వినియోగదారులను డివైస్ కోడ్ అథెంటికేషన్‌కు మళ్ళించే పేజీలను కూడా మైక్రోసాఫ్ట్ గమనించింది. ఇది మైక్రోసాఫ్ట్ చట్టబద్ధమైన లాగిన్ ఫీచర్, కానీ దాడి చేసేవారు దీనిని దుర్వినియోగం చేస్తున్నారు.

ఇంకా ప్రమాదకరమైన విషయం ఏమిటంటే, వినియోగదారు కోడ్‌ను నమోదు చేసే మైక్రోసాఫ్ట్ వెబ్‌సైట్ పూర్తిగా నిజమైంది. అయితే, వినియోగదారు ఎంటర్ చేసే కోడ్‌ను సైబర్ మోసగాళ్లే ప్రారంభిస్తారు. దీంతో మీరు నిజమైన సైట్లోకి వెళ్లి వివరాలు ఎంటర్ చేస్తే అవి ఆటోమేటిక్‌గా సైబర్ నేరగాళ్ల చేతికి వెళ్లిపోతాయి. అందుకే ఈ దాడి ఇతర పద్ధతుల కంటే మరింత అప్‌డేటెడ్‌గా కనిపిస్తుంది.

AI యూజ్ చేస్తున్నారు

మైక్రోసాఫ్ట్ ప్రకారం, స్టోర్మ్-2945 ఫిబ్రవరి నుంచి తన సైబర్ కార్యకలాపాలలో డివైస్ కోడ్ OAuth-ఆధారిత ఫిషింగ్ వంటి సాంకేతికతలతో సహా AIని ఉపయోగిస్తోంది. ఏ ఏఐ సిస్టమ్‌లను ఉపయోగించారో లేదా ఏ పనులను ఆటోమేట్ చేశారో మైక్రోసాఫ్ట్ స్పష్టం చెప్పలేదు.

మాల్వేర్ ఇన్‌స్టాల్ అయిన తర్వాత ఏం జరుగుతుంది?

సైబర్ నేరగాళ్ల చెప్పినట్టు కానీ, వారు ఇన్‌స్టాల్ చేసిన సాఫ్ట్‌వేర్‌ సూచించినట్టు వినియోగదారుడు చేస్తే, వారి డేటా ఓపెన్ అవుతుంది. మైక్రోసాఫ్ట్ ప్రకారం, దాడి చేసేవారు ఇన్ఫెక్ట్ అయిన పరికరంలో అనేక రకాల కార్యకలాపాలను నిర్వహించగలరు.

కీబోర్డుపై టైప్ చేసిన సమాచారాన్ని రికార్డ్ చేయడం
స్క్రీన్‌షాట్ తీసుకోవడం
ఆడియో, వీడియో రికార్డింగ్
బ్రౌజర్ కుకీలను చోరీ చేయడం
సేవ్ చేసిన పాస్‌వర్డ్‌లను తిరిగి పొందడం
USB డ్రైవ్ కార్యకలాపాలను పర్యవేక్షించడం
పవర్‌షెల్ లేదా కమాండ్ ప్రాంప్ట్ ద్వారా రిమోట్ ఆదేశాలను అమలు చేయడం
మీరు నియంత్రించే ప్రాక్సీ ద్వారా ఇంటర్నెట్ ట్రాఫిక్‌ను మళ్లించండి

ఈ విధంగా, దాడి చేసే వ్యక్తి కేవలం ఒక పరికరానికే పరిమితం కాకుండా, దానికి సంబంధించిన ఖాతాలను, ఇతర ముఖ్యమైన సమాచారాన్ని కూడా యాక్సెస్ చేయగలడు.

ఆండ్రాయిడ్ వినియోగదారులూ జాగ్రత్త

ఇది కేవలం విండోస్ వినియోగదారులకు మాత్రమే ప్రమాదకరం కాదని, ఆండ్రాయిడ్ వినియోగదారులను కూడా ప్రభావితం చేయగలదని గమనించాలి. వాస్తవానికి, కొన్ని క్లిక్‌ఫిక్స్ పేజీలు ఆండ్రాయిడ్ వినియోగదారులను బయటి నుంచి ఒక APK ఫైల్‌ను డౌన్‌లోడ్ చేసి, ఇన్‌స్టాల్ చేసుకోమని కూడా అడుగుతాయి. అయితే, మైక్రోసాఫ్ట్ ప్రకారం, ఆండ్రాయిడ్ కోసం ఉపయోగించే టూల్స్ ప్రస్తుతం విండోస్ వెర్షన్ కంటే యాక్టివ్‌నెస్ తక్కువగా ఉన్నాయి.

