WhatsApp User ID: వాట్సాప్ ప్రస్తుతం ఒక ప్రధాన ఫీచర్ కారణంగా వార్తల్లో ఉంది. అది 'వాట్సాప్ యూజర్నేమ్' అనే ఫీచర్పై తీసుకొస్తోంది. ఇది వినియోగదారుల మొబైల్ నంబర్లను పరిరక్షించడంలో సహాయపడుతుందని కంపెనీ ప్రకటించింది. అయితే, ప్రస్తుతానికి దీనిని సులభంగా అమలు చేయడం సాధ్యమయ్యేలా కనిపించడం లేదు. కేంద్ర ప్రభుత్వం కూడా ఈ ఫీచర్ను పర్యవేక్షిస్తోంది. వాట్సాప్ యూజర్నేమ్ ఫీచర్ విషయంలో కేంద్ర ప్రభుత్వం కఠినంగా ఉంది. దానిపై ఒక విచారణ జరిపబోతోంది.
Also Read: వాట్సాప్లో సబ్స్క్రిప్షన్ ఆప్షన్ కాస్ట్ ఎంత? దీని వల్ల యూజ్ ఏంటీ? ఏయే ఫీచర్లు అందుబాటులో ఉన్నాయి?
అధికారిక వర్గాల సమాచారం ప్రకారం, కేంద్ర ప్రభుత్వం వాట్సాప్ యూజర్నేమ్ సమస్యను అధ్యయనం చేస్తుంది. అవసరమైతే, మెటాకు నోటీసు జారీ చేసే విషయాన్ని పరిశీలిస్తుంది. వాట్సాప్ యూజర్ ఐడీల వల్ల ఆన్లైన్ మోసాలు పెరిగే అవకాశం ఉందని ప్రభుత్వం ఆందోళన చెందుతోంది. ఈ ఫీచర్కు సంబంధించిన భద్రత, గోప్యతా అంశాలను ప్రభుత్వం పరిశీలిస్తుంది.
యూజర్నేమ్ ఫీచర్పై వాట్సాప్ వాదన ఎలా ఉందంటే?
వాట్సాప్ ఈ సంవత్సరం జూన్ 29న తన యూజర్నేమ్ ఫీచర్ను ప్రకటించింది. కంపెనీ చెప్పిన దాని ప్రకారం, వినియోగదారులు ఇప్పుడు తమ ఫోన్లను సురక్షితంగా ఉంచుకోవడానికి యూజర్నేమ్ను ఎంచుకోవచ్చు. ఇప్పటికే ఈ ఫీచర్ కొందరు యూజర్లకు ఇప్పటికే అందుబాటులోకి వచ్చింది. కానీ ఈ ఫీచర్ సంవత్సరం చివరి నాటికి పూర్తి స్థాయిలో అమలులోకి తీసుకురావాలని మెటా ఆలోచన చేస్తోంది. ఈ ఫీచర్ భద్రత, ప్రైవసీకి మరో రక్షణ లేయర్గా కంపెనీ భావిస్తోంది. మెసేజ్ పంపాలనుకునే ఎవరైనా వారి యూజర్నేమ్ స్పెల్లింగ్ను తెలుసుకోవాల్సి ఉంటుంది.
Also Read: వాట్సాప్లో పంపిన ఫోటోలు బ్లర్ అవుతున్నాయా? క్వాలిటీ పెంచే చిట్కాలు ఇవే!
వినియోగదారులు ఒక ప్రత్యేకమైన పేరును ఎంచుకోవాల్సి ఉంటుందని వాట్సాప్ తన బ్లాగ్లో పేర్కొంది. కావాలనుకుంటే, వారు యూజర్నేమ్ జనరేటర్ ఫీచర్ను కూడా ఉపయోగించుకోవచ్చు. ఈ ఫీచర్ క్రియేటర్లు ,వ్యాపార సంస్థలు తమ ఆన్లైన్ ఇమేజ్ను బలోపేతం చేసుకోవడానికి సహాయపడుతుంది. వాట్సాప్ సెట్టింగ్స్లోకి వెళ్లడం ద్వారా ఈ ఫీచర్ను పొందవచ్చు. సెట్టింగ్స్లోకి వెళ్ళాక, అకౌంట్పై క్లిక్ చేసి, అక్కడ మీ యూజర్నేమ్ను నమోదు చేసుకోండి.
ఇలాంటి యూజర్ నేమ్ ఫీచర్ను ఇప్పటికే టెలిగ్రామ్లో అందుబాటులో ఉంది. ఆ యూజర్ నేమ్ ఫీచ్ కారణంగా టెలిగ్రామ్లో చాలా మోసాలు జరుగుతున్నాయనే ఆందోళన బలంగా ఉంది. యూజర్ నేమ్తో సులభంగా మోసాలు చేసే ప్రమాదం ఉందని చెబుతున్నారు.