Meizu 21 Price: మెయిజు 21 స్మార్ట్ ఫోన్‌ను చైనాలో అధికారికంగా లాంచ్ చేశారు. ఇందులో క్వాల్‌కాం స్నాప్‌డ్రాగన్ 8 జెన్ 3 ప్రాసెసర్‌ను అందించారు. 12 జీబీ వరకు ర్యామ్ ఇందులో ఉంది. ఫోన్ వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 200 మెగాపిక్సెల్‌గా ఉంది. నాలుగు వేర్వేరు కలర్ ఆప్షన్లలో దీన్ని కొనుగోలు చేయవచ్చు. డ్యూయల్ స్టీరియో స్పీకర్లు, ఐపీ54 రేటెడ్ బిల్ట్, 80W ఫాస్ట్ ఛార్జింగ్ సపోర్ట్ ఇందులో ఉన్నాయి. దీని బ్యాటరీ సామర్థ్యం 4800 ఎంఏహెచ్‌గా ఉంది.
మెయిజు 21 ధర (Meizu 21 Price)
ఇందులో మూడు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 8 జీబీ ర్యామ్ + 256 జీబీ స్టోరేజ్ వేరియంట్ ధర 3,399 యువాన్లుగా (మనదేశ కరెన్సీలో సుమారు రూ.39,000) ఉంది. 12 జీబీ ర్యామ్ + 256 జీబీ స్టోరేజ్ వేరియంట్ ధరను 3,699 యువాన్లుగానూ (మనదేశ కరెన్సీలో సుమారు రూ.43,000), 12 జీబీ ర్యామ్ + 512 జీబీ స్టోరేజ్ వేరియంట్ ధరను 3,999 యువాన్లుగానూ (మనదేశ కరెన్సీలో సుమారు రూ.45,000) నిర్ణయించారు. మెయిజు వైట్, రుయి గ్రీన్, స్మార్ట్ పర్పుల్, అన్‌బౌన్స్‌డ్ బ్లాక్ కలర్ ఆప్షన్లలో దీన్ని కొనుగోలు చేయవచ్చు.
మెయిజు 21 స్పెసిఫికేషన్లు, ఫీచర్లు (Meizu 21 Specifications, Features)
మెయిజు 21 స్మార్ట్ ఫోన్‌లో 6.55 అంగుళాల ఫుల్ హెచ్‌డీ+ డిస్‌ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్ కాగా, పీక్ బ్రైట్‌నెస్ 1100 నిట్స్‌గా ఉంది. సూపర్ ఎంటచ్ డిస్‌ప్లే 0.075 సెకన్ల రెస్పాన్స్ రేట్‌ను అందించనుంది. ఆక్టాకోర్ స్నాప్‌డ్రాగన్ 8 జెన్ 3 ప్రాసెసర్‌పై ఈ ఫోన్ పని చేయనుంది. 12 జీబీ వరకు ర్యామ్, అడ్రెనో 750 జీపీయూ కూడా ఈ ప్రాసెసర్‌కు పెయిర్ అయి ఉన్నాయి.
ఇక కెమెరాల విషయానికి వస్తే... ఫోన్ వెనకవైపు 200 మెగాపిక్సెల్ ప్రధాన కెమెరాను అందించారు. దీంతోపాటు 13 మెగాపిక్సెల్ అల్ట్రా వైడ్ యాంగిల్ సెన్సార్, 5 మెగాపిక్సెల్ టెలిఫొటో లెన్స్ కూడా ఉన్నాయి. సెల్ఫీలు, వీడియో కాల్స్ కోసం ముందువైపు 32 మెగాపిక్సెల్ సెన్సార్ అందించారు. 512 జీబీ వరకు స్టోరేజ్ కూడా ఈ ఫోన్‌లో ఉంది.
కనెక్టివిటీ విషయానికి వస్తే... వైఫై, నావిక్, బ్లూటూత్ వీ5.4, ఎన్ఎఫ్‌సీ, యూఎస్‌బీ టైప్-సీ పోర్టు, జీపీఎస్, ఏ-జీపీఎస్ ఫీచర్లు అందుబాటులో ఉన్నాయి. యాక్సెలరోమీటర్, గైరోస్కోప్, డిస్టెన్స్ సెన్సార్, లైట్ సెన్సార్, ఈ-కంపాస్, ఐఆర్ రిమోట్ కంట్రోల్, లీనియర్ మోటార్లు కూడా అందించారు. ఇన్ డిస్‌ప్లే ఫింగర్ ప్రింట్ సెన్సార్, ఫేస్ అన్‌లాక్ ఫీచర్లు కూడా ఉన్నాయి. దీని బ్యాటరీ సామర్థ్యం 4800 ఎంఏహెచ్ కాగా, 80W ఫాస్ట్ ఛార్జింగ్‌ను కూడా సపోర్ట్ చేయనుంది. దీని మందం 0.79 సెంటీమీటర్లు కాగా, బరువు 198 గ్రాములుగా ఉంది.
ఎలక్షన్ ఫాంటసీ గేమ్ ను ఆడండి. 10వేల రూపాయల విలువైన గాడ్జెట్లు పొందండి. *T&C Apply
Also Read: రూ.15 వేలలోపు ది బెస్ట్ 5జీ ఫోన్ కొనాలనుకుంటున్నారా? అయితే ఈ టాప్ మొబైల్స్ లిస్ట్ మీకోసమే!