హోటల్ వై-ఫైని ఉపయోగిస్తున్నప్పుడు ఏం చేయాలి?

ఈ రోజుల్లో హోటల్ వై-ఫై సైబర్ నేరగాళ్లకు సులభమైన లక్ష్యంగా మారిందన్నది గమనించాల్సిన విషయం. అందువల్ల, హోటళ్లలో సైబర్ దాడులను నివారించడానికి, కొన్ని ముఖ్యమైన విషయాలను గుర్తుంచుకోవాలి. సాధ్యమైన చోట, వ్యక్తిగత మొబైల్ హాట్‌స్పాట్‌ను ఉపయోగించండి. ఇది దాడి చేసేవారు హోటల్ వై-ఫై నెట్‌వర్క్‌కు కనెక్ట్ అయ్యే ప్రమాదాన్ని గణనీయంగా తగ్గిస్తుంది.

అదనంగా, మీరు తప్పనిసరిగా గెస్ట్ Wi-Fiని ఉపయోగించాల్సి వస్తే, VPNని ఉపయోగించడం ఒక మంచి ఆప్షన్. అలాగే, Wi-Fi క్యాప్టివ్ పోర్టల్‌లో కనిపించే గుర్తు తెలియని వాటిని డౌన్‌లోడ్‌, ఇన్‌స్టాలేషన్‌లను చేయొద్దు.

VIP Mobile Number:విఐపి మొబైల్ నంబర్‌ ఎలా తీసుకోవచ్చు? దాని ప్రక్రియ, ఖర్చు గురించి తెలుసా?

Khagesh — Tue, 11 Aug 2026 07:47:46 +0530

VIP Mobile Number: ఎవరికైనా కాల్ చేయడానికి, మీరు వారి మొబైల్ నంబర్‌ను డయల్ చేస్తే సరిపోతుంది. చాలా మందికి సులభంగా గుర్తుంచుకోగలిగే లేదా ప్రత్యేకమైన నంబర్లు ఉంటాయి. అటువంటి మొబైల్ నంబర్లను విఐపి నంబర్లు అంటారు. అయితే, విఐపి నంబర్‌ను ఎలా కొనుగోలు చేయాలో, దాని ప్రక్రియ ఏమిటో? దాని ధర ఎంత ఉంటుందో మీకు తెలుసా?

విఐపి లేదా ఫ్యాన్సీ మొబైల్ నంబర్ అంటే ఏమిటి?

సమాచారం ప్రకారం, VIP మొబైల్ నంబర్ అంటే 9999, 0000, 1234, 786, 1111 వంటి నిర్దిష్ట అంకెల సరళిని లేదా సులభంగా గుర్తుంచుకోగలిగే మరేదైనా కలయికను కలిగి ఉండే నంబర్.

ఇలాంటి నంబర్లు సాధారణ మొబైల్ నంబర్ల కంటే మరింత ప్రత్యేకమైనవిగా గుర్తిస్తారు. చాలా మంది తమ పుట్టిన తేదీ, వాహన నంబర్ లేదా ఇతర ప్రత్యేక తేదీలకు సంబంధించిన నంబర్లను తమ మొబైల్ నంబర్లలో చేర్చుకోవడానికి కూడా ఇష్టపడతారు.

VIP నంబర్‌కు ఎంత ఖర్చవుతుంది?

దీనికి నిర్థిష్టమైన రేటు అంటూ ఏం లేదు. ఒక VIP నంబర్ ధర దాని మోడల్, లభ్యత, ఆపరేటర్ పాలసీలపై ఆధారపడి ఉంటుంది. సాధారణ కస్టమ్ నంబర్‌లు తరచుగా రెగ్యులర్ సిమ్ లేదా ప్లాన్ ధరకే లభిస్తాయి, అయితే అత్యంత ప్రత్యేకమైన నంబర్‌లకు అదనపు ఖర్చులు ఉండవచ్చు. కొన్ని ప్రత్యేక నంబర్‌లకు ఇంకా గణనీయంగా ఎక్కువ ఖర్చు కావచ్చని గమనించాలి.

అందువల్ల, మీకు 9999, 0000, లేదా రిపీట్ అయ్యే అంకెలు గల నంబర్ కావాలంటే, దాని ధర సాధారణ నంబర్ కంటే చాలా ఎక్కువగా ఉంటుంది. కాబట్టి, నంబర్‌ను ఎంచుకునే ముందు, కంపెనీ ఫీజులను చెక్ చేయడం ముఖ్యం. కంపెనీ పేర్కొన్న తుది ఫీజును ఎల్లప్పుడూ చెక్ చేయండి.

మీకు నచ్చిన నంబర్‌ను ఎలా పొందాలి

మీ సమాచారం కోసం, VIP నంబర్‌ను పొందడం చాలా సులభం. దీనికోసం, మీ టెలికాం ఆపరేటర్ అందించే సేవలను చెక్ చేయండి. కొత్త కనెక్షన్ లేదా సిమ్ కొనుగోలు చేసేటప్పుడు, చాలా ఆపరేటర్లు అనేక రకాల నంబర్ల నుంచి ఎంచుకునే అవకాశాన్ని అందిస్తారు. దీనికోసం, మీరు సాధారణంగా సంబంధిత టెలికాం కంపెనీ వెబ్‌సైట్ లేదా యాప్‌ను సందర్శించాల్సి ఉంటుంది.

తర్వాత, కొత్త మొబైల్ కనెక్షన్ పొందడానికి ఆప్షన్‌ను ఎంచుకోండి. అందుబాటులో ఉంటే, ఛాయిస్ నంబర్/ఫ్యాన్సీ నంబర్ ఆప్షన్‌ను ఎంచుకోండి. మీకు నచ్చిన నంబర్ ప్యాటర్న్ కోసం వెతకండి. అందుబాటులో ఉన్న నంబర్ల జాబితా నుంచి మీకు నచ్చిన నంబర్‌ను ఎంచుకోండి. ఆ తర్వాత, సిమ్, కేవైసీ ప్రక్రియను పూర్తి చేయండి. ఇప్పుడు, మీకు నచ్చిన నంబర్ కోసం ఫీజులు చెల్లించండి.

ఆ తర్వాత కొద్దిసేపటికే మీ నంబర్ యాక్టివేట్ అవుతుంది. అన్ని నంబర్లు అన్ని వేళలా అందుబాటులో ఉండవని గుర్తుంచుకోండి. ఇప్పటికే వేరొక వినియోగదారుడి వద్ద ఉన్న నంబర్‌ను సాధారణ ప్రక్రియ ద్వారా పొందడం సాధ్యపడదు.

అదృష్ట సంఖ్యల కోసం ఎక్కువ చెల్లించాల్సిన అవసరం ఉందా?

అదృష్ట సంఖ్య కోసం మీరు ఎల్లప్పుడూ అదనంగా చెల్లించాల్సిన అవసరం లేదు. మీకు ఇష్టమైన అంకెలు ఉన్న సంఖ్య మాత్రమే కావాలంటే, ముందుగా ఉన్న 'ఛాయిస్ నంబర్' ఎంపికను చూడటం ఉత్తమం. తరచుగా, అందుబాటులో ఉన్న నెంబర్స్‌లో మీకు ఇష్టమైన నంబర్ను మీరు ఎంచుకోవచ్చు. అయితే, మీకు చాలా ప్రత్యేకమైన, పూర్తిగా విలక్షణమైన నంబర్ కావాలంటే, మీరు అదనంగా చెల్లించాల్సి ఉంటుంది.

నంబర్ తీసుకునే ముందు ఈ విషయాలను గుర్తుంచుకోండి

గమనించవలసిన ముఖ్య విషయం ఏమిటంటే, VIP నంబర్‌ను కొనుగోలు చేసేటప్పుడు, ఆ నంబర్ ప్రత్యేకమైందని ధృవీకరించుకుంటే సరిపోదు. ముందుగా, ఆ నంబర్ ఏ కంపెనీ నెట్‌వర్క్‌లో అందుబాటులో ఉందో, ఏ ప్లాన్ వర్తిస్తుందో చెక్‌ చేయండి.

అంతేకాకుండా, వీఐపీ నంబర్ ఇప్పిస్తామనే నెపంతో ఏ తెలియని వెబ్‌సైట్‌కు గానీ, వ్యక్తికి గానీ డబ్బు పంపవద్దు. సిమ్ కార్డులను ఎల్లప్పుడూ అధికారిక టెలికాం ఛానెళ్ల ద్వారానే కొనుగోలు చేయాలి. కేవైసీ ప్రక్రియను అనుసరించాలి. ఎవరైనా మీకు చాలా తక్కువ ధరకు ఒక ప్రత్యేకమైన నంబర్‌ను ఇస్తామని చెబితే, మీరు ముందుగా వారి గురించి క్షుణ్ణంగా విచారించాలి.

నా పాత నంబర్‌ను VIP నంబర్‌గా మార్చుకోగలనా?

మీ సమాచారం కోసం, మీ ప్రస్తుత మొబైల్ నంబర్‌లోని అంకెలను మార్చుకోవడం సాధారణంగా కష్టం. మీకు ఒక నిర్దిష్ట నంబర్ కావాలంటే, మీరు కొత్త సిమ్ కొనుగోలు చేయాల్సి ఉంటుంది. అయితే, ఆపరేటర్ ప్రస్తుత సేవలను బట్టి నియమాలు మారవచ్చు. అందువల్ల, నంబర్‌ను కొనుగోలు చేసే ముందు కంపెనీ అధికారిక సమాచారాన్ని తప్పకుండా చెక్ చేయాలి.

ప్రీపెయిడ్ కస్టమర్లకు సైతం స్పాటిఫై ప్రీమియం సహా 3 సేవలు అందిస్తున్న Vi

Shankar Dukanam — Tue, 4 Aug 2026 18:39:35 +0530

ప్రముఖ టెలికాం సంస్థ Vi 3 కొత్త ప్రీపెయిడ్ రీఛార్జ్ ప్లాన్‌లను ప్రకటించింది. ఎలాంటి అదనపు ఛార్జీలు లేకుండా స్పాటిఫై ప్రీమియం సబ్‌స్క్రిప్షన్‌ను అందిస్తోంది. ఒకే రీఛార్జ్‌తో ప్రీమియం సంగీతం, వినోదం, అధునాతన డేటా ప్రయోజనాలను పొందేలా ఈ ప్లాన్లు, మ్యూజిక్ ఆఫర్‌తో వస్తున్న అత్యంత పొదుపుగా ఉన్నాయి. యువతలో డిజిటల్ కనెక్టివిటీని పెంచడంలో మ్యూజిక్ కీలకం అని, దీనిని దృష్టిలో ఉంచుకుని Vi తన ఫ్లాగ్‌షిప్ ప్రీపెయిడ్ ప్లాన్లలో స్పాటిఫై ప్రీమియం యాడ్ చేసింది. వినియోగదారులు ఎలాంటి ప్రకటనల అంతరాయం లేకుండా పాటలు వినడం, ఆఫ్‌లైన్ డౌన్‌లోడ్‌ చేసుకోవడం, అత్యుత్తమ ఆడియో క్వాలిటీతో ప్రీమియం మ్యూజిక్ స్ట్రీమింగ్‌ను మరింత సులభంగా పొందే అవకాశం లభిస్తుంది.

అధిక డేటా, ఎంటర్‌టైన్మెంట్‌కు ప్రాధాన్యం ఇచ్చే వినియోగదారుల కోసం Vi రూ.435 ప్లాన్‌ను తీసుకొచ్చింది. ఈ ఫ్లాగ్‌షిప్ Vi నాన్‌-స్టాప్ హీరో ప్రీపెయిడ్ ప్లాన్‌ ద్వారా ఎలాంటి అదనపు ఛార్జీలు లేకుండా స్పాటిఫై ప్రీమియం పొందవచ్చు. 28 రోజుల వ్యాలిడిటీతో వచ్చే ఈ ప్లాన్‌లో అపరిమిత 4G/5G డేటా, అన్‌లిమిటెడ్ కాల్స్, రోజుకు 100 SMSలు, జియో హాట్‌స్టార్ (మొబైల్) సబ్‌స్క్రిప్షన్ లభిస్తాయి. ఎక్కువగా కంటెంట్ చూసే వారికి ఒకే రీఛార్జ్‌తో ప్రీమియం మ్యూజిక్, వినోదం, నిరంతర కనెక్టివిటీని అందిస్తున్న ప్లాన్ గా మారుతుంది.

ప్రీమియం మ్యూజిక్ స్ట్రీమింగ్‌ను అందరికీ చేరువ చేస్తూ, Vi రూ.250 ప్రీపెయిడ్ ప్లాన్‌ తీసుకొచ్చింది. 28 రోజుల చెల్లుబాటుతో వచ్చే ఈ ప్లాన్ ద్వారా ఎలాంటి అదనపు ఛార్జీలు లేకుండా స్పాటిఫై ప్రీమియంతో పాటు 2GB డేటా, అపరిమిత కాల్స్, 300 SMSలు లభిస్తాయి.

అదనపు టాపప్ ప్యాక్ కోరుకునే వినియోగదారుల కోసం రూ.230 ప్యాక్‌ తీసుకొచ్చింది. ఎలాంటి అదనపు ఛార్జీ లేకుండా స్పాటిఫై ప్రీమియంతో పాటు జియోహాట్‌స్టార్, జీ5, సోనీలివ్, ఫ్యాన్ కోడ్, లయన్స్ గేట్ ప్లే సహా 20కి పైగా ప్రముఖ OTT ప్లాట్‌ఫారమ్‌లను అందిస్తోంది. 28 రోజుల వ్యాలిడిటీ ప్యాక్‌లో 30GB హై-స్పీడ్ డేటా పొందుతారు. ఈ ప్రయోజనాన్ని పొందేందుకు వినియోగదారులు సంబంధిత ప్యాక్‌తో రీఛార్జ్ చేసుకుంటే సరిపోతుంది.

ఆ తర్వాత Vi యాప్‌లోని యాక్టివ్ సర్వీసెస్ కింద ఉన్న Claim Benefits పేజీకి వెళ్లి, స్పాటిఫై ప్రీమియం పక్కన ఉండే Claimపై క్లిక్ చేయాలి. తరువాత తమ స్పాటిఫై ఖాతాలోకి సైన్ ఇన్ అవ్వడం లేదా కొత్త అకౌంట్ ప్రారంభించడం ద్వారా ఈ ప్రీమియం సబ్‌స్క్రిప్షన్‌ను మీరు వెంటనే యాక్టివేట్ చేసుకోవచ్చు.

స్పాటిఫై ప్రీమియం బెనిఫిట్ అనేది Vi రీఛార్జ్ వ్యాలిడిటీతో ముడిపడి ఉంటుంది. ప్లాన్ గడువు ముగిసిన తర్వాత తిరిగి తగిన ప్యాక్‌తో రీఛార్జ్ చేసుకుంటే కస్టమర్లు ప్రకటనలు లేని మ్యూజిక్ స్ట్రీమింగ్‌ను పొందవచ్చు. Vi వినియోగదారులు తమ పాత స్పాటిఫై ఖాతా వివరాలతో లేదా కొత్త ఖాతాను క్రియేట్ చేయడం ద్వారా Vi యాప్ సహాయంతో ఈ ఆఫర్‌ను పొందవచ్చు.

ఈ సరికొత్త ఆఫర్ ద్వారా Vi ఎంటర్‌టైన్మెంట్‌కు సంబంధించిన సేవలను మరింత బలోపేతం చేసింది. ఇప్పటికే విభిన్న ప్రీపెయిడ్, పోస్ట్‌పెయిడ్ ప్లాన్ల ద్వారా నెట్‌ఫ్లిక్స్ (Netflix), అమెజాన్ ప్రైమ్, జియోహాట్‌స్టార్, సోనీలివ్, జీ5 వంటి OTT ప్లాట్‌ఫాంలకు Vi యాక్సెస్ ఇస్తోంది. ఇప్పుడు స్పాటిఫై ప్రీమియం సేవలు అందుబాటులోకి రావడంతో వీఐ కస్టమర్లు మరిన్ని సేవలు పొందుతారు.